2012年7月25日星期三

SOS！新歡Samsung Galaxy S3

面對新歡Samsung Galaxy S3，唔知點算好，希望大家有計啦！


本來，我應該是Sony Xperia S的手機用家，我亦為此撰寫了一篇blog：終於轉投Andrioid---Sony Xperia S 。
最後，這部手機是買下來了，但我竟然都沒有怎樣用過(只影過幾張相)，而熟悉我的朋友會發現我依然是iPhone用家，因為當我家姐看完那篇文後，她對這部Xperia S的熱愛遠超於我，我便成人之美，將它送了給我家姐，結果我仍未成為Android用家。


後來，有留意我facebook page及微博的朋友應該知道，兩星期前左右，我的好友送了一部Samsung Galaxy S3給我 (呵呵...是還人情債啊！)
披上白色外殼，加上大mon、薄機身，外形非常合我意，在漂亮的鮮花襯托下份外美艷呀！
結果，我會否再進入Android的世界呢？
仍是未知之數！希望大家能助我一臂之力。

4.3吋大芒，Wallpaper用上書卷氣的 Bubebu，特別帥氣！


帶新機返家第一件事，haha...我先使出至高科技---聲控，叫老公將所有必須要的apps幫我全部裝上新手機，例如Whatsapp、facebook、微博、blog、蘋果日報、openrice等等；再將Email setup好晒，之後將iPhone上的contacts及相過晒落去，然後用WiFi上網，試玩下先，再決定是否立即轉用S3。


從手感上，S3比iPhone 4輕巧而且更薄，外形更靚仔；論實用性，在操作反應、拍照的速度，四核心處理器的確發揮得很出色，然而，變了4.3吋大芒，在掌握上要帶點時間適應。


除了要花點時間適應由iPhone轉投Android的操作轉變，使用過後都沒有甚麼大問題，甚至乎更得心應手，但有一個對我來說的缺點，是開關掣設在機身右側上方，剛好是右手拿機時，手指公所按著的位置；這設計令我常常誤觸而把屏幕關掉，iPhone將開關設於機頂就沒有這個問題發生。


一切都盡如人意，可惜，我仍然未有將SIM card插入S3，
因為最大的難題出現了！
由 iPhone 轉投 Android，Whatsapp 的 message history 竟不能順利轉至 S3？！

大家知道這個有解決方法嗎？我問過好多專家及用家，大家都沒有解決方法呢！
究竟已經由iPhone轉投S3的用家，是無奈接受 Whatsapp message history 從此消失，還是另有解決方法呢？(曾經有一位朋友答我在setting可以搞到，結果都係無補於事....唉！)


因為以往由iPhone轉iPhone時，Whatsapp message history都可以順利過渡的，這次難題未能成功解決，實在有點氣憤！
就是因為這個重點原因，遲遲未能將S3成為我日常使用的手機呀！
會否有Samsung的技術專員路過，幫我解答或解決這個問題呢？


———————————————————-
本週《MORE》專欄精采內容：
強勢機王駕到 超聲刀無創拉面皮
隆重宣告，最新強勢童顏術科技，取代傳统拉面皮手術美容機王駕到，是衝著聲名響噹噹Thermage作假想敵的，強調瘦面提升去皺回春效果尤勝。詳情請留意今期《MORE》雜誌內我的專欄。
發佈者： Yoko Tsang 於 00:11 0 留言
標籤： ,

2012年7月23日星期一

針對油脂、暗粒、敏感 心水啫喱狀面霜


呢陣子，有好多同病相憐嘅皮膚case向我求救：
「出咗好多暗粒，搽粉都見到，好樣衰唔想返工呀！仲愈嚟愈多添…. 鳴鳴」
「出街無耐，塊面就好油呀，搞到妝都溶晒，毛孔現形，仲好似好污漕咁，點算呀？」

其實有兩款歐洲醫學美容peel treatment係可以解決以上問題：
一款是專針對嚴重暗瘡、粗大毛孔、油性肌膚；
另一款專針對暗粒、粉刺、局部泛油混合性肌膚；
兩者都有助褪走老化角質和均勻美白膚色。

之但係，敬請大家咪心急，暫且別留言向我查詢，近來較忙碌，須時好好籌備，再同大詳細會報。

今日，先同大家推介，近來我覺得非常好用的一件護膚品，特別適合剛才提及肌膚受困擾人士使用，大家睇吓是否切合自己呢！
油脂分泌旺盛
容易敏感泛紅
常常出暗粒
毛孔粗大

