剛過去的星期日，是朋友Irene ＆ Joe結婚大日子，兩人也是ABC，講英語流利過廣東話，偏偏愛中國特式，婚宴派對主題設定「懷舊上海Style」，地點淺水灣酒店。
派帖當日見到設定懷舊dress
code，朋友們O晒嘴，七嘴八舌討論究竟點至為之「上海Style」呢？笑言是電視劇《名門望族》幾位太太look，江美儀色誘劉松仁的魚網絲襪熱咖啡look、楊怡窄身長衫披狐狸毛look……？
朋友們對參加呢次婚宴都非常期待，因為齊集玩得之人嘛，預計狂歡一晚！
我於朋友婚宴日前幾天至密謀搵衫，其中一位女性朋友到訪「上海灘」，可惜揀中的over$2,500 budget，結果放棄。
我就即刻聯想到著名本地時裝設計師靚女Ranee K，她設計富有中國特式元素的時裝手到拿來，兼具型格及時代感就係我心目中選擇，與店員Connie預約時間便前往……
Ranee K 地址在中環鴨巴甸街25 號(2108 4068)，可以即買現貨或度身訂造。
位置近著名牛腩粉「九記」，我到訪完即去食埋濃湯牛河！
呢條裙店員 Connie覺得好襯我，size都難得good fit似度身訂造，
不過我唔鍾意combine黑色呢！
至特別是露背設計，從背面看似是小斗篷。
再試另一條，是小企領旗袍mix 牛仔布綴邊，露單肩設計相當 eye catching，
本來我想扑鎚呢條，但下半身大了一個碼，兩日改唔切！
到試另一條，紅黑白撞色幾時尚，入膊設計show到骨感；
不過長度唔like，原本是過埋膝頭，我唔夠高carry會好娘(相中是胡亂摺住先)！
背面大露背，但驚當日天氣凍，而且腰對落大咗兩個碼，太鬆！
試了3條，各具特式，可惜最後揀中的卻趕不及修窄，只好放棄！
俾個心理準備大家，由名師設計，以上一條裙約售三千元。
------
隨即趕往尖沙嘴，感激 aiaius bridal fashion 設計師 Alan 及 Cindy再一次仗義幫我......
大家對呢條裙有印象嘛？是我5月去慧妍雅集慈善晚宴穿著的 cocktail dress，
出自 aiaius bridal fashion 設計師 Alan 及 Cindy手筆。超like！！
店內原本放置洪天明與周家蔚 Big Day，華麗型格兼備的婚紗晚裝已經無再 display出嚟，換晒新設計，我鍾意淺粉色魚尾剪裁嗰條，shape靚又優雅。
Bingo......呢條裙中晒懷舊style主題，see through入膊設計勁靚，
蝙蝠lace袖好優雅，白色令面絹布好grand，係你喇！
店員 Carly非常親切有禮超helpful，竟然話修窄好簡單，妳聽日嚟攞啦！
Yeah，結果朋友Irene ＆ Joe結婚大日子，我有呢條咁靚又貼題嘅裙赴宴！
---
我仲出動新買披肩款西裝褸＋星級化妝及髮型師，結果係點？
當日盛會明天再同大家分享。
aiaius bridal fashion
店內有衆多款式可選，甚至構思至度身訂造，設計師 Alan 及 Cindy也是手到拿來。
***說是Yoko’s blog readers會有特別款待及優惠啊！(價錢請自行查詢)
【尖沙咀金巴利街1B號恒港中心16／F 2381 9981】
————————————————————————————————
本週《MORE》專欄精采內容：
無敵粉底膏 爛面救星vs嬰肌塑造
我會同大家披露兩款無敵優質粉底膏，一款是遮瑕度十級強勁，塗抹後爛面都無人知；另一款是較傳統BB霜妝效尤勝，輕易塑造嬰兒般嫩肌。
詳情請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。