堅持是成功的養份！

最近有點力不從心！

說的寫blog，今年來有幾好次做不到一至五日連續出post。至今，已經寫blog三年，我一直認為，寫blog要成功，每日更新是非常重要，這樣讀者才會感受到寫blog的人那份熱誠、是一個有血有肉的真人，而不是一部網上機械人。

的確，現在有很多「機械人」，隨便google一些產品資料，相同的文字散落不同的頁面，實在是奇觀；所以有很多人高調說，「部落」已死，社交網絡才是王道，輕輕鬆鬆寫數十字，寫的容易，睇的輕鬆。

寫實話，在傳媒工作多年，要用最少的文字交待最多的內容，冇十數年寫文功力，別妄想會好睇。你能在微博140字內曉以大義，已可冠名才子才女矣！

所以我還是堅持寫blog，這裏是孕育我的地，不應輕易放棄。

但......還是有力不從心之時，因為呢個月為了籌備七月書展的個人著作(加插其他N項工作，是開心但真的很累)，比起前兩年所花的功夫更大，自問書中內容盡力而為地豐富，皆因我一直以來都認為，讀者從免費的網誌，進階為付款睇字，大拿拿付出百元大洋買本書，我的文字突然大升值，我又豈敢待薄各位呢？

這是上年我的著作「美容天書」，多謝大家支持，每年至可以延續呀！

今次的大工程，除了內容是重新撰寫，內容詳盡.....隨書附送的贈品，幾乎是我精挑細選的年度佳品，跟各大品牌的市場部角力而得來，「得來費盡我功夫」啊！

若然沒有出blog的罕有日子，其實筆是沒有停下來，我起勢埋頭寫寫寫著作；最近兩個月，手寫板也壞了！三年寫blog，壞了5塊手寫板，是我太用力，定係手寫板唔襟寫？結果發現iPhone 5的手寫板才是最靈巧反應快，現在寫blog寫專欄文章，都是用iPhone 5在記事本寫好(haha...已經快到可以參賽了)，email回電腦，再配相片擺上網，手機比甚麼都重要，又多一例。

從書本寫作中，抽個多小時與大家分享點滴，就是為了堅持每日更新，這份堅持，我明白到是能夠突圍而出、得到你們愛戴的因素。免費送給你的.......一份堅持推動，唔係講笑，好多人都冇，比限量版更珍貴！

今年個人著作希望得到您的支持！！

————————————————————————————————-

本週《MORE》專欄精采內容：

心水遮瑕法寶 vs 熊貓眼

有什麼皮膚問題極惡搞？答是黑眼圈，相信大家也沒有異議！

幸而還有眼部遮瑕妝法掩飾，但要找到一款prefect match確是超難，又要切合不同膚質（乾性油性等），又要配合色素問題（是青是紫是灰），至怕塗後眼紋曝現，甚至變灰白眼圈！

能夠罕有成為心水推介當然有突圍優勝之處，請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

日本神級 保青春多效「原液」

大家知道什麼是「原液」嗎？

比精華素濃度更高，分子更細，容易滲透，也就成效更強，如是者塗用分量減少，功效卻更出眾。

的而且確，聽落好吸引，但要小心選用啊！

若然是針對美白的原液倒要小心使用，因為如維C濃度高有機會對皮膚造成刺激，敏感性肌膚尤其要避免。

我極喜歡的原液是任何肌齡、任何膚質類型也可放心使用，誠意推介大家，那是針對拯救膠原流失、乾紋皺紋、皮膚粗糙。

我視為保青春神之水滴，是一支集合皮膚三大須要原素原液：

透明質酸+彈力蛋白+骨膠原

基本上，現今女士看到以上三大成分字眼已經雙眼發光，了解到對皮膚抗老化的重要性。

告知大家，更重要的是成分是否優質、產地來自哪裡，及製造技術如何，方是一支產品能否給予美顏療效的關鍵。

此原液是醫學美容品牌 BB LABORATORIES，產自日本，由一位醫學博士率領一班專業研究人員精心配製，有自家科研實驗室，最強是針對皮膚衰老問題。

其實品牌除了原液，仲有一款勁好用的「粉狀修護化妝品」，賣個關子先，而且，有好多讀者話睇我blog搞到購物慾強盛，愈買就愈多.....haha，故此，我今次只挑選了這款Hyalurone Elastin Collagen Extract原液作為大家入門之選，保證試用後就會明白我勁喜愛的原因，也從此愛上呢！

