豪宅3千呎，廚房都2百呎，實在太令人羨慕了......
塞滿廿人共煮都無問題啦！
仲搞笑係扮肥媽節目打開人雪櫃，睇吓有咩啱煮，除咗自備花膠BB，
我仲為朋友們「搶劫」咗Miffy家中的花膠公公加料，大家興奮到不得了呀！
由於並非天生廚神，在Potluck中最能發揮我所長的，一定是甜品！
再者，其他參加者多數係「業餘廚神」，大多需要比原定時間更長時間預備一道菜式，所以我寧願作一些三扒兩撥就可以完成，仲要可以用「美顏」突圍而出的甜品，留番多D廚房時間比其他人努力啦！
於我而言，就算簡單如甜品，我都希望將它功能化，最好有美顏食療作用，例如今次教大家製作的「杏汁花膠雪耳茶」......
有咩好處？
雪耳有「平民燕窩」之稱，含有黏多糖及17種有益氨基酸，有嫩膚、祛斑、美白效果；
杏仁可以健腸整胃，幫助排便，從而減少暗粒及毒素積聚在體內；更具美白肌膚效用。
至於花膠的好處，我已講了多遍，是含豐富蛋白質及骨膠原，有滋陰養顏、提介皮膚彈性、增加骨節韌度，及加速傷口癒合。
「杏汁花膠雪耳茶」
材料：
去衣南杏 --- 半斤 $45（目前市價約$90/斤）
漳州丙耳 --- 半兩 $7.5，約3-4顆（目前市價約$15/兩）
扎膠片 --- 3隻 $90（用約$1,300/斤的扎膠片即可，如想口感更佳，可選高一級較大隻的、約$2,000/斤）
冰糖---方糖尺碼約7粒 $5
以上為12人份量 (我當日煮俾全部朋友食啊！)
材料很簡單，價錢亦便宜，所費功夫亦無幾，而我最著重是加極少冰糖的！
只要大家親手煮過一次，就會發覺如果要做到如甜品店的甜度，你需要的冰糖數量可能要半斤，怕怕了！
於我而言，這樣實在太不健康了，我崇尚自家製的健康價值，我情願品嚐杏汁的清香、花膠的口感及雪耳的咬勁，淡一點又何干呢！如果你真的不習慣，可按自己所喜歡邊煮邊加入冰糖調味。
做法：
1. 浸發花膠，可參考舊文：辦年貨攻略（下）
2. 同時間用暖水浸雪耳約15分鐘。要留意一粒乾丙耳可以發得好大好多，
如發覺過量，可以留起下次備用。發完後再用清水過淨，用手剝細便可。
3. 製作鮮杏汁過程較複習。先將杏仁洗淨，放暖水浸30分鐘使之軟化。
之後連水再用攪伴機攪成糊狀，完成後要再用罩籬隔渣(否則入口會有好多細砂似的)；如果你家中的攪伴機夠勁，磨出來夠幼滑的話，又或是設有隔渣功能的，就可以免去人手隔渣這一步驟。
4. 將已打磨杏汁、切段花膠、雪耳碎一同放入，大火煲滾轉中火(太稠可加入熱水)，塗逐少加入冰糖試味，煲10分鐘便可享用。喜愛蛋白的滑溜口感，可於熄火前一分鐘加入拌勻便可。
Yoko「杏汁花膠雪耳茶」
完成喇！好滋補養顏，大家睇相都知足料頂呱呱啦！
————————————————————————————————————————————-
本週《MORE》專欄精采內容：
星級排毒痩身法 風靡台日「岩盤浴」
風靡台日的「岩盤浴」，此健康瘦身養身理念已捲吹至香港，更備受一眾artist追捧！話說有一次，我在享受「岩盤浴」的時候，推門探頭向我微笑的竟然是天后Sammi及車婉婉啊，全身只披著毛巾的我既驚且喜！想知更多？詳情請留意今期《MORE》雜誌內我的專欄。
.jpg)
+-+%E8%A4%87%E8%A3%BD.JPG)
