得獎名單公佈：我的心頭好護膚妝品！

上星期的送禮活動，送出我喜愛的珍藏及護膚妝品，反應非常熱烈，多謝參予。

大家開心投入我的搞作玩意，我也送得特別 enjoy啊！

大家為了爭奪相片中心頭好都寫到長篇大論，咁精彩的鴻文，回顧時真係睇到目不暇給 (以下會post出來與大家分享！)

就當我三心兩意時，還是決定以寫得最好為得獎準則，今日結果公佈，恭喜以下 6 位得獎者，注意：

請click入：香港美容專欄作家 Yoko Tsang，在 facebook 留下你的電郵，我會通知直接寄獎品到你們手上的方法啊！

第一份大禮：
MAJOLICA MAJOLICA「極緻魔幻激長睫毛液」連閃亮眼影組合 【價值約$180】

得獎者係你：Anna Yu

「我想要第一份禮物Majolica Majorca Mascara + eyeshadow. 試過很多牌子的mascara但效果都好一般好難達到廣告形容的美睫效果. 剛剛睇到Majolica Mojorca入圍Best Mascara Category競逐Cosmopolitan Best of the Best Beauty Awards 2011正準備買支Majolica Majorca嚟試試宜家Yoko又預備了這份禮物timing岩岩好希望得到這份禮物使我重拾mascara的信心呀!」

第二份大禮：
9°Beauty Kinka Gold Trial Set金箔面膜試用裝 【價值約$479】

得獎者係你：Ka Hung Choi

「我想要9°Beauty Kinka Gold Trial Set金箔面膜試用裝

我試過用其他品牌金箔面膜,感覺都好正,但價錢冇咁貴...呢款要成千五...所以都想用左試用裝先...

之前睇你個blog同’美肌瘦身秘笈’,再之後又響姊妹淘都見到你介紹黃金面膜,就知你真係衷心覺得呢隻金箔面膜係好用,我都好想試下…感受下神奇既功效, 我有響internet search過, 9°Beauty口卑都幾好咁, 黃金面膜呢款黃金面膜可以改善暗啞膚色, 變得有光澤, 膚色唔再死氣沈沈,最重要係緊緻膚質,但價錢貴左少少, 希望可以俾yoko你選中得到試用品, 用完之後一定同各位分享用後感!」

第三份大禮：

Real Doll「色白肌」妝前底霜 【價值約$200】

得獎者係你：Angel Leung

「嘩..好豐富呀..我想要第三份大禮：Real Doll「色白肌」妝前底霜

自問只係化妝既初哥..對於處理底妝部份始終覺得好難掌握..

好多時為左令面部睇落滑D..乾紋.毛孔少D.會不自覺越搽越厚>~<

如果再刻意遮埋斑斑就仲厚..@.@

成日覺得自己化完底妝好似個粉人咁..好假呀..

所以我好想要呢盒Real Doll「色白肌」妝前底霜..好想試下佢既神奇力量..

如果真係搽左佢已經滑D..毛孔細D..乾紋消失既話..就太好喇..以後唔使再怕會攪到好厚粉..變假人喇..

化妝最少係想精神D..我都想自己可以..好想試好想試呀..用左似素顏好吸引呀…

出年我會去日本影結婚相..如果試過好用..仲可以係個邊買埋返黎..係就好喇..^O^」

第四份大禮：

SP 復古設計旅行風筒 【買滿$1,000至有得送】

得獎者係你：Wing C Sze

「我想要「SP 復古設計旅行風筒」，原因是一來已經開始忍唔到屋企個風筒弱到要成15分鐘至吹得乾成個頭，二來我即將同男朋友結婚渡蜜月，如果可以用呢個咁浪漫ge旅行風筒，一定可以增加呢個旅程ge甜蜜回憶！三來佢仲要係Wella Professionals 旗下品牌，供 hair salon 專業用而且係限量版，集實力、美觀同珍貴於一身，好難唔想要啫！^^」

第五份大禮：

美國 SESHA calming mask【每片價值約$80】

得獎者係你：Sky Lau

「我想試美國 SESHA calming mask, 我本身最鍾意敷面膜, 因為貪佢夠方便, 本身面頰兩邊容易缺水, 依加的天氣開始入秋, 係時候做足準備工夫, 改善皮膚各種問題, 所以好啱我用~」

第六份大禮：

美國 SESHA calming mask【每片價值約$80】

得獎者係你：Stella Lala

「Hi Yoko, 我想試美國 SESHA calming mask, 因為我面色較暗啞呀, 我去左做果酸peeling ar ,做完好乾, 極極需要full mask ar...個幾日用咩到好吸收添~.佢又可以滲透入底層, 真係好岩我呀~~!!~~!!」

