黑芝麻對孕婦及BB的好處，在於令順產孕婦生得更容易，以及BB的毛髮變得又黑又濃密。毛髮又黑又濃密這一點我自己有點保留，我喜歡淡黑帶啡的毛髮，但想到自己既然揀了自然分娩，生產順利是我需要注意的事項，所以黑芝麻，當然要食。
最初在購買黑芝麻時，相信大家會同我一樣，就去海味、雜貨鋪買黑芝麻然後自己用攪伴機磨粉就事成，好在相熟海味鋪老闆提一提，黑芝麻本身非常不潔，又要洗又要炒過先可以磨粉，差D以為用$26買一斤黑芝麻就搞掂！
原來係要去專門賣中藥粉的地方先有正宗黑芝麻粉。
本來以為黑芝麻粉應該是粉末狀，點知錯晒，係油淋淋的。因為用純正黑芝麻打粉出來，一定會起油，如果冇油的黑芝麻粉，是摻雜是其他東西去將油份去除，對於孕婦而言，當然是純天然的黑芝麻粉最適合。
買了黑芝麻粉，可以點整呢？
我會用來煮脫脂鮮奶，味道出乎意料地好好好好好味，好似有柯華田味的鮮奶！
這個黑芝麻鮮奶只需一盒脫脂鮮奶加2茶匙黑芝麻粉，用慢火煮熱即成，簡單又方便。
本來不打算介紹給大家的，話晒只是一個孕婦食療。而這個食療，除了幫助順產外，還意外地解決了我在懷孕七個月時的冇胃口問題。當時成日覺得BB頂住個胃，搞到冇乜食慾，但黑芝麻鮮奶有神奇的飽腹感，飲一杯感覺如食飽一餐飯，仲係好好味的「一餐飯」添！
不過，黑芝麻原來有通便作用，可以解決便秘問題，沒有懷孕卻又有便秘問題的話，這個黑芝麻鮮奶就最適合。但我建議你們一星期最多飲兩杯好喇，因為黑芝麻都幾肥膩呀。
halo yoko,
回覆刪除有無聽過自體脂肪去黑眼圈?WORK唔WORK
同埋NU SKIN機,去黑眼圈WORK唔WORK呢?
THX