我欽點此原液為皮膚必須品，

早晚使用就可打好皮膚底子！

真空包裝，成分保持最新鮮最好品質！

拆解三大成分：

透明質酸 ─ 鎖水

為目前美容界公認最佳保濕成分！舉例1克的透明質酸，能鎖住6公升水分，保濕能力高達6,000倍，能將肌膚水分儲起並持續釋放，令肌膚能經常保持在濕潤狀態，減少出現乾紋或乾敏情況。

彈力蛋白 ─ 提升

真皮內是有彈性記憶體，加強輸入彈力蛋白成分就可持續喚醒，對抗因彈力蛋白減少而引致的皮膚下垂情況，是肌膚年輕亮澤彈性關鍵。

膠原蛋白 ─ 緊緻

支撐皮膚細胞結構的主要元素是膠原蛋白，就像網狀為肌膚鞏固支撐力，肌膚飽滿，就有助撫平及預防皺紋。

-

質地：比一般精華素厚一點，少少黏，（大家看，倒轉樽身都不會滴出來），

卻能極易吸收，原因是成分用上高科技納米技術，將分子納米化，

可以極速穿透皮膚管道，直達真皮底層。

建議日常使用方法：

潔面及爽膚後，早晚以大約4滴份量，於全面搓揉，在特別乾燥紋理位置重複輕按，效果更好！之後再塗面霜封鎖養分。

妝前急救使用方法：

將半支2.5ml原液一次過豪俾皮膚吃！

方法是潔面後上妝前，厚塗於全面，薄塗於眼部，以手提離子導入器令分子加強滲透入肌底，皮膚即時水潤飽滿，上粉底自然特別貼服又持久不易脫妝啦！

這更是新娘子結婚當天的最佳修護啊！

塗後皮膚即時感覺是潤澤了，彷似飲飽水的豐盈，一整支細支裝5ml（約足夠用10次），feel到皮膚粗糙減褪，尤其是額頭位滑溜了許多；我每次索性買4支套裝，算起來價錢更抵用，早晚都塗可以用足一個多月。

究竟分別搽3支產品好，定用一支產品已含有三大成分好呢？

三者成分緊扣當然有因，強化底層皮膚整體結構 ─ 「鎖水、提升、緊緻」，是健康肌膚不可或缺的三大元素。若然分3支產品搽，不但需時，還難保皮膚吸唔吸收到，至怕阻塞毛孔標粒粒添！

---

我喜愛的產品，惠及自己也幫大家爭取了極筍優惠啊！

日本 BB LABORATORIES

Hyalurone Elastin Collagen Extract                                                          

「透明質酸‧彈力蛋白‧骨膠原」原液                                   

原價：$250／5ml

獨家激筍優惠如下：

Yoko 讀者限定套裝，加送離子導入機添啊---

Set A

原液／5ml x 4支 + BioBenefit 離子導入機

 優惠價 $680／套

 (原價總值 $1,380)

Set B

原液／5ml x 10支 + BioBenefit 離子導入機

 優惠價 $1,080／套

 (原價總值 $2,360)

*購買時，說明是Yoko讀者方可享獨家折扣優惠呀！

*優惠期至2013年5月底止。

*此限量超抵優惠，售完即止啊！

-

Shop list：

日本 BB LABORATORIES

香港銅鑼灣告士打道280號世貿中心G015舖

                                  

————————————————————————————————-

本週《MORE》專欄精采內容：

心水遮瑕法寶 vs 熊貓眼

有什麼皮膚問題極惡搞？答是黑眼圈，相信大家也沒有異議！

幸而還有眼部遮瑕妝法掩飾，但要找到一款prefect match確是超難，又要切合不同膚質（乾性油性等），又要配合色素問題（是青是紫是灰），至怕塗後眼紋曝現，甚至變灰白眼圈！

能夠罕有成為心水推介當然有突圍優勝之處，請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

變靚牙齒--- Vol .1 好友終於笑得開口！

寫呢篇 blog 之時，我係有感而發......突然間深深領悟到，原來牙齒對人生、愛情、事業係非常極之重要！

大家看林德信及麥家瑜呢張襯相，

就會感受到迷人笑容確係冧招，

甜笑露出潔白整齊的牙齒更是殺手鐧！

-
話說，前晚和一班大半年無見的好姊妹 ladies nite out......

