與幟哥共聚星級嚐味會

我自認是牛魔王， 尤其是特種靚牛真的非常欣賞！曾經有位已經戒了牛肉十多年的朋友對我說：「如果可以戒食牛肉，會對身體及運氣有極大幫助啊！」我很多謝她的善意，可惜我六根未淨，戒食牛肉是暫時仍未可以抵擋到的誘惑！


也許是知道我對食有研究的人愈來愈多，上周四，就被邀請到九龍站ICC的101樓無敵靚景龍璽酒家，出席一個別出心裁的星級嚐味會！
大家請放心，睇咗我以下食評，日後在龍皇酒家都有得食喇！

今次嚐味會令我想去的主因，係被邀同龍皇酒家的揸fit人幟哥同台食飯呀！電視節目見得佢多，竟然可以近距離會面傾談，學嘢好機會呀！

試食乜東東？就是「澳必益有機集團」從澳洲引入的有機牛肉， 

勁新鮮健康有營的有機牛配合幟哥出神入化廚藝，唔去真係對自己唔住囉！

當日設宴只有四圍，被邀人士都是重量級人馬，十足十食神咁大場面。

我除了有幸與幟哥同坐，還有「澳必益有機集團」及香港澳洲領事館的要員同枱品嚐，

澳洲有機牛登陸香港，原來屬國家級盛會！

現場好似高級超市般，將所有主角有機牛肉分類展出，不同部位有不同煮法和食法，

由於屬「新牛」登場，自然有「新煮意」！

其中一道菜式令我極之驚訝，完全估唔到牛肉都都可以咁煮法！

呢味「牛響鈴」將牛肉變成平時打邊爐的炸響鈴，我一向唔食酥炸食物，

但牛響鈴入口即溶，味道濃郁，仿彿是日本高級天婦羅的食法，

加上完全唔油膩，是少數我會想再食多件的油炸食物！

另一個令我留下深刻印象的是「鐵板牛尾」，一隻牛咁多部位，我最愛就係食牛尾，一般都是用紅酒燴，或佐以咖喱，用鐵板煎真係第一次食，亦係第一次覺得牛尾原來可以當成牛扒來處理，鬆軟而撕開有肉汁，微辣釣起牛肉鮮味，我一定會帶媽咪爸爸食一次。

壓軸就係由幟哥親自落場堂弄的「香煎蔥花牛肉卷」，呢道菜式事前被設定為神秘追加菜式，來賓事前都唔知幟哥會整乜，只見他一上場就用牛肉肥膏開鑊，牛香味在場中散發，然後將薄片的有機牛肉捲入蔥花，為在場每一位來賓逐一炮製，我平時去龍皇世貿分店食飯都冇這樣的機會，所以你知我點解要去啦！

就是這道「香煎蔥花牛卷」，擺都咁靚，味道無得頂，

加咗芝麻令牛肉味道更具層次感，又香又甜又軟又脆。

幟哥在席間問我最鍾意邊道菜，我答：「梗係你親手煮嗰味啦，哈哈；

之不過虎皮椒扣牛尾好鬼惹味難忘囉！」

幟哥一出場獻藝，在場衆傳媒起勢圍影，有氣勢呀！

別以為這幾道菜式只係得我有得食，大家冇份食！其實都已經被幟哥收歸旗下，在各大龍皇酒家分店成為最新招牌菜式！睇番價錢，菜式唔平，但這有機牛質數之高，在於營養價值，飼養是天然原生牧草及草本植物，無添加藥物無污染，食得放心有營，一分錢一分貨啊！

自從食完呢餐星級牛，我一連幾日都接著以牛為主食，有睇我facebook就知我剛剛星期六去了任食和牛Shabu Shabu。昨日一發不可收拾，再去Citysuper買多塊特級