假如不幸中晒以上皮膚問題，以下呢盒面霜就啱晒喇！
保證質感一試愛上，仲係男女合用添！
是瑞士品牌Zensation新品，其實我一直好鍾意呢個牌子，因為同La Roche Posay、Uriage、Avene、Vichy一樣理念，用法國／瑞士最優質泉水做護膚品基調。
Zensation的是瑞士阿爾卑斯山泉水，其純正度及蘊含天然礦物是最佳活膚及舒緩敏感要素，而我最like是其一系列的保濕mask和保加利亞玫瑰爽膚水。

Zensation柔膚控油凝膠 $580／50g 【銅鑼灣皇室堡106店】

言歸正傳，心水推介是Zensation最新gel狀面霜，一共有5款，各具功效，率先要搶閘介紹大家的是主力控油那款---「柔滑緊緻控油凝膠Refeshing oily skin gel」。

當第一次塗上面，感覺差異很大，看見淺啡色啫喱狀，塗在皮膚上奇在有涼浸浸感，好舒服好relax；接著開始聞到好濃烈嘅茶樹油味，好似中藥味有點攻鼻；繼續塗抹，feel到好柔滑好易推；塗後待半分鐘已經完全滲透，皮膚呈現非常啞緻零油光，好清爽，勁愛！就連老公試了一次也當咗佢係寶：「你咁多products未用，呢樽幫你搞掂埋佢！」呵呵…. 我成日要化妝出街，要嚟打底控油啱晒，點會放棄呢！
呢盒控油面霜，除了以阿爾卑斯山泉水為主，更加入多種天然植物萃取，故此能發揮以下
功效：
去角質暢通毛孔---荔枝萃取精華
控油---齊墩果酸
防暗粒---茶樹油、百里香
抗菌抗炎---榆綉線菊萃取
舒敏---薰衣草、阿爾卑斯山泉水

諗諗計，此凝膠可以有多個妙法善用：
如冷藏在雪櫃，其冰涼感可即時去水腫緊緻肌膚，並幫助收毛孔，妝前最合用；
我也會在睌上爽膚後厚塗，自製睡眠面膜功效；
如皮膚是混合性的，可以將凝膠加入一滴面部專用按摩油，混合塗在較乾部位，令鎖水滋潤效果倍增。
———————————————————-
本週《MORE》專欄精采內容：
強勢機王駕到 超聲刀無創拉面皮
隆重宣告，最新強勢童顏術科技，取代傳统拉面皮手術美容機王駕到，是衝著聲名響噹噹Thermage作假想敵的，強調瘦面提升去皺回春效果尤勝。詳情請留意今期《MORE》雜誌內我的專欄。


發佈者： Yoko Tsang 於 05:14 0 留言
標籤：

2012年7月20日星期五

買書＞ 答問題＞ 贏$1,600 Tempur太空枕頭


喜慶事一浪接一浪，我係唔會俾佢停！
有你哋支持…我嘅簽書至會大成功，亦因為有你哋支持…我本著作銷量節節上升，心情興奮，為表謝意，忽發奇想同大家玩問答遊戲，送出超級大禮，截止日期係下星期三晚，亦即是書展完結後一天，條件係支持買我本著作外，仲希望大家認真咁睇內容！

未講玩法，先講大禮有幾勁吸引力：
呢份禮絕對係重量級，唔止價值高，而且同美顏及健康扯上緊密關係……
我晚晚都靠佢養生兼發個好夢！
我預備送俾大家嘅禮物就是---「瑞典Tempur太空感溫枕頭」，價值$1,600啊！
Tempur至出名嘅其實係床褥，是杜拜七星級帆船酒店用的床褥、話題女王Paris Hilton離不開的床褥….. 而我都係用家呀，以上內容想話俾大家知呢個品牌勁，但絕對唔係瘋癲到送床褥，等我他日發咗大達先啦，haha！
能夠成為King of Pillow，數一數二矜貴枕頭，當然大有來頭，好多富豪名人都係用家，點解幾年前嘅我都會捨得買？因為用上美國太空總署發明的太空感溫減壓物料，承托支撐設計好出色，是與物理治療師共同研發的，能夠讓肩頸肌肉完全放鬆，並且依照住我頸椎形態、頭部重量、人體熱力感溫，貼合每個人嘅perfect match，而至重要係以上種種要素，令我瞓覺時唔會因為面部肌肉受壓迫出皺紋，呢個key point咩都抵番啦！

噚日同好友M傾電話，佢知道我會有送大禮呢一著，即刻話：「嘩，我好想要呀！聽日即刻飛去會展買妳本書…… 撑妳！」呵呵….. 想參加我呢個game就真啦，but so sorry….. 我係專登為讀者而設，好友同家屬無份呀！

言歸正傳，請大家留意以下玩法：
問題是有關我最新著作《醫學美容儀器天書》的內容，亦即係話，已經支持買咗我本書的你有優先搶答權，而未有時間去書展或書店買的話，就要趁住呢幾日快D捧埸，截止日期係下星期三晚 (25／7) 晚上12時正。
【書展售買地點：會展Hall 1 紅出版社1A-D16】

