2011年9月26日星期一

在峇里被迫隔絕的世外桃源生活

Hi，大家好！我返嚟喇！
峇里不愧為人間絕境世外桃源，基本上，我五日四夜所座落之處，係上唔到網的！
對於我這樣一個與網絡息息相關的人，「網絡毒癮」之深，真係上少一刻網都周身唔聚財。
上星期幾天，連累我無得寫 blog 實在非常不安，身邊人於這五日四夜裏用同一番安慰說話：「就當這五日係一個無牽無掛的假期，盡情享受吧！」
但我實在不能忍受，明明一間講明有「wireless board band connection」的高級 villa，WiFi 係有，但另一端居然係幾天都斷線、或間唔時以56K龜速接駁 (想upload一張相都激到頂唔順)，實在係這個旅程的污點！！
以下幾天的 blog 儲了我相當多感愛，要盡情爆發，長篇大論呀！

話雖如此，這間位於 Jimbaran 的 Gending Kedis，的確是不錯的選擇，何況我們一行廿幾人，要book 到幾間 villia，安置我們這班難纏的「世外奄尖高人」，當然要有相當功力！多謝好友 Miffy早於大半年前的悉心安排啊！
帶大家睇吓villia環境：
每間Villa都係樓高兩層，高樓底大睡房，此為大廳嘅一部份，非常寬敞。
擁有私家泳池亦係必備條件，晚間成為朋友們聚集猜枚飲洒嬉水池。
我抽籤贏咗入住至豪至大的 master room，浴室內設有私人浸浴區，
我早就帶定L'occitane 天然浸浴梘，
幫助舒緩肌肉、排走毒素。
可惜間 villa 太多蚊蟲，原來呢個缺點幾乎係成個峇里的通病，噴咗蚊怕水，點埋蚊香，睡覺時手背因為突出棉被外便中招；好友May最惹蚊，面頸數埋近乎十撻，慘慘慘，相信亦多得佢捨己為人，引晒D蚊咬佢至咬少咗我哋，哈哈；除咗蚊，呢幾日真係見得最多昆蟲，過百隻烏蠅，仲有近十條 agnes b，驚驚驚！

今次峇里之旅，一行廿幾人就係為了參加好友Fanny &  Benny的婚禮，成班好友出錢又出力，將峇里玩到反轉咁滯，變成私人派對一樣！
婚禮位於 Conrad Bali 的 Infinity Chapel，參加盛會前我們先到 Conrad 附近的印尼餐廳醫肚，
呢餐係全個 trip 最最最好食嘅......
第一次食正宗印尼串燒，真係好好味呀，雞肉嫩滑兼多肉汁，
配上正宗印尼沙爹醬，甜而不辣；
燒豬肋骨，燒好之後再放上迷上炭爐熱住上，食到個個停唔到口！
真係喺香港從未食過咁高水準的。
My favourite 燒魚亦係一流，甜酸醬料調得非常好味，帶起鱼肉的鮮甜。
咪睇呢餐飯坐得咁地道 feel，埋單要成 Ru7,000,000，即七百萬盧布，
大約 HK$7,000，每人除開要HK$300 呀！
在香港來說唔算貴，但在印尼來說簡直是奢侈，
我哋試過在海邊食西式 lunch 埋單過千萬，當然係盧布非港紙啦！

終於到達目的地 Infinity Chapel，上星期有留意我 facebook( 香港美容專欄作家 Yoko Tsang)及微博的讀者，一定先睹為快睇過呢間美麗如畫的教堂，我們現場個個都嘩嘩聲，不停影相就一定，唔識影相都可以變高手，皆因景靚就真係點影都靚！
教堂座立在一望無際藍天白雲與全海景，在此與摯愛誓盟，
相信任何女士都一定會非常難忘。
好靚呀！拖尾婚紗非常切合此優美景緻。
Sweet sweet.......好感動！大家當時都眼泛淚光，替他們高興。
我自己都影咗唔少靚相呢......
呢個靚景，終於可以發揮我部相機連環快拍功能，四周靚到夢幻咁！
出發前，專登買咗呢條單膊雪纺白色短裙，襯埋立體裝飾頭箍，yeah.....非常夾景色呀！
教堂外圍綠草如茵，我好耐無正面任由陽光照射了，
此刻也要拋開美白嗜好，盡情 enjoy 和留念！
呢間 Conard 洒吧對住個無敵泳池，禮成後，我哋坐低傾計等下一場晚宴。
Yeah......恭喜一對新人！