Angus Rib Eyes返屋企煎，差不多$400一塊啊，好味也就值得嘅！

嚟緊，要帶父母去龍皇，一齊品嚐有機澳洲牛美味！

———————————————————————————————————————-

本週《MORE》專欄精采內容：

西班牙新機 一次搣甩一寸Call機腩

集多技術的射頻減肥儀器又有新對手了，有一部全港獨家新機吸引了我，它是來自西班牙最大醫學儀器品牌，勁在「做一次減一吋」call機肉。詳情請留意今期《MORE》雜誌內我的專欄。

facebook：香港美容專欄作家 Yoko Tsang
微博：http://t.sina.com.cn/yokot/
http://yokotsang.blogspot.com

心水推介 —醫學品牌平民價Eye mask

衰老--不留情面活現眼前！
故此，最為人關注的護理必然是眼部。
基礎步---除了早晚塗eye serum＋cream，每星期兩次敷眼膜是大前提；進階級---醫學療程則不在今日話題之列。


近幾年我特別鍾情醫學美容產品，皆因成效快，而歐美的一般價格較高，韓台的價錢較大衆化，咁又唔好以為一定愈貴愈好喎，價廉物美的我同身邊朋友都好支持呀！
總之，睇開我blog嘅就知，平平貴貴都有好介紹啦！


經我親眼測試後，捨得再入貨的貴價眼膜有以下幾款：
款款售價4位數字千多元，急救奢華享受----

Glycel eye mask、Swiss Reborn eye mask、MTM eye mask

價廉之選，常常敷作為保養都唔會肉赤，新歡推介是：

韓國醫學美容品牌Dr Post eye mask／$18片

每張眼膜含有10ml精華素；建議每星期敷兩次，療程為期一個月。

至讚是剪裁，360度環迴包圍，敷咗好似蝙蝠俠，唔單止眼底、就連眼尾、尾眉，甚至面頰顴骨都照顧埋。
有好嘅剪裁，都要有好嘅質地！此眼膜不是一般的纖維或棉紙，而是由天然椰子汁結合生物技術提煉成的凝膠片，輕易地非常緊點肌膚，不易下滑唔使就住，更能令豐富的美容營養成分有效滲透；最特別是具彈性，可拉扯迎合不同眼形和面形。

最怕敷mask時遮住對眼，因為要睇雜誌、睇電視或者同貓玩，

所以將cover上眼皮嗰part反落嚟，可以變咗雙層覆蓋效果，

針對集中在最乾燥眼底肌膚，加倍且更持久注水。

基本剪裁及質地都滿意，最最最concern當然是護眼成分啦！
呢片eye mask標榜敷1次30分鐘拯救眼部肌膚5大問題喎，起初半信半疑，用一次果然有料到，咁又無品牌講得咁誇張，但敷完感覺真係好juicy，皮膚pump up無乾紋，黑色素會淺咗D，已經好滿意喇，廿蚊張唔使，去邊度揾呢類質素喎！


功效與成分對照：
抗皺---類胡蘿蔔素成分
保濕---蘆薈葉提取物、捲心菜葉提取物
光澤---維生素C衍生物、尿囊素
去色素---維生素E衍生物
緊緻---海藻糖
***無二苯甲酮防腐劑、無酒精、無人工著色劑、無礦物油，即係話低致敏及唔會引起粉刺。


試用後感：「眼膜精華不易揮發，敷足30分鐘仍覺濕潤，保濕效果持久；啫喱質地keep住清涼，令舒緩和降溫效果出色，夠晒貼服行嚟行去都無甩又無浮起。至讚是價錢相宜，一星期敷兩次作為保養都唔肉赤！」
---
訂購方法：
足不出戶，透過電郵，會有專人安排付款事宜及送到府上，運輸費用全免(只限香港、每次需訂購5片起) 。
$18／片 
***讀者優惠：買十片送一片
訂購電郵：blue.beauty_info@yahoo.com

———————————————————————————————————————-

本週《MORE》專欄精采內容：

西班牙新機 一次搣甩一寸Call機腩

集多技術的射頻減肥儀器又有新對手了，有一部全港獨家新機吸引了我，它是來自西班牙最大醫學儀器品牌，勁在「做一次減一吋」call機肉。詳情請留意今期《MORE》雜誌內我的專欄。

facebook：香港美容專欄作家 Yoko Tsang
微博：http://t.sina.com.cn/yokot/
http://yokotsang.blogspot.com

