大家都有網上購物習慣嗎？
我當然有啦！在blog上曾與同大家分享的計有--- 訂購 MyLuxbox美容盒子、ASOS 時裝配飾、Enita 有機護膚品、甚至是生蠔凍蟹添……今日，終於同大家分享埋呢個 luxury 網站，它有無比吸引力誘使我經常到訪兼奉上金錢，皆因是專賣女士們為之瘋狂的「包包」。
其實，近年間我已經收斂了很多......說的是購物慾，回想以前做時裝編輯，因借衫工作、新貨預覧、時裝表演，花花世界誘惑實在太大，加上人馬座大花筒性格，結果每逢換季捐贈的衫裙鞋多得要用好幾個紅白藍袋盛載！
人大了，現在我會實行精明消費模式，衫鞋 re-sell value 太低，還是智選名牌手袋及手錶更有意義，大前提是過萬元起的要有保值能力，萬元以下則只限間中獎勵自己的禮物。預告我心目中的 dream bag 將於7月到手，是我人生中至貴的包包、卻又非常保值甚至具瘋狂炒賣能力，屆時會在 blog 上分享故事及喜悅啊！
好喇！先帶大家睇吓以下呢個購物網站，就知點解咁吸引，務必踢大家入會呀！
呢個係時尚名牌購物網，專搜羅各大名牌手袋配飾，包括Prada、GUCCI、 Miu Miu、YSL、CELINE、Marc Jacobs、Vintage Chanel、BV、See by Chloe、LOEWE等，或者你會諗：香港名店好似便利店周圍都有，使乜網購呢？梗有原因啦！最大吸引力咪就係折扣囉：
以 Prada、Miu Miu、CELINE為例，約是 10-15% off；Coach 甚至多達 20-30% off。
另外，仲有估佢唔到驚喜--- 每日中午12黠有限時優惠俾會員(上網免費登記就可以)，特定手袋比專門店平一千至三千蚊啊！手快有手慢無，犧牲食lunch時間都要昅實有咩jetso！
大家可能又會諗：有無咁大只蛤乸随街跳？懷疑貨品熟真熟假？
我都有咁猜疑過，所以揾料引證。原來REEBONZ已經有3年歴史，是新加坡base，來港約只有一年，仍然算係新興網站(所以好嘢要話俾大家知)，所有名牌手袋都係新加坡 buyer特意往歐洲及美國等地挑選搜攞，因為只限網購，無須捱貴租，咪可以將折扣益用家囉！
圖示：新加坡 REEBONZ 出位宣傳法--
我曾經在 REEBONZ.com 買咗個 Vintage Chanel，然後專登拎去 Chanel 專門店話想修理條孭帶，實情係想引證真偽；自問是名牌手袋專家，以前經常做稿教人分真偽，但vintage真的不在行啊！結果專門店check code後確認可寄回法國修理，果然珍珠都無咁真呀！
大家務必留意front page右上角「特賣會」，
定期click入睇實各大品牌包包優惠價，至筍低至3折啊！
除咗手袋仲有少量飾物可選，今季時興金色同埋粗線條bangle，
左一嗰隻YSL手鈪就係我心水款式，
可惜無紅色吖，有紅色嗰款又太幼喇！
呢個網站有如股票網，要時刻睇實，除咗因為飄忽無定時有discount，亦係因為唔想錯失擁有心頭好機會，front page有upcoming新貨列陣，標明品牌、款式、到期日，真係要眼利跟到實！
又以我自己經驗為例，曾經想買BV的最大size hobo bag，指定 shocking pink，當見到REEBONZ.com 有售，標價仲竟然約等同專門店的八五折，可惜袋則寫上"sold out"，好心傷呀！
CELINE Boston Bag 特別款式在專門店 waiting list 大排長龍，REEBONZ 都竟然曾經有售，仲絕無炒價，我知道嘅時候已經俾人掃晒(黑白色嗰款)，只有嘆句：「執輸，太遲了！」
於我自己而言，覺得網站內嘅 Vintage Chanel 最吸引，訂價大部份唔使一萬蚊個，之但係.....可遇不可求，因為間唔中至有貨擺上網呢！
購物免運費兼有得分期，啱晒精打細算一族！
呢個 CELINE Boston Tote係我兩個月前在 REEBONZ .com買嘅戰利品，
雖然無最like嘅黑白色，但墨綠×黑勝在襟污漕吖！
由落 order 至送到府上只須三日，快靚正！
好彩買到已經巴閉，比專門店仲要平咗$500 (HK$16,069)，yeah！
支持我blog嘅讀者又有著數喇！
今次激D，玩遊戲送名牌銀包呀！
有禮送：DIOR銀包一個，價值$5,700！
Christian Dior Lady Dior Patent Leather Short Wallet
Yoko blog readers想獲得以上禮物，請即根據以下指示，幸運兒一位，可能就係你，即刻參加啦！
Step 1
請到REEBONZ 網站免費登記成為會員：
Step 2
***由我揀選答得最好的一位，可獲贈這份矜貴禮物---DIOR銀包 $5,700，截至日期為4月7日晚上10時正。
得獎者將於我 Facebook 內公布，敬請留意。
———————————————————————————————————————————————
本週《MORE》專欄精采內容：
近幾年間，有一種科技被美容界廣泛大肆宣揚，恰似沒有加入這技術就塗甚麼也是枉然似的，
謎底揭曉，那就是「納米科技」，那麼誰是神級納米護膚品？詳情請留意今期《MORE》雜誌
內我的專欄。
.png)
.png)
