幫忙減壓---棟篤笑紅人！

俾錢可以笑餐飽？大家願意嗎？

假如真係笑得出，我願意！

小時候，學校買圖書，必買《笑話100則》。

真人發聲棟篤笑，理論上更吸引，實際上好飄忽。假如講者是林海峰，我會打人情牌撲買最貴飛，睇完都覺值得；達Ming係人哋打我人情牌，贊助後希望有人亮相，上次嘅演出我三分一笑得出….可賀，媽咪是樂天派達人，睇完話好好好好喎……媽咪開心我陪睇變得有意義。

噚晚，撐朋友場加上好奇心，去咗中環Soho某pub睇棟篤笑，呢位主角上晒位，睇佢一場show要二至三百，今次是大規模 blogger gathering ，so……free of charge。

講者是誰？巴閉到吹雞幾位好友M即刻應承嚟？

假如有睇TVB節目「星期日檔案」，可能都認得佢，香港土生土長Vivek Mahbubani，印度人講得一口流利Cantonese。
他是2007 年全港中文楝篤笑大賽冠軍人馬，於2008年更贏得全港英文楝篤笑大賽冠軍殊榮，若然他朝一日紅館開處男騷，我定必拉隊撐場。

2009年在九展搞「乜差咁好笑」。

紅人 Vivek Mahbubani 搞笑細胞點樣感染大家？
由於現場容許錄影，我只好盡我所能用文字演繹某幾個笑位。

Vivek Mahbubani 笑料分享----

返學校年代英語老師最鍾意問silly question：「Where is the nearest bus stop？」我會沒好氣的揮動手指回答：「There」

老師即帶點怒意謂：「Please answer in complete sentences. 」

我高聲答道：「There fullstop(完結英文符號) 」

與女性朋友初次dating，她為人很怕醜，當日大家一齊搭地鐵，車廂好迫，但佢點都唔肯捉住我手臂，只係用手指抓實我手毛，每搖一下痛到入心，還要 keep smile。

我到入境處辦理回鄉證，留意到玻璃窗櫃位專員瞄一瞄我，在擴音咪前想開口讀我個名叫我拎證，「ve…ve…ve..唉！」好明顯係唔識讀我個名啦，我見到佢隨即走咗去問上司，跟住該上司走在咪前看著證件謂：「v….v…..ke……唉.. 喬寶寶拎證啦，唔該！」

現場夾雜Vivek Mahbubani 的語氣、眼神、body language，好笑度梗唔止咁啦！想睇show？7月尾就有喇。(見poster)


大家想減壓，不妨免費重溫他上年棟篤笑之精華片段：
(請飛走14秒，即入戲肉。)

——————————————————————————————————————————————————

本週《MORE》專欄精采內容：

最新減肥奇聞（上） 四川秘傳穴位拔罐減肥

此減肥法規條多多，仍吸引到產後的唐寧、某知名藝能經理人及星級主播都已經親身試過，欲知詳情，敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com

意圖欺騙你的味覺，等你以為好好味呀！

港土茶記是著名私房菜廚師徐蒝所主理的港式茶餐廳，標榜以最新新鮮的材料、不含味精、沒有基因改造食材，以及用有機材料去泡製食物的一間茶餐廳。

挾著名廚的名氣，港土茶記一開就有大量傳媒大編幅捧場介紹，令我覺得應該是花了心機的誠意餐廳。

然而寄望愈大，失望也愈大，除了餐廳的設計包裝令我非常滿意之外，食品方面，實在有極大進步空間。

第一道菜叫「犀飛利叉燒」，有幾犀利？犀利在個名係音譯法文「sous vide」，解做低溫慢煮，每件叉燒都以十二小時低溫慢煮方式烹調，低溫即係唔多熱啦，燒味唔熱都唔緊要，只要白飯夠熱都可以翻熱舊叉燒，然而最敗筆係白飯都係低溫！白飯唔使犀利，夠熱已經足夠。說實話，慢煮叉燒令到肉質好鬆輕但冇咬口，睇過《食神》都知，失敗。

牛腩煲係今個星期新menu追加的食物，menu上只寫上「牛腩腐竹」四個字，到待應上菜時，腐竹不見了，變晒做蘿蔔。我係為了腐竹而點呢味菜，冇晒腐竹夾硬轉做蘿蔔都冇問題，但待應基本上要先通知我吧？好彩蘿蔔有揀過，冇渣，唔失敗。

鹽焗雞最大特點係雞肉好似紙咁薄，或者應該係比面油紙更薄，揀雞揀到皮下冇雞油，的確唔錯。而根據menu的簡約原則，呢味鹽焗雞個名可以再改得再簡單D，叫「鹹雞」就得，咁你明有幾好味啦。 

