2013年10月18日星期五

最紅人氣食府 Catalunya

開業大半年，keep住強勢的西班牙餐廳Catalunya ，訂位要一個月前！每位消費平均千元！
是呢期最紅食肆！


噚晚，去伊館睇Amway Artistry嘅時尚show，我哋一行五人相約喺Catalunya先食個晚飯。
而我覺得同另一半嚟慶祝紀念日就至啱feel，因為氣氛好、裝修靚、服務好，整體而言食物中上，價錢就要預咗高喇！

佔地8,000呎，飾上西班牙的吊燈、瓷磚和火爐，Catalunya在香港開設的是亞洲第二間分店，行fine dining路線，餐廳團隊旨在將全球最偉大的巴塞隆拿飲食文化發揚光大。

總廚夠架勢，是曾於西班牙La Broche及法國La Regalade等米芝蓮餐廳掌廚Alain Devahive Tolosa。
之前，Catalunya在新加坡開業的短短數個月，連摩納哥親王阿爾貝二世、一級方程式賽車手艾朗素及歌星葉蒨文也專程到訪品嚐。

一頓晚飯後，我的食評如下：
為證乳豬仔燒得超鬆化，即席表演用碟斬件。
燒乳豬仔，皮超脆薄冇多餘肥膏，肉嫩入口即溶化，
朋友們一致讚---勁正，必食！
-
橄欖油扮橄欖核的份子料理，放在匙上，入口爆破juicy，
賣相得意，可惜味道不討好！
-
番茄烘多士，中間軟綿，底層微脆，
用新鮮番茄壓成粒粒果醬，味道鮮甜，的確好味！
黑毛豬火腿，中上，沒甚特別。
-
西班牙大蝦龍蝦飯，海鮮肉質彈牙新鮮，味道不俗，但個人認為飯粒有點硬。
-
肉桂燒菠蘿，甜中滲出微酸，最like係燒得唔乾身仲係非常多汁。
-
鎮店甜品西班牙Torrija麵包布甸，味道其實調得好，
但焦糖我嫌甜到漏，朋友就勁like!

————–———————————————————————————————
本週《MORE》專欄精采內容：
纖體／抗衰老 至「營」飲食療法＜上＞
不求「長生不老」只求「延緩衰老」！「飲食療法」，人人自有其法，而我努力鑽研和實踐的四大規條，是健康、纖體及抗衰老的不二法門：提升免疫力 + 抗氧化+ 增加骨膠原 + 排毒淨化。
請留意今期《MORE》雜誌內我的專欄。

發佈者： Yoko Tsang 於 01:47 0 留言
標籤：

2013年10月17日星期四

懷孕食乜 影響BB身高／膚色？

噚日同位PR朋友相聚，去CWB食日本嘢，大家在whatsapp商討揀邊間好呢......
以下呢幾間，就係佢嘅提議......

最終我嘅決定係「白鰭」，喺希慎廣埸13／F；其他幾間太常常吃了，呢度還未試過，結果亦沒失望！
我order咗雜錦魚生飯，標榜是「特上」grade，要$250碗......刺身新鮮是理所當然，
倒值得讚是飯的黏度恰到好處，質感有咬口，酸味適中醒神，
令我忍不住口，吃清刺身後，還將飯一掃清啊！

-
閒談間，有事件幾funny，在此同大家分享：
朋友家中是3姊妹1細佬。
母親陀BB時口味轉變，每陀一個喜歡上吃不同食物。
一家人笑言可能因為咁，排行最細的竟然身形最高，皮膚最白；排行最大的卻是最矮，皮膚最黑，大呻不公平！

相信大家如我，最想知係當時呢位孕婦食乜嘢呢？

陀大女---日飲一罐可樂
有人認為孕婦常喝可樂會造成BB皮膚黝黑，其實與豉油、朱古力等一樣，都是食物本身的顏色所引起的聯想，但事實上食物色素並不會轉移到皮膚細胞，所以對BB的膚色是沒有影響。
須知道可樂含有咖啡因，孕期喝過量會影響胎兒健康，而且卡路里高，容易發胖。

陀二女---餐餐三文魚
常言「三文魚有Omega 3，可幫助寶寶腦部發育。」 魚類含豐富DHA，孕婦多進食含豐富DHA食物，嬰兒腦筋能力較高。
然而，魚類受海洋污染，夾雜重金屬，其實亞麻籽、核桃等果仁亦是DHA來源，建議孕婦多服用。

陀三女---日日燉燕窩
多吃燕窩對於媽媽皮膚是有滑溜幫助，不過，科學上，對於BB皮膚好壞無法證實。燕窩含有很高的水溶性蛋白，有促進細胞分裂、增進表皮生長因子的好處，有助皮膚白滑，但由於含大量雌激素，女性不宜多吃。

