2011年4月19日星期二

瑞士冰川石降温抗衰老!

中醫謂天時暑熱濕熱成毒,皮膚容易變差,會引起種種皮膚病,例如濕疹,或血毒引致的皮膚痕癢,為肌膚降溫也就是解救方法之一。
繼早前試了新玩意「負10度冰極」儀器護理,皮膚即時滑咗仲肯 clam down 唔扭計,我隨即戀上這種超爽寒意!

昨天,我又有嶄新玩意,就是去 Dermagram 體驗推出只有一星期、以神奇「冰川石」為骨幹的 face treatment,以另類方法為燥底面部極速紓緩降溫;大家別以為大自然力量鬥不過科技呢,實情舒緩程度有過之而無不及,起碼唔會好似上次咁凍到牙齒都痺埋吖!

甚麼是「冰川石」?
解構:蘊藏於瑞士冰川河內的冰川石,浸於冰川水中已有數百年歷史,吸收了水中豐富的礦物質及微量元素,經過獨特的消毒程序,成為護膚珍貴素材。其天然冰涼的感覺只需配合獨特的按摩技巧,就可有效促進微循環,帶動血液與氧分流通。

Dermagram  瑞士冰川石紓緩緊致護理 
Step 1:卸妝及潔面後,塗上溫和去角質霜(是全天然植物絕不刺激),並配合熱蒸氣幫助軟化角質層,及帶走毛孔內油脂污垢。比起一般乾敷,出來效果確實特別潔淨。
Step 2:全面塗上營養霜,配方是純草本植物,質感極緻滑溜,原來是往後按摩動作專用,氣味討好且很滋潤 (本想買回家當1分鐘按面霜,可惜原來只設美容院裝) 。
Step 3:Cool!當冰川石遇上冰水,就可發揮美顏緊緻神奇功效。
主菜就是以冰川石人手按面,除了讓肌膚感受到冰涼暢快紓緩感,主要功效是讓血管收縮,從而降紅和鎮靜敏感,幫助收細毛孔;配合 Dermagram特別為這冰川石研究出來的一套按摩手法,以中力度將冰川石由淋巴位帶動滑行,目標去水腫修面型。
過程中,冰川石在面上滑行會吸走肌膚熱氣,觸感變得冰涼,而已暖和的石會不停轉換冰冷的。美容師關心問我會否感到太凍不舒服? 我回答是:「爽!非常暢快至真!暑氣全消呀!」
可惜的是曾有客人反映用冰川石推按頸部,會太冷不舒服,結果方案是:呢一part被删掉;我強力建議加番,感覺因人而異嘛,既然護理能緊緻面部,那麼雙下巴與頸部鬆弛豈可坐視不理
呢?!

Step 4:先塗上Dermagram王牌產品「28天撫紋緊緻安瓶」,原先分1、2号階段式補充營養,護理時則會混合發揮雙效,再配合無針破壁導入儀,透過無創電穿孔技術打開細胞 200,000 的微細管道,有效將活性成分直接注入細胞內。今次抵讃,面及頸部都兼顧到。

Step 5:最後以紓敏水潤面膜打底,並倒模加以封鎖營養。平時敷 mask 之時我九成瞓唔著,此時竟然有肩頸按摩附送,確是最佳組合享受。

中醫有研究力證為皮膚解暑降溫可抗衰老,原來底層熱便毒,隨之惡果是破壞膠原蛋白、彈性纖維,乾紋、鬆弛浮現,即係肌膚老化表現。
已經步入炎夏,大家除咗試以上冰涼facial,在家緊記每次洗面最後必定要用極冷水過冷河,可力保年輕彈性膚質!

為大家爭取了獨家超筍優惠:
Dermagram  瑞士冰川石紓緩緊致護理   原價 $980 /100mins
獨家優惠價 $168 /100mins
***預約時請說明是 Yoko's Blog readers 以供核實
**優惠期至2011年5月31日止
**只限新客戶
如有任何爭議,Dermagram 保留最終優惠之決定權。

Dermagram Beauty Centre 
銅鑼灣景隆街2號1樓 (Sogo後面)      2838 1986
旺角新世紀廣場2樓235店                2318 0968
屯門市廣場1期1樓1031-1032店        2404 0630
屯門栢麗廣場19樓1905-06室           2441 1818
———————————————————————————————————–
本週《MORE》專欄精采內容:


法式滅斑換出新肌


色斑種類繁多,邊種至係惡搞色斑王?答案是荷爾蒙斑,若然有方法搞掂佢,豈不是其他色斑家族都可以清除?敬請留意今期《MORE》雜誌內我的專欄。



2011年4月18日星期一

再遇流浮山「海鮮皇者」

由於瘋狂愛上食海鮮!一切與海鮮有關的人、事、物,我都一定會想盡辦法結緣。
一直以嚟,我認為在海鮮上最偉大的成就,就係識到「海鮮皇者」培哥!培哥稱霸流浮山,幫襯佢的名人不計其數,要知道做得名人,口味必定刁鑽過人,搵海鮮都與別不同,培哥都一一搞得妥妥當當,所以贏得「海鮮皇者」稱號。
我結婚當晚的table list,都直頭寫「海鮮皇者」四個字,當晚不知幾多人向我查問海鮮皇者到底係邊個咁巴閉,目的梗係想結識歎番餐啦!
剛剛過去的星期六,我同好友們又去流浮山探培哥,重點當然係大擦一番啦!


