2011年1月18日星期二

My new Working Bag！

以前買袋至緊要「靚」字行先，即使未載嘢重達5、6、7磅又何干！
依家出街……相機、ipad、一堆化妝品不離身，仲要脚踏3吋high-heels，還是向現實低頭，換番個身輕如燕、價錢平易近人的' working bag '先！

塵袋內載著我的新歡。Bubebu 都急不及待視察！

講真，See by Chloe 唔係我杯茶，今次神推鬼湧俾我巧遇呢個袋，竟然諗都唔使諗即刻「科水」！點解？
第一，真係輕如無物。
第二，點塞都得、容量極多。
第三，俾個免頭迷住。
第四，價錢確實抵到出乎意料之外。
第五，屬2011春夏新款，快買快用。

登登登...就係佢！
實情，我想要嗰個大多一倍嘅size，好可惜黑色已經斷市，check 晒 3 間分店都無喇！
盛惠約 $1,280(細size) ，話晒呢個牌子嘅袋平時起碼賣幾千蚊，我係呢間店嘅 special VIP，折咗之後唔使一千蚊，超開心呀！【twist有售】

Check Details：
之唔係呢個免頭吸引著我囉，是手袋的拉鏈位吊飾，於型格黑色中突然玩 kawaii！
袋面有拉鏈小暗隔，可放置手提電話、八達通，設計方便用家！
品牌名字 See By Chloe刻在漆皮牌上，於手挽帶低調展示。

Others：
仲有兩款sharp color × 波點圖案，又令我聯想到CdG，都幾型吖！吊飾兔頭是白色，display嗰兩隻巳經似有一陣子無沖涼......灰灰的，係就得意D，但唔襟污糟呢！
(兩色皆只得大size，約$1,650) 【twist有售】

講到手袋用上nylon  matertal，當然非新鮮事，但熱潮真的一浪接一浪，所以話夠輕身、實用性，始終大有market！品牌追溯：

Chanel 2009 Fall 由 Lily-allen 手挽 Cocoon手袋系列拍 print ad，與以上嗰款同質料嘅See By Chloe相比，一個袋價錢等於可以買一打袋呀！

YSL 2010 F/W Easy Bag 豹紋手挽袋 約$12,000，又係輕身 nylon 料，我之前都曾經有為佢心動過，依家做緊 on sale，但亦唔平，想諗多陣先！
———————————————————–—————————————
本週《MORE》專欄精采內容： 
全球至新 Keep Fit 儀器
在減肥的世界裏，做少少能夠減多多已經算是可喜可賀，然而做少少減肥機未必可以減多多脂肪，做少少運動就減多多脂肪就係今期專欄的主角：imoove！想知呢部全球最新的fitness club新寵兒點樣大減脂肪，就要留意今期《MORE》專欄。
發佈者： Yoko Tsang 於 00:38 0 留言
標籤：

2011年1月17日星期一

我至buy的最強食療 冬蟲夏草！

經常有人向我查問，做機、搽護膚品以外，還有甚麼可保養皮膚的食療，尤其是看到我衆多的食評，身邊朋友也認定我有食療秘方去配合。


對！我的確是有私房的食療程式，但說不上是甚麼秘方，例如最基本的，我從來不煙不酒，已經是打好皮膚基礎的最佳及最容易做到方法；再者，我雖為食（食量也驚人，和我進餐過的人都知），但凡煎炸、油膩食物我一向拒之於外，以減少脂肪積聚和破壞皮膚質素的機會。