由我選址，是中環歴山大厦COVA，

有open area坐得舒適傾得特別盡情，

至正係龍蝦湯煮魚塊加車厘蜆，勁鮮味，yummy！

呢類活動除了要揀一間氣氛及食物都上佳的餐廳外，便是交換近況、分享愛情、至冧戰利品、討論激烈又 gossip 的話題，當然唔少得如探射燈般掃視大家久久不見的 outlook 啦！
我成日都提點好友「做女人唔懶得，keep 住最佳狀態，提升競爭力！」

當晚的話題，不是今日 blog 文的重點，重點是第二日的 whatsapp chat room 內大家的對談，竟然集中在平日非常文靜的好友F，為何以前含羞答答、說話永遠垂頭側面、聽完一個爆笑笑話都只會掩口淺笑的小姑娘，突然變成另一個人？！
談吐時的自信、眼神的肯定，以及最重要的燦爛笑容，就好似女性見到蜜糖兒林德信一樣，好友F當晚居然在我們面前經常開口大笑呢！

為了拆解問號，我立即從 whatsapp 中翻看當時所拍的大合照，要清楚檢視她的容貌！但不可能看到甚麼眉目，因為像素太低，幸好我有用DC拍攝的習慣，從SD咭copy番張相落電腦，再同好友F的舊照一併，她的最大改變，是從來的她只會合口微笑，呢一次，她居然開口大笑？！
終於謎底打開，好友F在過去一年時間，原來努力大變身---哈哈，是由打風般的牙齒變成整齊的牙齒，面型也自然地更尖細呢！

基於個人私隱，好友F的相片恕我不能公開，不過，事件的始末也頗戲劇性，她說可以讓我公開分享。
靚牙齒至有真愛？
好友F告知，她呢一變是原於有慘痛經歷，原來她的ex 經常用言語及眼神挑戰她的底線，嘲笑其牙齒不堪入目，慘慘慘啊！
無計，鬼叫好友F當時愛得盲目，乜都忍到；至可惜是，忍忍忍都維繫不了愛情，她男友還是有新歡了。好友F在 FB 刮料，最大打撃是情敵的笑容好甜美好自然，一副漂亮牙齒令人注目！
結果，好友F定下目標決心大翻身，誓要ex見到她煥然一新---「大後悔」！
-
整齊的牙齒真係好處多，仲有星級例子添......

嘩......東方報導「周麗淇十八變搣甩掃把牙」！

尤其是artist明星，外表非常重要，笑臉迎人親切image是食這行飯不明文規條，試想像大笑時露出不雅牙肉，又或是牙齒不整齊，就會成高危被慘笑對象，絕對影響自信。

當今被列入靚女行列的周麗淇Niki ，曾幾何時也被傳媒經常捉拿「痛腳」，就是因為牙齒形態問題令大笑時露出牙肉......

隨著Niki的受歡迎及受注目程度，她的外形和裝扮愈來愈有氣質，經修飾下更得到一副整齊的牙齒，還有bonus瓜子面形，觀眾緣得以提升，100%認同其事業更上一層樓！

由笑容到個人自信、以至社交生活，你話一副整齊的牙齒，係幾咁重要！
何況，呢問題並非只在女性身上發生，男性一樣有相同困擾.....

男性有哨牙又點睇？討好......我嘅意思係，除非你有蕭正楠咁俊俏，在《仁心解码Ⅱ》中哨牙造型咁另類可愛，至會出奇地咁得人歡心！

講到呢度，又要搬番好友F的個案，話說她與一位男性好友特別投契，友好程度達到以父女相稱。損友D卻在一次沒有他們在場的飯局上，突然爆肚講句：「一睇就知佢地有父女相, 因為同樣有棚大哨牙！」結果餐飯係由損友D埋單請客，因為大家都威脅佢：「講俾好友F知，實反面！」
所以話，男仔棚牙唔靚，一樣會被人笑。

至於點樣可以變靚棚牙？
我身邊終於有明燈實證出現了，下次至同大家分享終極變靚法。
待續......

