2013年3月8日星期五

誠邀參加「Kiehl's x Yoko 美白BB Cream分享會」

又有機會同大家近距離見面喇！
就是即將舉行的美肌分享會，有我講扮靚心得，當然唔少得免費獲贈我推介的心水Kiehl's 護膚產品啦！
靚......係應該大家共享嘛！

透露少少內容先，今次參加分享會的妳，可率先體驗了解醫學品牌 Kiehl's 最新主打：Actively Correcting & Beautifying BB Cream 維C修護BB霜SPF50 PA+++ 及 Dermatologist Solutions Clearly Corrective White Collection
醫學革新維C淨白系列。

BB Cream「梗有一支喺左近」，絕不誇張！
有理由相信，100位女性99位都用過！
咁多美容品牌都先後加入BB Cream戰團，究竟點樣揀？
我是用家更是專家，試過為數半百款，當中有好又有劣，要搵到BB Cream Mr Right真係唔易！
我有超級心水推介，效果勝人一籌，修飾到皮膚瑕疵仲可以真正美白潤肌，大家係咪好想知、好想試呢？

貴為我讀者，待遇特別好，有機會免費參加「Kiehl's x Yoko 美白BB Cream分享會」，仲每人可獲贈Kiehl's一套七件最新護膚禮品添！
禮品包總值$600：
 禮物包括：最新皇牌維C修護BB霜SPF50 PA+++（成支貨裝呀......好豪爽）
+ 醫學革新維C淨白系列--- Clearly Corrective White潔面、爽膚水、磨砂、
精華、乳液、面霜等試用裝。
---

即睇以下詳情，快手報名喇，名額只得15位！
分享會日期：3月15日星期五
時間：晩上6:45-8:30
地點：Kiehl's Place --- 尖沙咀海港城世界商業中心1002-1003號室
*知道大家放工就嚟，到時會備有精美小食及飮品款待。

名額非先到先得，著重大家誠意！
請在此blog文留言「為什麼想參加Kiehl's x Yoko分享會」
被我挑選的15位就可以下星期嚟玩喇！
*截止報名日期：3月10日 晚上9時正。
獲挑選的參加者，將於3月12日收到由Kiehl's發出之電郵通知，出席當日請出示以作入場核實，謝謝！

如有任何爭議，Kiehl's保留一切決定權。
———————————————————————————-–











本週《MORE》專欄精采內容：



日本大流行 廉價密集式駐顏面膜



連續敷一個月paper mask，美顏效果有幾好？



有一款日本製專業用袋裝面膜，一大袋30片敷足一個月療程，只係$150蚊，贏盡口碑大行其道，在日本大賣外，到了台灣也備受吹捧，大家都一致讚同效果好又激抵用啊！詳情請留意今期《MORE》雜誌內我的專欄。
發佈者： Yoko Tsang 於 00:00 11 留言
標籤：

2013年3月5日星期二

妝前底霜新歡揭盎！vol 2

噚日預告我最近又試到好嘢，要搶閘同大家分享，就是Paul＆Joe 3月至出的火辣新成員......
Protecting Foundation Primer​​​​​​
防曬妝前隔離霜 $360
（3月4日至17日於時代廣場連卡佛、尖沙咀海運大廈Facesss率先發售）
---
妝前隔離霜通常係無顏色，即透明，但我今次推介的Paul＆Joe有兩款色調​​​​可切合肌色需要啊！
我擁有嘅base係呢隻色---
Honey (02): 粉中帶金的色調，為肌膚提升亮澤感；我認為特別適合蒼白型肌膚女士。
【另備有 Dragée (01): 暖粉紅色調，令膚色更健康、更甜美；我建議面黃肌膚用嚟調色。】
塗後皮膚泛起淡淡的金黃色，效果很自然亮麗，質感極水潤。
---

好喇，當塗完妝前底霜get ready後，加多兩件我最常用妝品試下效果俾大家睇！
是Estée Lauder 粉底液及 Cle de Peau碎粉。
搽base後，再on top 搽埋粉底液效果又點？

嘩，細紋都被隱藏埋，膚色好均勻，富光澤感，妝效都算自然。
---
最後，再on top撲埋碎粉定妝效果又點？
最後撲埋碎粉定妝，油光感即時減褪，妝效顯得啞緻，皮膚無咁潤但貼服了。