待續......明天揭示我在峇里島旅程上遇到的事件，這簡直是天堂同地獄二合為一的旅遊區。

————————————————————————————————————————
本週《MORE》專欄精采內容：
移形換影 變走粗糙肌膚
皮膚粗糙，須靠長期作戰悉心護理，若想一時三刻於重要約會時散發平滑明亮健康肌膚，修護妝品法寶幫妳願望達成。
詳情請留意今期《MORE》雜誌內我的專欄。
發佈者： Yoko Tsang 於 04:03 0 留言
標籤： ,

2011年9月21日星期三

峇里壓軸行李匯報

執筆之際，手忙腳亂！
一方面要packing packing packing，另一方面要writing writing writing。
為 了今次峇里之旅，我自己亦添置了不少東西，置裝只係其中一環，襯番個峇里look去觀禮就最落足心機，還要預備好些美容齊品，例如前日及昨日在blog中所介紹的。
此外，要特別多謝送我今次外遊travel set 的----- La prairie PR Jaman 、~H2O+ PR 阿Man、Loreal hair care PR Ken及Ricky，非常窩心，了解我喜好及需要，感激您們啊！

身體護理：~H2O+
~H2O+ 清新鮮果海洋啫喱沐浴組合 $170
睇見package已經有種歡愉感覺，超colorful好靚呀！六種色代表不同鮮果味道，包括紅莓石榴、柑橘、奇異果、海洋等，各具護膚功效，最like係一盒有齊滋潤及清爽配方，切合不同肌膚狀況需要。
面部護理：La prairie
La prairie旅行護理套裝 (是PR悉心為我挑選的combination，所以會同在shop見到的不同呢！)
銀色仿皮袋很軟身，容量極大，我要嚟塞咗廿件随行化妝品。
當中非常吸引我的是這款Luxe body skin caviar body lotion，嘩......矜貴魚籽成分，竟然要嚟搽身非搽面，真係要慢慢按摩每吋肌膚試真D效果。
Cellular Hydralift firming 面膜，品牌皇牌活細胞抗衰老成分、加緊緻兼保水功效，浸spa嗰時敷，讓蒸氣加速吸收，咁relax敷mask，諗起都開心呀！
又係矜貴魚籽，呢支係 White caviar illuminating eye serum，仲要加添美白配方，滋潤去紋去眼圈，啱晒對抗嚟緊喪玩唔瞓的五天。
Cellular cleansing water，我幾年前買咗幾支，因為實在太好用，潔膚及修護效果出衆，成分延緩衰老；可以話係品牌系別中的「筍貨」，當時約七百元，容量多，全面連眼唇也合用，卸妝潔凈保濕一支做到足！
以上只是部分被欽點出來，還有多款留待日後有機會才分享吧！


頭髮護理：Loreal
Loreal Vitamino Color Incell Hydro-Resisi洗護系列試用裝 
PR們知道我上星期至做咗INOA color，又知道我會出trip，非常細心送咗很多包 sample俾我，是專俾染髮後保護及鎖色洗護系列，實情我一直也用緊，是媽咪買的呀，感覺頭髮滋潤得來又唔會「黏立」到扁撻撻；各十包，真係一日洗兩次都夠晒....哈哈！Great thanks!!


好緊張，因為我專登買咗以下呢個新出的6米防水iPhone case，唔知係咪真係work呢，哈哈......否則手機壞咗就有藉口買唔知幾時至堅出的iphone 5了，登登登......凳：
係咪真係6M防水呢？唔知、要試！祈求唔會整濕部iPhone啦，個防水殼可以幫我將部iPhone變成防水相機，如是者本來想買千幾蚊的數碼相機防水housing都慳番；而且隔住個殼都可以touch screen操作(是軟膠膜來的)，只係按唔到機頂粒開關掣，同埋機側的volume掣。
唔知我係咪可以喺水中聽電話呢？但相信不能開口對答！
仲有，我手機個可愛又浮誇閃石免耳殼，要拆走至放得入呢！
呢個防水膠殼，我經過商場格仔鋪搵到，$220個，買完當時好開心，點知返屋企上網一睇，原來有大把網上零售商，仲平過$200添，oh.....蠢了！


接連兩日，都會將一些峇里的靚相上載給大家看看，想更緊貼一點，最好都係去我個facebook page，like一like就可以更快直擊到峇里婚禮、Bvlgari resort 有幾浪漫好玩啦！以下一click即到：
————————————————————————————————————————
本週《MORE》專欄精采內容：
氧氣炸面 加強激進版CO2 mask
現階段還講CO2 mask，請大家先別「噓」我！今次要介紹的是兩個月前才抵港的加強激進版。炸到你驚但效果好得！
詳情請留意今期《MORE》雜誌內我的專欄。
發佈者： Yoko Tsang 於 01:41 0 留言
標籤： ,

