請火速報名！「BVLGARI Skincare× Yoko Tsang 美肌分享會」加場

話咁快！即將又有美肌聚會，誠邀你哋與我一同參予fun fun fun！

傾餐飽、玩餐飽，仲有超筍名牌禮品送大家！

上次有份獲邀參加 BVLGARI Skincare 聚會的朋友們，多謝你哋支持和留言，今次要留位俾其他朋友參加喇！

…….問題環節，現埸反應超熱烈

 全因好評如潮，知道大家開心，所以我哋決定加碼，上次無緣參加的，請緊記嚟緊 5月29日(星期日) ，是「BVLGARI Skincare × Yoko Tsang美肌分享會」加場，哈哈….. 用「加場」兩個字，好似紅館演唱會咁！

報名前，先透露少少俾大家知當日會有咩特別節目及special offer：

Round 1：「問」美容問題贏Mon Jasmin Noir香氛旅行套裝！

大家無睇錯，於現場由你哋問我解答，so easy就可以嬴禮物喇！

可免費獲得 BVLGARI 最新Mon Jasmin Noir香氛沐浴啫喱及潤膚乳(各30ml)，仲包括精美 monogram 透明化妝袋呢！BVLGARI香水咁出名，body care當然令你用後散發誘惑身體香味啦！

 Round 2：人人有份紀念品！

分享會後，每人更可免費獲贈BVLGARI Skincare皇牌矜貴寶石成分精華素、面霜、最新推出的注氧更生面膜旅行套裝，還有……. 人見人愛的品牌化妝袋添，靚成咁，係咪好想擁有呢？！

 Round 3：歎 high tea 聽美肌 tips！

大家日日工作做唔停，假日嘆 high tea 鬆弛一下就最寫意。美肌分享會前奏是 BVLGARI 細意安排給大家的high tea，接著還有我的獨門護膚心得與衆分享，有疑難即管把握問呢！

 現場超筍優惠！

BVLGARI Skincare在專櫃從來沒任何折扣，今次特別只限會埸有 full line 8折 (品牌咁尊貴當然無人會迫購物)，然而睇埋落去大家到時定必出手：皆因我向品牌爭取到，凡現場想買我極喜歡的最新神奇注氧滋養 mask，就會有非常誇張的優惠！！

除可即時享9折外(折後只須三位數字)，兼獲贈 BVLGARI 搽 mask 專用掃一支，若買滿一千蚊送禮更誇呢，會免費送任何一款精華素或面霜15ml(價值高達$1,350)，及 facial coupon 免費面部護理體驗一次，真係so so so，只限當日款待你哋咋！

 ------------------------------------------------------------------------------------------------------

好心急想飛身參加？請即報名！記住叫埋好友一齊留言呀！

***請於  5  月 20 、21 及22日，在此文章留言「想參加 BVLGARI Skincare ×  Yoko  美肌分享會之原因」，就有機會獲邀參加如此多 fun 派對。

***得獎者將獲個別電郵通知詳情，出席當日請帶同獲獎通知列印本，以供核實，謝謝！

「BVLGARI 寶石修復活氧面膜 × Yoko分享會」加場

***費用全免

***出席者每人可免費獲贈 BVLGARI 肌膚護理試用裝！

日期:  2011 年 5 月 29 日 (星期日)

時間:  下午 3 時至 5 時

節目：歎英式下午茶點、美肌 tips 分享、產品試用

地點:  Shiro 金鐘道 88 號太古廣場 L1, 117A （連卡佛門口側）

--------------------------------------------------------------------------------------------------------)

後記：上次聚會有幾 enjoy？借大家真心留言與即將參予的朋友分享---

Candy：「好開心嗰日可以出席 BVLGARI Skincare 分享會呀＞／／＜我返到屋企，就連媽咪試用完個 mask 都話ok啊！仲話下次要帶理佢去！哈哈！」

Sugar：「BVLGARI event 真係好開心呀～～　多謝你嘅 share呀，我依家好勤力做”Ｖ”臉按摩吖～嗰日真係好好好開心呀！ 多謝你呀～！」

Angel：「BVLGARI Skincare 分享會嗰日..真係個個都傾到唔願走呀..哈…好多謝 Yoko 同 BVLGARI Skincare俾呢個體驗我.. 好好玩..^^ 」

