2011年12月21日星期三

聖誕party 迎戰第二擊

想成為聖誕party queen，噚日推介大家一連六日敷我鍾情的「3D長情面膜」，剔除乾紋保持超水感，上妝就可以貼貼服服。至於膚色泛黄暗淡可以點救？就由底妝幫上一把，今日指導大家運用一支base，配合局部塗抹技巧，就可以令肌膚展現剔透、輪廓立體效果。


妝容告急，Base去黄塑造即時光澤！
Matt妝out咗喇！大家唔好再墨守啞緻零油光妝容，暗暗沈沈無嚟生氣其實一D都唔靚，望落去皮膚會好似好乾老咗幾年咁。
底妝對比示範：
我偏好(右邊相)具光澤恰似水嫩無比的底肌，對比(左邊相)輪廓看來更具立體感。
其實技巧在於使用怎麼樣的base、粉底或修飾妝品。個人會選擇以具閃粒子的base塑造此效果，可以局部塗上，不似粉底般焗住全面搽；又不會像閃粒子修飾妝品般太造作，可以塗在底層自然透出亮澤。
又亮又白base之選：
cle de peau beaute smoothing base for lines 約$550 

測試：
此底霜具調白去黄氣，珍珠光澤效果，我認為局位塗抹妝效比全面使用更能突顯輪廓，形同塑造陰影效果，也不會太誇張。
使用方法：塗面霜後，在輪廓理應立體才漂亮的部位以手指抹上此base---即鼻樑、眼底連蘋果肌、額頭中央、下巴，薄薄塗抹便可，忌厚塗會太誇張，待1分鐘乾透後，再on top全面塗抹粉底及撲上蜜粉便可，輕易打造亮澤水潤肌膚。
——————————————————————————————————
本週《MORE》專欄精采內容：
紅遍日韓 懶人修身新武器
這個貌似心贜起博器的修身帶，是一位駐日好友早幾個月前來港送給我的手信大禮，上網查看先知效用及原理好勁，仲得以紅遍日韓，試用後非常合我心意，必定要公告大家！詳情請留意今期《MORE》雜誌內我的專欄。
發佈者： Yoko Tsang 於 03:55 0 留言
標籤：

2011年12月20日星期二

聖誕party 迎戰第一擊

Wow....仲有幾日就到聖誕，是單身出擊好時機、也是一雙一對塑造浪漫回憶，相信大大小小 party 必然一浪接一浪，妳唔想在衆女中比下去，除咗花枝招展 dress up外，仲要顧及妝容焦點。
首要打好皮膚質素，建議一連幾日集中貫注滋潤，今日推介大家我的「長情面膜」---剔除乾紋防甩皮，上妝就可以貼貼服服；至於膚色泛黄暗淡唔使驚，接受現實怎樣美白也趕不及，就由底妝幫上一把，聽日緊接指導大家如何運用一支base，配合局部塗抹技巧，就可以令肌膚剔透、輪廓展現立體效果。

今日起，自家六天滋養療程！
呢幾日D beauty salon booking 鬼咁 full，連 working hour 都好多人同我爭，是大家都趁機逃工扮靚嗎？所以，我決定放棄，寕願在家中出動「長情面膜」，由昨晚開始連敷數天至weekend，信心保證膚質可以回光反照(靚咗先算，之後仲keep唔keep由大家荷包話事啦) ！
SK-II - Skin Signature 3D Redefining Mask $820 / 6pcs (唔知而家有無聖誕優惠呢？)
一盒有6片，fit 晒今個聖誕週期表，由昨晚起接連日日都敷，豪喺面上，
勒令乾紋乖乖減褪，搽咩粉底都事半功倍啦！

我嘅「長情面膜」就係佢SK-II - Skin Signature 3D Redefining Mask (全效活能3D 面膜)，已經用咗超過30盒，唔知大家有無試過佢嘅威力呢？是我有生以來用過咁多 paper mask，呢款俾到90%即時 surprise……
分上下兩截，超貼亞洲人面龐，敷上後少少浮起偏差都無；仲要有彈性，敷住時講嘢微笑都唔會影響到；面膜質地厚度適中讓精華可以滲透足廿分鐘，唔會轉眼乾爭爭。
至於嗰10%扣分位係細片咗D，左右面差少少 cover 唔到。