————————————————————————————————————————

本週《MORE》專欄精采內容：

奧斯卡殿堂級Magic Facial

每年奧斯卡頒獎典禮，衆多角逐獎項的巨星、主持及頒獎嘉賓都會做呢個牌子的人手facial，才隨即上妝出席，證明具備超凡魅力！詳情請留意今期《MORE》雜誌內我的專欄。

http://vipblog.orientalsunday.hk/yokot/

facebook：香港美容專欄作家 Yoko Tsang

微博：http://t.sina.com.cn/yokot/

http://yokotsang.blogspot.com

新加坡試到返香港 直擊強效去皺新品！

當大家見到以下呢張相嘅景點，相信九成九估到我早幾個月前去咗邊：

Yes，是新加坡！點解去呢度？去食海南雞飯、肉骨茶、買虎標按摩膏？No no no......
重任是應 BVLGARI 邀請，前往新加坡率先體驗其最新成功研發的珠寶級肌膚重組孖寶。

早於8月中之行點解而家至解構？因為要落足心機連續試用兩個月，親見成效至分享，測試者仲有我媽咪(以表孝意，哈哈！) 實情是希望以不同年紀肌膚狀態看看這孖寶的功力。

安排入住的酒店 St. Regis，房間裝修優雅又具氣派，

淨係浴室都成二百呎，住到唔願走！

PR 非常窩心，surprise ---在床上放了小禮物，是用來盛載手錶的小索袋，

袋面印有 BVLGARI 字樣，好浮誇呀！也就因利乘便在該旅程化作我的小錢包。

會場是一間六星酒店的總統套房，只供名人入住，從不向外租借，

今次有幸感受瑰麗堂煌氣派，實屬難得，至巴閉係午宴設在......

呢間總統套房的露台是玻璃幕牆設計，個 view 靚到暈，

仲可以招待廿幾人寬敞的進餐，樓底高得很，香港久違了！

美顏主角出場：

(右) BVLGARI SECRET DE GEMMES SERUM

Wrinkle Smoothing and Skin Retexturing Concentrate

$1,250 / 30ml

＋

(左) BVLGARI SECRET DE GEMMES CREAM

Wrinkle Reducing and Skin Plumping Cream

$1,150 / 50ml

-

這對孖寶是科研傑作，最大成效是針對大家唔想見到的衰老象徵--- 皺紋

活力扶桑籽萃取生長因子，活化細胞改善粗糙情況，保持柔滑年輕膚質

強效成份六胜肽改善膠原纖維和彈性纖維，從而撫平皺紋

創新玻尿酸粒子，保水量是傳統玻尿酸的5倍，在皮膚表面造出一個隱形的「網格」趕走紋理

即睇以下實證：

我現場見證呢個 result 真的很興奮，連續塗用精華素及面霜三個月，表情紋真的可以大大改善--- 減淺及縮短了，so amazing！立即用相機拍下來俾大家共享。

媽咪用咗足足兩個月，佢話虎紋好明顯係短咗，yes......無寫錯......係短咗，佢好奢侈攞嚟搽埋手背，覺得彈性好咗同埋滑溜咗添！

無須靠注射 botox，單單塗用產品成效也能如此顯著，確是日新月異的美容界奇跡，青春不老在我們這一代已經可以享有！

我於現場率先試用新品及拍攝工作中，被大會攝影師偷影咗添！

先用 toner 抹凈肌膚表皮層，褪走老化角質；然後塗上成分濃縮之精華素打好基底；再塗上面霜封鎖養份築起保護膜，建議配合微暖指尖按摩，促進血液循環和幫助營養滲透至皮下層。

別以為强效抗衰老護膚品必然又油又黏立喎！

大家睇吓我嘅手背----現場起勢咁塗用大量 serum＋cream，一點兒油膩反光位都無，

feel到好soft又滑又彈啊！

Cream有兩種texture，由於我屬混合性肌膚，偏好較輕盈的；
乾性肌當然應智選 rich質感，築起鎖水屏障。

【BVLGARI Skincare Counter  金鐘太古廣場連卡佛】

————————————————————————————————————————

本週《MORE》專欄精采內容：

奧斯卡殿堂級Magic Facial

每年奧斯卡頒獎典禮，衆多角逐獎項的巨星、主持及頒獎嘉賓都會做呢個牌子的人手facial，才隨即上妝出席，證明具備超凡魅力！詳情請留意今期《MORE》雜誌內我的專欄。

