最新減肥機預告+免費請你減肥

澳門之行，大吃大喝，只不過30小時，回家上磅，竟然發現自己重了3磅！

所以話，減肥又點會唔係每一位女性的終身抱負？
回港當晚，我已經立即在家做了30分鐘運動，因為知道星期一中午又約了好友食大餐，更立即約埋星期一晚做機減肥，務求在最短時間搣甩3磅！
就在自己敞著做 VelaSahpe 時，忽發奇想，點解咁耐都冇乜有效的減肥新儀器登場？

新機新儀器，一直都有，不過新減肥技術，近年似乎唔多，始終廠商近年集中開發護膚方面的儀器，去斑收毛孔緊緻提升拉緊樣樣齊，唯獨減肥冇乜起色！
道理很簡單，減肥只需做運動就見效，零花費加上食少D，仲幫你慳到錢；但毛孔色斑鬆馳暗瘡疤，做機才可以最快見效，以廠商角度，你話係咪發明護膚儀器緊要過一切？
想著想著，忽然收到個Whatsapp，原來是相熟美容院老闆娘話自己即將引入3部歐洲減肥機，最新兼全港獨家，預計2月底到港，想搵我率先測試云云。嘩，新正頭就心想事成，又會咁好彩頭，想乜有乜！
呢個時候，我的美容師搭訕：「其實好肥好肥的人，大多數已經放棄減肥；真係立下決心的，都會狂做運動加大節食，幾時會諗到做機減肥？真正熱衷做機的人，大部份係追求局部纖體、完美線條的人，因為呢D真係要靠儀器先做到。」呢一點我絕對認同，正如我身邊的朋友驚訝我要去做機減肥時，他們都不會明白局部減肥的重要性，何況我每星期都有去gym room做帶氧運動呢！
睇到呢到，到底新機係何方神聖？當我了解過後，大致上係：1.一款是全新減肥技術的儀器；2.一款係將現有技術改良得更加安全的儀器；3.一款係純尚天然、慢慢減的儀器。特點係3部機都係同一個歐洲品牌，而3部機各自採用不同的減肥技術，好處係3部機都可以用在同一個人身上，更可以密集式使用，度身訂造一個連續6日的極速纖體療程，6日可減3-5KG！
有冇咁誇張先，連續做6日減肥機，可以減3-5KG？當然，要做到呢個數字，減肥者必先BMI指數超標，我本人一定做做唔到呢個數字！而老闆娘仲話，已經搵定一個好似《老表你好o野》劇中「細細粒」身型的女士做測試，到時一定有震撼圖片畀我交差。

講到咁勁，我立即反建議：「到時請我一個讀者免費減肥仲好啦！」哈，我隨便講下，點知老闆娘真係肯免費請，咁我亦唔客氣：

立即進行免費招募！

1. 如果你好想減肥，立即將你想減肥的原因、肥胖帶畀你的苦惱寫底（包括你的年齡、身高及體重），email畀去我呢一個電郵：yokotips@gmail.com
2. 寫埋你想減的部位，連同該部位的相片，一齊email畀我。
3. 如果想成功被我挑選成為免費減肥幸運兒，當然要有一個很充分的理由，以及圖片要清楚見到你的部位。拍多些圖片亦無妨，這樣更加會容易被選中，因為你愈讓我了解，我才可以選中適合的人。
4. 雖然是免費，但我會以安全為大前提，如果當新機到港後，我認為儀器不適合或未必幫到各位，呢個免費的減肥約定就會取消。始終，這個不是廣告噱頭，我是真心希望有最新而有效的減肥儀器幫到大家，而不是因為有美容院肯免費送，我就求其幫人送的！

是次招募行動，到2013年2月28日晚上12點為止。

———————————————————————————-–

本週《MORE》專欄精采內容：

十個讚新登場妝品

市面上有千萬款睫毛液、眼線筆、遮瑕膏，看包裝無比吸引，水準卻有參差，唔理性買埋化妝品一大堆，試完浪費金錢又不環保。想睇我的超真心推介，詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

朝拜舊澳門 的 時尚葡菜！

遊澳門，賭從來不是我的目的，我只喜歡一班好友起哄式柴娃娃的歡樂賭局，澳門這類「搵食搏殺」，要每位賭者不動聲色、認真對待的，只讓我感到悶蛋非常。
所以去澳門的最大樂趣，還是食食食！

今次去尋回幾間知名小店的招牌食品：
「大利來記」排隊食菠蘿皮豬扒飽......

