雖然，我的讀者都是女性為主，但男讀者正苦惱送甚麼聖誕禮物時，以下這份禮物，應該不會送錯。如果女讀者看到這篇文章，唯有試下有意冇意間將文章閃出，吸收到對方的注意！
今年最佳 / 最渴望 / 最期待 / 最驚喜 的聖誕禮物，Sony KW11自拍神器絕對是我心目中one of the on list items。香水樽型設計，水晶閃石包圍鏡頭，粉色系機身，我以為只是擊中我的個水喜好，直至幾次出席飯局，每一個女性朋友都驚呼：「呢部係相機？點會靚成咁！」我相信沒有女性會不喜歡！
11月尾，我被邀請參加了Sony的「自拍派對」，第一次參加這類型的party，第一次看見百多二百人著到最靚去參加，已經叫我好興奮（大會更準備了10位外籍型男襯托大家瘋狂自拍）！我又點可以輕視呢個派對呢？
能夠自稱「自拍神器」，當然要考一考Sony的自拍功力，走在晚上淺水灣的室外地方，考驗一下夜攝自拍的圖片，就最容易見真章，有料定自視過高？
對焦準、感光度高、能夠將夜攝物的層次準確表達，唔止合格，應該算是高材生。
行番入室內自拍，在充足光線下，當然滿意度更高，滿意是因為在沒有被相機軟件過份修圖下，算是保留了最真的一刻。
有好多人話，自拍仲要用相機？一部電話已經搞掂啦！偏偏我自己係極少用電話自拍，因為我用iPhone，機身實在太薄，薄到怕拎唔穩跌落地，相機就較少這個問題，而且為自拍而設計的KW11，操控上就更加安全添。
另一個好多身邊朋友的問題（我真係少數仍然會用相機自拍的人）：「你影完D相又唔可以即時 share，擺唔切上instagram分享，幾麻煩喎。」呢層真係放一萬個心，可能有好多男性知，但女性未必知，這類自拍相機已經內置即時傳送相片去電話的功能，以KW11為例，下載一個Sony PlayMemories apps，之後打開手機Wifi連接相機後，就可以將相機內的圖片直接save入手機，想將張相點搞都得。
不過單單只是傳送相片，又點會令你滿足？我自己就幾欣賞相機內置的修圖功能，除了美白、撫平肌膚之外，仲有放大眼睛同我覺得好搞笑的瘦面功能！用我自己塊臉測試已經無乜說服力，一定等我個仔接力示範，「方面B」一試就知高下。
由cutie變型男，三兩下功夫搞掂呀！
沒有留言:
發佈留言
注意：只有此網誌的成員可以留言。