以下，就是我追捧已久的健美食療。

我曾在一美容品牌揸fit人Anina何倍倩的美容書《美肌之道》中推介過，每日以花膠配鮮奶以補充骨膠原，增強皮膚彈性。（詳情請重溫：扮靚達人云集！）

而真真正正的最強食療，就是具養生、調理身體之效的冬蟲夏草！因為我一直深信身體好、免疫系統正常，才是最根本的皮膚好法則，從來嚴重的皮膚問題，都是出於荷爾蒙失調或免疫系統發生問題，而冬蟲夏草正是最能增強身體抵抗能力、調節免疫系統的最強選材。而最近天氣嚴冷，大部份女生們包括我，都會出現手冰足冷的情況，原來食冬蟲夏草都可以改善呢個問題，因為體質增強、血氣好嘛！
記得，我媽咪5年前不幸得知患重病，治療過程配合日服用冬蟲夏草協(磨成粉末)，身體康復過程確是有極佳進展，所以即使貴價我都會迫令媽咪現在仍每天進食。而最近身邊3位腹中有喜的朋友，也開始以冬蟲夏草進補呢！


各界都大肆盛讃其療效，難怪近年冬蟲夏草的價格被炒到上天價！只要翻開報紙廣告，就有大量冬蟲夏草的廣告，一般 130-150支的動輒五六千一兩，一兩90支的已經要過萬。我大約在七年前開始有食冬蟲夏草的習慣，當時只是千多二千元一兩（每兩 130-150支），相同級數的冬蟲夏草，昨日報價是 $5,200一兩，誇張！我幫襯開的海味店告訴我，1997年左右，相同級數冬蟲夏草的價格約 $5,200一斤，14 年升值 16倍，比市面上任何投資擁有更高回報！
幸好，我家中還有一批在 09 年中買落的「平貨」，當時買 $3,800一兩，同樣是 130-150支裝，呢批貨已經夠我賺一個 Chanel 手袋！整體而言，這個級數的冬蟲夏草最適合自用進食，太細支的，會出現草多過蟲的情況，食療功效較低，高級的雖然大支，用來送禮非常夠體面，但不合日常食用的經濟。
基本上，冬蟲夏草分草身及蟲身，黑色枯黃的一截是草，金黃色部份是身，優質的冬蟲夏草，蟲身長而草身短，所以你會發現，平的冬蟲夏草一般是草長過蟲。
食用方面，因為我貪方便及相信此方法最能吸收精華，喜愛冬蟲夏草磨成粉末(要找有信譽商店親眼觀賞磨粉過程)。
每天食一小匙羹（大約是茶餐聽奶茶外賣膠羹的大小），不知是否冬蟲夏草極之補，如果將這一小羹粉末放入口，粉末會立即變成漿糊般黐實個口，我通常是先含一啖水再放粉末入口。
如果有時間的話，我會燉冬蟲夏草，同樣，我也是用最懶的方法去燉，用一個一人份量的細燉盅，注滿水，放豬「展」仔，加3支冬蟲夏草，用蒸爐燉兩小時（沒的話可以大火隔水燉兩小時）。講開又講，Miele蒸爐真係非常好用，蒸大閘蟹蒸魚蒸乜都勁得，保持肉汁和減少營養流失也有報告為證！
教大家辨別呃秤貨：蟲身被一分為二，中間插上木枝，甚至是鉛條，奸商為求令重量增加。



———————————————————–—————————————

本週《MORE》專欄精采內容： 









在減肥的世界裏，做少少能夠減多多已經算是可喜可賀，然而做少少減肥機未必可以減多多脂肪，做少少運動就減多多脂肪就係今期專欄的主角：imoove！想知呢部全球最新的fitness club新寵兒點樣大減脂肪，就要留意今期《MORE》專欄。

發佈者： Yoko Tsang 於 01:50 0 留言
標籤：

2011年1月14日星期五

救殘眼篇 (下)

昨天分享了我喜愛的護眼組合療程，留下伏線待今日壓軸分享……一搽眼紋便消失的 magic product！
有咩辦法搞好我對熊貓眼呀？無面見人呀！

大家知唔知面上至難搞嘅紋喺邊度？就係眼底細紋，皆因眼部周圍是全身皮膚最薄弱所在地，老化令膠原蛋白流失、鬆弛下垂，令人看來老十年……勁驚！注射式美容固之然一針見效，如Botox可以針對靜態紋、Restylane可以填補淚溝下陷，然而不想捱痛、冒險之士，莫過於外塗科研產品。