「新好利」等新鮮出爐葡撻......

「潘榮記」車仔檔即烘蛋餅......

仲有「祥記」蝦子麵等等等等等........周圍都非常多遊客，環境超級擁擠，部分食物名過於實，相對幾年前的嘩然味道，當下感覺一般了！如非昨晚回港即趕緊寫blog，過多幾日真係唔會記得自己食過乜嘢！

不過，多得地膽好友推介，我食到一餐十分美味的葡餐......

這間叫做 「ALBERGUE 1601 婆仔屋」的葡國餐廳，位於澳門的「瘋堂斜巷」，哈哈，店名同地址都好特別吧！

座落澳門的舊區，甚少遊客到訪，屬於澳門的保育地點，除了大量的老澳門舊葡式建築物，就只有澳門的學生以field trip形式尋找昔日的澳門故事，我們一行十人，去了一個完全沒有強國遊客的真正澳門，遇上美食，是這個兩日一夜之行的最大收獲。

叫做婆仔屋，因為店址位於澳門古蹟「仁愛堂婆仔屋」，是天主教式建築群，畀梳起唔嫁的「自梳女」入住（即係現在的剩女？）至於為何叫地址叫瘋堂斜巷？這個瘋並非指痴線的瘋，原來係以前天主教會收留當時的麻瘋病人的醫院，所以附近的街名都係「瘋」字頭，而呢個瘋，就係指麻瘋的瘋。

環境，絕佳！這種保育方式，以保留最原汁原味的昔日建築為目的，同香港的改頭換面翻新又翻新的非常不同，我自己很欣賞這個設計；庭院中的大樟樹，高聳宏偉，像庇祐著這間婆仔屋，影styling相、婚紗相，靚到極！

ALBERGUE 1601並沒有因為絕佳的環境而忽略了食物的質素，正宗葡菜和舊葡式建築搭載出的風味，絕對扣人心弦。我們十人被安排一間大房內進餐，十多呎的樓底的精緻的現代室內設計，進餐前的指定動作，就係齊齊玩影相，這些食前活動，都會使大家胃口大增的。

就在第一道菜上桌時，一位男子探頭打量我們時，卻被我另一位同行朋友認出---他是餐廳店主，一個美麗的巧合就此展開！原來店主早在兩年多前開店時告知朋友新店開張，只是好友一直沒有放在心，也不是就是這一間餐廳，當店主知道我們是因為餐廳的口碑而前來，自然笑顏悅開，而我們也覺世界真細小小小！好，立即上菜！

頭盤是兩道蜆，一個是檸檬汁清湯煮、另一個是辣味的，由於掛住影相，完全冇理過點菜，所以都唔知菜名。但清煮蜆的味道極出眾，將蜆的鮮味加強，檸檬配蜆是少見的做法，卻深得我心，是我們之後再追加多一客的主因。

炒馬介休，一堆炸過的粉絲，我一向唔會放入口，但中間的蛋絲和馬介休的清香，卻打破了我的禁忌，香、脆、醒胃！

馬介休蟹蓋，饟入馬介休的小蟹蓋，多了蟹肉的淡香，蟹味和馬介休很夾，甚至比單單的炒馬介休更出色。

燒乳豬簡直出神入「化」，鬆化的脆皮和幼嫩的豬肉，保留了乳豬的肉汁，看起來很熱氣但入口很溫和不嗆喉。

海鮮飯也是一絕！最初我們點湯的時候，是爭扎在點牛尾湯還是海鮮湯，侍應說海鮮湯和我們點的海鮮飯同出一脈，所以我們點是牛尾湯外加海鮮飯。這個飯放在煲內完全被湯所淹沒，要用湯匙撈起才影到真身。海鮮豐富得不得了，湯頭是集合了蝦、蟹、鮮魷、青口、蜆、魚的精華，濃到化不開，也是我們點了兩客的必點推介！

