Yoko Tsang 香港美容及食療專家: 發掘蒸爐的另類用法

2014年12月8日星期一

發掘蒸爐的另類用法

早前好友生日聚會，席間大家看到我的Blog，知道我把舊的Miele蒸爐換成最新型號的蒸爐，於是話題集中在蒸爐身上。幾個好友想買，但不若而同被身邊另一半制止或阻止，除了因為身價過萬而成為力阻原因，最主要是覺得蒸爐同微波爐有何不同？十分一售價的微波爐乜都搞得掂啦，使鬼用蒸爐？

OK！有此諗法，錯晒！

蒸，是最能夠保持食物的新鮮原味，最簡單是示範，將菜芯苗配上切粒梅菜，以100度蒸4分鐘，保證你從未試過這麼爽脆、菜汁豐盈的菜芯苗。比白灼、清炒更能保持菜芯苗的纖維及鮮味，4分鐘的廚藝魔法，一個Miele蒸爐便完成。

當然，一般蒸煮方法如蒸大閘蟹、蒸魚、蒸肉餅、蒸豉椒排骨，在Miele身上絕對冇難度；剛才示範蒸菜芯苗已經是其中破格的烹調。但你有沒有想過，作為新手媽媽，Miele蒸爐用來「蒸奶樽」，你又有沒有想過？

過千圓一個的烚奶器，我有買，過程繁複，所花時間亦不短，這樣等消毒，我覺得極不方便。後來老公一言驚醒：「點解唔用蒸爐烚奶樽？」想深一層，其實原理一樣，於是照辦煮碗，將奶樽奶咀排在在蒸爐內，用100度蒸30分鐘，取出風乾便完成！連我媽咪都話從未試過咁方便去烚奶樽！

另外，我曾經介紹過，我在家中整養生燉湯，一律用蒸爐處理；現在，蒸爐又多一個責任，負責發花膠呀！為了證明蒸爐發花膠絕對貨真價實，我出動家中名貴的5頭廣肚公（市價要三千幾一隻）做示範。

將花膠放在容器內，注入60度水溫的熱水，水位蓋過花膠，放入蒸爐，以60度溫度蒸60分鐘，啟動浸發。（以上時間主要是這個厚度的花膠而設，稍薄的花膠要減少蒸的時間。）

然後由得花膠放在蒸爐內，一晚便完成。如果想用蒸爐汆水辟腥，將花膠放在鐵盤上，鋪上薑片用60度蒸10分鐘便完成。

不過，最令我amazing的不是用蒸爐發花膠，反而是用蒸爐整「溏心溫泉蛋」，簡單到不合邏輯，只需將生雞蛋放入蒸爐，60度蒸30分鐘，剝開蛋殼就規成，蛋白的鮮味和彈性完整保流，破開蛋白後，蛋黃好像帶著豐富營養爆湧出來，像地殼湧出熔岩具生命力。我還輕灑黑松露鹽，使蛋味和松露完美結合，香味縈懷口腔，久久不散！