培哥醒大家海鮮格言:「不時不食,咪搵嘢嚟食!」
原來嚟緊呢三個月係最多超正海鮮食的當旺季節,咁就一於再安排多次「為食兵團」!

特別炮製海鮮大餐:
第一味就係阿根庭野生BB象拔蚌刺生,每隻乾水時重約1-1.5磅,約近百中至二百蚊隻,勝在抵食,質感同賣$700斤的加拿大象拔蚌相近,培哥知我未試過,特登搵俾我試。
刺生以厚切方式上碟,原來切得太薄會冇晒咬勁,少少煙韌兼夾爽甜,開一開胃口。
而呢味BB蚌仲可以兩食,淨低的蚌尾就椒鹽處理,食落口先脆後爽,不過我覺得椒鹽味蓋過蚌的鮮味,同行朋友就認為佐酒一流,可惜我唔飲酒,加上怕煎炸食品,淺嚐only。
來到流浮山,又點可以錯過九節蝦!九節蝦身價貴,而且唔係度度有得賣,想認識九節蝦,就要記住未熟時蝦身呈橙黑橫間。
以往食過的九節蝦都係得尾指咁大,今次升呢食到食指咁大隻,味超爽甜,今次有緣食到咁正九節蝦,真係三生有幸!
椒鹽瀨尿蝦係我唯一會食的椒鹽菜式,亦係我的海鮮favorite!
點知驅車前往時,收到培哥來電,話冇晒大尿蝦,事關泰國海鮮買手放假,全車朋友即時一齊失望到極,搞到培哥氹我哋話細隻一樣咁好食。
點知碟瀨尿蝦一上,咪同平時食開的手臂瀨尿蝦一樣咁大隻,有圖為證,真係唔細隻喎,唔通培哥本來準備的係「小腿瀨尿蝦」?
記得一年前,是我第一次品嚐游水煎封方利,形容歌曲好聽會用「繞樑三日」,呢條方利的好味程度就係「繞脷三日」!
今次再encore,一斤重,新鮮游水中,培哥話喺出面食到都隨時被劏成七百銀呀!煎得香脆,肉鮮juicy,不過略嫌鼓油下得重手咗,略鹹,不過愛清淡只係我個人偏好,在場其他人食到手指公豎起晒。
蒸掌心鮑魚!我之前食過掌心咁大隻的鮑魚就在蒲台島,今次再度重溫,培哥已經講明,咁大隻會較難蒸得好食,不過培過叫得做「海鮮皇者」,又邊有海鮮難到佢?今次同樣咁正,軟滑有咬口,用埋刀叉食都得,我一個人擦咗兩隻,呢勻膽固醇實突然急升!
炸生蠔比我上次食的較細隻,因為愈大隻,個蠔身愈creamy,今次同以住一樣,隻炸蠔我都係經「金蟬脫殼」後先食;培哥話要用生菜包至係最佳組合,會冇咁膩,最啱女士們口味!
另一味同樣呈金黄外表的菜式,是炸墨魚餅(呢刻食到太投入竟然忙記影相添!) 這是我曾經在屋企打邊爐時,去培哥的旺角海鮮檔買過,當日打邊爐已經覺得好彈牙超濃墨魚香味,今次改為炸上,又係惹味佐酒小品,呢道菜全枱一致盛讃水準超高班!
上湯龍蝦,其實冇乜好講,因為同平時食開的差唔多;計我話,其實新鮮即撈即劏即煮,就必定肉甜兼彈牙啦!
壓軸仲有鹽焗奄仔蟹,當然食得多係唔可以抗輻射!其實我覺得仲抵食又好食過黃油蟹,超多膏呀,味道甘香,夾雜殼面小少海鹽味道,令鮮味更突出。


今次海鮮宴只係興之所致三日前預約,所以一行只得八人,多謝培哥破例陪我喪食懶理 keep fit成果,還有培嫂陪坐,她下嫁「海鮮皇者」,卻原來不好海鮮......哈哈真愛表現!
連埋其他菜式共食12碟,價錢嘛,以友情價計算,難怪培哥同我講:「同你食飯,我荷包最傷!」
教教大家,食海鮮,愈多人食愈抵食,每枱儲夠十至十二位就最好,人多攤分有著數,可以食多幾款,而且share價錢又抵 D嘛!


假如大家都想試下流浮山海鮮皇者的實力,不妨直接打俾培哥,話係Yoko介紹,一定有特別招呼同優惠!


流浮山小桃園
培哥  電話:9830 2567

———————————————————————————————————–
本週《MORE》專欄精采內容:


法式滅斑換出新肌

色斑種類繁多,邊種至係惡搞色斑王?答案是荷爾蒙斑,若然有方法搞掂佢,豈不是其他色斑家族都可以清除?敬請留意今期《MORE》雜誌內我的專欄。