日本東京旅程【預告】

日本之行出發喇！

今個星期，我會身處日本東京，yeah......我最最最喜歡的炭火燒魚店、薬妝店、帽子店、時裝店、中野錶店啊！

今趟日本之行，其實有主體，是為率先了解 Estée Lauder 震撼全球的「一支產品」，同埋親身前往訪問研創團隊，究竟係乜東東，要賣個關子！

本來media trip是13-15nov，而我決定提前兩日出發，希望發掘到新奇好用熱賣護膚妝品，可以在專欄及blog同大家分享；當然不少得順道添置秋冬新裝啦，我至驚自己忍唔到手狂買boots，日本款式特別靚嘛......但今次只得一個人一個喼，冇人幫拖，真係要精心挑選至扑槌！

大家密切留意我FB Page(香港美容專欄作家 Yoko Tsang)、Instagram(yokotsangbeauty)、Weibo(Yoko Tsang)，就會掌握日本所到之處好推介！

-

星期五晚回港，第二日我就要出席「GLYCEL 燕窩美肌宴」，任嘉賓分享養生護膚心得，期待同大家見面；所以，今趟日本之行，我要留力，確保星期六精神奕奕同大家見面啊！

大家每日嚟blog探訪我，我梗唔少得帶手信回港送俾你哋，希望將開心旅程共享！！

————–———————————————————————————————

本週《MORE》專欄精采內容：

預防皮膚敏感  必識「分子釘」

皮膚容易敏感、患有濕疹的人士，對於選用哪一種護膚品都非常關心，我的郵箱便塞滿這類讀者問題。

找出合適的護膚成份，應該更合你「愛生事」皮膚所須。

所以，「分子釘」（英文：Ceramide、又名神經醯胺，醯音稀）你一定要識，因為這是有效預防皮膚敏感的重要成份！給皮膚易敏人士專用，我的心水推介是什麼？

請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too

送禮- 激進火滾減肥法！

呢排天氣日日都成30度，自然著得少但食量無減少喎，難怪好多朋友們都嚷著要積極認真減肥啦！

我早前去上海就食得超誇張，有一晚訂了李鴻章故居，現為私房菜，包房最低消費是$3,000，至大鑊係只得6人同枱食飯，結果叫咗廿幾碟菜，碟碟仲大大份添；又有一晚，去咗食韓烤，我覺得水準比香港《莊園》更高，至顛係$250／位任食，仲要無時限，6點食到11點，我同朋友們食到陷入瘋狂狀態，好開心呀！

開心過後，就係要付出---「自知天生唔易肥，但不代表唔會肥！」所以，呢個月我好勤力用盡方法消減大腿鬼祟脂肪！

下星期一《MORE》我的專欄內，會率先披露一部最新型號西班牙減肥機，至掂係減肚腩，大家務必留意啊！

今日介紹大家的，同樣是强勢資訊，目的亦都係減肥嘅，是一件非常利害產品。

減肥膏我真係用得多，係咁咦數吓，品牌計有Biotherm、Clarins、Borghese、Dior、Shideido、Thalisi、Alqvimia……

今次講嘅非佢哋族群，是醫學品牌減肥膏，不單止成份激試用後感覺更激！

Pixel Clinical來自意大利，上年抵港的「溶脂針精華減肥霜」在雜誌界被評為效果非常出衆，分別在《MORE》及《壹周刊》比拼中勝出。

 臨床應用顯示，Power PPC Cream所減的只是脂肪而不是水份，還能夠阻隔體內糖元轉為脂肪，同時將脂肪降解和釋放，脂肪氧化加快，並加速代謝。

(售價$1,380／查詢：dialfit.ip@gmail.com)

 Power PPC Cream至強勁獨特成分是溶脂針精華(乃大豆內提煉的卵磷)，與醫生處方的注射溶脂針相同，分別在於前者是外塗在皮膚，後者是注射入體內，作用也是破壞脂肪細胞。

