2012年5月31日星期四

星級消息 LaMer神奇面霜


最近,我推介了很多平靚正心水護膚產品,從大家的留言得知呢類主題係幾咁受歡迎!尤其是超值價18蚊對嘅蝙蝠俠眼膜【重溫請click心水推介醫學品牌平民價Eye mask
,店主告知訂貨情況真係好誇張,email都覆唔切,知道大家咁鍾意我都好開心呀!
之不過,我嘅宗旨係好就會講,唔好都或者會攞出嚟彈,而價錢貴更加一定要物有所值至可以出現喺我blog文內,明燈指引免得令大家嘥錢嘛!

今日想講一個美容界名牌,大家通常一聽到就會有以下反應:「嘩!好貴囉!」Yes,無疑係貴,但又未至於成萬銀一樽面霜,相信很多人還是負擔得來的。
揭曉:LaMer。點解無啦啦講佢?
事緣噚日收到小道消息----公認星級靚仔派張X霖及方X信都是長期用家,他們是真金白銀去專櫃買,而不是免費贊助喎!睇佢兩位膚質就足以證明呢個品牌真係有產品好work,相信大家同我一樣好想知佢哋用乜東東呢?!
呢個就係main point喇!
利益申報,我都係LaMer某些產品追捧者啊!

可以令明星們及大家皮膚keep住青春不老,點可以唔提LaMer皇牌Crème de LaMer,呢樽面霜說來神奇......
是美國太空物理學家 Max Huber 博士因為一次實驗意外導致滿臉疤痕,經過12年之久研發出修復受損皮膚成分,那就是海藻,此藻不同彼藻喎,那是太平洋深海巨藻,一日可以極速生長兩呎,代表擁有極盛再生能力。博士持續使用自己研發的面霜一段一日子後,皮膚得以康復,柔滑了許多,bonus是皺紋及過敏情況減少,皮膚受傷的代價造就了此Crème de LaMer成功誕生!

經測試,發現此乳霜有衆多效用,不妨同大家分享:
幫助控制炎症---皮膚敏感也是炎症一種,其實皮膚組織發炎不一定是肉眼所能看見的,其滋養功效可令炎症情況加快散退,降紅功效最明顯。
舒緩濕疹---有錢太太將面霜搽於患有濕疹的小朋友頸部,及後告知感覺良好,不再因乾燥而痕癢,且更快平復。
修復傷口---在皮膚受損部位也可塗上,如暗瘡疤,甚或是燙傷部位,也能幫助皮膚修復。有一位朋友告知最近在峇里之旅,不慎誤將手掌抓在燈泡上,被高温灼傷,由於該resort太落後沒急救藥品,同行朋友建議試塗Crème de LaMer,即管一試厚敷,竟然真係無起水泡亦能令痛楚減輕,我諗用咁大量可能佢心痛多D囉!

名氣之大加多重功效,面霜定價$1,30030ml,其實都不算貴到令人卻步吖!

突然知道兩位星級俊男都用,我噚晚都拎翻出嚟為皮膚進補先.....
天氣又熱又潮濕,我本來唔多贊同用 Crème de LaMer,因為此乳霜的texture是系列中最rich(4),之不過至喜愛的 Gel cream 嗰款已經用晒好耐,唯有拎翻僅餘的Crème de LaMer作為晚間抗冷氣進補,至多搽薄身D啦!
特使用方法:取少量乳霜,置於手指搓揉,直至明,輕按壓;目的是溫熱乳霜幫助皮膚滲透。

嘩!套 LaMer 好happy...... 但好
——————————————————————————————————————-
本週《MORE》專欄精采內容:
潔面乳+潔面機=皮膚亮麗保養把關
臉部潔淨不足,是美容大忌啊!不單令膚色看來泛黃暗啞,膚質更會變差誘發粉刺暗瘡,更枉費矜貴護膚精華一支優質潔面乳及一部家用潔面機,就是皮膚保養最佳把關詳情請留意今期《MORE》雜誌內我的專欄。

2012年5月30日星期三

使用面膜雙得益彰要訣

你懂得使用面膜嗎? 大家可能會諗,你咁嘅問題都問得出?事實上,想事半功倍,敷面膜也是有學問的。
Q1) 敷上面膜前,要做咩程序?
用溫水潔面,讓毛孔打開,令油脂和污垢輕易排出;接著以棉抹上化妝水,以平衡肌膚的酸鹼值,同時起到雙重清潔作用,並增加皮膚柔軟度及提高往後吸收功能。