http://vipblog.orientalsunday.hk/yokot/

facebook：香港美容專欄作家 Yoko Tsang

微博：http://t.sina.com.cn/yokot/

http://yokotsang.blogspot.com

送您！我的心頭好護膚妝品

這幾天一直在忙，卻又忙得好開心的，除了拍攝工作，突然要試很多新 facial，還要籌備數個分享會；但幾忙都好，我都堅持每天更新網誌，因為我不想，一直追看的讀者，早上起來看到還是昨天的舊內容而失望！
上星期五說過會送給讀者一份「升級版活顏馥莓飲」，其實本應決定在星期一揭曉，晚了一點到今日才公布，實在不好意思呢，多謝你們參予！
得獎者係你：Tse Yee Ting (Clara) 
得獎原因：認真試飲過幾款美肌產品，更能在我facebook與衆分享感受。
請到香港美容專欄作家 Yoko Tsang，在 facebook 留下電郵，我會通知寄獎品給你的方法啊！


既然大家咁踴躍，決定加碼，再送多五份心水護膚妝品及一份限量版珍藏給大家啦！
這些都是我試用過很喜歡的，好東西也就希望與大家分享，參加方法很簡單：
只要到我的 facebook page 香港美容專欄作家-Yoko-Tsang，讚好，然後留言「想要以下邊份禮物，為甚麼？」
我會從中揀選得獎者，直接將禮物寄到你屋企。
老規則，禮物只會寄到香港讀者手上，香港以外的地址恕不郵寄！


第一份大禮：

MAJOLICA MAJOLICA「極緻魔幻激長睫毛液」連閃亮眼影組合 【價值約$180】

Shiseido Group旗下有很多上架品牌，我覺得其實質數相當唔錯仲好抵玩，如專對付油性暗瘡肌的ettusais、平靚正潔凈面龐有「專科」，當然唔少得出色玩味妝品MJ啦！

我好鍾意MJ的眼影，夠貼薄又易上色，至緊要質地好價錢又抵玩(若$50蚊盒)，每次去親台灣(平過日本)實忍唔住買多幾隻色做層次漸變眼妝；佢出品嘅睫毛液就深得我身邊幾位好友歡心，勁讚夠翹唔易drop。

今次送俾大家嘅係：新設計扁梳型雙效刷頭，一邊掃出濃密豐盈、一邊掃出極緻纖長，最緊要效果根根分明，唔會聚埋一嚿嚿，是最常用的黑色啊；細心位是美目組合連埋襯到絕華麗眼影，秋冬季big hit啡銅金色，仲有微閃粒子，妝效自然也能令眼部輪廓看來更深邃。

第二份大禮：
9°Beauty Kinka Gold Trial Set金箔面膜試用裝 【價值約$479】

想當初，我未向大家公布研究黃金 facial 的成效時，其實早就在日本公幹之行按捺不住其著華包裝誘惑，帶了兩盒體驗版回港率先試威力，內有六片長方形金箔面膜片及一支試用版Gold Nano Lotion，用來貼上黃金面膜後，再導入肌膚之用。
相信經我在專欄、電視台、blog文跨媒體分享後，有很多人都已經知道黃金護膚的好處，無奈價錢不便宜，這次就正好，可免費讓你淺嚐黃金敷面的瞬間亮肌神奇功效，看誰是幸運兒啦！

第三份大禮：

Real Doll「色白肌」妝前底霜 【價值約$200】

一個步驟能令殘樣起死回生？呢款makeup base就可以喇(使用時要有技巧)。

我在東京買了幾盒送贈好友的，家陣送一盒俾大家啦！

暗啞泛黃、毛孔粗大、乾紋暴現都公認為殘樣元素，想踢走它們？在護膚理念上當然非一朝一夕，但在化妝層面上的而且確可瞬間讓夢想實現！化妝步驟最忌玩層層疊，先底霜、補濕粉、又遮瑕膏、再乾粉，齋聽都知出事！要掌握箇中自然貼薄最高境界絕非易事，但凡事總有例外，呢盒magic product- Real Doll「色白肌」，就能輕易讓面部幻化成瑭瓷肌般perfect skin，此霜狀質地像是軟雪糕、色澤尤如雲呢拿，一抹一塗仿如為肌膚披上一層薄紗，霎時間毛孔乾紋隱形、膚色白皙、觸感柔滑，看來無瑕細緻，完美肌膚狀態似足無添加天生麗質模樣，無懼素顏自信心番晒嚟！在日本當地推出，即成鎮店熱賣No.1！

