2010年9月17日星期五

測試...Missha 首推假睫毛

揀假睫毛這一環真係充滿學問！化妝師常言最緊要襯眼型而非襯場合。
早前，我在《MORE》專欄推介了台北秘寶買假睫毛，依家仲後悔買得太少！
上星期，在《MORE》率先睇欄目見到 Missha 首度推出假睫毛，仲要有飾黑閃石款，即刻掀起興趣作測試。
共有 8 款設計，分 natural 及 professional 系列，我揀了後者-款式較華麗出衆。
My favourite：
大眼妝好幫手
纖長型交叉重疊款 ... #14 Super Lash $69 / 一盒
建議先剪頭剪尾，將每邊多出的約 2mm cut 走，可避免眼頭位易甩掉饒起。
嘩！一黏上眼有「叮」一聲感覺，只搽上單色眼影，無加眼線，都有大眼妝之效!
骨位屬中硬度，加上一排過剪裁，勝在容易控制固定位置，黏上後絕無不適感，上星期去飲都係用佢嘅！
Dolly Style：
日式可愛風
如扇形的纖長直睫款 ... #12 Cute Doll Lash $69 / 一盒
中段最長、兩邊漸短，是塑造圓杏眼睛之選，特別啱天生眼型長的女士作修飾，效果也算相當自然。這款長度剛好，無需修改。
Party Look：
黑閃石綴邊
骨位綴以黑閃石，配交叉重疊款 ...  #13 Jewel Lash $69 / 一盒
骨位由於黏滿一排黑閃石，所以較一般款式粗線條，可以省卻畫眼線步驟。
這款是我最期待試用的，可惜不合我眼型，閃石邊位粗至蓋住了部份眼珠，令眼睛看來細小了，與日本大熱的下垂眼妝倒是絕配。
睫毛膠水：
隨盒附送的一支迷你膠水，優點是那支幼身棒，可以直接沾膠水均勻塗於骨位上，黏力 ok，但仍未及以下這支！
好多化妝師都推介呢支睫毛膠水，而圖中嗰支都係巨星級化妝師 Candy Law 喺M.A.C買，轉贈給我。
此屬美國醫療級品牌 DUO假睫毛膠，透明狀、黏力穩，卸除時可以逐 D 捽出來，令假睫足以用多幾次。




——————————————————
本週《MORE》專欄精采內容：
由美國研發、達醫療級水平的纖體儀器 – SMOOTHSHAPES XV（第二代）於 6 月抵港，全港暫只得一部，索價 70 萬元，獲多位美國權威整形外科醫生採用和教授引證其功效。究竟呢部儀器有乜咁巴閉？本週專欄為你詳解！
發佈者： Yoko Tsang 於 01:12 0 留言
標籤：

2010年9月16日星期四

養生修練！「醫療性」瑜珈

近來，我沉迷了中醫療法！
繼前日提及在萬全堂做了三小時中式針炙纖體調理，接下來，便進入「麥飯石能量室」試做新推出的「治療性」瑜珈！
 甚麼是「麥飯石能量室」？這個能量室的地面鋪上來自內蒙古的「中華麥飯石」，利用地板下的碳阻發熱，令房間保持40℃及50%以下濕度，其釋放出的遠紅外線及負離子能幫助排汗、調理體內機能，強調天然排毒！


非普通高溫瑜珈
從上述的環境下，有瑜珈經驗的網友一定以為是普通的高溫瑜珈，連曾經學過高溫瑜珈的我，都以為只係移師麥飯石能量室咁解。直至今次的瑜珈導師Gricia（曾跟印度瑜珈師傅修練6年）的細心講解後，才知道在這裏學的，是「醫療性瑜珈」，而非一般瑜珈中心學的「運動性瑜珈」。
進入麥飯石能量室前，先喝些「麥飯石水」保充水份。