 分上下兩截剪裁，除咗特別貼面外，有唔同針對性功效！
兩大功效：
上半面膜去紋提升，以葡萄糖胺即時鎖水，促進皮層增加透明質酸，有效改善膚質及解決肌膚衰老問題。
下半面膜收細細孔、緊緻輪廓，以Pitera® Oli-Vityl 元氣複方，活化皮膚細胞，令肌膚即時平滑，及提升輪廓線條。


使用後感：
敷完即時見到同 feel 到皮膚得到充分滋潤，好軟滑呀，最緊要效果 long lasting，咁至值得花時間及金錢喺佢身上。
 下半截敷完面建議敷埋喺頸，將面膜袋內剩餘的精華加上便可，
具彈性的設計拉扯向後會feel到勁貼，唔輕易甩掉，貼服到似戴咗頸箍呀！

明天再續：妝容告急，Base去黄塑造即時光澤......
——————————————————————————————————
本週《MORE》專欄精采內容：
紅遍日韓 懶人修身新武器
這個貌似心贜起博器的修身帶，是一位駐日好友早幾個月前來港送給我的手信大禮，上網查看先知效用及原理好勁，仲得以紅遍日韓，試用後非常合我心意，必定要公告大家！詳情請留意今期《MORE》雜誌內我的專欄。
發佈者： Yoko Tsang 於 00:28 0 留言
標籤：

2011年12月19日星期一

Dove廣告花絮

12月1日，iPhone傳來各位好友的生日快樂mesg，之後到12月2日，我已經身在台灣，卻傳來另一波Whatsapp祝賀，因為我跳出平面的首個電視廣告就在當晚首播，各位曾替我高興的朋友，很感激你們啊！當然，更感激Dove高層對我在美容界的專業肯定呢！

「你知唔知？淋浴就係護膚嘅第一步......」 
這是我在TVC的開場白，非設計台詞，concept乃百分百告知大家真正護膚之道啊！

首播後多天，因身處外地，我自己本人都未有機會睇；直至回港後，始在YouTube上可以重溫，也終於敢在Facebook上公告這個Dove廣告的存在。或許是心態上的轉變，假如這個廣告是拍於我的學生時期，那會不張鑼舞鼓，大肆宣揚？能夠拍攝具美感的廣告，的確值得高興，但現在的我，想法很實在，只有非常感恩獲得別人的欣賞及認同，因為我非明星代言人，而是能夠以一位專業Beauty Blogger身份作出分享。


上星期四看到好鄰居Winnie Leung因為我這個廣告所撰寫的blog文（可到這重溫：快當明星了！）真的不敢「當」，我目標是「當」具公信力的美容專欄作家／博客，她的文章也讓我反思，很感激對我好的朋友，為我這個廣告而衷心祝福我要再加把勁努力，真的感到「有壓力」，不想辜負衆望！
除了祝福及努力勸勉，也收到很多友人及工作上的朋友說：「你拍咗幾耐呀？NG好多次嗎？好無玩呢？其實好多人想知拍一個廣告的幕後花絮making of，不如分享吓啦，也有不錯吸引力呢！」好吧，就從花絮的角度，看看一個廣告背後，有多少人去配合吧！
廣告的髮型由我的御用星級髮型師Teddy Ng主理，他主理廣告髮型的經驗極豐富，例如明白拍攝時千萬不可有一條頭髮絲跑出來，電視廣告不同平面，冇話事後 photoshop，所以當日已經幹掉他兩支定型噴霧！
鏡頭前只有我一個人，鏡頭後十幾人肩負各重要崗位，一個看似節奏簡單明快的廣告，
絕對是合眾人之力的嘔心嚦血之作！
有專業美指指導，每一個細微動作、表情，全部都係精心計算出來，Winnie說我的「一指陽」，也是一番心血精煉出來，才有廣告張力。
呢一幕拍攝我將Dove沐浴露放在鏡頭前，也一樣一絲不懈地重複
----拎起再放低N次，拍攝直至完美！
過程非常認真，所以要不停翻睇playback，細心研究肢體型態、動作是否俐落。
真正最高話事人，就係坐在現場最後方，一直監視monitor的Dove高層。
電視廣告的拍攝場地位於鴨利洲工廠大厦，拍完之後，同日就立即轉去柴灣studio拍硬照平面廣告相，所以成個製作都非常緊湊，一場接一場，負責化妝的是我近來經常合作的Soie。