用法：完成日常保濕、防曬護膚程序，便可以手指沾取少量「色白肌」輕抹印開，單塗已能達致滿意修飾效果；若然追求零瑕疵，可再撲上two waycake。

第四份大禮：

SP 復古設計旅行風筒 【買滿$1,000至送】

SP是 Wella Professionals 旗下品牌，供 hair salon 專業用的，有 hair treatment又有洗護髮產品；呢個限量版風筒個outlook極得我歡心，一見鍾情，所以當時為咗得到佢，焗完油再買咗幾支color save shampoo and conditioner(送埋俾媽咪)，湊夠數先至可以擁有咋！

我決定……與其只當作擺設，倒不如豪俾支持我嘅readers，希望你會好好善待佢啦！

第五及六份大禮：

美國 SESHA calming mask【每片價值約$80】

呢款 paper mask 大有來頭！曾連獲兩届「歐洲整型醫學會最佳產品獎」，巴閉在其傳進皮膚技術，營養可直達基底層。

有咩護膚功效？抗氧化和抗醣化，簡而言之即係抗衰老囉，主要成分葫蘆瓜精華、尿素、肌醇等等輔以增加彈性、水分、去皺。質地非常特別，是透明軟膜，似啫喱feel，可以輕易撻住皮膚，用後粗糙即時減退，之但係眼位剪裁實在太差了，只得一條線般開口位，相信憶蓮或敏聰對眼至fit in，我要用手斯文地撕開至可以覆蓋，太大力又唔得喎，會扯成兩截，試過爛咗！

————————————————————————————————————————

本週《MORE》專欄精采內容：

讓肌膚大快朵颐的燕窩魚子餐

入秋又是進補的好時機，燕窩、魚子食材滋補又養顏，有誰不愛吃？！近代醫學界也力證它們多種功效，如何厚敷上面供給肌膚每個毛孔盡情的吃掉？詳情請留意今期《MORE》雜誌內我的專欄。

http://vipblog.orientalsunday.hk/yokot/

facebook：香港美容專欄作家 Yoko Tsang

微博：http://t.sina.com.cn/yokot/

http://yokotsang.blogspot.com

狂食無有怕 vol 1

扮靚、覓食都係我興趣，依家可以寓工作於娛樂，真的很感恩啊！

我認，非常為食又大食，所以常寫食評又常寫千奇百怪瘦身法----

「食完又減、減完又食，好 enjoy 這看似極矛盾的循環呢！」

之不過，絕對唔係乜垃圾都會放入口！

常提點自己及身邊好友：「卡路里要吸得有價值，千奇咪亂喪食！」

最近被我評為有價值的新歡小食係佢哋，非常輕怡、低卡、健美，仲好食添；再唔寫分享，我相信幾日後會淨番吉樽、吉袋，想影相都無餡喇！

潤喉蜂蜜糖

蜂蜜糖--- 便利店大把啦，一盒頂盡十多元有交易，偏偏我淨係鍾意食呢款，仲要幾十蚊樽添！點解咁揀擇？因為成分靠得住：

早前亦介紹過此品牌的有機護膚品，及送出排毒美肌飲料，大家估到未？

係 Melvita 呀！法藉 founder 是養蜂專家，仲有專業團隊負責養蜂及提煉蜂蜜產品，品質具保證。查實一粒糖啫……support背景都咁誇張！

我好鍾意食佢哋嘅蜂蜜糖，至冧係低卡路里，不含人造糖、色素及防腐劑，為食都要健康至上。仲有好多種味道，如純蜂蜜味(我嫌略甜)、松樹汁液蜂蜜、尤加利樹蜂蜜 ，呢兩款蜂蜜糖都有薄荷feel，食落涼涼哋(唔知大家有無試過其他味呢？)；唯獨嬴得我歡心係佢……

 Honey & Berries(約$70／150g)，二合一味道有層次感，有蜜糖清甜混合莓的微酸，初初放入口味道一般，食到十秒左右愈嗒愈正，寫稿口痕就啪一粒，滋潤喉嚨仲可以放鬆心情，哈哈！
我估一樽有成近百粒，每日食三粒，都夠食足成個月。

大家口味唔同，記住去shop免費試勻晒先扑鎚買呀！

聽日會再介紹另一健美小食，請待續……

Melvita shop list:

IFC  1088A店

Time Square  B237店

K11  B203B店

————————————————————————————————————————

本週《MORE》專欄精采內容：

讓肌膚大快朵颐的燕窩魚子餐

入秋又是進補的好時機，燕窩、魚子食材滋補又養顏，有誰不愛吃？！近代醫學界也力證它們多種功效，如何厚敷上面供給肌膚每個毛孔盡情的吃掉？詳情請留意今期《MORE》雜誌內我的專欄。

http://vipblog.orientalsunday.hk/yokot/

facebook：香港美容專欄作家 Yoko Tsang

微博：http://t.sina.com.cn/yokot/

http://yokotsang.blogspot.com