陀細仔---雪蛤膏+鱷魚肉
雪蛤膏含有大量的蛋白質、氨基酸、各種有益人體微量元素，可以增加抵抗力，對皮膚保養有幫助，但同樣由於含大量雌激素，孕婦不宜多吃。
鱷魚肉含有豐富的蛋白質、氨基酸、維生素和多種微量元素，營養價值極高，但食用應適可而止，否則有可能導致消化不良，煲成湯水也可。
-
營養師提點---其實最重要是均衡營養，未必多吃滋補的食物才是有療效，多吃新鲜蔬菜水果，多喝水，及含高蛋白質的食物更健康啊！
————–———————————————————————————————
本週《MORE》專欄精采內容：
纖體／抗衰老 至「營」飲食療法＜上＞
不求「長生不老」只求「延緩衰老」！「飲食療法」，人人自有其法，而我努力鑽研和實踐的四大規條，是健康、纖體及抗衰老的不二法門：提升免疫力 + 抗氧化+ 增加骨膠原 + 排毒淨化。
請留意今期《MORE》雜誌內我的專欄。
發佈者： Yoko Tsang 於 01:12 0 留言
標籤： ,

2013年10月16日星期三

假如夢想被阻隔

你有否覺得：
這個世界甚麼事都未盡如意！
冇人明白我的想法！
這個世界欠我一個公允！
並非我不適合社會，是社會不適應我！

 然後便有站在道德高地的人，站出來指東劃西，罵著：「這些都是八、九十後的憤世思維！」

 其實，憤世，根本是年青人的原罪，只要曾經年青過，都曾經憤世過。問題是，你曾經因為憤世，而做過甚麼，意圖去改變世界，讓世界以你為中心？

 現在資訊發達，任何人都可以透過網絡世界去表達自己。我便經常鼓勵憤世的人，在網絡世界表達自己的想法，只要不傷害到其他人、中傷別人、沒有違法或不道德的手法，請用blog、Youtube、Social Media或一切網絡途徑去表達。市場會告訴你反應，會讓你知道你的想法是否可行。但這條路沒有捷徑，還要你很堅持，而且沒法計算成效。在網絡世界，受歡迎的東西往往是無心插柳柳成蔭，你愈以為自己用盡嘩眾取寵的手法，反應往往淡如水。愈不經意反而愈受落，但不代表當中沒有功架。

 只要你有夢想，著實地執行，以今日的社會，機會是留給早有準備的人，很難沒有出頭天！

 請你不要放棄自己！

 昨日，是香港創意被扼殺的一天。

 機會與早有準備的人擦身而過！香港還是一個福地嗎？

 我有點懷疑，香港是否仍有平等機會給每一個人！

 但我信希望在明天。

 希望             香港還有希望
————–———————————————————————————————
本週《MORE》專欄精采內容：
纖體／抗衰老 至「營」飲食療法＜上＞
不求「長生不老」只求「延緩衰老」！「飲食療法」，人人自有其法，而我努力鑽研和實踐的四大規條，是健康、纖體及抗衰老的不二法門：提升免疫力 + 抗氧化+ 增加骨膠原 + 排毒淨化。
請留意今期《MORE》雜誌內我的專欄。
發佈者： Yoko Tsang 於 00:03 0 留言

2013年10月14日星期一

誠邀參加 HELENA RUBINSTEIN x Yoko Tsang 'Re-PLASTY速效醫學護膚療程' 科研美顏分享會

HELENA RUBINSTEIN......在大眾女性口中簡稱'HR'，相信許多女士如我一樣，至冧品牌的王牌睫毛液，我中學年代已經係fans喇！

 化妝品以外，HR嘅護膚品你哋又認識幾多呢？
當中有一個系列深得我心，贏概念贏實效......是品牌聯同整形外科權威醫生共同研創，叫做'Re-PLASTY'，效果能夠媲美整形醫學美容療程，是公認具速效治療的家用醫學美容護膚品。

 有咩咁神奇？重點有二，即同大家拆解：
一）有仿傚微整型／醫美儀器的即時變靚效果，如填補皺紋、美白淡斑......但無須捱痛注射，亦無須downtime喎，只須外塗，就係咁簡單！
二）此系列更推出了被美譽為「美容膠布」的日霜和晚霜，專為針對修復整容手術後的肌膚；試想，整容手術後皮膚組織受創極易受感染，此時刻也極脆弱，有護膚品專為治療修復這創傷時期，那麼拯救一般皮膚問題如敏感、濕疹、缺水、衰老等，也就是小兒科啦！
呢個Re-PLASTY 系列已經誕生咗5年，有6件神話保養品，
剛剛的9月加入新力軍，係'AGE RECOVERY DAY CREAM
逆轉歲月無痕速效日間防護乳霜'，革命性科研傑作承惠 $3,000／50ml.......
-