效果如何？我想，這關乎外塗滲透效果有幾強？溶脂針精華成分有幾多？

是納米微細粒子直達真皮層，然而家用產品安全度高，效果自然不及醫生處方的進取。

 剛才早說過試用後感覺更激，因為塗搽完後幾分鐘開始有十級激進感覺，是很熱很燙的，皮膚由內裏火滾至表皮，泛起紅紅的，但不會痕癢，過了半小時就一切回復正常。

會否容易致敏？肯定無辣椒成分，因為若然有，我肯定已經中伏出晒粒粒。

我的經驗是切忌貪心，首次試用塗在大腿、小腿後方、上手臂、肚部，殊不知幾分鐘後全身陷入火滾感覺，我覺得熱力仲勁過做RF機的40度，非常難頂坐立不安，忍足半粒鐘心情才得以平復。

受了教訓，我現在只會局部使用，大多數塗於上手臂，因為我覺得呢個部位好難靠儀器，唔係多脂肪但有D鬆弛，靠外塗產品收緊就最合適。單塗在一個部位感覺容易接受得多呀！產品標明可以用效收減脂肪性眼袋，實在太crazy，我就唔敢試喇！

我相信這醫學品牌減肥霜是有其實際消脂功效的，但其高昂定價及塗後反應未必人人能接受呢！

有禮送，益讀者！

除了上述減肥霜，其實仲有終極加強版：

Power PPC Concentrate溶脂針精華濃縮液 $1,980／10支(各5ml)

有效消脂，如此激進，邊個想試？

我決定豪送4支(各5ml)俾大家啦，每支價值$200，是我自己珍藏版啊！

想免費獲得？

請到Facebook：香港美容專欄作家 Yoko Tsang

click--- 香港美容專欄作家 Yoko Tsang

留言：「你想要這消脂精華液原因！」

我會揀選4位得獎者(各5ml)，禮品日後會送到府上。(截止日期：5月20日)

———————————————————————————————————————-

本週《MORE》專欄精采內容：

PRP 嶄新技術加强版 還原青春寵幸法

PRP注射美容法不是新鮮事，然而，其奇妙再生能力令我讚嘆不已，切實能將皮膚衰老問題輕易揮之則去。俗語有謂「強中自有強中首」，首部王者級儀器由澳洲抵港。詳情請留意今期《MORE》雜誌內我的專欄。

facebook：香港美容專欄作家 Yoko Tsang
微博：http://t.sina.com.cn/yokot/
http://yokotsang.blogspot.com

另類攝影新歡 Pentax Q

隆重宣佈，我的新歡攝影機，就係Pentax Q！

我曾經在這blog中多次提及，但我一直沒有多說，是因為我一直相信，介紹相機，用其拍攝得來的相片去介紹，比一切文字解說更重要。

所以，就算我幾鍾情都好，沒有靚相，或影出好的相片，我又怎能毫無保留介紹給大家呢！

首先，Pentax Q絕非甚麼新鮮機款，甚至已經推出好一陣子，它的至引人入勝賣點，就是擁有「全球最細無鏡反光可換鏡頭相機」的名銜。所以我兩次工幹出trip都帶了Pentax Q 跟身。

一來真的超強巧，沒有為我的隨身行李帶來負擔；二來希望以外地拍得的圖片，來說明相片質素如何，順便寫埋旅遊推介。

對於全球最細的稱號，對我一直有種難以抗拒的魔力，從以前非常流行的全球最細最薄MD機、全球最細手提電話、全球最輕手提電話等等，我都一一擁有過。如果連iPhone都可以變成iPod Nano咁細部，我也毫不猶疑立即轉機！

所以，當你看到上圖---我可以單手輕易「掌握」整部相機，另一手輕鬆拎住支精華素進行拍攝工作，可想而知點解我話出trip必備；而這並不是一部普通的DC仔，而是可以更換鏡頭，連接外置閃光燈，設定和一部半專業相機媲美，是否有點難以置信呢？

Pentax Q的詳細機能，我不知道各位女讀者是否感興趣，至少我本人也不欲詳解，睇見那一堆難以理解的數據、數字、符號......

