2011年8月24日星期三

公佈得獎名單！自揭假睫秘技！

登登登.......公佈得獎名單！
價值$2,080 GLYCEL 燕窩緊緻活膚面及眼部奢華護理
Lucky winners：
Gre 及 Alison (你哋好快就會收到電部通知歎facial喇！)
恭喜恭喜，請大家睇吓佢哋富心思的留言：

Gre：「想獲得GLYCEL這皇牌facial因由…… : 幾百元的facial 就做得多, $2,080的facial就真是


未做過; 燕窩平時就食過, 燕窩facial就真是未做過; 含有胺基酸的食物或飲料就食過, 含有胺基


酸修護精華的facial就真是未做過. 所以…………..未就是想試下有什麼分別吧！」(有point成


咁，至出位係你，like！)


Alison：「I like to read your blog… the product u recommand are reli work… and u are not hard sell reli want to try this Glycel facial treatment BECOZ of u recommand, hope i can share and see the magic effect after the treatment… looking for that moment. thanks !」(寫出我心聲，抵揀你啦！)


多謝大家參加唷！
今次未能選中的無須失望，尤其係告知我即將結婚的 Flora 及 Sze，觸發起我安排下一次的玩意----就是送禮給準新娘，希望你們以最佳肌膚狀態靚靚迎接 Big Day，這份心意......不如就下星期送俾大家啦！


入今日正題：
因應讀者 Candy 留言，我早幾日在apm分享會上的妝容，是用什麼妝品呢！
Candy：「Would u mind sharing the make up on you tonight?Which make up base,eye shadow, on your cheek and is that the 植睫毛 or 假眼睫毛? 」


先嚟睇吓我當日個look！

眼妝靠佢哋：
YSL Pure Chromatics 乾濕兩用眼影＃5號色
Bourjois Contour Clubbing pencil 眼影筆＃41 black party
Gi&Gary Eyelashes (我用個盒安置佢，原裝是紙盒)

以下揭示我增大眼添神采秘技！

「二合為一」：
我將兩款不同粗幼及不同長度的假睫毛組合起來，成為 perfect match。

如圖示：
幼身自然的覆在上面、較濃密的托在底部；
我會於重叠後剪走兩边共約 3mm多餘部分，否則會刮住眼頭及眼尾而不適。

無須預先將兩款假睫黏合，一拼塗上膠水貼在真睫毛根部便可；
習慣成自然，唔難的放心試試吧！

我用的就是這品牌手造假睫毛----B3 2L Black 及C3 3L Black，莎莎有售，
勝在骨位軟硬適中易黏又唔會刮眼皮，可惜吖，價錢唔夠平，
約$90 / 10對，(我仲要打孖用嘛) 。
在香港仍未搵到更抵用又類近好用的，台灣就有，
我要努力尋訪至得，希望日後有更好的介紹大家！

待續..........
——————————————————————————————————————————————————
本週《MORE》專欄精采內容：
皮膚科醫生盛讚 得獎防曬王
據研究顯示，任由陽光曝曬皮膚十分鐘，後果嚴重，即時衰老十天！我找到好評如潮的防曬品，在全球一衆皮膚科醫生都用，更曾榮獲了外國ELLE 2010年全球最佳美容產品大獎，非常巴閉！呈自然膚色及無色可選，標榜兒童、激光後、敏感肌膚也非常合用，質感從未如此清爽。
請留意今期《MORE》雜誌內我的專欄。


發佈者： Yoko Tsang 於 01:42 0 留言
標籤：

2011年8月23日星期二

GLYCEL 送4千蚊大禮！

昨天我在 blog 內明言今日預備大禮送大家！
現在開估：價值$2,080 GLYCEL 燕窩緊緻活膚面及眼部奢華護理，名額兩位，總值4千幾蚊呀！
(想贏呢個facial，睇埋落去啦！)

無啦啦點解要豪送禮？
主因是 GLYCEL 恭賀我本著作火速加印第二版。
哈哈，我順道借花獻佛，答謝大家日日返工偷偷哋睇我嘅 blog！

GLYCEL 送出皇牌「燕窩全效緊緻活膚療程」
歎足100分鐘，包括以下三重奏：
額外舒壓享受：
除 facial 外，仲有玫瑰潤手霜及舒緩按摩油作手部、肩頸及頭部按摩。

注氧出擊救眼：
 呢個 facial 護眼第一步是借助 Oxyjet 高壓純氧滲透活膚儀器力量，噴出純氧，
促進眼肌細胞再生，有充足氧份膚色自不散發健康光采；
再敷上我向來極盛讚的 GLYCEL 燕窩膠原緊緻修護眼膜，一對價值 $450，
去紋增彈性效果真的非常 amazing！

