FB直播精華重溫 神奇眉鉗 + 紅星睫毛夾 + 火龍果黑杞子特飲

上週六的FB 直播，內容貼身一點，引發大家的共鳴，當中提及到：

1. 神級「神奇眉鉗」，黑頭連根拔

2. 堅勁「紅星睫毛夾」，瞬間電眼神釆

3. 免臭臭「免沖洗洗頭粉」

4. 「火龍果x黑杞子特飲」- 花青素凍齡王者組合-減肥+通便+美白+抗氧化

結果當然又被各位瘋狂PM + 留言，為了方便，一於以文字整理一下，方便大家翻閱。

1. 瑞士Rubis神奇眉鉗

我說Rubis神奇，因為佢係我用過最好的眉鉗，一個好眉鉗，不單拔眉，更要萬能，黑頭粉刺也可連根拔起、又可幫老公拔鬼祟鬚、同阿媽穿線。Rubis勁在鋒利、磨到夠扁，夾力非凡，連幼細的BB毛都走唔甩、夾到實，又不會折斷，我用得最耐的一把，用足8年，全憑無跌過落地被廢武功。

亦因為鋒利，夾的時候要小心，否則好易夾傷肌膚。而我之所以買過咁多把，因為Rubis造型極多，不銹鋼色、黑色、桃紅色、金色、波點花紋、挑通、鑲石，我通通都買過，售價由$280起。Y's Recipes有售

我話過我買過好多眉鉗，包括呢一把在上次去日本藥妝店買的「Venus」，佢又係堅稱瑞士造，包裝同Rubis很相似，又有桃紅色，一於買把試下佢可唔可以再Rubis力拼，結果非常失望，它的最大缺點係夾唔實，捉不緊眉毛及粉刺，大失我所望，去到日本，千祈唔好買。

而我另一個真正想買的，係Rubis正宗粉刺夾，可惜香港最初並沒有引入，後來Y's Recipes獨家引入了！

2. Kevyn Aucoin大師睫毛夾

呢一把睫毛夾，我第一次用的時候，驚為天人，因為一夾，頭尾都可以入晒睫毛夾，成朵太陽花現晒型。這是幫我今年新書《凍齡駐顏速成法》封面化妝的Makeup Artist多年前介紹給我的。我試過好多睫毛夾，沒有多少個令我滿意，直至遇到這個美國彩妝大師品牌，才令我對睫毛夾的印象大改觀。

我相信用過睫毛夾，都知道睫毛夾要同你的眼型吻合，同搵老公一樣要尋尋覓覓。雖然我同Kevyn Aucoin一拍即合，但未必同你100%匹配，不過我位星級MUA就話，由Janice Man到林憶蓮，不同風格的女明星在她手底下都係用Kevyn夾，從未失手，連佢都難以相信，歐美品牌睫毛夾都居然可以同亞洲女性咁夾！

Kevyn Aucoin睫毛夾，$180，唯一缺點，這個睫毛夾冇附送替換膠條。

3. 減肥+通便+美白+抗氧化  火龍果黑杞子特飲

最後就係我強烈推介給大家、由我設計的養生特飲，火龍果黑杞子特飲。

當中較為特別的，係我用上「紅肉火龍果」，因為其花青素最強，與同樣超高花青素含量的黑杞子非常夾！由於抗氧化的花青素含量比一般水果如提子皮或紅菜頭多很多，而火龍果有大量黏性膠質護胃及水溶性膳食纖維，加上我加入了檸檬汁，有大量維他命C，有「減肥、通便、美白、抗氧化」功效。更重要的一點：甜度只有16-18，非常健康，但唯獨寒底人士不宜、月經期間不宜、高血糖者不宜。不過只是黑杞子的話，任何人士及時間都適合。

這個特飲，用了低GI水果，所以低脂、有飽肚感。不過，大家又別問我食幾多至瘦，因為我都係想吸收花青素抗衰老呀！

材料：

紅肉火龍果（花青素最強）半個（我買的是$24/3個）

檸檬 半個搾汁

黑杞子水 60ml

製法：

將紅肉火難果切件，放入攪伴機，再加入檸檬汁；將20粒黑杞子預先用大約60度水溫沖焗約60ml，加入，攪伴後即成。

飲完這個特飲，之後的便便或尿尿有機會出現紅色，放心，唔係出血呀，紅色係來自紅肉火龍昧的甜菜紅素及莧菜紅素所影響，是天然色素。點解我會知？我最近被朋友笑我是「便便專家」，朋友都喜歡將她們的便便形狀及顏色形容給我知，然後問我到底是否健康。下一篇blog就同你解開便便之謎！

不過，你們一定最想知，邊度買到黑杞子？答案是 Y's Recipes，青海野生精品級黑杞子，由產地超嚴格挑選，最大粒最健康最高營養的黑杞子，$368/50g（目前有買二送一優惠）。

Y's Recipes
地址：銅鑼灣希慎道8號裕景商業中心6樓603及605室[出電梯轉左]
(利園1期LV對面)
門市電話：3565 5971
營業時間：1230-2030 (星期三例休)
Whatsapp文字查詢及送件安排：5117 4727 (星期一至五 11am-5pm)
官方網址：www.yokotsang.com/shop