假如燒乳豬已經爐心純青，燒豬仔骨更加唔會失色！蜜味不太甜，帶來豬肉的鮮，加一點燒焦的香，雖然是後加的菜式，也令其他大叫「好飽」的朋友再食多D！

環境和食物都非常一流，型男店主仲好nice，俾咗折頭兼送埋酒，我和他拍了呢張合照，不過低調的店主說：「都係唔好登lu！ 」Ok，相中人相信無人會認得佢， haha！
臨完餐時，他提我們記得打卡！
用facebook打卡宣傳是目前不少店鋪的宣傳方式，我回港後在他們的facebook page睇過，做得不錯，除了有這間婆仔屋的歷史介紹、附近古蹟的故事等等外，原來呢度都有好多文化項目，例如Jazz Music Week、展覽等等，剛過去的情人節，仲有人求婚、上個月又有汪阿姐親臨，你又不妨去睇下，畀個like啦！
http://www.facebook.com/ALBERGUE1601


ALBERGUE 1601
地址 : 荷蘭園望德堂瘋堂斜巷8號 
電話 : (853) 2836 1601
仲有香港訂座專線：（852）8103 1601

———————————————————————————-–

本週《MORE》專欄精采內容：

十個讚新登場妝品

市面上有千萬款睫毛液、眼線筆、遮瑕膏，看包裝無比吸引，水準卻有參差，唔理性買埋化妝品一大堆，試完浪費金錢又不環保。想睇我的超真心推介，詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

煮得健康，食出美麗

我呢個「為食兵團」團長，除了繼續教大家扮靚護膚美容，今年會更加專注在食呢一方面！

我太喜歡食，在我的facebook page和微博，常常有人留言問我點解可以咁肆無忌憚瘋狂地食？其實背後有大量運動和減肥機的配合才可以做到！

像我這樣的食法：

又鵝肝又椒鹽白飯魚、炸芋鴨肥鵝腸、串燒大盛，雖然盡量用紙巾吸走油分先食落肚，之後都要堅持做適當運動：

慢跑1小時，再加單車機、太空漫步機、伐艇機去配合呀！

而今年在食這一方面，我自己將有一個突破，就係嘗試由自己操刀，整一些健康佳餚，在家中品嘗。因為我身為為食兵團，已經苦了身邊另一半，令他膽固醇、血脂大超標呀！

所以新年時候，我自己弄了個低脂餃子，襯上健康減肥消脂黑醋，作為我倆的年初一的宵夜：

健康的食譜及整作方法，當然陸續有來來。其實較早前已經製作了四個食譜的片段，當時有很多讀者向隅，現在已經重新上載到YouTube，當中我喜愛一個較簡單、以及對需要節食減肥很有幫助的「黑醋沙律」：

食出美好身段，也可以飲出美好體態，「輕身去濕炒米茶」，本來係為產後婦女收身去水腫用，但我自己頗喜歡用它來代替白開水，尤其是我食得咁多，谷住個胃腩後飲一杯炒米茶，消得特別快，而且男女都適合：

最近令我身邊朋友為之瘋狂的小食，又係我經常在這裏介紹的「花膠凍」，即係廣東話的啫喱。好多朋友睇完片之後，都覺得唔難整，有興趣學整就要睇片啦：

立即想買花膠？傳統行業無咁早營業，下星期一先去買啦！

而我呢，的確整食物整上癮，特別對這些傳統的海味食療好有興趣，好想學識之後教大家。事實上，我身邊有不少朋友因職業關係，經常收到鮑蔘翅肚做禮物，可惜得物無所用，都唔知點整！結果白白轉贈別人，年輕人，活在當下，食就是我們對生活的激情，如果連一份激情都冷卻了，人生就會變成痛苦而漫長的路，所以我咁注重食，因為美味所帶來的衝擊，讓我覺得生活的苦都一掃而空！

———————————————————————————-–

本週《MORE》專欄精采內容：

DIY 美肌食療「滋陰養顏 花膠啫喱」

睇片再加平面雜誌的指導，新年期間有時間可以試下，詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

新年即將澳門之行......