雙重面部按摩：
 以含豐富燕窩、胺基酸等修護精華及煥膚面膜作 20 分鐘按面，
配合獨特手法助緊緻瘦面、排水排毒及活膚，
即時感受到肌膚舒緩困倦，觸感彈彈的，且富光澤感。
最後敷上燕窩緊緻修護面膜鎖緊養分，滋潤感覺 last 足 5 日。

參加方法好簡單！
請留言「想獲得GLYCEL這皇牌facial因由！」
由我挑選答得最出位、出色的兩位，無須水蛇春咁長，至梗要到 point 就得喇。
得獎者將於星期三 Yoko's blog 內公佈，並會獲電郵通知歎 facial 詳情 (地點在 GLYCEL CWB 時代廣場專門店)。
多謝大家參加唷！
——————————————————————————————————————————————————
本週《MORE》專欄精采內容：
皮膚科醫生盛讚 得獎防曬王
據研究顯示，任由陽光曝曬皮膚十分鐘，後果嚴重，即時衰老十天！我找到好評如潮的防曬品，在全球一衆皮膚科醫生都用，更曾榮獲了外國ELLE 2010年全球最佳美容產品大獎，非常巴閉！呈自然膚色及無色可選，標榜兒童、激光後、敏感肌膚也非常合用，質感從未如此清爽。
請留意今期《MORE》雜誌內我的專欄。




發佈者： Yoko Tsang 於 02:51 3 留言
標籤：

2011年8月22日星期一

apm 分享會紀念簿！兼預告明天送大禮

今日呢篇 blog 是要特別答謝大家！
多謝你哋真金白銀買我哋著作；
更加多謝星期六專登嚟 apm 撐場支持我哋加印版分享會；
還有感激大家的留言支持。

寫blog有度好，等同紀念簿，帶大家回顧當日情況：
情況好墟堪，多謝大家親身嚟撐場。

分享一小時後到簽名時間，大家有規律地排隊，不好意思要久等，因為......

每位簽名之時，都立即問皮膚問題，似睇症咁，由於時間急促，
若未能給予完善答案，請多多包涵。

其實呢本書賣出成績如此理想，賺嘅絕對唔係嗰少之又少錢，而係賺咗出書心願和得到你們擁戴支持嗰種無形嘅開心……是100%心底話！

前無古人，我哋本《美肌瘦身秘笈》內容密麻麻、隨書附送禮物又著數成咁，要買就快手喇，因為apm大堂「夜遊人書展」又被掃清，我知各大書店已經有售，賣晒亦唔會加印，因為細節太煩了！

現場講解我書中推介的心水 skin care products，仲即刻送俾現場觀眾，
成$1,800 嘅eye mask及$1,500 嘅gold mask，大家超興奮！

這次出書獲益良多，容我在此感激大力贊助的美容品牌，Glycel、BVLGARI、Dorissiderm、9 Beauty 黄金Kinki、Uriage、Season Day Spa，我愛你們呀！你們真的很錫我及我的讀者，矜貴的on pack禮物，以及apm分享會當日問答遊戲送出萬元豐富禮物，係咪太瘋狂呢？原來送禮比收禮真係可以更開心，爽呀！

恭喜呢位Lala小姐(請別介意，不知你是否願意出鏡，才加了graphic)，獲贈 BVLGARI 氧氣mask價值$1,200，當晚即收到你試用後感："Thx the product of BVLGARI. My mother tried it on last nite. After 20 mins, her face looked brightened and brilliance. It’s great and wonderful!!!"

當晚收到大家的留言，多是支持及感激咁好玩嘅分享會，當中最特別的是Candy：「Would u mind sharing the make up on you tonight?Which make up base,eye shadow, on your cheek and is that the 植睫毛 or 假眼睫毛? 」
Ok，好建議，星期三揭曉答案！


點解要星期三至講化妝？
因為安排咗星期二blog內有大禮送大家，是Glycel XXXXXXXXX，密切留意！
——————————————————————————————————————————————————
本週《MORE》專欄精采內容：
皮膚科醫生盛讚 得獎防曬王
據研究顯示，任由陽光曝曬皮膚十分鐘，後果嚴重，即時衰老十天！我找到好評如潮的防曬品，在全球一衆皮膚科醫生都用，更曾榮獲了外國ELLE 2010年全球最佳美容產品大獎，非常巴閉！呈自然膚色及無色可選，標榜兒童、激光後、敏感肌膚也非常合用，質感從未如此清爽。
請留意今期《MORE》雜誌內我的專欄。


