仲有一、兩日就係平安夜、聖誕節，據幾間美容院老板娘所言，原來每年的12月係 facial 旺季，通常五點打後 booking 爆到七彩，事關各位女士們都想喺咁浪漫節日裏恃別省鏡，去 party 爭妍鬥豔都唔輸蝕。
重要節日前，其實千奇唔好為塊面搞太多特別嘢，至弊弄巧成拙爆粒大瘡便大煞風景，到時想遮都遮不住，大前題……注重加強保濕去紋，減低浮粉、乾紋暴現機會便足夠；仲有一點至要緊是修護成分務必防敏，不容許半點差池-泛紅、出粒粒、痕癢…….no way！
今日係星期四，即節日前黃金修護時刻，當然要好好把握，我無諗過要介紹 facial 令大家趕頭趕命同別人爭位，倒不如準備兩款急救 mask，一次過出擊，再加埋養顏活血「三棗茶」，面色自然好！
唔想化咗妝後紋理暴現，露粉痕？針對性滋潤皮溝為之上策。欲加強功效，我於重要約會前都會實行「有mask打孖敷」，即睇以下肌膚急救法示範：
基於我眼底皮膚特都弱，所以呢個方法係針對性救倦態眼，秘訣是待眼膜仍微濕之時，隨即 on top覆蓋面膜，加重眼底滲透效果，兩款 mask 的精華都可以一次過解救受損肌膚。
至於揀邊個品牌嘅 mask？我家姐咁敏感嘅皮膚都可以用齊 Dermagram多款產品，呢 D大日子安全為上，當然都係推介佢俾大家！
哈......聖誕老人都撑 Dermagram 撫紋緊緻面膜，用上脂質囊科技，即係可以高速滲透皮膚咁解；含有膠原蛋白、金縷梅成分，修補受損細胞、撫平皺紋，令皮膚回復緊緻彈性。坊間面膜愈賣愈貴，閒閒哋都索價 $80片，而幾蚊片的只限 made in Taiwan，呢款瑞士矜貴配方、一片都只係 $30，相信都叫物超所值。
($150 / 5片)
包裝上指引敷後要過水，我於睡前敷上，第二日上粉底，真係覺得非常貼服，至正係水份夠令我 T字位減少標油，個妝自然 keep 得好唔易溶，唔使成日心掛掛要補妝，嚟緊兩日都會去 party，今晚必定再靠佢！上述「有mask打孖敷」示範，可見面膜剪裁極適合亞洲女士面型，除下巴位長了點，額頭、鼻翼、兩邊面脥......稱得上 perfect fit！
唔該晒微博代言人-小浪，相信看圖便知我想介紹眼膜。呢款係與上述面膜同系列的撫紋修護眼膜，成分有點不同，除膠原蛋白重點撫平細紋外，還加入了洋甘菊精華，深層滋潤同時排走眼部多餘水分，眼袋眼紋一齊 say bye！
($120 / 5對)
打開眼膜一刻見到非常 juicy，雙眼即係發亮，皮膚好渴呀！大片到覆蓋埋顴骨，呢個部位經常接觸陽光，所以要倍添呵護。敷完眼底紋理即時減退，夠晒潤，唯一覺得未夠好係精華多到有 D 墜，眼膜初用一分鐘容易移位，要推番正，再唔係要乖乖躺下來。
養顏再下一城！
以下推介特別適合女士們經常飲用的「三棗茶」，是醫師錢太教我的，可以養顏、補氣養血、提神，令面色紅潤。整一次功夫都無須五分鐘，供日內多次飲用，非常方便。
這處方係「萬全堂」錢太貢獻！佢話我脾虛、血虛，所以經常都要飲用呀！
「三棗茶」
材料：紅棗、黑棗、蜜棗、西洋參
家中飲用：洗淨後加入五碗水，慢火煮 20 分鐘，熄火後焗 15 分鐘。
公司飲用：洗淨後切粒，置於保暖壺內，熱水焗 1 小時。
味道甜中帶少少甘香，當水飲.......good！
Dermagram專門店：
銅鑼灣駱克道地舖 (Sogo後面近景隆街) 2893 9878
鑽石山荷里活廣場2樓279B店 2955 9386
屯門市廣場1期1樓1031-1032店 2404 0630
————————————————————————-
本週《MORE》專欄精采內容：
本週《MORE》專欄精采內容：
隱世美容界高手
除了試盡各方護膚妝品和醫學美容儀器，我更愛發掘美容界高手，就像前期在專欄內介紹的「針清王」，其實我還有多位隱世聖手未張揚，如豐胸摩術手、瘦面塑形師等等，他們即使藏身美容小店，憑著技術精湛自不然客似雲來，直情怕我公開寫好佢……驚做唔切添！今次又要出賣另一位隱世高手……..詳請留意今期《MORE》