所以，如各位真的想知多點Pentax Q的specification，請按這個專業的報導！

 由於專業的數據並非吸引我的主因，那麼Pentax Q除了機身小巧而吸引我，還有甚至特別呢？其實是它豐富的濾鏡！內置19 種數碼濾鏡及9 種Smart Effect 創意缺效果就是我喜歡的原因。說實話，我自己真的未能盡用19種濾鏡，但機身鏡頭側設有的快速按鏡，讓我能立即切換其中4種SmartEffect， E 沖 C、復古、單色的效果，已經足夠我影到夠特別效果的圖片了！
例如上圖的上海酒店大堂，就分別用了復古及E沖C的效果拍出來的！充滿玩味！

圖片說故事的主題，就是剛剛兩星期前，我到上海遊一轉，品嚐過的美味食物！

就在我抵步的第一晚，來到靜安區富民路87號的「古意湘味濃」。由於到達上海，再在酒店check in後，已經頗夜，依照上海人6點就食晚飯的習慣，我的晚飯時間幾乎等於上海人的宵夜！

本來並不打算在這晚飯的，只是招呼我的好友卻說：「這餐廳至少要幾日前訂位，不如改食呢度！」亦即是屬長龍食店，我又豈能錯過！

頭盤陳醋海蜇，單是海蜇的質感已經非同凡嚮，非常爽脆，我在香港未有享受過。圖左用了E沖C濾鏡，更特別顯得這味頭盤具備老上海的風格。當待應準備淋上陳醋時，就改以復古濾鏡去影，陳舊的效果仿彿返回三十年代的上海呢！

這刻我已經忘記了這道魚的名稱，因為太好吃，姑且叫它做「酸辣魚」，因為綠色的一邊是酸，紅色的一邊是辣，先以酸汁開胃，再嚐一口辣味刺激胃部神經，混和得天衣無縫！除主角魚外，還有花蛤配襯。當我重溫這相片時，好想食宵夜呀！相信我的胃部又再受刺激了。

難忘的還有這半斤「古法烤蝦」！偏紅的復古色調，與熟透的蝦非常匹配。蝦先烤好，再混合調味料，包著錫紙再焗，試圖將味道進一步帶入蝦身，結果順利做到，非常入味，只可惜上海難遇新鮮海鮮，這蝦如能以海中蝦泡製，就更加難忘。

「古部意湘味濃」的佈局也非常上海，高樓底的大宅風格，是上海式摩登設計，就算以上圖的原色來拍攝，一樣影得非常美麗具格調。而當加入復古（左上）及單色（右上），卻有截然不同的風格，所以當你成為機主，就必需熟悉每種濾鏡所得出的效果，不能單靠意料之外的撞彩去獲得靚相，熟讀以後，才能令你更容易影到質素好且充滿個人風格的相片。

 上圖就是我以原色、復古、E沖C及單色濾鏡所拍出來的效果，復古及單色在猛烈陽光底下，沒有怎樣發揮到特式效果，反而右上的E沖C就顯得這個街頭藝術品散發強烈風格。

Pentax Q 究竟有幾細部？大家睇相就知，這是我為某品牌拍攝瘦身產品廣告時，正在全神貫注用此機拍下工作花絮，被攝影師反拍下來。機如其名---Q 版又cutie！


寫blog、寫專欄、出書工作，文字固之然重要，吸引相片更是引人入勝之要訣，拍攝架撐我絕對樂意投資，Pentax Q及Sony NEX 兩部孖公仔是我這年半來，迎合不同工作情況心水之選。

———————————————————————————————————————-

本週《MORE》專欄精采內容：

PRP 嶄新技術加强版 還原青春寵幸法 

PRP注射美容法不是新鮮事，然而，其奇妙再生能力令我讚嘆不已，切實能將皮膚衰老問題輕易揮之則去。俗語有謂「強中自有強中首」，首部王者級儀器由澳洲抵港。詳情請留意今期《MORE》雜誌內我的專欄。

facebook：香港美容專欄作家 Yoko Tsang
微博：http://t.sina.com.cn/yokot/
http://yokotsang.blogspot.com