發佈者： Yoko Tsang 於 02:58 0 留言
標籤：

2011年8月20日星期六

今晚七點！WxY首度同場分享會送勁禮

書展過後，還以為工作量可以有所減輕，誰不知幾乎冇停過，新鮮事情仲一浪接一浪湧埋身！


例如今晚七點，將會係我同Winnie首度同台進行美容分享會，而這次更加係免費及公開的「美肌瘦身坐談分享會」，地點就係觀塘apm商場內的「夜書市」！
只要你有心到場，當然可以向我們發問有關美肌瘦身的問題，當然，我更希望你可以花點金錢，購買我們的加印版《美肌瘦身秘笈》，有你的支持，我們又點會待薄你們呢？


登登登凳..........
數量唔止咁少架，仲有好多未拎出來影！
這些禮物就是我準備送給今晚的購買人士（還未計Winnie所準備的禮物，她所送的禮物詳情可到：阿茂整熱餅 收看），我們的書除了本身所隨書附送的美容產品（詳情可重溫：WxY新書加印—超強禮物大追加！今個星期五分享會約定大家），手持新書的與會者，只要肯發問相關的美容瘦身問題，立即無條件送給你，明益各位扮靚達人！

再講多一次，想獲得以上的禮物，必需要係當日的購買人士、並手持我們的新書、舉手發問而又被揀中的朋友才會獲得！冇買書的朋友，我亦歡迎你們發問，幸運地獲得額外禮物的讀者，亦只會有一次得獎機會，就算你手持十本，都只有一次得獎機會咋！

——————————————————————————————————————————————————
本週《MORE》專欄精采內容：
劃時代技術 染髮媲美焗油
嶄新染髮技術登場，染後髮絲閃亮光澤、超級順滑柔軟、水分充盈，不但無損，甚至靚過未染之前，既有出「色」效果，更等同特級焗油的修護，點解咁勁？請留意今期《MORE》雜誌內我的專欄。
發佈者： Yoko Tsang 於 23:13 0 留言
標籤：

別讓手部肌齡倍增年齡

我近來做了一部新射頻機，機頭是特別設計來拯救眼部黑色素及眼袋問題的，效果勁good，next week介紹俾大家。點解要預告此事？因為我拍照時發生小插曲，美容師問：「可唔可以唔上鏡呢？」我答：「放心啦！唔會見到你塊面喎！」她即搶答：「我係指對手。」So sorry……呢點真係say no，咁邊個幫我做面俾我影steps呢？
原來美容師因工作關係雙手成日要濕水，搞到手部皮膚多皺紋，比她的真實年齡相差甚遠，也難怪不想暴光的。

我覺得這是情有可原的(要工作嘛)，反而一般做OL文職的女性推有一雙比真實年齡還要大的雙手就萬萬不該！

雙手的肌齡沒法子用化妝品來掩飾，而手是皮脂腺分佈很少的部位，易缺水現皺紋，粗糙、斑點……嚇人又尷尬，因此勤加​​保養是根本之道，那麼怎樣才可保住玉手的嬌嫩呢？

請大家切莫看輕潔手後接著塗hand cream的習慣，因為水分被蒸發之過程，會同時抽乾肌膚內的水分，所以應在未乾透前立即塗上潤手霜，目的是形成保護膜，阻截水分流失。很多人不塗handcream的藉口多多 ----又嫌麻煩、又話忙記、及騙自己稍後一會兒才塗、還有謂怕黏立，我覺得最佳方法是梗有一支喺左近….廚房放一支，書桌放一支，睡牀旁放一支，尤其在廁所，只要洗後後或手部覺得乾，就馬上補塗一點；至於話怕黏立，坊間清爽質感的乳液狀多不勝數啦，搽完唔使幾秘皮膚即吸收；又或可加點水與潤手霜調和才搽上手吧，觸感會變得稀薄。

塗護手霜竅門：不是抹在手上隨便擦幾下便算，這樣吸收效果不好，而且不均勻。最好是先仿效LaMer教搽佢樽王牌cream de LaMer的經典方法，將護手霜擠在手掌上，在雙掌中搓熱，然後按摩在手掌、手背，手指上，溫暖的感覺很舒服，吸收度也更好。

還要配合每星期一次去角質煥手部新肌，以磨砂或peeling帶走手背之老化角質層，毛孔暢通才能吸收養分，也能令膚色更均勻。

接著，是進行深層滋潤手膜程序，厚塗具豐富抗皺滋養成分之handcream(推介 http://vipblog.orientalsunday.hk/yokot/?p=4269)，接著戴上透明膠手套敷十分鐘，營養便能迅速滲透，緊記毋須清洗，這hand treatment宜在晚間進行。

至於早上出門，別忘記將防曬也給予手背塗抹啊，重要目的是防老化和斑點！

有閒情的話，可試試DIY方法：暖牛奶(可用牛奶粉開)＋蜜糖浸泡雙手十分鐘左右，用水沖洗後印乾，可軟化角質層、美白及滋潤皮膚，如此天然舒緩密密護理也可，然後才塗上護手霜封鎖養份。