恭祝大家身體健康、愈嚟愈靚、事業愛情皆得意！

今個新年我與以往一樣，並無出外去旅行，因為我及身邊人工作性質較彈性，可隨意在非繁忙日子才計劃旅行，而且新年留港可以陪家人周圍拜年，做個孝順女嘛！

之不過，亦與一班好友們安排了一個短trip，就是將於初七及初八到澳門行大運兼宿一宵，今趟不單止難於訂房間，住得好D，價錢亦足以等同平日飛去台灣啊！不過，能夠近廿個朋友一齊去玩去食去狂歡，乜都值得！

我喜歡周圍揾好嘢食，相信有like我FB page嘅都知道唔少好去處，其實就連我的朋友們也瘋狂愛吃！故此今個Sat澳門之行早有準備，提前訂了位，其中一家是位於氹仔北帝廟側巷仔的"Antonio"......

乃是當地甚有水準的葡國餐館，開業六年曾多次獲獎，如曾被GieleGuide選為亞洲最佳食肆之一，也曾被米芝蓮推介為最佳澳門葡國餐館三家之一.......好期待品嚐鎮店的白酒蒜蓉炒澳門蜆，及招牌葡國海鮮燴飯呀！聽聞，連麵包都烤得外皮香脆內裏軟綿喎.......諗起就想食喇！

仲有要買買買，我每次去澳門必掃幾盒返來的Lucky cookies---

澳門樂宮餐廳餅店出品嘅曲奇......入口勁鬆化，牛油味勁香濃，每次開罐，起碼食十塊至忍到停囗囉........好有罪惡感，呵呵！

可惜而家只有合桃及腰果曲奇，以前有我摯愛的開心果㗎，唔知點解唔再出品呢？

大家若有澳門心水推介，尤其是好味小店小吃，請不妨告知啊！

———————–

本週《MORE》專欄精采內容：

2013 我的十大奇蹟面霜〈下〉

網上一直留傳「世界十大頂級面霜」名單，被譽為深受荷李活星、名緩名人寵愛，以至全球愛美女士夢寐以求重拾青春的護膚品；共通點是擁有一瓶就能夠對抗歲月摧殘，無須層層疊N款修護品，是成熟肌的「皮膚救命霜」啊！

「我的十大奇蹟面霜」誰屬！詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

2013購物清單（下）….不敢再寫太多之大結局

在這個系列的上集和中集後，中間隔了一個「七色花轉運法」，因為我想買的東西，真係要靠中多幾次六合彩先可以買得齊！如果你錯過了昨日的blog，務必留意「七色花轉運法」的運財方法。

來到最後的清單，當然要「大大單」先可以做壓軸，而我就係擁有一隻Rolex by BAMFORD！

好地地一隻Rolex，為何要by BAMFORD？話說，Bamford Watch Department是一間為手錶加上PVD塗層的公司，特點是令到隻錶變成全黑色！

PVD是甚麼？全名叫Physical Vapor Deposition，太複雜的生字吧，有乜好處先？原來加了PVD塗層，可以增強硬度及抗腐蝕度，放於日常生活上，等於錶帶不易刮花，原來如此！

我認識BAMFORD，當然係從身邊人開始認識，但令我留下印象，則是這一幅相：

碧咸手上的Rolex Deepsea，就是BAMFORD出品，甚至比Victoria手上的玫瑰金Daytona更搶眼！當然，一街都係Rolex，PVD後既可與眾不同，何樂而不為？

那麼好地地一隻Rolex，經BAMFORD PVD處理過後，要幾多錢呢？答案係原價的一倍！！所以咪列入我的願望清單囉。

用貴一倍的價錢買一隻錶，值唔值？這個好難答，你可以話唔值，因為一隻鋼帶Daytona經BAMFORD PVD後，售價約HK$194,000，俾出三萬多已經可以買玫瑰金Daytona，真真正正的尊貴；但付出一倍的優越，是你可以自訂顏色，做一隻真真正正獨一無二的手錶！

例如下面呢隻Daytona，就係我自己的作品： 

 錶面上每一個細節都可以更改顏色，錶面及錶底又可以自己加字，的確好特別！
但付出近HK$20萬去買一隻錶，我當然付不起，反而由BAMFORD自家設計的款式，比起由我自己custom made更好看，例如呢隻桃紅色的閃電Milgauss，雖然沒有定價，要email查詢售價，的確比原裝錶fashionable好多。