 講到咁勁，大家係咪好想了解更多，甚至親身試用呢？
貴為我嘅博客讀者就有機會親臨 ---
Helena Rubinstein x Yoko Tsang分享會，
出席者人人免費獲贈一瓶喇！
送逆轉歲月無痕速效日間防護乳霜$3,000/50ml
（係貨裝不是迷你試用裝啊！）

-



品牌超厚禮，驚喜仲有啊......再送出系列當中3件體驗裝，同埋靚靚化妝袋：
送逆轉歲月無痕速效夜間修護乳霜 15ml
送速效激光褪斑精華 10ml
送速效填補紋理活膚精華 7ml
----

報名喇......把握難能可貴機會！

HELENA RUBINSTEIN x Yoko Tsang  
Re-PLASTY速效醫學護膚療程 
科研美顏分享會
內容：屆時您仲有機會見到同HR合作研創'Re-PLASTY'系列的靈魂人物---世界著名整容中心創辦人Dr. Pfulg，以及香港碩士模特兒，與我同場分享美容護膚心得!
出席者每人獲贈：逆轉歲月無痕速效日間防護乳霜 價值$3,000/50ml ＋ 'Re-PLASTY'系列體驗裝3件 ＋ 精美化妝袋
分享會日期：2013年10月25日（Fri)
時間：下午1：30-3：00
地點：尖沙咀
名額：誠邀共30位美容生活博客讀者
***此科研尊貴系列確值得大事宣揚與眾分享！
HELENA RUBINSTEIN誠邀今次出席者經了解概念及親身試用後，在網上分享博文，讓更多愛美之士吸收專業美容資訊。

 請click入填妥參加表格：
http://www.yokotsang.com/join/register-zh.html
注意：必須填寫你們撰寫文章的blog link(表格中的尾項)，以供參考。
截止報名日期：10月18日中午12時正

 *被邀出席分享會者，將於2013年10月22日前收到官方發出之電郵通知。
多謝參加！
————–———————————————————————————————

本週《MORE》專欄精采內容：
纖體／抗衰老 至「營」飲食療法＜上＞
不求「長生不老」只求「延緩衰老」！「飲食療法」，人人自有其法，而我努力鑽研和實踐的四大規條，是健康、纖體及抗衰老的不二法門：提升免疫力 + 抗氧化+ 增加骨膠原 + 排毒淨化。
請留意今期《MORE》雜誌內我的專欄。
發佈者： Yoko Tsang 於 01:45 0 留言
標籤： ,

2013年10月11日星期五

自製靚髮色／預告送禮

除保養身體每吋肌膚，秀髮更是我的命根！
試想，儘管一身靚妝靚衫，但頭髮脫色暗淡又乾旱似掃帚，就絕不會有美感。
想髮色漂亮時尚有什麼方法？
答案是「染髮」，相信人人都知，然而用什麼產品出來效果ok？
相信絕大部份人都係去開hair salon染髮，價錢可以係地茂價$100至龍門價$2,000，差別足足有成廿倍啊......是salon之級別也是用料之分別！

老實說，我向來極少做永久性染髮，只肯color treatment，因為知道永久性染髮原理是靠化學成分阿摩尼亞，撐開頭髮磷狀表層將色素推入，會極傷害髮絲，導致開叉、折斷及乾燥；而且試過很差的經驗，是染後令頭髮極缺水無彈性，看來啞色無生氣，好心痛；但做color treatment也有辣有不辣，對頭髮是大幅度減少損害，然而色澤卻短暫美麗，很快fade out！
究竟有沒有兩全其美方法？要搵到唔傷頭髮成分嘅持久性染髮劑.......
可以自己家中DIY？別以為阿媽年代至會家中自行染髮喎，踢走老土思想，現今家用染髮產品科研愈來愈強，可以好時尚且高品質啊！而平價家用染髮品$12都有，問題係你敢用咩？！品質好的也只是約$80盒，以我頭髮咁長又多為例，都係每次用兩盒，即$160蚊就搞掂，當然係要自己動手，冇人serve啦！
約前半年，我在網上留意到瘋傳一款家用染髮品，是瘋靡歐洲，獲外國大量用家好評，該盒是Garnier 'OLIA'家用染髮霜，當時心諗Garnier是護膚牌子，乜有hair products 咩？
-
我面前呢盒係歐洲爆紅的家用染髮霜，是護膚大牌推出，終於在香港有得買了！
Garnier 'OLIA'家用染髮霜 $79 （莎莎／萬寧有售）
顏色看來是特意迎合亞洲人，乃大路黑啡紅color tone，我就特別喜愛4.3金啡系，似韓日型格style；5.5啡系，為型格cool look加分，相信也是女士們頭號至愛呢！
-
直至早兩個月，呢款產品終於嚟咗香港，期待已久......我同媽咪都試咗喇，效果滿意。
我媽咪可說是染髮expert，近十年來每隔兩個月，她也會在家自行染髮，試用了多個品牌，也說喜愛'OLIA'沒有刺鼻味道，而染後頭髮比較貼服，深啡能夠遮到白髮。
使用前：
我的頭髮是fade out了的偏紅色。
染髮後：
染了5.5啡色，在我原來髮色上變成粟子啡，看來較健康，
而且輕盈飄逸，我認為特別適合中至乾性髮質。