多謝填紋筆！
想細紋、皺紋即刻減淡？做 RF 都走唔甩 5次 course 啦！以下呢支結合化妝護膚功能筆一搽即可退走七成紋，想知咩葫蘆賣咩藥？即睇：
上面嗰支真係寫嘢用的筆，下面嗰支係美容用的填紋筆。正確名稱是Dermagram瞬間填紋啫喱，眼部及全面都用得，眼紋、虎紋、乾紋……. 我唔怕你再嚟搞事喇！($190)


有咩解究可以一搽便撫平紋理？
原來歸功於彈性矽質凝膠成分，先發揮填補下陷坑紋，再於肌膚表層築起彈性薄膜，觸感即時如絲柔滑，更結合修護功能之透明質酸粒子，相信大家都熟識這保濕鎖水大熱成分，水分足咪會令肌膚看來更飽滿，雙劍合壁與紋理作戰。
用法：將啫喱直接塗於紋理皮膚，然後配合指腹熱力輕按幫助吸收。
手腕紋及手掌紋經瞬間填紋啫喱修飾後，有光散射效果，看來明顯減淡，似用咗 soft lens 拍照咁，利害！

呢支啫喱筆幾時用都得：
1)      夜晚護膚的最後程序，重點針對修服紋理；
2)      素顏外出靠佢遮眼紋、虎紋；
3)      化妝前使用，緊記忌貪，只可塗少量，待吸收至上粉，否則會起擦紙膠粒。

我的窩心護眼tips！
經常有人教-塗眼霜後要按摩助吸收，心諗配合指壓按穴還可，若然真係打圈咁按摩必定搞到皮都鬆晒，因為 eye cream 或 eye gel 質地根本唔夠水，點推啫？！
所以我諗咗以下呢個方法，就係用具保濕功效的 soothing water 混合水凝狀眼霜按摩，以加强血液循環-去水腫去暗啞。
用法：將 2份眼霜 ＋ 1份柔膚水混合，以指尖由內眼角向外輕力打圈。
好處：柔膚水可以軟化肌膚、紓敏保濕，更有助加強吸收眼霜內的多效護膚成分。

推介：我至愛的洋甘菊紓敏柔膚水($220/120ml))，已經用緊第2支啦！鍾意質地少少杰，夠保濕；加埋佢哋支皇牌Multi-function eye cream gel($330/20ml)，質地啱晒我呢個DIY按眼法，係霜狀與液體之間，水潤感重，含多重天然植物精華滋養、去浮腫、至buy係四勝肽，因為刺激骨膠原合成有賴佢，即係擊退眼紋救星。

Yoko 's Blog獨家優惠
頭 50名購買任何 Dermagram護 膚品滿$500(不包括特價產品)，即送 magic product 瞬間填紋啫喱價值 $190，咪即係 6 折咁筍囉！
條款細則：
**優惠期至2011年2月28日止
不設電話預留，禮品先到先得，敬請列印這文章作購物優惠根據。
送完即止，Dermagram 保留最終優惠決定權。

以下全線分店都有呢個 offer 呀！
中環港鐵站E13店 (近置地廣場出口)
(電話：2537 2636)
銅鑼灣駱克道地舖 (Sogo後面近景隆街)
(電話：2893 9878)
旺角新世紀廣場2樓235店
(電話：2318 0968)
荷里活廣場2樓279B店
(電話：2955 9386)
屯門市廣場1期1樓1031-1032店
(電話：2404 0630)
———————————————————–—————————————
本週《MORE》專欄精采內容： 
一物多用 變身妙法！ 得一想二，絕不為過！尤其在扮靚這一環，一件護膚品，不一定只得一個用  途，多諗便可多變，創出多功效美肌體驗，一個價錢兩種   享受，切合環保兼慳錢理念！想知我的推介是甚麼？就要留意今期的專欄內容啦！


發佈者： Yoko Tsang 於 03:23 0 留言
標籤：

2011年1月13日星期四

救殘眼篇 (上)