請到連結參加問答遊戲 ----

在我圖示Facebook 留言寫上答案，就有機會得到以下四份獎品喇！

【快D去Facebook參加啦：香港美容專欄作家 Yoko Tsang】



「至多人Like」大獎一名
將獲贈瑞典Tempur太空感溫枕頭 價值$1,600
參加辦法：請到Facebook 香港美容專欄作家 Yoko Tsang回答兩條問題，答案得到最多"Like "的一位，就可以贏得美人枕頭歸。

「我最喜愛」特別獎三名
將獲贈日本Kinka黄金潔面梘 價值$429
參加辦法：到Facebook 香港美容專欄作家 Yoko Tsang回答兩條問題，答案我最"Like "的三位，就可以各得黄金梘一件。

———————————————————-
本週《MORE》專欄精采內容：
拆解醫學美容技術
激光、彩光和射頻都是多年來醫學美容範疇上非常重要的技術，拿捏準繩可以減肥塑型、瘦面緊緻、美白嫩膚、減淡皺紋、撫平凹凸洞、去暗瘡及脫毛等等。那麼三者有甚麼差異呢？？詳情請留意今期《MORE》雜誌內我的專欄。







發佈者： Yoko Tsang 於 04:22 0 留言
標籤： ,

2012年7月19日星期四

簽書會--- 大成功加大感動！

其實昨天已說了N次「多謝」，
今日，我要向大家再多講一次......「萬分感激支持」！


還有多謝各位在微博及facebook給我鼓勵及祝賀的每一個讀者和朋友、每一位SMS及Whatsapp我的親朋好友啊！


昨日的簽書會，在前赴會展的途中，出版社方面已經將現場的人龍相Whatsapp給我，告知人龍數目之多，深怕引起混亂已被大會工作人員注視住，叫我快D趕來提早點開始，好在結果相當順利，實在非常高興！
人龍中的讀者們旱已排隊購買了我最新著作《Yoko Tsang醫學美容儀器天書》，再排隊等待我的簽名，讓你們久等要說聲不好意思啊！
簽名會限時45分鐘，及後始知有近二百人前來了，簽名加上寫讀者名再加上傾談幾句，實在好趕急呢，若然在美容問題上答得未盡善的，請留言再向我提問啦！大成功加大感動呀！

在簽名的過程中，遇上不同的支持者，有趕下班到場的、有特登請假到場的、有幫女朋友排隊購買的男讀者、也有從工作中偷走出來的.....你們為了我的著作費盡自己的時間，及在場對我所說的支持及讚美說話，我都會銘心刻骨，衷心致謝，總之繼續努力啦！






下一場......
完成了我的個人著作《醫學美容儀器天書》簽書會後，緊接是合著《美肌瘦身秘笈2》簽書會，大家認得我後面位穿斜膊裝的係邊位嗎？就是Winnie。
當我見到呢個backdrop個刻令我覺得特別感動，haha.....我阿爸阿媽應該仲感動，
皆因我個中文名自從中學之後都無成日掛在口邊，
今次藉著出書在書展發揚光大，話俾大家知我的中文姓名是：曾穎儀！


再次多謝大家支持啊！


錯過了簽書會的各位不打緊，書展仲有6日時間，
仍可把握購買率先有得睇及獲贈精美禮品的機會，
記住售買地點：會展Hall 1 紅出版社1A-D16。


緊張過後，等如一條拉緊了的橡筋給鬆掉，人便覺得特別疲累，所以現在的我，有種體力經透支了大半的感覺。不過，這個計劃完成後，以為可以鬆一口氣嗎？
不是呢，我明天又有一個新的工作始動，是要去探討及拍攝一個嶄新醫學美容技術，是香港首位醫生引進的美肌注射療法，過程好激，他日我報導的話，肯定好轟動，勢必變成熱話；美容技術就是如此層出不窮千變萬化，我又怎可以停下來，讓自己落伍呢？這股一浪接一浪的新知，就是鞭策我不斷進步的原動力！
特別要多謝我位朋友願意做香港第一位注射者，而我責任就是將最新資訊告知大家！
----------------------------------------------------------

本週《MORE》專欄精采內容：
拆解醫學美容技術
激光、彩光和射頻都是多年來醫學美容範疇上非常重要的技術，拿捏準繩可以減肥塑型、瘦面緊緻、美白嫩膚、減淡皺紋、撫平凹凸洞、去暗瘡及脫毛等等。那麼三者有甚麼差異呢？？詳情請留意今期《MORE》雜誌內我的專欄。
發佈者： Yoko Tsang 於 03:46 0 留言
標籤： ,
訂閱： 文章 (Atom)