呢支妝前底霜不單止具調色功效、隔離污染，至喜愛是含多種護膚成分，美肌同步駐顏！
即刻話俾大家知有咩成分，功效係乜先：
黄芩精華---是天然消炎、抗敏、抗菌成分。
白百合精華和橙花水---保濕舒緩，有效防止肌膚過敏。
南非歪豆精華---含有維他命C及礦物質，可高度抗氧化，以緩和肌膚衰老。
透明質酸---唔使多講，係主力保濕。
紅茶精華---有助淨化皮膚，即係排毒。
微晶纖維---幫助吸收過盛油脂分泌，減少油光滿面。

———————————————————————————-–

本週《MORE》專欄精采內容：
日本大流行 廉價密集式駐顏面膜
連續敷一個月paper mask，美顏效果有幾好？
有一款日本製專業用袋裝面膜，一大袋30片敷足一個月療程，只係$150蚊，贏盡口碑大行其道，在日本大賣外，到了台灣也備受吹捧，大家都一致讚同效果好又激抵用啊！詳情請留意今期《MORE》雜誌內我的專欄。

發佈者： Yoko Tsang 於 00:00 0 留言
標籤：

2013年3月4日星期一

拆解妝前底霜重要性！vol 1

大家搽粉底前，有無搽妝前底霜（又稱隔離霜）啊？
我問過身邊好多女性朋友，八成答案是：「無喎！搽完保濕面霜咪上粉底囉！」
Oh.......no!

等我分析壞處及好處俾大家知：
搽粉底前無搽隔離霜，初時大家未必會感受得到壞影響，但只要持續一個月，「保證」膚色愈嚟愈黃又灰暗、粉刺激增、膚質粗糙。
從好處來看，妝前底霜是有效阻隔粉底粒子直接觸及肌膚，防止色澤滲入毛孔；加上部分粉底會添加礦物油加强柔滑質感，卻是堵塞毛孔，助長粉刺元兇；高品質的妝前底霜加入了眾多護膚成分，同步修護肌膚。
故此，再三提醒大家「妝前底霜你要用，又黃又暗悔莫及！」

市面上眾多妝前底霜（隔離霜），老實說又唔係全部都好嘅，質地唔夠柔滑唔夠保濕，妝效唔會靚；光澤度又要恰當，否則似滿面油光；劣質的無乜有效修護成分，至驚有雜質和添加有損肌膚防腐劑啊！

最近又試到好嘢，想搶閘同大家分享，是3月至上埸的 must have item......
明天揭曉！

———————————————————————————-–

本週《MORE》專欄精采內容：
日本大流行 廉價密集式駐顏面膜
連續敷一個月paper mask，美顏效果有幾好？
有一款日本製專業用袋裝面膜，一大袋30片敷足一個月療程，只係$150蚊，贏盡口碑大行其道，在日本大賣外，到了台灣也備受吹捧，大家都一致讚同效果好又激抵用啊！詳情請留意今期《MORE》雜誌內我的專欄。

發佈者： Yoko Tsang 於 03:19 0 留言
標籤：

2013年3月1日星期五

送Shu Uemura非賣品


非賣品當然特別珍貴！
今日，我準備割愛，是一件極心愛的非賣品，給長期支持我blog的您！

紙袋及紙盒外表是這樣的.......

就是這盒Shu Uemura皮革，猶如卡片盒又似碎紙包，實情，相信單憑外表無人估到係內藏乜東東！大家咪以為係眼影、粉餅、化妝掃、假睫毛、旅行裝護膚品......喎！

登登登，是修理靚靚指甲專業套裝，是不銹鋼來的，真材實料，一套四件，幫您細心打理靚甲！是Shu Uemura出品，必屬佳品，想要，俾錢都買唔到㗎！

偏偏，您有機會免費獲贈！
請在http://vipblog.orientalsunday.hk/yokot/?p=9075文章留言，說出「最喜愛Shu Uemura的一款產品是什麼，及原因！」

*由我揀選的幸運兒名額只得一位。
*結果公佈日期3月4日，請留意我Facebook Page就知幸運兒係咪您喇！

———————————————————————————-–
本週《MORE》專欄精采內容：
裸妝加分的秘密武器
看似無添加的妝容最能留住別人艷羨目光！試幻想沒眼線、沒胭脂、沒紅唇刻意修飾，皮膚自然的透出光澤、眼神精靈睫毛纖長、珠唇柔軟粉嫩，這似有若無裸妝比起濃妝艷沫更惹人喜愛！點樣可以做到？詳情請留意今期《MORE》雜誌內我的專欄。
發佈者： Yoko Tsang 於 03:25 0 留言
標籤：