而我染後色澤keep到個幾月，最最最重要係將髮絲傷害減至最低，以科研「油導滲色」技術取代傳統化學成分阿摩尼亞，以往這技術我也曾在專欄同大家講解過，估不到終於伸延至家用染髮層面；而且加入多種天然花油作深層修護，有助滋潤閃亮秀髮，冇阿摩尼亞刺鼻味道仲有花香味添！
-
染髮步驟非常簡易，半小時便可，比起每次到salon搞足兩小時更方便快捷！
使用方法：
Step 1: 將1及2成分倒入水滴型樽。
Step 2:將兩者搖勻。
Step 3:塗上髮絲並按摩以加強滲透，靜待30分鐘鎖色；然後用附上的護髮精華沖洗頭髮，便大功告成。

當PR知道我如此喜歡產品，問我是否願意給予試用評價在雜誌print adv上，我也就一口答應，好用的產品當然願意挺身力撐！
而我的附帶條件，是希望我嘅讀者也有機會親身試用啊，結果品牌答應送出50盒給我讀者....yeah，下星期於我Facebook Page內公布，敬請大家密切留意啊！
————–———————————————————————————————

本週《MORE》專欄精采內容：
率先體驗 「自生透明質酸」儀器
法國嶄新儀器上個月才抵港，標榜「可令肌膚真皮層 提升自生透明質酸80%」經我了解及親試6次後，效果不俗，率先同大家拆解。
請留意今期《MORE》雜誌內我的專欄。

發佈者： Yoko Tsang 於 00:05 0 留言
標籤：

2013年10月10日星期四

生津滋潤 蘋果雪梨茶



入秋轉季，天氣乾燥，調理保健，宜多飲生津滋潤、舒緩喉嚨的湯／水。
以下分享是容易處理、功效良多、男女老少啱飲的蘋果雪梨茶。
我知很多人煲法不同，以下製法是迎合自己愛真材實料、營養豐富、味濃口味！
我喜歡一次過煲埋幾支1.5公升份量雪喺雪櫃，連續飲用幾天作為養生療程。
-
材料：
蘋果-蛇果 4個（即底部有腳的／果味更香濃）
天津鴨梨 10個 (香甜／生津滋潤）
龍脷葉 4兩 （潤肺／舒緩喉嚨不適／止咳）
栗米 3條 （清潤）
蜜棗 14粒 （滋潤養生）
南北杏 2両 （清熱氣）

過程：
Step 1: 洗淨蘋果、鴨梨，切走果芯，須切掉多一點，以免煲出酸味。
蘋果可用鹽水浸10分鐘以去蠟。
Step 2: 用水浸龍脷葉10分鐘，甩掉沙泥，再沖洗乾淨。
-
Step 3: 粟米、蜜棗及南北杏洗淨。

Step 4: 將全部材料放入水中（6支1.5公升水量），以大火滾起，轉中火煲2小時即可呀！
-

煲後份量：
蘋果雪梨茶-1.5公升 x 4支
份量可供4人家庭飲用；而這是我一人共5日的份量啊！
（可冷藏雪櫃，飲用時叮暖）
-

***以上材料是供甜飲，若想製作成湯水，可自行加豬𦟌。


————–———————————————————————————————
本週《MORE》專欄精采內容：
率先體驗 「自生透明質酸」儀器
法國嶄新儀器上個月才抵港，標榜「可令肌膚真皮層 提升自生透明質酸80%」經我了解及親試6次後，效果不俗，率先同大家拆解。
請留意今期《MORE》雜誌內我的專欄。

發佈者： Yoko Tsang 於 01:37 0 留言
標籤： , ,
訂閱： 文章 (Atom)