2011年9月20日星期二

峇里抗曬保白攻略

其實去這些熱帶渡假區，與陽光海灘作伴的旅遊行程，當然也非第一次！
如三年前，我去泰國布吉五日四夜，日間行程緊密，包船去小島暢遊一天，浮潛、無人小島午餐、餵魚，全程冇落雨好好陽光，所有人都曬黑晒，惟獨我居然去前去後一樣白。我同人講我剛剛去完五日布吉，係冇人相信仲以為我吹水，「你都冇黑過，又去日本shopping咋嘛！」大抵都係呢D說話。
Bubebu 白白凈，所以特別得我歡心！請大家留意佢嘅坐姿---誘惑乳豬脾。

抗曬法寶，我有，其實最緊要係細心同緊慎，例如我有次出街，手臂唔記得搽防曬，我已經心痛欲絕！
而搽完防曬都唔好立即出街喎，至少要20分鐘待防曬發揮效力先好見光。

咁今次我又點樣對抗峇里無情的陽光呢？即睇下以下防曬法寶：
搽防曬都未必係最萬全之冊，畢竟今次面對的係無遮無擋陽光與海灘，以防萬一，我都會準備定一件防曬衣 sun block wet suit：
呢類彈性爽料衣服有高度防UV的功效，即使濕水後都發揮到抗曬效用，普通一件長袖衫喺海中作樂係唔足夠架！不過，要搵件靚的女裝sun block真係難到極，通常都係凈深色，而呢件Rip Crul係我上年行足全港九至搵到嘅心水，因為鐘意白色簡潔，襯fancy印花褲最好睇，cutting 是超級窄呀，每次著同除都要人幫手，經常「car」住個頭咯，谷到我面都紅埋，真係又愛又恨！(成四百蚊都幾貴呀)

此外，當然唔少得我早前在《MORE》專欄內盛讚的「皮膚科醫生盛讚 得獎防曬王」
我知道很多讀者已經試用緊，因為收到部分人的電郵好評，當然啦，好用至會與衆分享，你估我唔驚壞名聲咩！其實除了專欄內特別推介的兩款防曬乳，我今次會帶晒Elta MD全家族去保護我身體每吋肌膚，三百幾蚊大大支，絕對係抵用、喪搽唔心痛！
講多次，Elta MD是美國「藥妝」品牌，全系列防曬乳液都係水劑型、無油配方，經驗證標榜兒童、激光後、敏感肌膚也非常合用，得到世界多國皮膚科醫生推介，更曾榮獲ELLE 2010年全球最佳美容產品大獎！
我勁冧原因係防曬乳液質地非一般的稀薄及水感，似護膚品多一點，超級容易推開，很快被皮膚吸收，繼而消失，非常舒適清爽，重點是唔會泛白、更唔會block毛孔呀！

由於四款各具用途，我會帶晒去峇里分工，即解構平常大家都可以點用：
防敏粉底防曬乳SPF41
好友在峇里教堂行禮之日，我會單塗當作粉底遮瑕修飾膚色，是Tined自然膚色，恰似BB cream，薄塗已能為我的臉掩飾毛孔、均勻膚色、淡化瑕疵，膚質看來滑溜了許多。
暗瘡及敏感專用防曬乳SPF46
含有維他命B3，是專為暗瘡及敏感肌而設的健膚舒緩配方，無色、不含香料，不含防腐劑，touch wood 若然去到當地我皮膚「水肚不服」，搽佢做保護就最啱，配方防敏、有test paper證明玫瑰痤瘡、激光後肌膚特別啱用。
UV Sport SPF 50
睇名就知係專for户外活動用啦！超防水高效防曬，我會超豪邁搽勻全身，5日用晒都no problem，三百幾蚊抵過我之後返港要狂做美白body treatment呢，最緊要力保手腳白白淨。
UV Shield SPF45 for oily skin
是四款中觸感至清爽，仲有埋控油功效，當地天氣肯定熱到暈，而我塊面出汗一向超多，至怕油脂夾汗水夾沙塵，我D皮膚仲使要？！呢支oil control sunscreen相信可大派用場喇！