2013年2月28日星期四

把自己影得更美得小道具---Ring Flash

最近對攝影產生了一點點興趣，除了因為方便自拍及強勁的美顏功能而添置了Casio的「自拍神器」外，還聽說可以添置一個小道具，可以把容貌拍得更精細和漂亮，叫做Ring Flash。
於是捉住老公問個明白，他說在鴨寮街可以買到，於是捉著他，昨天做了人生的第一次，去行鴨寮街！
簡單來說，Ring Flash是在鏡頭前加一個圓形的光環，裝在我的Panasonic GX1上就是這樣：
從另一個角度看，加了Ring Flash後的GX1，非常之專業呢：
就好像一個專業攝影師使用的相機一樣！
這個Ring Flash開著了之後，就係咁樣樣的：

由於是LED光，很亮的卻一點也不會有熱的感覺。這個Ring Flash只不過$288，另外加20買一個鏡頭接環，因為GX1的鏡頭直徑是37mm，加一個35mm-55mm接環，就可以扣實Ring Flash。如果加多$308就可以把我拍得更美，絕對值得。
而令我更有信心購買的原因，是店員在介紹一些攝影器材時，不停介紹說某專影o靚模的攝影師都係用呢樣同個樣，點樣又可以把人影得更靚，又教我點樣用，非常細心，我覺得專業精神可嘉，我老公離開時即講：「如果係男人問，佢點會講咁多！」
而會去深水埗的原因，除了買Ring Flash，主因係要去香港雞煲的發源地，我目前最愛的「隨變雞煲」的前主理人文姐另起爐灶，被各大傳媒聲為全港最好食的「凰朝雞煲」，食番餐正宗雞煲，可惜，期望愈大失望愈大，雞煲味道和隨變一樣，但燒烤類食物同灣仔隨變差天共地，燒牛舌一D肉汁都留唔到，雞皮同雞軟骨都係向批發商購買的現成貨而非自製；本地手切肥牛好靚，雪花均勻，但師傅的刀功更勁，將肥牛薄切到同紙一樣咁薄，一夾就爛，真係幫間鋪慳唔少成本。真正只有好味的，係前菜「麻辣豬天梯」，灼熟豬天梯後，再切絲，工序多，唔多會有其他食肆會做，值得去讚，但都唔會有下次，希望有其他食肆肯做，等我有機會再食啦。
至於相片效果，暫未有時間試，因為我已經好眼訓咯。
———————————————————————————-–
本週《MORE》專欄精采內容：
裸妝加分的秘密武器
看似無添加的妝容最能留住別人艷羨目光！試幻想沒眼線、沒胭脂、沒紅唇刻意修飾，皮膚自然的透出光澤、眼神精靈睫毛纖長、珠唇柔軟粉嫩，這似有若無裸妝比起濃妝艷沫更惹人喜愛！點樣可以做到？詳情請留意今期《MORE》雜誌內我的專欄。
發佈者： Yoko Tsang 於 02:09 0 留言
標籤： ,

2013年2月27日星期三

星級陣容 盡興一夜

噚日，我度過了超愉快的晚上！

與城中眾多公認索女神，近距離見面傾計，還有同埸一眾美容大品牌PR濟濟一堂。
首先，要多謝神級經理人阿Kim的邀請，稱她做「神級」相信無容置疑，看Angelababy及熊黛林的驕人成績，真的很佩服她的努力及腦力！

噚日，正是Kim旗下公司'STYLE international management' annual dinner啊！

服裝主題是'Bling Bling'，主人家Angelababy勁貼題，
穿上這件銀色閃片中褸，反晒光，bling爆全場。
合照完，她即要看看閃光燈下相片效果，看見件褸夠閃，即甜笑說：「靚！」

另一主角是熊黛林，她竟然記得我哋首次工作的事件！
事緣當年我負責<新假期＞雜誌封面的image styling，人物就是當時剛來港不久兼首次為雜誌工作的熊黛林，拍照地點是海洋公園，天氣熱到暈，有幸幫她換幾套衫，哈哈！
中間笑得至燦爛是Kim公司得力幫手Alice，她是我同學啊！當年就是我介紹Alice見阿Kim，結果佢哋一拍即合好多年了，呢件撮合事件，大家也經常掛在口邊，好開心呀！