Q2) 敷面膜,塗得愈厚愈好?
以絕大部分的面膜而言,的確是塗得愈厚更能發揮其效用,因為必須有足夠的厚度才可以完全覆蓋毛孔,形同築起屏障貫注養分。唯一是撕拉式面膜不可以太厚,難以完全,便不能成功撕下來,起不了潔淨功效

Q3) 敷面膜的最理想環境是?
正確而言,要須乎敷面膜的類型:
敷保濕面膜的最佳環境是洗澡中,因為沐浴時水蒸氣可令毛孔擴張,令皮膚吸收更多養分;
若然是撕拉式或泥狀面膜,應在洗澡後才敷上,因為撕拉式面膜是需要完全乾透,才可以將粉刺扯出來的,泥狀面膜主要是深層清潔作用,水蒸氣會影響到面膜與肌膚密合,難以將污垢迫出來。

Q4) 敷面膜的最理想時間是?
早上建議敷保濕面膜,因為早上起来皮膚較缺乏水分,補足了充足水分可以令水油平衡,從而減少皮膚因缺水致令油脂分泌旺盛。切忌出門前敷美白成分面膜,因為通常含有酸性褪走老化角質層,對抗外來保護力減弱,反而更易晒黑。
晚上11時至3時是人體機能自生修復黄金時間,所以睡前敷面膜是最有助吸收更佳養分,尤其是抗衰老、美白嫩膚的。

Q5) 敷面膜,塗在面上愈耐愈好?
不是。一般而言,待15分鐘便可,不應超過30分鐘。不要以為愈耐愈好,如以深層清潔面膜而論,超過建議時間會令皮脂油分被過分抽乾,令肌膚變得乾燥;以保濕/美白面膜而論,敷時間太久有機會影響皮膚呼吸,反效果是阻礙吸收,甚至如缺氧般令面色變黄。
正確做法:在嚴重乾燥/污垢的部位,如兩頰、鼻子、下巴等處,將面膜的使用量加多一點,而不是將敷面膜時間拖長,除非有特别標榜如睡眠面膜。

Q6) 敷面膜,應該幾頻密最好呢?
因應不同性質的面膜,每星期使用的次數也有所不同。
深層清潔控油面膜宜每星期一次便可,接著即刻敷上保濕面膜補充水分。美白與抗皺面膜可以在深層清潔面膜及保濕面膜後隔天使用,即每星期隔天敷面膜是最佳努力護理。

Q7) 敷面膜最省時有效方法?
我會因應皮膚狀況,一次過敷上不同功效面膜,如額頭位去暗瘡暗粒消炎面膜、鼻及下巴位敷控油清潔面膜、面頰敷保濕面膜、眼底敷抗皺眼膜,還有塗上唇膜,一次過達到目標省時又具效益!
——————————————————————————————————————-
本週《MORE》專欄精采內容:
潔面乳+潔面機=皮膚亮麗保養把關
臉部潔淨不足,是美容大忌啊!不單令膚色看來泛黃暗啞,膚質更會變差誘發粉刺暗瘡,更枉費矜貴護膚精華一支優質潔面乳及一部家用潔面機,就是皮膚保養最佳把關詳情請留意今期《MORE》雜誌內我的專欄。


2012年5月29日星期二

寓工作於娛樂!


近期blog文主攻講解美容心得,甚少分享自己的近況,其實最近也有好玩有趣的工作,值得紀錄下來。
我成日諗…..blog最大好處是可以方便日後回顧,就等同代替了昔日寫在日記薄上,包保唔會變黄、變殘,更加唔會遺失,可作永久留念,是很有意義價值啊!

事件一:
雜誌邀請做乜東東?