本來我執筆時都怕，怕係咪我口味太奄尖，過份要求對方呢？上openrice.com一睇，又唔係喎，一間新餐廳，話晒由名廚主理，竟然得3笑臉8個OK但12個喊？原來係我諗多了，大家把口係公正的。

——————————————————————————————————————————————————

本週《MORE》專欄精采內容：

最新減肥奇聞（上） 四川秘傳穴位拔罐減肥

此減肥法規條多多，仍吸引到產後的唐寧、某知名藝能經理人及星級主播都已經親身試過，欲知詳情，敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com

醫學美容科技 Vol 2--- 頂級射頻抗老

昨天介紹的至愛---RF去皺王者儀器 Aluma，加入真空吸啜原理，是我常保青春護理。

假如不幸地，皺紋鬆弛地步達嚴峻境界，台灣年過 50 歲的明星們就會高度讚揚 RF 界中鼎鼎有名的 Thermage，直頭當神咁公奉，聲言做一次待兩個月後，如老虎狗的下垂臉皮，叮一聲緊過繃行的橡根！

外型好唔 cyber，後識郁嘅郵筒！

雖然 Thermage 使用最原始的單極射頻原理，它卻是首個獲得美國 FDA approved 的 RF儀器，早在 2002年11月已經被認證，奠定在RF機界享負盛名的原因之一。
單極射頻（mono polar RF）的原理是什麼？

「機頭」只屬其中一個電極，用家必須在身體皮膚貼上一片「導電貼」，當機頭接觸皮膚後，身體和導電貼三者形成一個電流循環，使電磁波直達機頭所接觸的肌膚真皮層，Thermage 能量強勁可直達真皮層 2.4mm，刺激分泌更多新的膠原質。
過程中若與別人接觸，便有機會觸電，這是單極射頻存在的危險性。

左至右：供面、眼、身體專用的機頭。

Thermage 大有來頭兼有銜頭，做一次聲稱緊緻除皺效果可維持達兩年之久；然而，療程的收費至少港幣兩萬五千元以上。以我所知，每次所用的機頭成本昂貴，如單單供面部一次用的600下機頭挨近五位數字，還有醫生診金及用神打足個半小時的費用呢，以及機價與燈油火蠟等等。

假如有一日生B後，我必定無悔貴一貴都靠 Thermage 擊退妊娠紋，(圖示為療程後的 6個月)

年紀大的做 Thermage 才見效！否則奉勸慳番 D 錢啦！(圖示療程後的 15個月)

卻曾經有皮膚科醫生跟我說，Thermage 的成功率只是五十五十！或者是他形容得太誇張，以我身邊人例證，未夠 40 歲做真係效果唔多顯著，年紀愈大、平常缺乏保養的則會一下子驚為天人！

上年 10 月我都試咗 Thermage 呀！

我在上年底亦曾經被《more》邀請，擔任專家測試當時最新的第三代 Thermage III CPT，親身感受其實際功力。
當時我主力做面部，及將部份下數讓給脆弱的眼底。
而我事後的最大感想，和其他曾經做過 Thermage 的朋友一樣，他們話似被煙頭燙，我幸運一點，第三代標榜無痛，因為機頭同步輸出震動(干擾官感神經)，結果 600 下當中約有 20 下似被幾支煙頭一齊燙落皮膚度，激痛呀！

幸而完成後微紅在一小時後已經全消。

結果效果係點？醫生面診時已經話我唔係一位好嘅測試者，皆因皮唔鬆，結果完成後三個月skin test check 到膠原質大大提升，原來內在有 improvement，只是外在唔多覺眼啫！

——————————————————————————————————————————————————

本週《MORE》專欄精采內容：

最新減肥奇聞（上） 四川秘傳穴位拔罐減肥

此減肥法規條多多，仍吸引到產後的唐寧、某知名藝能經理人及星級主播都已經親身試過，欲知詳情，敬請留意今期《MORE》雜誌內我的專欄。微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com

醫學美容科技 Vol 1--- 射頻去皺王者

「射頻真是一項偉大發明！」全港某某最多皮膚科證書的醫生對我這樣說。

Really？他將彩光玩到出神入化境界竟然都會咁講？！

我自己做咗射頻已經有多年，也推介不少朋友當作 forever young facial，深明拯救和預防衰老大敵---皮膚鬆弛和皺紋成效顯著，所以絕對認同 Dr 所言。

射頻技術如何去皺回春？

通過電波高頻進入皮下組織產生熱能，當溫度達到攝氏六十八至七十二度零介點，膠原質立即收縮，同時刺激真皮層分泌更多的新的膠原質來填補收縮和流失的空缺，從而再次托起皮膚的支架，恢復皮膚彈性，使皺紋消失，緊緻度也大大提高，也就解釋瘦面效果的由來。