成日有人留言問我點護眼，我真係夠晒經驗做分享，小學時期「多得」天生鼻敏感令眼圈初現，自始知道眼周循環欠佳、該part皮膚特別脆弱缺水，千方百計務求有所改善已「呵尼吉蒂」，我的心得是「搽產品可保養，做機至係維修」！

雖然我經常會去唔同beauty salon試新treatment，但其實有幾間係固定不變，熟落程度似返咗屋企咁，係其中一間，皆因定期探「摩掌技師」鬆筋骨，好多時順便做埋其他treatment，好似velashape瘦腿、意大利或瑞士料保濕facial等，我咁奄尖都會keep住去，因為佢哋肯入貴價儀器同埋只用靚料，最重要價錢唔大咬，所以我身邊幾個女仔friend都一直幫襯，亦放心推介大家。
而我護眼其一方法係定期靠佢哋安全而有效組合療程，做咗大半年有多，雖則唔係新機至緊要work，加埋支神仙精華液導入，真係每次有回報！

挑選機種：
以我實地觀察，較肯投資的美容院都有揀Elso技術的儀器，因為有口碑，分別只是E-style定係E-light型號，Emax要有醫生駐場至可(我間中也在Dr Kenny度做)，四年前至今仍非常盛行，因為效果快引到客源，而且具美國FDA及CE歐盟安全驗證，加埋多位世界著名醫生臨床研究。 
先射頻、再導入、後敷膜
Step 1：射頻＋紅外光
ST - Skin Tightening -  紅外光治療+射頻緊膚


*收緊眼袋
*治療黑眼圈
*減淺皺紋細紋魚尾紋
*提升收緊皮膚


對我來說E light ST治療是很溫和見效的護眼法，每兩星期一次，唔計前潔後敷，嗰15分鐘射頻＋紅外光係黃金修護，舒適、速效，無痛、無損、無紅，唔係吓吓要做到先死而後生至有效嘅！
 先搽泠凍啫喱protect skin減低熱力，過程似橡筋非常輕力輕彈，最正係眼周360度都會顧及，連上眼皮都可以緊緻提升去水腫。
雖則話係eye treatment，但一D都唔慳，用機範圍上至半個額頭、下至面顴骨位，好鬼so！

Step 2：精華導入- 開穴＋超聲波
每次會用一整支新開封的矜貴德國LipoMed眼部專用精華導入修護，咪睇佢細過手指尾，成本要成百蚊，呢支serum去皺滋潤效果好到不得了，含有豐富蛋白質、生長因子，修復受損肌膚，配合科研微脂囊技術，能穿透細胞屏障，加上超聲波導入直達肌底層，做完即刻會見到眼紋淡咗、膚質潤滑晒！效果last足幾日。

留下少量的serum會用嚟按眼部穴位，以暢通氣血，其實我最enjoy始終係人手，去水腫最明顯。

Step 3：敷美白膠原蛋白眼膜
想減淺眼紋，就要增加皮膚彈性，呢片eye mask含純膠原蛋白成分＋美白精華，敷後令乾涸肌膚即時濕潤。

睇埋以下真人臨床實驗！
E-light ST 治療針對性改善鬆弛下垂肌膚組續，，證明5次有很顯著成績，看來後生幾年！

明天再分享…… 一搽眼紋便消失的magic product！


即睇優惠價：
全方位眼部護理- 包括E-Light＋超聲波導入精華＋人手開穴＋膠原蛋白眼膜
Yoko’s Blog readers $380 (療程特惠價$2,500 / 5 次) 
原價$980 / 75mins 

———————————————————–—————————————

本週《MORE》專欄精采內容： 





一物多用 變身妙法！ 得一想二，絕不為過！尤其在扮靚這一環，一件護膚品，不一定只得一個用  途，多諗便可多變，創出多功效美肌體驗，一個價錢兩種   享受，切合環保兼慳錢理念！想知我的推介是甚麼？就要留意今期的專欄內容啦！
發佈者： Yoko Tsang 於 01:07 0 留言
標籤：
訂閱： 文章 (Atom)