 今期《忽然一周#878》有我亮相在這兩版,是應此雜誌邀請,拍攝以Bridal Shower Party為主題分享美容心得,由我率領兩位待嫁姊妹到酒店包房….. 咪亂諗,是齊齊嘆療程及特式小食。
地點是沙Hyatt Regency Hong Kong---五星級水療點Melo Spa,按摩、修甲好多地方都有,但係要有間大房讓姊妹們任玩任傾、專人服侍扮靚,仲有沙田特產沙田柚製成飲品及沙律蝦、馳名燒鴨切絲成春卷,邊影邊食爽呀!
當日天色欠佳大霧又下雨,攝影師要借助幾把反光傘打燈,拍攝精美茶點。
我笑問PR:「點解唔整埋甜品山水豆腐花、同埋豆腐身體磨砂?應地理環境又可令皮膚白滑嘛!」
前上英國回來的民族 feel tube dress,富夏日色彩,本來買咗唔知幾時著好,啱晒
當日,我由銅鑼灣去沙田再返銅鑼灣,為咗影呢輯相搞足半日,好在….. 相片質素滿意,好開心嘅感覺、難得好青春嘅氣息......haha!
【大家欲對水療派對有興趣,可致電查詢:3723 1234

事件二:
同一班Beauty Blogger做乜嘢?
 多謝相中一衆Beauty blogger來臨呀!
之前有好幾個我很喜歡的美容品牌邀請我任 event guest speaker,更讓我有機會與一衆Beauty blogger共聚。剛於今個月中的19號星期六,就舉行了「InSkin×Yoko Tsang瘦身派對」, 多謝90%似曹永廉的營養師Alan,及出席講座的一衆讀者們及美容博客。
我與營養師專家由營養學帶到講解最新科技纖體儀器,一部是高温43度熱能溶脂,另一部是極冰冷負5度冰療碎脂,到場參加者都各得免費療程體驗,加上現埸有獎問答環節,是輕鬆歡愉好玩週末!

接下來,我的工作是即將舉行的一年一度大型婚展會,很高興獲邀成為主講嘉賓之一, 69下午四時有我45分鐘的美容心得分享,準新娘新郎接招!
 ———————————————————————————————————————-
本週《MORE》專欄精采內容:
潔面乳+潔面機=皮膚亮麗保養把關
臉部潔淨不足,是美容大忌啊!不單令膚色看來泛黃暗啞,膚質更會變差誘發粉刺暗瘡,更枉費矜貴護膚精華一支優質潔面乳及一部家用潔面機,就是皮膚保養最佳把關詳情請留意今期《MORE》雜誌內我的專欄。

2012年5月28日星期一

創傷性治療後,敷乜嘢面膜?

皮膚接受創傷性治療後,如Fraxel laserMTS微針,經過一段自生修復,最終目的是違致先死而後生的漂亮局面;然而,重點是護理過程,究竟表皮層充滿看不見的密集微細傷口,嗰陣時可以敷乜嘢面膜呢?
當皮膚有傷口,用咩成分產品真係一大學問!深知維他命C、A酸、果酸等,總之刺激成分是大忌,我以前例必依據日韓做法敷CO2 mask,即粉粒混合漿糊嗰款,之但係,實在太昂貴喇,每次用一包要成百五蚊,我寕願用呢個錢再加錢出去做full facial囉!

終於,俾我搵到非常好的代替品,降紅、鎮靜、舒敏、保濕一流,至強係重要有修復損傷功效添!係乜嘢牌子嘅mask咁神奇?
其實佢唔係mask,係營養水,要嚟滲透棉紙作為敷mask簡直一絕。

答案揭曉:
是我喺《MORE》專欄介紹過「下一支鎮守家中的神仙水」----日本「醫藥部外品」Enary Mild Lotion( $460 / 150ml),因為文中張揚了其所蘊含之甲殼素強效是去暗粒及舒敏,結果,得知吸引了衆多讀者買嚟試,仲搞到曾經斷市要落訂waiting list...... 震撼;有一位男性讀者甚至電郵多謝我,仲告知他每兩星期用晒一支,買咗三支起勢要嚟敷面,原本好多暗粒及谷瘡都得以平復咗大半。知道後,我真的非常開心,因為推介的產品能夠如此受歡迎,令大家皮膚真正受惠......感動

最近,我再為呢支營養水加分,因為實驗再次證明係勁得,所以想告知大家!
事緣上星期一晚我剛剛做完Fraxel,皮膚超紅又熱呀,只可以用成分非常溫和產品,當時我構思咗非常好嘅方法幫助皮膚退紅、降温及保濕,就係下圖咁樣…….
 哈哈…..看來好誇張的敷面模樣,我起名「四手冰療法」!
我將壓縮棉面膜滲透Enary Mild Lotion敷上面再加冰墊,一次過快速將泛紅、灼熱感覺拋走,仲可以同步減低致敏機會,皮膚濕潤效果very good
由於沒色素,我至放心在皮膚最脆弱的時候用上。
呢個方法唔慳得,要倒好多至夠濕透面膜紙,敷五鐘已經夠,仲可以收緊毛孔呢!