————————————————————————————————-

本週《MORE》專欄精采內容：

攻日搜刮新發亮美容＜妝品篇＞

想睇東京購物最新資訊，除了我的blog，仲有我的專欄介紹。今次我想講，日本的睫毛真係頂呱呱，好過韓國同台灣的不知幾多倍！想知有幾好同去日本邊度買得到？請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

解構！點解去日本買錶平？

因為呢一篇blog：趁Yen跌，再去日本買Rolex！
成個星期，無論出席任何活動，遇上PR的標準寒喧內容，就係：點解去日本買錶平？朋友間多了些Whatsapp問到底點平法，點先為之最抵？讀者留言又好、email又好，個個都問應該點買法之餘，其實大家已經手握日本機票，磨拳擦掌準備去日本買錶！

以上呢張相，就係我去到中野手錶名店Jackrord時，偷偷用iPhone影的，店內講明不準拍攝，但為了話俾大家知，只係一個飾櫃已經有咁強大陣容，我冒呢個險又點話！

首先要解構的，係點解呢個時候去日本買錶平？著眼於一點，日圓匯率急跌的時機！
舉個例子，因日圓這兩年升幅近三成，日本買手去日本以外國家入貨，從前要用100萬Yen先買到的錶，因Yen升於是就可以用大約八折的價錢買到，即是約80萬Yen。
先天的匯率優勢，因3月份日本宣佈量化寬鬆政策日圓匯率急跌20%，我們可以用較平的價錢兌換日圓，但對日本的商人而言，用80萬Yen成本入貨，加上合理利潤後，只要收回相同的Yen數，對他們而言也是一宗有賺冇蝕的交易，於是乎，他們用較平的成本入貨，現在我們用較平的匯率買入，就是我所說的「能夠獲得折扣的空間」！
不過，目前日本買手的入貨成本便高了，因日圓跌，到外國買錶的成本高了，額外的增幅當然轉嫁落消費者身上，於是新入貨的手錶自然會以較高的Yen價來定價，我們可以獲得「折扣」的空間就會少了，甚至失去，所以去日本買錶，要趁早。仲係唔明？總之坎坷過後冇艇搭啦！

無錯，目前真係坎坷過後無艇搭，因為已經有好多精明的香港人去日本掃錶，例如羽田機場的免稅店已經係重災區， 友人剛從日本經羽田回港，說Rolex的運動錶款幾乎一件不留。Jackroad一類水貨店的錶款逐少逐少的加價，賣得比香港便宜的空間拉近了不少，咁點算？

買  二  手！

如果你本身好介意買二手，都唔好放棄睇埋落去，因為日本的二手錶，未必係你想像中的二手！以我為例，其實未出發日本之前，我的第一志願，其實係呢隻Rolex Daytona「四大美人」之一的Yellow Beach 白金黃色皮帶Daytona：

點解叫四大美人？話說呢款Daytona一共有淺黃、淺藍、淺綠及粉紅四種錶帶顏色，是Rolex少有的「女性向」Daytona款式，大約在2000-2001年推出過，之後一直冇出現過，直至上年又再度推出市場，但都算非常少量，由於有四種錶帶顏色及錶面，加上女性向，所以俗稱為「四大美人」！

四大美人，以粉紅為首選，可惜冇現貨（我自己就非常鍾意，在香港也見過實物，美不勝收！），其餘只有Yellow Beach吸引到我去睇下。售價方面，香港官方定價：$230,900（有人問我點解咁清楚Rolex的官方定價？這個討論區有詳細價錢：勞力士價目表），日本定價：￥2,761,500，Jackroad「二手價」：￥1,728,000，退稅後：￥1,645,714，約港幣：$131,657。

咁你會話，二手梗係咁平啦！其實，呢隻錶暗藏玄機，睇下呢隻Yellow Beach的簡評：

唔識日文唔緊要，請睇漢字：「完全未使用品」！其餘日文字解埋俾你知：黃蝶貝文字盤、18K白金錶殼、錶側、錶腳、底蓋、錶帶的原裝保護貼紙未撕、V Serial Number，保證書發出日2012年6月。
我現場親眼check過，的確係一隻未戴過的全新錶。咁點解新錶居然被當二手賣？日本通老公講過一次俾我聽，可惜我冇心裝載，左耳入右耳出，總之係日本的一個獨有的「套現文化」。可惜，呢隻錶睇相就靚，實物的錶面暗淡無光，完全睇唔出係一隻咁名貴的手錶，同場亦有粉藍色，同樣不入我眼光，只有粉紅係真真正正靚錶一隻！所以才轉買116515LN。

分享完我的故事，其實要帶出一點，如果仲想去日本搵平錶，真係要試下在二手區入面，搵出「完全未使用品」去買，抵住佢會將新錶當二手賣，價錢比新錶再平，只係比真正二手稍貴。再者，呢類「完全未使用品」手錶，每間日本錶鋪總有三五七隻，不妨諗諗。