終極急救脫皮、徹底去皺之法－－以暖水加入幾滴BB油，將雙手浸入十分鐘並配合按摩，再換上冷水浸一分鐘，隨後以毛巾輕印吸走水分便可，完成後仿似被一層油分包裹保護雙手肌膚，滋潤效果極持久。
進階級別，是定期靠醫學儀器促進底膚骨膠原增生，打擊皺紋、色斑及提升緊緻，我會揀選彩光護理，過程溫和感覺微暖，毋須損傷復原期，且均色及嫩膚效果也顯著，每次只須15分鐘，做完手部肌膚即時大幅提升亮白度，觸感非常滑溜。每月兩次，花費才幾百元，最緊要時間快，且效用高！
發佈者： Yoko Tsang 於 23:12 0 留言
標籤：

2011年8月17日星期三

務必拯救！頻臨結業的勁好味日式燒肉

香港地做飲食業生意，真係幾矛盾，唔好生意就驚捱唔住貴租，好生意兼又多傳媒介紹，又驚俾業主狂加租！
畀著你做食肆，位處銅鑼灣，星期六晚上黃金時間，居然出現以下場面：
細個讀書學過，呢個情況可以用「門可羅雀」去形容！
冇人幫襯，並非食物難食，反而係食日式燒肉，不過主力燒內臟，而且我個人認為好好味。
店名叫 「博多一丁目Holumon」，同大家常見的日式燒肉大有分別，一來主力食內臟，兩來同普通燒肉店的分別係用慢火燒，燒件肉都要一段時間先會熟。Holumon燒近年在日本大行其道，因為食燒內臟的話，價位平過燒肉，二來慢火燒，即係要食好耐，放工用來kill time真係一流。
睇睇牆上的日本人留言，就知佢好受日本人歡迎，事關Holumon燒在香港真係好少見，印象中我係第一次遇到添！幾年前我去日本，首次遇上Holumon燒時，一個炭爐放幾塊唔著火的炭，叫極加炭都冇火，都唔知係咪路。Menu上就話牛有四個胃，每個胃都有唔同食法，於是叫晒四款，真係好好味喎，自此又學識一樣日本文化食物！
入番正題，我幫視過呢間「博多一丁目」兩次，兩次都係咁少人，每一次以為自己誤憑賊船，點知係又平又好味；第二次就擔心，咁好食都只係得咁少人幫襯，萬一執笠，又少個秘店推介！話晒銅鑼灣人又少又好食又平，真係好難得！
最後，我都係決定公諸同好，大家夾手夾腳夾埋錢湊好佢，等佢唔好結業，話晒佢已經開業年多，唔夠一年就租約滿，我都想佢生意好轉，捱過新租約！
雖然內臟先係主打，但既然有肉揀，又點可以唔叫，呢個牛肋骨，油花分明，邊位肥，骨位脆，必點！
要燒到滴晒油先有咁好火，呢個時候就要趁機燒埋其他食物，打鐵趁熱。
燒三文魚腩就直情罕見啦，又肥又好肉，燒到6成熟，超滑，充滿油香，又係推介之一。
慢火燒雞翼，皮脆肉爽，仲唔怕燒爛埋雞皮，平時個個用猛火燒，皮熟肉唔熟架！
如果用慢火燒，就可以試下厚燒，又係平時的日式燒肉好難遇到的燒法。
呢度仲有我另一至愛，日式內臟鍋「Motsunabe」，又係地道日式而香港少見的食品。食晒D內臟再加烏冬撈埋個湯底，正到暈！之不過，我中途顧住睇火、又掛住食肉，搞到個窩嘅牛腸滾得好韌，咬唔開！
睇埋張單，四個人食到水蛇春咁長張單，除開每人先至$361.25，銅鑼灣消費加如此食量，抵到爛啦！
老實講，呢間餐廳雖然係正，但真係未必適合大部份香港人口味，否則唔會「門可羅雀」！但當你可以了解到呢個食法及其文化，其實係可以一試，最緊要你知道佢係慢燒，火爐的出火位係被一塊鐵片蓋住，隔一隔熱力，就係慢燒的要訣，當你了解埋份精神，加上食物質素同價錢，如果唔係驚佢執，真係唔想介紹俾大家架！
博多一丁目
銅鑼灣駱克道491-499號京都商業中心9樓
2892 0362
——————————————————————————————————————————————————
本週《MORE》專欄精采內容：
劃時代技術 染髮媲美焗油
嶄新染髮技術登場，染後髮絲閃亮光澤、超級順滑柔軟、水分充盈，不但無損，甚至靚過未染之前，既有出「色」效果，更等同特級焗油的修護，點解咁勁？請留意今期《MORE》雜誌內我的專欄。

發佈者： Yoko Tsang 於 02:01 1 留言
標籤：
訂閱： 文章 (Atom)