做完Fraxel的隨後接連3天是黄金修復期,皮膚最吸收外來養分的時候,我除咗在晚上洗面後敷上 Enary Mild Lotion 3分鐘,仲有獨門秘訣,就是捨棄在SaSa買的普通壓縮棉面膜,用上日本空運由甲殼素提煉的面膜紙,圖中示圓粒狀,發揮雙重駐顏功效呀!
可惜,呢D甲殼素面膜紙是非賣品,傳媒界美容雜誌記者/編輯擁有的也只是為數極少量,是早前發佈會贈送試用
我覺得非常喜歡,也就為我的讀者爭取,現凡買Enary Mild Lotion一支 ($460 / 150ml)可免費獲贈兩粒甲殼素面膜紙(非賣品),送完即止啊!

Enary專櫃:中環Harvey Nichols 3695 3125
***請於購買Enary Mild Lotion時,說是Yoko’s blog reader,就可免費獲贈兩粒甲殼素面膜紙。
———————————————————————————————————————-
本週《MORE》專欄精采內容:
潔面乳+潔面機=皮膚亮麗保養把關
臉部潔淨不足,是美容大忌啊!不單令膚色看來泛黃暗啞,膚質更會變差誘發粉刺暗瘡,更枉費矜貴護膚精華一支優質潔面乳及一部家用潔面機,就是皮膚保養最佳把關詳情請留意今期《MORE》雜誌內我的專欄。



2012年5月25日星期五

至掂解救毛孔及頸紋方案!


毛孔及頸紋問題,是最惱人的,今日同大家分享真正有效解決方法!


毛孔粗大真係超討厭,難看又麻煩!
雖則,搽粉底液可以掩飾7成,搽遮瑕膏直頭掩飾9成,之但係,堵塞毛孔愈遮愈大鑊。此外,毛孔粗大人士十居其九膚質必屬油性,油脂+汗水=黑頭粉刺源源不絕。

頸紋是正常生理現象,無必要令它完全消失,否則變成蠟像般咪仲假仲嚇人;之但係,少少哋淺淺的可以接受,過火的就會顯得很衰老,計我話,頸紋應防患於未然,一旦出現真係難搞,但都有補救辦法嘅!

試過咁多部美容儀器,我認為最有效始終是Fraxel laser個多月前在MORE》專欄撰寫了「全方位抗黑頭收毛孔妙法」,當時已經輕描淡寫講解過Fraxel,結果引起很多讀者電郵來查問,既然大家咁有興趣,我決定在blog撰文詳解。

先旨聲明,Fraxel並非甚麼新科技,面世亦有好幾年,但經我及身邊朋友多番經歷,是我暫時仍最見效的收細毛孔及減淺頸紋醫學儀器。
此乃創傷性先死而後生的技術,以垂直的「激光柱」刺破皮膚,刺激底層肌膚增生膠原蛋白及令表皮自生修復更生從而拉緊皮膚,令細紋、皺紋、毛孔、淺層凹凸洞都可以改善

我身邊有幾位好朋友直頭對Fraxel著晒魔,佢哋話每做一次皮膚起碼即時好三成,三次療程已經可以素顏以人,做晒五次療程似剝殼雞蛋咁滑,係好吸引......但我仍奉勸她們一年內做五次就夠喇,皆因靠創傷性laser扭轉皮膚劣勢,見好就要識停,千奇別過火

雖則做Fraxel是一次可以見到效果,做完整個療程又真係加晒分,但要downtime比較麻煩,大家不妨睇吓真實例子再作決定:
 即使先搽上麻醉膏,過程仍感覺如被橡筋輕彈及微灼熱,
正如負責主理的周醫生所言:「No pain no gain!」
托賴,質ok(多謝父母遺傳),所以無須成日靠Fraxel大翻生
間唔中做鼻位已經可以了!