俾多個貼士大家，定期留意Jackroad.co.jp呢個網，指向「中古」就會出現品牌列，第一個出現的ロレックス就係Rolex，搵到心水「完全未使用品」，抄低產品編號，立即發一個email畀Jackroad（china-customer@jackroad.co.jp），預留手錶，講明畀對方知你幾時會到日本睇（留幾日好啦，留超過一星期都唔應該，佢地亦唔會咁做），咁就最方便。

教你地去日本買錶教到咁詳細，去到日本有乜買錶趣事，記得留言話番俾我知呀！

————————————————————————————————-

本週《MORE》專欄精采內容：

攻日搜刮新發亮美容＜妝品篇＞

想睇東京購物最新資訊，除了我的blog，仲有我的專欄介紹。今次我想講，日本的睫毛真係頂呱呱，好過韓國同台灣的不知幾多倍！想知有幾好同去日本邊度買得到？請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

「Yoko x 拉斐特 」指導新娘美顏篇 vol 2

大家記得呢個裝飾得咁靚靚又浪漫嘅櫃嘛？

上個月首度登埸，係放置我定期精心挑選的特式護膚及化妝產品，

就在全港最大一站式婚宴專家---'Lafayette Wedding拉斐特' 的婚紗新娘化妝房間，讓新人免費享用。

（http://www.facebook.com/Lweddinghk）

專登在這網誌分享，當然也適合每日到此一遊的讀者啦！

好喇，立即入正題！

第二件進駐「鎮店之寶」是：

Shu Uemura TSUYA 光感新肌精華 $550／30ml

這是品牌熱賣產品，經常斷市，高舉七天提升肌膚六大成效，包括毛孔細緻、皮膚光滑、彈性增加、粗糙改善等。

呢支產品用法好特別！大家別被「精華」兩個字眼所誤導，它並不是一般精華素來的......

首先，於用法而言，是潔淨面部後，接著輕抹爽膚水作為double cleansing，接著是塗上這「光感新肌精華」，才到精華素，最後以面霜作結封鎖養分。

白色乳液狀，很水潤透薄，非常柔滑適合配合按摩動作，可以即時軟化皮膚。

此妙品就是日本美容界近年間鼓吹的導入液。

大家可知這步驟很緊要啊！很多日本女士也有塗導入液的好習慣，是保持皮膚年輕的武器，把握爽膚後皮膚最收吸之時，先喚醒肌膚細胞，好讓往後護膚品成效加倍。

綜合眾多產品，我偏愛shu uemura 上年推出的「光感新肌精華」，快見成效而且多功能，它能幫助打開皮膚細胞壁，試幻想等同打開管道的蓋子，就可以輸送物品入內；並以活躍皮膚細胞複合物，叫醒底層細胞馬不停蹄作更生工作，即是有助吸收往後產品營養同時間針對肌底修護，能鞏固皮下層肌膚細胞健康，令表皮散發通透亮麗感。

唔講咁多，你哋自己睇吓我搽咗之後，皮膚表現啦......

這精華是在爽膚水前先用作全面'switch on'，塗抹後皮膚即時感覺很柔軟，粗糙減褪，蘋果肌及眼尾散發亮澤效果，特別適合妝前作一分鐘按摩，以減褪乾紋，令妝效更貼服；長期使用更是維持皮膚健康狀態的基礎啊！

————————————————————————————————-

本週《MORE》專欄精采內容：

攻日搜刮新發亮美容＜妝品篇＞

想睇東京購物最新資訊，除了我的blog，仲有我的專欄介紹。今次我想講，日本的睫毛真係頂呱呱，好過韓國同台灣的不知幾多倍！想知有幾好同去日本邊度買得到？請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

東京食買玩攻略2013（一）

日本真是百去不厭的潮流聖地，何況Yen平，最近身邊不少朋友都爭相話去日本，搞到我都心郁，書展之後，完成手頭上最重要的工作後，會認真計劃一下再闖東京！

之但係，最多讀者朋友的問題，都係去日本有乜好做，其實自己久別東京三年，剛過去的這一次日本之旅，真的冇點計劃過，連買旅遊書都冇，所有地方都係即興就去，見乜食乜、見乜買乜，plan？好在身邊人係日本通，我先咁放心咋！

首先講食，我很喜歡新宿的百貨公司，近期必行的就係位於新宿JR車站內的Lumine EST，最潮的店都在這裏。通常我和老公會兵分兩路，佢行新宿Isetan Men館，我行Lumine EST，再加對walkie talkie，約定個時間會合，再加walkie互通位置，再見面都不知幾咁易。有時我自己會找間食店坐低等佢，所以Lumine EST地庫B2的下午茶店HARBS就係shopping後最佳集合店！