我也主理過雜誌大大小小的時裝styling、明星封面硬照，
但都係第一次見到我背後咁大把的打光遮！
硬照都要時刻睇playback，即拍即睇即揀，專業表現。
就算一個只捕捉上半身動作，其實下半身都有好多小道具去配合。
踩住沙包，前後脚企，體態會美妙D！
最後集衆人之力---DOVE Pr and marketing高層、美指director、photographer揀選心水相片，拍攝便大功告成！

完成品就係咁：
多謝欣賞！

今次我推介的新升級Dove，含有首創突破性Nutrium Moisture親膚滋養精華液，其實係有三種配方：滋養柔嫩(我至like呢支，冬天好啱用)、溫和去角質、溫和低敏感，大家記得試試喇！
——————————————————————————————————
本週《MORE》專欄精采內容：
紅遍日韓 懶人修身新武器
這個貌似心贜起博器的修身帶，是一位駐日好友早幾個月前來港送給我的手信大禮，上網查看先知效用及原理好勁，仲得以紅遍日韓，試用後非常合我心意，必定要公告大家！詳情請留意今期《MORE》雜誌內我的專欄。


發佈者： Yoko Tsang 於 00:54 0 留言
標籤：

2011年12月17日星期六

ELLE讀者尊享！半價試做電動微針收紋去皺

當我被ELLE香港Marketing Team邀約成為ELLE Star Blogger時，除了把我的美容護膚心得帶給各位ELLE Online的讀者外，她們也希望我可以把最好的美容優惠、甚至精彩禮品獨家呈獻給ELLE的美麗讀者。
首先我對這個提議非常讚成，畢竟我也不想單單將從別的地方所寫過的文章純copy and paste的搬到這裏，況且優惠必需要吸引，才值得讓我花篇幅去介紹。
這台精緻的美容儀器，就是這次精選優惠的主角，DermaLift電動微針。
假如是我的忠實讀者，一定知我曾介紹過這台美容儀器，至於值得我再次推介的原因，源自早前和我的好友A（她是四季酒店的名公關喔！）午飯時向我力讚：「我在中環某醫學美容中心做了一部電動微針，效果實在好得好得！」更向我推介其去紋收緊嫩膚如何了得，可惜太貴，就算試做價都要$780一次！
細聽下，原來她所做的儀器，就是我曾經在中環另一間美容院所做過的是同一款！但價錢就比較相宜，試做價才$480，引得她想抽空再試做呢！既然有好友A的力讚，加上我認同的療效，就試試從這一間中環的美容院埋手，提供一個更佳優惠給ELLE的讀者！
做微針有甚麼好處？對於減淡細紋、撫平凹凸洞、收毛孔等非常有效！我有幾位女性朋友的鼻翼位、面頰毛孔極粗大，就是靠微針重拾收細兼緊緻的喜悅；還有一位曾遇車禍破相的女士，雖憑著Laser及IPL改善不少，但不能長期依靠貴價光學儀器，及後嘗試配合微針療程補救，結果令凹陷及凸出的疤痕平復不少，她及治療師也喜出望外。