Fraxel治療區域可以局部集中在鼻及面頰,完成後是肉眼看不到傷痕的,表皮層在一天內快速癒合完成一刻治療皮膚部位會泛紅,隨後快速散紅,第二日已經見得人,但不建議化妝。

療程後第3日是開心期,會見到粉刺被迫出浮面,兼且勁甩皮,是褪走老化角質,皮膚更生程序。原理是透過聚焦激光令皮脂腺即時收縮,並一併清除毛孔內之角質及污垢,藉此收細皮膚毛孔。

鳴謝各方朋友願意公開做treatment前後照:
聚焦激光熱力令皮脂腺收縮毛孔細緻度顯著改善,還可以令油脂分泌逐漸


不單收細毛孔成果,至神奇係頸紋都可以大幅度減淺,皮膚同步拉緊,下巴輪廓提升了

由於是微創傷性皮膚治療,我不會隨便隨手於人,坊間多是治療師做但都要幾千蚊次,奉勸大家俾多少少,我寕可買個安心找醫生,成效固之然著緊,但始終,免得不償失

***建議每次治療隔33至5次,視皮膚情況而定。
 ---
致電預約說是Yoko's Blog讀者,可享療程優惠價:
Fraxel re:store治療【醫生專業主理
鼻及面珠部位$18,0005次 (原價 $21,000)
頸部位:$20,0003次、$31,0005 【讀者額外優惠:做頸兼送下巴提升

Mediskin Clinic美倩肌激光及醫學皮膚護理中心
中環德己立街1-13號世紀廣場 17 1703
2804 6168
———————————————————————————————————————-
本週《MORE》專欄精采內容:
西班牙新機 一次搣甩一寸Call機腩
集多技術的射頻減肥儀器又有新對手了,有一部全港獨家新機吸引了我,它是來自西班牙最大醫學儀器品牌「做一次減一吋」call機肉詳情請留意今期《MORE》雜誌內我的專欄。


2012年5月24日星期四

「有錯能改」卸妝筆!


夏日炎炎,化妝出街煩惱就係易溶妝,粉底我尚可以唔搽,只用透明防曬液都總算見得人,但眼妝唔可以無,自信心驟降,是慣咗化行妝之禍,尤其是劃眼線及搽睫毛液,精神奕奕靠晒呢兩件小法寶;然而,在高溫炎陽下變熊貓眼真係好難避免。
除咗盡量用防水妝品,
上眼妝前避免塗抹質感油膩眼霜,
仲要於眼四周撲撲乾粉保持清爽,
以上做齊之外仲可以點樣?

建議隨身帶備救忘用品,就是以下介紹的最推新出小玩意,將於61始公開發售,我率先試用後,按捺不住快快告知大家。
Anna Sui魔巧卸妝筆,我為佢起朵「有錯能改筆」$170/2g
(CWB及 TST Sogo Anna Sui專櫃--6月1日起發售)
卸妝油變身成卸妝筆,專為方便攜帶外出使用。我之所以叫佢做「有錯能改筆」,因為設計意念是有咗佢去到邊溶妝都即能抹掉,無論是防水眼線及睫毛液都可以抹得一乾二淨。
以我自己為例,通常會因為劃了內眼線及下眼線而溶化,一般會用支棉棒輕力拭抹,是淡化了色調非完全潔凈,而這支Anna Sui魔巧卸妝筆,喺街都可以輕易做到完全100%抹走溶化色調。

即睇測試:
質地:擠出來是啫喱狀,抹在皮膚上即轉化成油狀,是清爽質地非黏立的。
除卸妝油質外,加入保濕成分薔薇果精華及柔膚成分葡萄籽油和橄欖果油,雙重保護皮膚。
 修正妝容好幫手:
劃錯咗眼線,例如太長或太粗點算好?即使色澤乾透都無有怕,扭動筆身擠出少量卸妝液對準輕抹,然後用紙巾輕印便可一乾二淨,無須沖水。
 溶妝好幫手:
即使是waterproof睫毛液溶化能抹得乾乾淨淨;夏天熱又濕,出街帶備保持妝容潔凈最啱用。