然而，射頻泛濫了！

坊間美容院基本上梗有一部射頻機坐鎮，相信有八成愛美一族臉部亦曾接觸過此技術，但點揀機種相信大家就唔多知喇！

射頻療程收費有平有貴，別以為純粹歸咎做生意海鮮價，實情機種質素是大前提，美容成效也就天淵之別！

射頻王者---Aluma

當中最得我歡心是來自美國的 Aluma ，更獲 FDA 認證用作治療皺紋、CE 認證安全。幾十萬元身價，雖則非嶄新上場型號，來港多年仍大有作為，是射頻機中阿哥級。

也許大家會對它陌生，因為投資這部儀器銀碼確實唔少，即使具療效市場上亦唔多；幸而，有相熟的 medic center 給我這機優惠價保青春唷！

Aluma 真空定位射頻技術叻在定位精準，一吸一綴才輸出能量，集中改善肌膚老化問題，所以成效較一般射頻機高幾班，而雙極射頻技術安全度亦勝一籌。

Aluma 在台灣被號稱「真空電波拉皮」，對比下，Thermage 電波拉皮一次索價約 3 萬元，Aluma 可以說是變奏版，以可接受價恪逐步挽救鬆弛的皮膚和皺紋，也就是預防衰老聖手，基本上任何部位也可應付，面眼頸、手臂、臀部、胸部、腹部……而我最buy是連上眼皮也可做，對於眼皮下垂問題是難得的好幫手，要知道一般的光學儀器不宜近眼，強光直接照射眼球會破壞視網膜，但 Aluma 的真空定位射頻技術，可吸綴皮膚才輸出熱能，相對安全又有效。

至於大家最怕的鬆弛雙下巴，這技術能針對性治療，令肌肉緊緻，輪廓線條更 shape。

Aluma 有大細機頭配件，內藏導電金屬片，對應不同部位，被證實等同有手術拉皮效果，真性(深層)及假性(淺層)皺紋都可對付啊。

大家可放心過程完全無痛，非創傷性不會損傷，每下的吸綴動作似為肌肉做運動，輸出射頻時只會有微暖感覺，若然淋巴不暢通部位，被機頭夾後，可能會有似刮沙微紅痕，過兩三天便會散。

***建議三星期一次，作為維持肌膚年輕狀態治療師。

—————————————————————————-

本週《MORE》專欄精采內容：

最新減肥奇聞（上）  四川秘傳穴位拔罐減肥

此減肥法規條多多，仍吸引到產後的唐寧、某知名藝能經理人及星級主播都已經親身試過，欲知詳情，敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com

星期六減肥話題預告！

七一長假 long weekend，本來又是我個 blog 的例休日，不過今日都想發表一篇 blog，因為想預告今個星期六晚上八點半，TVB J2台的《姊妹淘》，又有我的踪影喇，而今次亦係《姊妹淘》的最後一集，咁好睇嘅節目相信好快會載譽歸來，而壓軸話題就是講姊妹們最最最關注嘅減肥呀！
敬請大家多多支持，不妨到TVB討論區給予意見及鼓勵唷 http://forum.tvb.com/viewforum.php?f=546

而老公一早安排好今個星期六晚飯的地方，就是我至愛的飯堂「名人坊」，同大廚兼老闆富哥預訂咗「花雕飛天雞」，同我爸爸媽咪最鍾意食嘅炸乳鴿，邊食飯邊睇電視，又是一日不錯的樂聚天倫活動。

我卓號「喪食唔肥」，若然大家有睇開我嘅食評及見過我真人，被邀成為 keep fit 專家，極具說服力呢！今次在電視節目上講減肥，話題被指明要是從較天然及健康的方法入手，除了會指出古怪偏方外，也正是日常生活應注意的細節，崇尚天然減肥法的讀者，或常常呈現減肥念頭的你，不妨向今集嘉賓們所介紹的內容借鏡。

講開減肥，我將會在《MORE》雜誌專欄內一連數期講些非常特別、甚至聞所未聞的減肥方法，勢成熱潮，由下星期一起開始，大家真要密切留意啊！

而網誌方面，我正籌備一個新的系列文章，只要等我整理好些資料，就可以面世，當然，這些都是同減肥護膚美容有關的啦！

—————————————————————————-

本週《MORE》專欄精采內容：

媲美Botox 熨平皺紋瘦面facial

做facial竟可有如注射Botox去皺瘦面的療效？

這個媲美Botox的瘦面facial叫「時光逆轉療程」，過程無需靠任何科技儀器，全憑外塗產品及技師妙手，就可以守護年輕外貌，真殊不簡單啊！敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/