2012年1月18日星期三

直擊 Forever 21 香港傳媒優先場！

繼ZARA、H＆M、GAP先後襲港，終於到我極喜歡的Forever 21登陸喇！
世界性連鎖陣形時裝版圖擴展，引證"Cheap-chic fashion"成為大勢所趨，高舉時尚廉價旗號。

回想以前遊訪日本、韓國、美國、新加坡，我都會到Forever 21朝聖，加上去埋呢次香港店，個人認為論服飾時尚吸引度是日本最掂，款式及價位都有驚喜，我每次梗貢獻近二千蚊；香港和韓國都不俗，兩次都分別放低千多元幫手交租；然而，美國和新加坡我卻空手而回。

就連荷李活星級時尚名人如 Avril Lavigne、Angelina Jolie 及 Paris Hilton，都愛著Forever 21潮服出巡。
相中 Angelina Jolie 身穿呢條皮革tube dress，我噚日喺 Forever 21 香港新店2樓都見到，look alike只係二百幾蚊咋，梗唔係真皮是仿皮啦，至緊要 cutting ok，不過我最後都無買到，覺得太誇好少機會著！


  Media Day 墟冚情況！
 噚日係Forever 21特設Media day，之前，真的沒奢望過可以比正式開張早一日到訪及購物，真的很期待！結果8時sharp到達，排了兩分鐘隊便可入場，場內遇到好多以前共事過的時裝界傳媒人，引證Forever 21果真具相當吸引力！

 入場Press gift有呢包口感偏激的Garrett爆谷，深色是勁甜焦糖、金黄色是勁鹹芝士味，
雖則 mix&match 得怪怪的，其實又幾好味兼夠脆口。(www.garrettpopcorn.com)

6層暫只開了3層，女裝童裝都有，仍未見男裝。

 共8件戰利品，埋單總數只係$1,019.6，即平均$127，實在太太太crazy喇！
大家咪以為我逐件睇住價錢牌盤算過至買喎，實情係全店貨品抵到暈，無件item mark up超過$300。
 叮囑：銅鑼灣小店要努力呀，大敵當前請嚴陣以待，挑選多D具特式時裝籠絡民心啦，咪再淨係入香工貨混水摸魚標高價喇！

咁fancy 嘅高踭鞋、ankle boots 都係標價約 $240 對咋！

 作戰到最後購物袋塞滿咗！
噚日8點入場，逛到進入忘我境界，至10時正專人提醒最後5分鐘至清醒過來，停手再勒令自己諗清楚，真係鍾意又會著嘅先准帶走。
其實30日內無著過無剪牌仔都可以歸還，這原銀奉還服務最啱如我這類「五時花六時變」的購物精！

我嘅部份戰利品：
 雪纺透視恤衫 $159、通花襪褲 $66.9、
彩色彈性短裙 $99.9、黑白tweed連鏈飾mini-skirt $209(戰利品中至貴係佢)
立體花飾絨帽$139

「誠徵Forever 21特約模特兒」比賽：
對外形及衣著品味信心十足的你，可於1月18日至3月31日期間，將別具時尚風格的照片張貼到Forever 21的Facebook專頁： www.facebook.com/Forever21HK
比賽將歷時11個星期，每星期均會選出優勝者，即共21名優勝者，每人可獲贈價值港幣1,000元購物禮品咭，及獲邀出席店舖於春季舉行的開幕典禮。

家陣圍版仲未拆，期待見證6層高的氣勢！

Forever 21 香港旗艦店
 銅鑼灣渣甸坊15-19號京華中心
營業時間: 每日早上十時至零晨一時
網址：www.forever21.cn
Facebook ：www.facebook.com/Forever21HK

————————————————————————————————
本週《MORE》專欄精采內容：
非入侵性 防衰老新成分
隨著年齡增長人體膠原蛋白流失、某些細胞壞死後無法獲得修復，種種原因導致衰老現象，出現皺紋、鬆弛、色斑等，古時有長生不老仙丹，今時有抗衰老產品新貴。詳情請留意今期《MORE》雜誌內我的專欄。





發佈者： Yoko Tsang 於 02:33 0 留言
標籤： ,

2012年1月13日星期五

點解要分日霜和晚霜呢？



問問大家，朝早和晚間是否使用兩款不同的面霜呢？
點解坊間面霜有分Day cream及Night Cream？
早晚用同一款面霜不可以嗎？是否美容品牌商家想藉此賺消費者多一點錢呢？

其實，這是有原因的，供早及晚使用的面霜基礎成分大大不同，各具護膚功效目的，切合皮膚不同情況所需。

日霜質感一般較清爽透薄，以補充皮膚水分為主，保持水油平衡；此外，應該具有對抗紫外線的防曬保護，及抗氧化效能如葡萄籽和維他命E，以抗擋空氣環境污染及游離基的侵害。
另外，有些營養成分受到陽光的照射會變質，甚至乎有反效果，例如具强效去皺紋及幫助褪走老化角質的維他命A，塗在面上經陽光侵害會助長曬出惱人雀斑，所以只可加入晚霜當中。又例如濃度高的維他命C產品，搽在皮膚後會呈現暗暗黄黄，只宜晚間使用。

