現場有我做guest speaker仲有Dr. Leung，同大家分享咗好多醫學美容知識，有幸被挑選試做多部最新儀器的你們，仲即刻靚咗半邊面(另外嗰半邊點算呢....哈哈)，本來兩個鐘的聚會結果延至三個鐘，確是非常開心的週末節目。
記得當時大家圍我狂問肌膚問題，耐何現場太多事情要兼顧，未能詳盡解釋，今日想補充其中幾位讀者提及有關護眼的：
Q：「想知有咩眼霜真係好用呢？」
Q：「上次買咗Glycel eye gel(因為你嘅blog買一送一)，覺得都幾好用，但依家好似唔夠潤。」
何謂好用眼霜？
關乎你眼部有咩問題，缺水、皺紋、鬆弛、色素、水腫......大家須要唔同、價錢更加係大前題。
天氣開始轉涼及乾燥，eye gel 就會唔夠保水力喇，建議改用質地較滋潤的 eye cream。
天氣開始轉涼及乾燥，eye gel 就會唔夠保水力喇，建議改用質地較滋潤的 eye cream。
最近，我覺得La Prairie White Caviar Illuminating Eye Serum白魚子眼部精華好好用吖，之不過......
早前去 Bali 我連用佢5日，已經 feel 到真係發揮小宇宙，有美白兼滋潤作用，改善到眼周暗啞、乾爭爭情況，但係標價成二千幾銀／15m l (我都係用tester咋)，唔係人人捨得及有能力花費，所以不在我詳講之列。
Any other choice？當然有啦！
我會推介兩款，高低價格、不同功效，大家自己對號入座吧！
Age 30＋推介
GUERLAIN Abeille Royale 殿級蜂皇嫩肌緊緻眼霜 $800/15ml
這眼霜是幾個月前推出，我已經用咗一半 (若然質地唔討好兼無乜成效，我晨早送咗俾人啦，仲試乜鬼吖，哈哈！)
先簡介主打成效：濃縮蜂皇精華有乜用？唔知大家有無飲過蜂皇漿呢，有滋潤美肌、抗衰老功效，我每逢轉季入冬都會飲番一個月；外塗具蜂皇精華的護膚品，道理相若，大前提是提供十足滋潤營養，修補衰老肌膚的「微撕裂」---即係蛋白纖維和彈性纖維受損致肌膚出現隙縫紋理；透過刺激細胞修復及拉緊底層蛋白質，可幫助改善皺紋和皮膚鬆弛，提升緊緻度。
適合對象：眼周極缺水肌膚、受乾紋皺紋困擾、下垂鬆弛、表層肌膚粗糙，通通都係衰老徵狀囉，作為持續修護最啱。
質地好滑易推，微微黏稠，於眼周肌膚表面形成一層啞緻的隱形薄膜，不油膩不會促成油脂粒，只須用少量keep到長時間滋潤感。
妝前用都唔錯，方法有二：
作為打底霜外，可以加少量混合遮瑕液，才以拍打方式塗在眼底，其黏稠質感可以減輕乾紋，最緊要無起擦紙膠粒嘅情況。
這眼霜價錢屬中上，無計啦，肌膚衰老須花錢打救；明天推介另一款抵買for age below 30 之選，待續......
————————————————————————————————————————
本週《MORE》專欄精采內容：
讓肌膚大快朵颐的燕窩魚子餐
入秋又是進補的好時機，燕窩、魚子食材滋補又養顏，有誰不愛吃？！近代醫學界也力證它們多種功效，如何厚敷上面供給肌膚每個毛孔盡情的吃掉？詳情請留意今期《MORE》雜誌內我的專欄。facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。