帶齊以上四支防曬去峇里，其實對我嚟講完全無問題，但相信幫我拎喼嗰位必有微言，皆因同行我仲要拎好多樣美容產品去做測試、影相、拍片，所以當中兩款我已經 ready 好輕便sample啦！一包夠搽三塊面。
***若然大家也有興趣試用，不妨到此店舖取tester試用啦，當然要提係 Yoko's blog readers 至有此特權呀！(送完即止)



Shop list：
銅鑼灣駱克道492號順禧銅鑼灣中心19 樓
2893 8828

—————————————————————————————————————————————————
本週《MORE》專欄精采內容：
氧氣炸面 加強激進版CO2 mask

現階段還講CO2 mask，請大家先別「噓」我！今次要介紹的是兩個月前才抵港的加強激進版。炸到你驚但效果好得！
詳情請留意今期《MORE》雜誌內我的專欄。
發佈者： Yoko Tsang 於 04:33 0 留言
標籤：

2011年9月19日星期一

峇里暴曬變黑攻略

今個星期三一早，我就會遠征峇里，參加好友Fanny & Benny的夏日婚宴！
首先，當然要恭喜他們，如非他們在峇里Conrad Infinity Chapel 註冊行禮，我諗我呢一世都唔會去峇里吧！皆因陽光與海灘唔係我杯茶！
陽光，從來都係美白的敵人，即係我大敵；暴曬就更加係殘害肌膚的行為，想皮膚年齡衰老幾年，多幾十條乾紋、增生色斑，曬一曬，乜都出晒嚟！
不過，曬黑亦唔係亳無好處，男仕們擁有一身黝黑膚色，當然唔使黑到黑人咁誇張，已經好睇好多，個人不愛白面書生型；睇吓古天樂都要由白白凈變黝黑型男，今時今日切潮流合，只有女生啱美白！
Sure，我本人就絕對唔會去狂曬，haha....仲 book 定BVLGARI Resort 離群歎按摩做facial；但朋友們想曬黑而帶光澤，古銅中帶閃爍，我都有辦法，綜合觀察所得，確X同、黑X油真係完全唔得！以下心水產品會帶定俾同行朋友：



想要古銅帶光澤的tanning效果，最佳選擇就係Clarins Sunscreen Spray Radiant Oil SPF6（$210/150ml）。
基本上搽均全身，前面曬半小時後面曬半小時，之後再補搽多全身一次，再曬正面背面各半小時，就有一身勁靚古銅色。
驟眼睇好似好易，其實一D都不容易，我老公都不下幾次，曬曬下唔知醒，結果正面暴曬個多兩個小時，over晒囉！
結果每次都要帶番隻封塵版G-shock校定響鬧，每半小時響一次，咁先無再出事咋。



唔好以為曬完就一勞永逸乜都唔使做，after-sun是非常重要一環，保持番肌膚水潤度先會有光澤效果。
正確而言，搽面同搽身應該用兩種不同的aftersun，不過同男人講以上說話，只會換來：「乜你咁鬼煩架！」
所以女仕們都冇謂浪費口水，除非你口水多過浪花兼惡過DoDo姐。
我會揀足夠應付埋曬後極缺水又紅又痛肌膚所須的特級after-sun，好多男士以為用普通蘆薈便可，其實唔夠呀！有次我老公曬過「龍」，搽完蘆薈再沖凍水涼都覺得皮膚刺痛，結果一搽呢皮Dermologica After Sun Repair（$350/100ml）立即勁讚，接觸皮膚時的超冰涼感覺極正，結
果連皮屑都冇甩過，證明修復能力強！



今次我都準備多咗呢一支專攻面保濕的 Persian Rose ，對抗接連5天的曬後急救，這Rose ＆ Aloe Vera Gel 是很著名的有機降乾敏修復補品，有機玫瑰加蘆薈雙重修護受損肌膚，厚塗讓皮膚逐步吸收，冰涼感有助肌膚降温，質感清爽不黏立，仲有好香玫瑰味，相信女士們必冧。（$252/60ml，卓悅有售）

曬完再搽 after-sun 保濕舒緩都未夠呀，想踢走皮膚暗啞即時具光澤效果，就要配埋After Sun Shimmer Oil，

塗在手腳的閃爍效果最惹人注目，兼且油狀滋潤度高作為曬後護理極佳，識貨之人都會用shimmer oil not only moisture oil。
Clarins本來都有出，仲係我買得最多 beauty product 之一，可惜香港已經冇返貨了！雖然屋企
仲有呢兩支珍藏，但已經搵到更好代替品.....係佢，即睇：