可惜這一年來，坊間有不少負面報導指出，某些美容院不注重衛生、甚至翻用以至嚴重發炎，也有用廉價劣質微針，使針剝落留在皮膚內，結果要訴諸消委會或各報刊投訴版。
而DermaLift是由德國著名醫生教授研發，安全兼有信心（舊有的全是韓國製），利用磁懸浮電動微針的特點，以每分鐘3840次的震動刺入皮膚，比人體的觸感神經更快而達到無痛的效果，加上自己親證零痛楚及有效，一切妥當，才決定介紹給大家呢！
真空處理獨立包裝組件，包括0.35mm鋼針頭(a)、專業去角質煥膚液(b) ，及medical grade透明質酸精華(c)。
療程步驟仿如在皮膚上蓋圖章似的，微針是垂直刺入拔出，比舊有滾筒式微針打斜刺入肌膚更安全，可減少對皮膚的不必要損傷，亦不會出現滲血情況；此外，也與舊式MTS微針有別，毋須預先塗上麻醉藥，省時也減少致敏機會。過程是先溫和潔面，再以Pre Treatment Lotion消毒，如果皮膚上有傷口，會局部塗上專用隔離膏以作保護，然後使用低致敏的10%甘醇酸DermaPeel去除表皮膚老化角質，期間皮膚並沒有刺激感覺，待5分鐘後抹去，就正式做電動微針。過程照顧周全，除面部肌膚外，就連上眼皮、眼淚溝位和頸部也通通包括，最讚治療師細心位是會由頸部開始做起，當你試過只有震動感而無痛無血，就會更放心順移至面部。雖則話無痛，沒有針拮的刺痛，但當在額頭、眉骨位時，磁懸浮震動拍打在骨骼上會有不適感，但只屬輕微及可接受的程度。醫生常說我面皮薄，但每次完成後，竟然沒絲毫泛紅，惟獨頸部較敏感會呈現粉紅狀態，但當敷上日本Enary甲殼素精華面膜和頸膜後，其降紅效果很好，並助以鎮靜降温防敏深層保濕，這時候皮膚處於最「飢餓」的狀態，包保甚麼補品都能盡吸啊！

此更生煥膚療程以九次為一完整單位，每次相隔十日做，三個月就完成。我做完兩次已經有上眼皮提升的實效，由於加促刺激了微循環，眼袋也有顯著縮小，眼圈色素亦得以減淡；鼻位毛孔每次做完都會迫出很多粉刺黑頭浮面，極喜歡這種斬草除根潔淨感覺，由於微針治療可刺激皮膚膠原自生，所以當做到第四次的時侯，我感受到粗大毛孔真的有救了，這點自覺比做laser更顯著。













（上圖：Before、下圖：After）這是歐洲測試實證，完成九次電動微針療程後的驚人結果，眼部鱼尾紋顯著褪去，皮膚pump up增彈性。
好了，究竟優惠如何？原本試做價$480一次，ELLE Online讀者可以半價$240試做一次！
致電預約時，說是Yoko《ELLE》blog讀者，可享以下特別優惠：
DermaLift更生煥膚護理  ELLE讀者首次試做價 $240／次
療程原價 $18,000／9次，優惠價 $12,000／9次
【優惠有效期至2012年1月31日止】