轉頭轉妝轉形像！

噚日做嘢要喺 i-phone 揾舊相，發覺自己兩年內個妝同個髮型都好唔同，唔介意公開俾大家睇吓！

呢期鍾意戴帽扮日系，貪舒適零妝素顏中環預約試婚紗，五官即刻唔見咗，我記得係2009年9月嘅事！

呢張係我跳去最後嗰本書做嘅時候員工證照片，膽敢換形像齊蔭剪，應該係2009年12月嘅事！

嘩！自己都嚇親，做同事結婚日姊妹，化咗日系濃妝，睇番好似好惡咁，個髮色又太啡好唔自然呀，直髮當時捲曲咗，又係2009年12月嘅事！

去完日本瘋狂購物後，返港即刻著晒上身，戴咗當時日本買嘅大熱絲巾head band，估唔到好多女性朋友都話想要，是2011年2月攝於世貿中心。

都係日本shopping後至買到嘅大蝴蝶結頭飾，是麖皮好型，但覺得有點誇張，去飲宴先戴咋，至今玩過一次咁多囉！是2011年3月嘅事。

上面至話去飲，相隔十日又係去飲，我嘅前蔭話咁快長咗咁多，都係呢個九一分界啱我 D，最順眼同襯面型，同樣是2011年3月嘅事。

最新髮型已經可以做到all back頭喇，呢個係去做 guest speaker 前用手梳住先，再去Private I搵Teddy set頭。新鮮熱辣上星期嘅事！

———————————————————————————————————————————-

本週《MORE》專欄精采內容：

搶救容顏 美肌妙品

姊妹們，相信大家也洞悉到每月M事，除了會影響心情，肌膚難免出事，歸根究底，「時令殘樣」是由於……，點樣打救？敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/

「味」力迫人！點搞？

咁靚女假如有臭狐即刻跌watt，記得以前影styling，有個mix model好靚合晒我眼緣，然而又好臭喎，犬其係夏天影outdoor嘅時候，化妝師Elly同我無聊對答：「有佢嘅樣，但有狐味，你制唔制？」哈哈！Yes，相信點都有辦法解決啫！當時大家唯有閉氣才可與她近距離工作，至於借來的衫都要吹乾甚至乾洗至可以還番俾時裝店呢！

如果你好朋友、男朋友有臭狐，你會點話佢知? 「詐詐帝」拎低巾俾佢哋抹，再請佢地聞番？

我以前都有同事係咁，一到夏天，真係好難頂，惹來大家竊竊私語，其實心裹也有點不好過，之不過又好難開口同佢講喎！

真不知當時人自己知唔知，若然知又有無諗辦法補救呢？

臭狐確是令身邊人討厭，令患者煩惱的問題。

這「味」力絕非魅力，大家也敬而遠之。

臭狐成因：

潮濕的天氣，阻礙汗水揮發，加上空氣中的塵埃及細菌，容易藏於毛髮上，而且體內排出的油脂分秘亦會不斷增加，每逢炎夏高溫便有利細菌繁殖滋生，產生臭味，甚至容易引發皮膚病。

從較醫學角度解釋，狐臭是由於人體腋窩大汗腺管壁細胞間隙大於正常值（75nm），體內脂質大分子少量滲出，被腋窩表皮的細菌合成為不飽和脂肪酸，而導致臭味發生。

有乜解決方法？

1)外塗方法

止汗劑對於除臭也有一定效果，但這只限於出汗正常之士，不過市面一般售的止汗劑僅能止汗，不能有效治臭，治標不治本。有專家建議，醫治狐臭最好還是選擇外用藥物醫治，請向醫生查詢，我也不知什麼牌子安全有效呢。
我建議帶埋止汗劑出街，流汗情況嚴重便以水抹淨，然後補塗，同補妝原理一樣，咁就可以 keep 得持久清爽，減少氣味嘛！

2)Botox 注射

Botox 的局部微量注射於腋下，能阻隔汗腺的神經傳遞，抑制汗水的分泌，從而減少體臭，效果可維持約 6 個月，但需要定期重覆注射。 

3)切除汗腺

有些人狐味情況嚴重會揀選此方法---汗腺切除手術，將腋下皮層下的汗腺及頂泌腺切除，而抽脂法是近年改良的腋下汗腺切除新方法，原理和以上一樣，不過是以特別的抽脂管配合先進技術代替手術刀，好處是能將原本約2吋長的傷口縮小至約3mm的小孔，令手術後的康復時間及疤痕大大減少。