而晚霜質感滋潤度理應較高，目的是封鎖養分，好讓皮膚一整晚得到修復更生，除補水外，補充營養的活性成分較高，兼具抗皺抗衰老的深層功效為佳；而每晚11時至凌晨3時是人體新陳代謝高峰期，皮膚細胞生長分裂的速度比日間快8倍，乃修復受損肌膚最旺盛的時候，亦即皮膚吸收養分的最好時機，所以這時候最需要的是深層滋養和多效修護肌膚，並加速細胞的新陳代謝；使用兼含有幫助去角質成分如AHA和Retinol的晚霜，能令營養滲透效果發揮更佳，同時排走日間積聚皮膚的毒素。

至於有咩心水好用日霜和晚霜？下回推介.......待續
————————————————————————————————
本週《MORE》專欄精采內容：
史上最強嫩手器及風筒
有兩款Home beauty salon美容工具推介給大家，相同之處都是來自英國，同樣是憑藉離子技術成為扮靚好幫手，一款令雙手份外嫩滑、另一款讓秀髮份外貼服。詳情請留意今期《MORE》雜誌內我的專欄。


發佈者： Yoko Tsang 於 02:11 0 留言
標籤：

2012年1月12日星期四

DIOR 令人心動之交叉限量品

上星期的 Dior Beauty 聚會，與過往有點與別不同，分兩日舉辦了兩場 small group ，每場僅限 8人 參加，被邀的是 website editor 及欽點 Bloggers，而非傳统雜誌傳媒朋友；顯然，是國際大品牌重視網上平台新勢力的盛會。

當日悠閒的午餐設宴在金鐘 The Upper House 49/f Cafe Gray，環境一流眺望藍天，食物水準不俗！近來成為了不少高級品牌舉行 event 的理想場地。
先帶大家看看賣相極佳之食物：
一間高級餐廳的麵包水準如何，就是我先入為主的評分準則。
Cafe Gray 麵包做到圍邊鬆脆內裏鬆軟，至緊要夠熱，good！
Mesclun Salad：香醋橄欖油有機菜、芝麻麵包條；菜新鮮就必然好食啦！
Gingered Black Mushroom Consomme：蔬菜粟子雲吞、新鮮牛至湯；
湯底有點似中藥味又似肉骨茶，對身體健康，相女士們會特別喜歡。
Braised Short Rib Of Beef：炆牛腩伴以玉米汁；
肉質夠「淋」，但不夠牛面珠部位般嫩滑、味道酸酸的中和啖啖肉油膩感
呢個甜品，最sweet係朱古力DIOR字樣！

享受食物之餘，當然唔少得欣賞 Dior 最新藝術品，點解叫藝術品非妝品？因為今次crossover 新品，是由柏林藝術家 ANSELM REYLE × DIOR ，彩妝被賦予生命。

柏林藝術家 ANSELM REYLE，彩色構圖及迷彩圖案是他成功塑造的招牌獨特風格。

這次的破天荒交叉合作，究竟擦出什麼璀璨火花？
即帶大家睇：2012年限量版 anselm reyle for dior

Anselm reyle for dior - eyeshadow PALETTE
迷彩眼影盒  $1,000                                  
話明限量，即係珍貴稀少，全球4,400盒，香港獲派二百多盒。
索價成千蚊的眼影組盒，除了DIOR＋ANSELM REYLE的名氣，極富特式創意藝術也佔一把，破格迷彩圖案結合紫色、灰色和黑色，揉合閃亮及啞光的效果，輕易打造富立體層次感眼眸，顯然，造型帶點Rock味型格。無緣帶佢返屋企親試，現場即把握試在手背上，眼影粉質很幼細柔滑，容易blend開。
2012年1月9日開始發售

Dior Vernis – haute couleur extreme wear nail lacquer
亮彩指甲油   $175
 這個春夏，DIOR另一限量之作是爆炸性Pop color指甲油，艷麗至極，玩味十足。
(由左至右)漆黑色 、灰銀色、桃紅色、亮紫色、彩藍色，是Anselm Reyle對螢光色調的鍾愛，投其所好影射於甲油魅力上。
呢兩種色我最 like，相出來效果有少少偏色，應該是螢光shocking pink，但家陣看來偏紅；炭灰銀色具微閃效果，sexy又型格，冬天至啱襯。


限量品點少得佢！
Dior與現代藝術家Anselm Reyle不單止合作迷人妝品，還有女士們至冧的手袋系列，將傳統深沉迷彩色澤豐富起來幻化 shocking color、Dior 經典縫合法變得反叛傾斜；此限量版手袋，早於上年12月初在巴塞爾藝術店率先亮相，剛剛於全球正式發售。

影片率先睇：
 "SLIDING DIOR" 
多得品牌欣賞此地盤，讓我的讀者可先睹為快！(今個月中才在官方網站正式播放)


眼影盒點樣設計成推蓋金屬？就像手機般輕輕一推，取代傳統開合式模樣。即睇話題作品：


三色煙燻眼影組合＋美妝指甲油



————————————————————————————————
本週《MORE》專欄精采內容：
史上最強嫩手器及風筒
有兩款Home beauty salon美容工具推介給大家，相同之處都是來自英國，同樣是憑藉離子技術成為扮靚好幫手，一款令雙手份外嫩滑、另一款讓秀髮份外貼服。詳情請留意今期《MORE》雜誌內我的專欄。
發佈者： Yoko Tsang 於 00:15 0 留言
標籤： ,
訂閱： 文章 (Atom)