 第二選擇是這個同樣鮮豔的Milgauss，錶面比較花，不及上一隻簡潔有力。難怪立即有貨，英鎊10,000大約HK$121,000。

 其實真真正正打動我心的，係呢一隻Datejust，我對心型出現在錶面上的設計都特別偏愛，之前Zenith都有一隻心型的手錶，我幾乎買下，只是被理智戰勝而放棄了購入。手工多了，價錢都貴些，要英鎊11,000，約HK$133,500。

想知更多，當然要去官網：http://www.bamfordwatchdepartment.com/
在網上找到的資料顯示，BAMFORD是Rolex唯一認可的改錶機構，不過手錶經BAMFORD改裝後，會獲發一張BAMFORD的證書，並交由BAMFORD提供兩年售後保養服務，而非交給Rolex做維修。而我平日閒逛尖沙咀的錶鋪時，亦發覺不止BAMFORD提供PVD改裝，如果由不知名的公司做PVD塗層，約多付HK$20,000左右。

———————–

本週《MORE》專欄精采內容：

2013 我的十大奇蹟面霜〈下〉

網上一直留傳「世界十大頂級面霜」名單，被譽為深受荷李活星、名緩名人寵愛，以至全球愛美女士夢寐以求重拾青春的護膚品；共通點是擁有一瓶就能夠對抗歲月摧殘，無須層層疊N款修護品，是成熟肌的「皮膚救命霜」啊！

「我的十大奇蹟面霜」誰屬！詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

摩登時尚「七色花轉運法」

「年廿八洗邋遢，若然不洗豈會發」是古時深入民間之口語，哈哈，真的嗎？

年近歲晚這個全屋大掃除行動，是喻意破舊立新迎接新的一年，祈求未來一年更加好運。

今年我真係無啦啦做到足.......上個月高人到坊我家，一句「將睡房與衣帽間調轉，就乜都更好！」

結果，呢排忙上加忙，工作以外還要玩房間大轉移，ok.....就當趁機被勒令大掃除啦！

年廿八處理完屋企，年廿九到個人洗邋遢添好運！

以往傳統做法，是將黃皮葉加碌柚葉水，沖涼後由頭淋到落腳。

之不過，原來呢個方法有隱憂存在，是帶走霉氣外，更會將好運也一拼被帶走......咁點算？

話俾大家知，現在摩登時尚洗邋遢做法，是「七色花轉運法」，不只能帶走霉氣，更可將好運、財運、人緣等等通通帶到身上。

信不信由你，前年媽咪有朋友用了「七色花轉運法」後，一年中了三次六合彩，是四位數，然後五位數，接著六位數，哈哈.....實在太吸引了，令人羨慕的不純粹是金錢收穫，更是運氣勢勁啊！

相信大家好心急好想知呢個「七色花轉運法」點樣做呢？

重點揀選七種花，要具意頭名稱的：

例如串串金（財運）、桃花（人緣）、康乃馨（健康）、牡丹花（富貴）、繡球花（希望）、百合花（心想事成）、向日葵（光輝）、鳶尾（好消息）.....

注意不要用拜山時節的主花，如劍蘭及菊花；玫瑰也有「霉」之意！

做法：先將七款花用水沖洗乾淨，然後將花瓣拆下來，一片片的置於暖熱水盤中(或整朵浸水也可)，浸幾分鐘後讓大自然美麗靈氣及香味溢出；作為沖涼程序最後一步，由頭淋到落腳。

或以之浸浴也可！

「七色花轉運法」被視為催吉之象，可以催旺運勢、大吉大利，大家如妨一試呢！

祝大家新年快樂、身體健康、心想事成、愈來愈靚啊！

------------------------------------------------------------------------------

本週《MORE》專欄精采內容：

2013 我的十大奇蹟面霜〈下〉

網上一直留傳「世界十大頂級面霜」名單，被譽為深受荷李活星、名緩名人寵愛，以至全球愛美女士夢寐以求重拾青春的護膚品；共通點是擁有一瓶就能夠對抗歲月摧殘，無須層層疊N款修護品，是成熟肌的「皮膚救命霜」啊！

「我的十大奇蹟面霜」誰屬！詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too