———————————————————————————————————————-
本週《MORE》專欄精采內容:
西班牙新機 一次搣甩一寸Call機腩
集多技術的射頻減肥儀器又有新對手了,有一部全港獨家新機吸引了我,它是來自西班牙最大醫學儀器品牌「做一次減一吋」call機肉詳情請留意今期《MORE》雜誌內我的專欄。

2012年5月23日星期三

心水推介 —平民價茶樹油治暗瘡

呢排我身邊好多人受暗瘡困擾…..無膿頭惡瘡,連頸都生埋瘡,好多棘手事件!
原因好簡單,天氣尤關,又濕又熱,油脂分泌旺盛底層又缺水,食埋煎炸辣嘢少飲水;內在通常是因壓力大或情緒低落影響荷爾蒙分泌失衡。

如何自救?首要保持心境開朗,其次係唔少得一支「可靠」治療暗瘡產品。
點解標榜「可靠」?因為激進速效的暗瘡產品好多人嘅皮膚都受唔起,以我家姐為例,皮膚超超超敏感,一係就白白滑滑(她皮膚天生靚過我) 一係就幾粒無膿頭大瘡齊齊示威。若然佢用強勁暗瘡產品,九成瀨嘢又紅又腫乾到痕,我嘅責任就係幫佢諗計,又要有效又要安全的「可靠」之選。

平靚正溫和滅瘡推介:
「天然暗瘡治療師」---茶樹油

茶樹油有咩療效?
茶樹油是由樹葉提煉出來,在傳統醫學上具治療價值,有天然殺菌消炎功效、舒緩疼痛、減輕感染及保護損傷等,如將茶樹葉研磨做成糊狀的外敷料,搗碎的葉子驅趕昆蟲。當中以對付暗瘡的效果最為當今所認受。
茶樹葉甚至可用作煲水服用,以減輕喉嚨腫痛。(注意:請向中醫查問體質是否適合)
於第二次世界大戰之時,澳洲軍隊帶備茶樹油作隨身急救,外敷消毒及保護傷口。
茶樹油咁天然,竟然有如此多療效,大自然真的非常奧妙!

坊間茶樹油治暗瘡產品衆多,我第一支是購自Body Shop,呢款皇牌產品深入民心,價平乃中學生至buy!之後轉用過一些不知名品牌,到最近就同家姐一齊試緊澳洲的Thursday Plantation 茶樹油暗瘡啫喱。
澳洲Thursday Plantation暗瘡啫喱 $98.925g
萬寧、屈臣氏、Sasa、卓悅、colormix有售】
 透明啫喱軟膏能輕易滲入皮層,潔面後,塗抹少量於患處。
研究謂,所含之茶樹油成分能有效消滅引致暗瘡的32種細菌。
我最concern是成分中不含「過氧化苯」(治療暗瘡常見化學成分) ,能減少對皮膚的刺激,如紅腫、缺水脫皮現象;滅瘡唔使吓吓用最激進方法嘅,mild 瘡自有mild方法應付嘛!


大家對呢個品牌可能有D陌生,等我話你知過人之處啦!
為是澳洲產地,須知每一植物精油都有它的主産國,像保加利亞玫瑰精油、法國南部的薰衣草精油澳洲的茶樹精油等優質。
此品牌在澳洲新南威爾省有自家種植農埸,提煉的茶樹油更取得「療效註冊(澳洲) 」,質量及功效絕對有保證。
滅瘡功效被測試評為超乎國際標準,活躍殺菌成分Terpinen-4-ol至少達40%,超越澳洲及國際指定標準的30%,溫和得嚟都要有效嘛!
暗瘡啫喱所蘊含的茶樹油100%純正天然,確保低刺激性,家姐敏感肌用咗都ok

用後感:呢支Thursday Plantation暗瘡啫喱是敏感薄弱肌膚溫度滅瘡之選,無刺激感,試用評價是3日內令暗瘡逐步萎縮,然而,味道濃烈不是人人喜歡;若然是急進派,想將暗瘡一晚置於死地,那麼呢支茶樹油暗瘡啫喱就非你杯茶。
———————————————————————————————————————-
本週《MORE》專欄精采內容:
西班牙新機 一次搣甩一寸Call機腩
集多技術的射頻減肥儀器又有新對手了,有一部全港獨家新機吸引了我,它是來自西班牙最大醫學儀器品牌「做一次減一吋」call機肉詳情請留意今期《MORE》雜誌內我的專欄。

2012年5月22日星期二

與幟哥共聚星級嚐味會

我自認是牛魔王, 真的非常!曾經有已經戒了牛肉十多年的朋友對我說:如果可以戒食牛肉,對身體及運氣有極大幫助啊!」我很多謝她的善意,可惜我六根未淨,戒食牛肉是暫時仍未可以抵擋到的誘惑!