代替品就係匈牙利品牌 Omorovicza 的Gold Shimmer Oil，搖勻後黄金粒子極多充斥磨砂樽內，好誘惑，塗上皮膚極閃亮，膚質看來水嫩、觸感軟滑，比Clarins更易吸收，沒那麼油膩呢！
當然售價貴約一倍，但其植物修護效果確實很顯著，只好慳一點用啦！
（$620/100ml，Joyce Beauty有售）。


今日主力分享點樣曬得皮膚靚靚，實情是為好友及老公做足準備，其實唔多關我事，因為我無諗住去到峇里會狂曬，堅守做美白教主。所以，聽日就到重點課題---我點樣奮力抗曬和美白，畢竟去到峇里，露天環境多，何況會有不少無可避免的戶外活動，努力抗曬先至最緊要！
待續......




—————————————————————————————————————————————————
本週《MORE》專欄精采內容：
氧氣炸面 加強激進版CO2 mask

現階段還講CO2 mask，請大家先別「噓」我！今次要介紹的是兩個月前才抵港
的加強激進版。炸到你驚但效果好得！
詳情請留意今期《MORE》雜誌內我的專欄。
發佈者： Yoko Tsang 於 00:43 0 留言
標籤：

2011年9月16日星期五

價廉物美心水潔面品！

有泡無泡？
說的是潔面產品，有兩款超超超廉價、且各具特色及優點，值得推介給大家！
品牌是耳熟能詳的「廣源良」及「我的美麗日記」，前者皇牌是菜瓜水、後者皇牌是紙面膜，佢哋嘅潔面產品何解能得我歡心？簡而言之：價廉物美。
說實話，平常見到諸如此類的家傳户曉品牌，架上陳列了無數產品配合精美包裝與寫到天上有地下無的推銷字句，心裏自不然想：「究竟好不好用？買好唔買好呢？」猶豫了！
以下兩款我會話值得「博」，皆因試用久了感覺很不錯，唯一會輸的，除非是小數人用後不幸致敏，這點倒沒產品可100%保證的。
Part 1 有泡
多謝呢兩位美女示範以下產品：
香草泡泡去角質舒芙蕾（$89/120ml）
幾個月前「我的美麗日記」首次推出泡泡潔面，賣點除咗一按即出豐盛綿密泡泡，
還有是去角質功效，含木瓜酵素帶走老化表皮層與多餘油脂，
加添保濕成分，溫和調理肌膚。
瓶口設計成如做蛋糕擠忌廉花的模樣，質地很綿密柔滑。
測試：在手背劃上黑色眼線及塗上粉底液，然後放上泡泡按摩一分鐘。
眼線那邊竟然會捽出淺灰色皮屑出來，粉底能被完全乳化，這時候就該清洗了。
***這本應是潔淨產品而非卸妝產品，卻連妝品也能90%清除，證明去污垢能力不俗啊！
過清水後，還未用紙巾抹乾，見到手背很乾淨、明亮度提升，只剩餘極少眼線殘漬。
由於這泡泡潔面是針對性去角質，建議每週只宜使用一次，注意避開脆弱的眼部和唇部肌膚。
皮膚易發紅或敏感人士，可先試在油脂分泌較多的T字部位。

Part 2 無泡
大家估吓我塊面敷緊乜嘢？
答案係「廣源良」洋甘菊潔面敷面啫喱，激抵價 $34／150ml 。( 卓悅有售 )
二合一功效：可以乾面按摩輕揉隨即沖洗；
亦可以當作面膜用，先厚敷15分鐘，才過水潔淨，目的是降温兼保濕。
啫喱塗上面會感覺到有涼意，最啱日曬後舒緩降温補水，當然唔少得同步潔凈效用啦！
成份温和，除了天然洋甘菊萃取精華，還添加蘆薈，
兩者也是植物界著名補水滋養物，清潔皮膚同時兼顧修護。
用後感覺清爽涼快，是恰度的保存皮膚水分，若然閣下希望會很潤，sorry.....它不是你杯茶。

—————————————————————————————————————————————————
本週《MORE》專欄精采內容：
「魔法三色珠」拯救缺水老化敏感肌膚
我是醫學美容長期追捧者，touchwood從沒連鎖乾敏微狀發生，因為懂得慎選最高效益之皮膚補品。除了早前專欄提及的皮膚科醫生盛讚得獎防曬王，我還有美肌法寶，那就是「魔法三色珠」。詳情 請留意今期《MORE》雜誌內我的專欄。
發佈者： Yoko Tsang 於 02:52 0 留言
標籤：
訂閱： 文章 (Atom)