然而亦有人反映做了汗腺切除後，狐臭輕易復發，這關乎手術技術及個別康復情況而言。

提醒務必找有信譽安全的醫生，而非美容院進行(eg 有提供laser切割)，不是恐嚇大家，真的有人在外地九流技術美容院接受手術後，傷口發炎感染，腫痛至不能舉手，要回港執手尾。

----------------------------------------------------------------------------------------------------------------------------------

 本週《MORE》專欄精采內容：

搶救容顏 美肌妙品

姊妹們，相信大家也洞悉到每月M事，除了會影響心情，肌膚難免出事，歸根究底，「時令殘樣」是由於……..，點樣打救？敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/

口碑底妝產品！

多謝呀！上星期六於 BVLGARI Skincare 分享會上有份撑我場的妳，大家的忘我投入程度，傾到雞啄唔斷，你哋 enjoy 我就開心，希望嚟緊可以再見面啦！

今日篇 blog，係有關參與其中的靚女 Sugar，記得她當日淡妝下皮膚很滑溜又白淨，所以引起我注意，我也把握互相交換美肌心得呢！Sugar 謂：「我成日出去做 facial 至有咁嘅成績咋！」原來是勤力做 facial 的功德，呢一點我當然 100% 認同啦；此外，仲有一件妝品令她的底妝如此剔透仿如無物，卻又起到勻色，兼遮毛孔作用喎！

一講之下，原來我與她也是同道中人，皆因我都覺呢支產品係 90% 好 ，但仍有 10% 的改善空間。

其實早於兩個月前，此品牌以下新品已經搞咗 press con 大事宣傳， 不過我屋企實在太多好嘢排住隊要推介俾大家 (當然亦有完全唔掂的奇差產品，令我想指證佢)。
今日，呢支 base 要順勢登場了，真不應再推遲作介紹！
就係佢......

Shu Uemura 櫻花系列泡沫妝前底霜，咁靚嘅樽身是由知名攝影師兼導演蜷川實花設計的。(各 $330)
三者皆屬限量版之作，看來極似樣，分別是什麼？
左至右：我同 Sugar小姐至愛的粉紅色，打造粉嫩白淨肌色
                中杏色 ，此霜遮是三者中瑕力較高，又稱 BB 霜
                自然杏色，塑造健康膚色
***同樣具 SPF 30 PA+++ 全面防曬保護。

雖則開宗明義是妝前底霜，但試用後覺得單塗也可，尤其適合肌膚瑕疵不算多的幸運兒，塗抹後已經可以做到掩飾暗啞瞬間均勻膚色，也能恰到好處的隱藏毛孔，妝效很貼服又剔透，再掃上碎粉，極有完美裸妝 feel！
然而，美中不足係泡沫好快乾，所以會覺得難推又容易唔均勻，使用秘訣是先以極水潤精華素及面霜打底，然後每次擠出一少泵，點於局部肌膚上，再配合拍打動作塗勻，或用微濕海棉拖行輕按。

同埸加映：Press Con 搞花臣！

甫到場，Shu Uemura 專業化妝師便幫大家改頭換面切合日式品牌！

工作咁多年，去咗 n次呢類型 beauty press con，除咗好特別嘅產品仲可以挑起我絛筋，就係拜一班腦筋急轉彎的 PR 們發力，記得有魔術環節、齊齊整蛋糕、小提琴演奏、巨型扭蛋機、睇相塔羅牌......多姿多采，可以說是寓工作於娛樂！

這次 Shu Uemura PR 們為咗切合櫻花主題，當日特別揀咗日航酒店的嗟峨野，因為有櫻花食材，仲有先嚟化個日式妝，換上和服，務求將產品主顥與人合一呀！

兩個人幫手都要著成十分鐘呢！

非常精緻美觀！怕輻射？大家早已拋諸腦後！

櫻花鹽茶，清香中帶微鹹，有美肌淨化身體效用(只宜喝少量，怕水腫呢！

———————————————————————————————————–

本週《MORE》專欄精采內容：

搶救容顏 美肌妙品

姊妹們，相信大家也洞悉到每月M事，除了會影響心情，肌膚難免出事，歸根究底，「時令殘樣」是由於……..，點樣打救？敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/