9°Spa
中環威靈頓街14-24號威靈頓登爵大廈9樓全層  預約電話：3583 2998

注意：做完微針後三日內，不要使用美白產品，及著重防曬保護，更要避免光學療程。正處於敏感狀態的肌膚、皮膚上有大量傷口、含膿暗瘡肌亦不適宜接受微針治療。

——————-
發佈者： Yoko Tsang 於 00:01 0 留言
標籤：

2011年12月16日星期五

一試難忘一風堂

回顧今年，香港飲食業界最大放異彩的食品總類，就係日本拉麵！新店有新店的襲港，做得好的又陸續開分店，我這個拉麵痴當然樂於看到。但今年最令我高興的其中一件事，就係在 7月17日星期日，獲邀出席擔任荷里活廣場拉麵橫丁慈善義賣日的拉麵達人嘉賓！但我興奮的點並非做嘉賓，而係可以一日內飽嚐只有在日本才食得到、香港沒有開店的五大拉麵世家！
（詳情可以重溫：約定你！星期日見面，一齊食慈善拉麵）
被咁多傳媒影住我食拉麵，真係要小心奕奕，保持食的儀態！
這個時候，其實仲有一碗拉麵我係好想試食的，就係同期剛來港開店的「一風堂」！
可是，一風堂的長龍程度，比我在香港的最愛---豚王---更誇張，我曾經在新港中心的分店試圖取籌排隊，結果係要等120張飛才到我！咁梗係唔等啦！結果一直冇諗過去食，就算再開銅鑼灣分店，咁近我都冇去過，因為諗住都係冇位，冇謂等。
直至剛剛去台灣的生日trip，講起一風堂，那位任職美心飲食集團的高層朋友說：「下次帶你一齊去試啦，訂定位，唔使等！」原來一風堂係美心集團經營，難怪可以極速開分店，仲會登全版雜誌廣告請人！
不過，我都係等唔切！冇特權之下，上星期六晚上十點，稍等五張籌，即食。
首先到的是湯餃子。
餃子並非重點，那口濃濃的豬骨湯才算誇張吧，豚味澎湃喔！那種追喝湯的欲罷不能感覺，是用心經營的成果。這一刻我實在太後悔，後悔在好幾次在日本過其門而不入，淨係去一蘭就算，真係錯晒！
其實當打開餐牌時，就驚覺一風堂在香港一定不敗，因為$55一碗正宗豚骨拉麵也太平吧！我喜歡的豚王、MIST，好幾家不錯的拉麵店的拉麵售價都普遍要$80一碗。一風堂的雖份量較細，但這個入門價格非常便宜，就算食過唔鍾意，都唔會被唱「又貴又唔好食」呀！
何況，佢係好好味呀！這個湯好清澈，如果以漫畫《伙頭智多星》的風格去形容，就係啖湯一入口，就有成千上萬隻豬從味蕾跑出來一樣咁震撼！
一個當然唔夠，再試多個芥茉豚骨拉麵，湯中帶wasabi的辣卻不搶去豚骨的味道，感覺刺激的湯頭！
再接再勵燒餃子，肯定係我食過，香港最薄皮的餃子，肉的肥瘦比例約三七，不錯，但不及湯餃子般讓味蕾陶醉的感覺！仲有，湯餃子的湯頭比拉麵更濃厚，是用來點綴餃子的鮮吧！強烈建議一定要點拉麵配湯餃子喔！
現在，難題來了，在香港，我最愛的拉麵就係豚王和一風堂，但總要有個高下之分吧！在食這一方面，我總愛評高低，我心目中沒有一樣咁好的食物，食過好吃的，就永遠想找比我之前食過更好味的食物！
結果，我參考了《伙頭智多星》其中一幕，味吉陽一和另一對手（忘記了名字）的一場咖喱對決中，所有評判都判平手的情況下，味皇卻一語道破：「吃過陽一的咖喱，只需喝少許水解渴；但另一道咖喱卻要喝掉一整杯，所以味吉陽一獲勝！」我吃過豚王後，最少要喝兩杯水去解渴，反而一風堂的清澈湯底，不需多渴水啊，所以我心目中，一風堂勝！但一風堂仍比我心目中的一蘭稍遜，因為我會把一蘭的湯全部喝掉，但一風堂未能，所以我下次到日本時，會同時試齊一蘭及一風堂，做一個最終評測！ 
銅鑼灣的一風堂用全自動取飛系統，自助等位，唔使同waiter講幾多位，自己一手搞掂。
博多一風堂
地址：香港銅鑼灣羅素街8號2樓
電話：2892 2387
——————————————————————————————————
本週《MORE》專欄精采內容：
Beauty secret of lips 誘人櫻唇恩物
若不好好保養唇部皮膚，任由搽幾貴幾靚唇膏也是枉然的！那些是我極喜愛且功效非常超卓的護唇恩物？詳情請留意今期《MORE》雜誌內我的專欄。
發佈者： Yoko Tsang 於 00:01 0 留言
標籤：
訂閱： 文章 (Atom)