名模Kathy Chow，呢期最紅超幸福女人，我經常會與她巧合碰面，
素顏女星中，我俾十個讚！噚日，趁機再次多謝她幫我上年本著作寫序啊！

高人一等model靚女隨處可見，相信男士們最常參加這party啊！

今次annual dinner選址在中環1968印尼餐廳，上年12月獲得車胎人榮譽推介《米芝蓮香港澳門指南》，當時我專登再捧場狂食，用放肆實際行動恭賀老板，就是呢位靚仔Hudson喇！大家相識多年，見到佢同間舖愈嚟愈紅，真為他高興！

同步為Angelababy慶祝生日啊！
個蛋糕勁靚又浮誇，hehe，唔知許咩願呢.......海綿蛋糕......是朱古力味！

過百人歡樂派對，當然不少得抽獎環節啦！有眾多美容產品贊助，與我同到場的御用化妝師Soie就抽到Ultima II、仲有per face送出萬元treatment coupon、adidas 禮品coupon......及現金一千、二千、五千蚊啊！大家盡興而歸！



———————————————————————————-–
本週《MORE》專欄精采內容：
裸妝加分的秘密武器
看似無添加的妝容最能留住別人艷羨目光！試幻想沒眼線、沒胭脂、沒紅唇刻意修飾，皮膚自然的透出光澤、眼神精靈睫毛纖長、珠唇柔軟粉嫩，這似有若無裸妝比起濃妝艷沫更惹人喜愛！點樣可以做到？詳情請留意今期《MORE》雜誌內我的專欄。
發佈者： Yoko Tsang 於 03:07 0 留言
標籤： ,

2013年2月26日星期二

平爆瘦身食物

放乜嘢入口，既滿足口感，又可以愈食愈瘦？

話俾大家知，我一星期食六個連皮蘋果，盡量在每日進餐前食呀！
蘋果含有的蘋果酸，可以加速新陳代謝，幫助減少積聚了的脂肪，而且所含的鈣質豐富，可減少令下半身水腫的鹽分。

陳皮，能幫助消化、排除胃氣，還可減少腹部脂肪堆積；但千奇咪食醃製陳皮零食，又多鹽又多糖，唔健康愈食愈肥添！我的建議是常煲羅漢果陳皮水，各一加水同煲廿分鐘，焗十分鐘就飮得，代替白開水飲用，兼可以潤喉防咳，保靚聲。

仲有一種食物係我由細到大都咁like，甚至小學時試過自己親手種......但當時唔敢食傑作之嘛，haha！就係平爆芽菜。
是很多美國人推祟的蔬菜減肥食療之一。
熱底、常生暗瘡、肥胖者特別適合！
芽菜營養價值高且熱量低，還含有豐富的膳食纖維和維生素，常吃芽菜，可以防治便秘。中醫角度亦認為綠豆芽具藥理作用，不僅能清暑熱、通經脈、解諸毒，還能調五髒、美肌膚、利濕熱，但由於性涼故寒底人士不宜多吃。
亦由於生長期短、不需施肥、不需農藥就能有很好的收成，基本都是無害蔬菜。
故此生吃無大礙，也更能吸收營養價值，我最愛的食療方案如下：

1）將芽菜用室溫水沖洗過，加黑醋涼拌而食，超爽口脆嫩，酸中帶甜味，正！
2）將芽菜置入攪拌機榨成汁（先用室溫水沖洗過），加入一湯匙蜂蜜，就是很清新的清涼特飲。
3）生菜包，但唔係包肉碎，係用生菜包住芽菜及西施柚肉，勁多汁的配搭！

生的蔬果食物充滿著酵素，是最健康、最有療癒力的天然營養品。大家不妨試試以上芽菜生食法啦！
———————————————————————————-–
本週《MORE》專欄精采內容：
裸妝加分的秘密武器
看似無添加的妝容最能留住別人艷羨目光！試幻想沒眼線、沒胭脂、沒紅唇刻意修飾，皮膚自然的透出光澤、眼神精靈睫毛纖長、珠唇柔軟粉嫩，這似有若無裸妝比起濃妝艷沫更惹人喜愛！點樣可以做到？詳情請留意今期《MORE》雜誌內我的專欄。
發佈者： Yoko Tsang 於 02:45 0 留言
標籤： ,
訂閱： 文章 (Atom)