這裏的士多啤梨蛋糕，只可用怪你過份美麗來形容。

所以條人龍都誇張得好犀利，今次時間太趕，等唔切，唔食咯，不過可以介紹給大家認識一下，下午茶都係浪漫，只要你肯等。

食唔到士多啤梨蛋糕，不如試下窩夫，就在新宿車站南口出口處，就有一間Mr Waffle，又係排晒長龍。我對日本的人龍店情有獨飪，有人龍就代表受歡迎，是鐵一般的定律！

行埋去一睇，真係口水都流埋，有原味、朱古力味、杏仁味、蘋果味，加上香噴噴的窩夫味，用個鼻聞一聞都知道所在地！

我自己就揀了原味同朱古力味，以朱古力味略勝一籌。不過，買的時候要留意，因為以外賣店形式經營，當你手指指話佢店員知你想要邊款同幾多之後，佢又會用一大揪日文問番你轉頭，點算？其實佢一定係問你，宜家食？定係帶走返屋企食？宜家食，佢就會俾你新鮮出爐熱辣辣窩夫，返屋企就會俾凍了的等你返屋企翻熱。我們遊客當然揀即食，你只要答店員「Ima Taberu」（音：衣麻他啤lu，解作立即食），新鮮出爐窩夫等住你！

買方面，新宿的店鋪都係日本連鎖式經營的品牌，所以我不特別介紹給大家，反正靚，但不便宜，只要根據自己的個人口味選擇就可以啦。所以要搵特別東西，一定要去原宿。搭JR去到原宿站，記得搵竹下口，一出就係竹下通，沿竹下通直落，兩旁小店多不勝數，一定滿足到你的發掘心理。

落到最底，有條大馬路，過對埋馬路，行入條小路，就到達大名鼎鼎的裏原宿，以前屬於日本潮流發源地，今日都係，不過已經由寧靜小區變成特旺遊客區，小店林立。今次令我大手購物的店，係一間帽子屋Polcodot：

簡單咁講，店內的帽款，在香港真係搵唔到，顏色、型狀都非常特別，不要睇下圖中三款好似好平常，全部都係特別剪裁，不規則帽型。我最欣賞店員的認真配襯態度，當你見到頂帽，唔知點戴同點襯，記得問店員，佢地會好認真咁幫你襯，又教埋你點戴，雖然你唔識日文佢又唔識中文，但身體語言做配襯，大家一定可以互通！

 仲有，在日本購物，記得用銀聯，去丸井系百貨0101，全店會有九五折優惠，仲有得退稅，變相全店購物九折，在非減價季節去日本，九折真係好抵。

行足成日，食埋晚飯，又點會就咁返酒店？香港人通常去遊戲機中心打下機夾下公仔，又酒店同夜店，冇日本人帶路又唔識點去，咁就不如去日本宜家非常流行的飛鏢酒吧，有飛鏢有桌球，嘗試過一晚日本人的晚間娛樂，氣氛不錯的。我介紹這間位於涉谷道玄坂Uniqlo店樓上的BAGUS！（就在109左手邊斜路直上就係啦）

 我冇認真咁數，但全場一定有超過40部電子飛鏢機，每局￥100，比香港五蚊一局貴些少，但一場來到，唔好咁計較啦。收費方面，玩飛鏢要￥400/小時，包一張台，另每一必須叫一杯飲品，有酒精亦有非酒精飲品。就算你唔鍾意玩，當你見到身邊的男男女女都非常投入（日本人玩起上來真係好投入），我相信係可以感染到你的。唯一我覺得可惜的，係場內可以盡情吸煙，我自己就唔係幾慣，唯有揀張角落冇咁多人的台坐下啦。

 BAGUS店內有間飛鏢用品店，如果你咁橋又係飛鏢愛好者，咁就唔好錯過購物的機會，平過香港買之餘，仲有好多日本別注特別版配件。

地址： 日本〒150-0043 東京都渋谷区道玄坂２丁目２９−５
電話：+81 3-3463-6669

————————————————————————————————-

本週《MORE》專欄精采內容：

攻日搜刮新發亮美容＜妝品篇＞

想睇東京購物最新資訊，除了我的blog，仲有我的專欄介紹。今次我想講，日本的睫毛真係頂呱呱，好過韓國同台灣的不知幾多倍！想知有幾好同去日本邊度買得到？請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too