也許是知道我對食有研究的人愈來愈多,上周四,就被邀請到九龍站ICC的101樓無敵靚景龍璽酒家,出席一個別出心裁的星級嚐味會
大家請放心,睇咗我以下食評,日後在龍皇酒家


今次嚐味會令我想去的主因,係被邀同龍皇酒家的揸fit人幟哥同台食飯呀!節目竟然可以近距離會面傾談,學嘢好機會呀!

食乜東東?就是「澳必益有機集團」從澳洲引入的有機牛肉, 
勁新鮮健康有營的有機牛配合幟哥出神入化廚藝,唔去真係對自己唔住囉!

當日設宴只有四圍,被邀人士都是重量級人馬,十足十食神咁大場面。
我除了有幸與幟哥同坐,還有「澳必益有機集團」及香港澳洲領事館的同枱品嚐
澳洲有機牛登陸香港,原來屬國家級盛會!

現場好似高級超市般,將所有主角有機牛肉分類展出,同部位有不同煮法和食法,
由於屬「新牛」登場,自然有「新煮意」!

其中一道菜式令我極之驚訝,完全估唔到牛肉都都可以咁煮法!
呢味「牛響鈴」將牛肉變成平時打邊爐的炸響鈴,我一向唔食酥炸食物,
但牛響鈴入口即溶,味道濃郁,仿彿是日本高級天婦羅的食法,
加上完全唔油膩,是少數我會想再食多件的油炸食物!

另一個令我留下深刻印象的是「鐵板牛尾」,一隻牛咁多部位,我最愛就係食牛尾,一般都是用紅酒燴,或佐以咖喱,用鐵板煎真係第一次食,亦係第一次覺得牛尾原來可以當成牛扒來處理,鬆軟而撕開有肉汁,微辣釣起牛肉鮮味,我一定會帶媽咪爸爸食一次。


壓軸就係由幟哥親自落場堂弄的「香煎蔥花牛肉卷」,呢道菜式事前被設定為神秘追加菜式,來賓事前都唔知幟哥會整乜,只見他一上場就用牛肉肥膏開鑊,牛香味在場中散發,然後將薄片的有機牛肉捲入蔥花,為在場每一位來賓逐一炮製,我平時去龍皇世貿分店食飯都冇這樣的機會,所以你知我點解要去啦


就是這道「香煎蔥花牛卷」,擺都咁靚,味道無得頂,
加咗令牛肉味道更具層次感,又又軟又脆。
在席間問鍾意,我答:「梗係你親手煮嗰味啦,哈哈;
之不過虎皮椒扣好鬼惹味!」

幟哥出場獻藝,在場衆傳媒起勢圍影,有氣勢呀!

別以為這幾道菜式只係得我有得食,大家冇份食!其實都已經被幟哥收歸旗下,在各大龍皇酒家分店成為最新招牌菜式!睇番價錢,菜式唔平但這有機牛,在於營養價值,飼養是天然原生及草本,無添加藥物無污染,食得放心有營,一分錢一分貨啊!


從食完呢餐星級牛,我一連幾日都接著以牛為主食,有睇我facebook就知我剛剛星期六去了任食和牛Shabu Shabu。昨日一發不可收拾,再去Citysuper買多塊特級
Angus Rib Eyes返屋企煎,差不多$400一塊啊,好味也就值得嘅
嚟緊要帶父母去龍皇,一齊品嚐有機澳洲牛美味


———————————————————————————————————————-
本週《MORE》專欄精采內容:
西班牙新機 一次搣甩一寸Call機腩
集多技術的射頻減肥儀器又有新對手了,有一部全港獨家新機吸引了我,它是來自西班牙最大醫學儀器品牌「做一次減一吋」call機肉詳情請留意今期《MORE》雜誌內我的專欄。