那麼如這樣的瑜珈和普通的高溫瑜珈有甚麼分別？就我的睇法，普通高溫瑜珈房是利用熱風打進房內，營造38℃的室溫，加上運動時體溫標升，過程大汗淋灕、甚至有人會覺呼吸困難，心臟負荷重，因為這是「運動性瑜珈」嘛：而「能量室」濕度低於 50%，感到呼吸暢順，而且室温不會太熱！
相反，「醫療性瑜珈」就不會成身濕晒（大家體質有異，我沒有大汗淋灕，不代表其他人都一樣），房內的熱力明顯 feel 到從地板滲出，做完瑜珈後，可平倘在麥飯石上作天然排毒。
我今次做的是「Healthy Back Yoga」，針對背部及肩頸痛問題，是典型都市人的辦公室痛症。
整個過程內都沒有一些高難度瑜珈動作，和一般的運動性瑜珈分別極大，因為運動性瑜珈著重運動及燃脂、無醫療功效，但完成一個高難度動作後的成功感極大。但一些有運動傷患的人士就不適合做這些劇烈動作，而醫療性瑜珈就是給這些人的最佳治療，這就是兩者間的差異。
做完之後會聽一段輕鬆的大自然音樂，製造一個靜思的冥想過程，令我立即想起日本伊豆浸溫景的舒泰，是一個 prefect 的 meditation 及 relaxation，立即拉個一字馬鬆一鬆全身！


除我做了的 Healthy Back Yoga，仲有以下瑜珈療程：
  • Yoga for Runners  針對下半身治療的瑜珈，舒緩坐骨、hip 位、腳筋，適合長期站立兼穿高跟鞋的女士
  • Yin Yoga/Destress Yoga  適合工作壓力大的人，透過瑜珈舒緩緊張，治療身體時更平衡內心
  • Core Toning  有纖體之效，主要修練丹田下的會陰，有收腹及調理五臟健康之效

麥飯石能量房外有個休息室，定期有不同主題健康清茶，上次是甜蜜蜜「三棗茶」，今次試了「安神茶」，入口甘香，旁邊有簡介及成份，大家都可以偷師自製呀！


價錢：
First trial：$100/60mins
Drop in price ：$200
Package rate：$1,800 for 10 times (For my readers--- plus one free class)


萬全堂

香港皇后大道中 88 號勵精中心 15 樓
電話：2525 9288
網址：www.chains.hk
電郵：enquiries@chains.hk

———————————————————
本週《MORE》專欄精采內容：
由美國研發、達醫療級水平的纖體儀器 - SMOOTHSHAPES XV（第二代）於 6 月抵港，全港暫只得一部，索價 70 萬元，獲多位美國權威整形外科醫生採用和教授引證其功效。
究竟呢部儀器有乜咁巴閉？本週專欄為你詳解！

微博：http://t.sina.com.cn/yokot/
http://vipblog.orientalsunday.hk/yokot/
http://yokotsang.wordpress.com/
http://yokotsang.blogspot.com/
發佈者： Yoko Tsang 於 01:29 0 留言
標籤：

2010年9月15日星期三

去斑秘寶！


肌膚最怕遇上痴纏色斑，會令整體膚色看來暗啞兼冇光澤，但最可惡的是，這個三胞胎問題同時間發生，點解決呢？






家中温和煥膚：
暗啞是因為皮膚堆積角質層，愈堆愈厚就連光澤都冇埋，所以就要定時定候做去角質 peeling，讓表皮細胞加速脫落，連雀斑看來也有減淡之效。若要徹底擊退色斑，不二之法梗係做機(以下有勁得推介)，我建議先在家中做一些「溫和」的去角質護理，搞番好皮膚光澤，隔兩日才去做機，包保事半功倍呀！

需知道即使冇斑，去角質護理都應每星期做一次，既可幫助油脂粉刺溶解，保持皮膚潔淨預防暗瘡，又可褪去老化的角質層，令往後塗上皮膚的營養都特別吸收嘛，推介是這支美國製 Amway 天然酵素煥膚面膜。
它的最大好處是夠 mild，不含化學酸性和磨砂顆粒，因為它利用仿效肌膚酵素的天然蕈類酵素溶解角質層，絕不剌激肌膚；煥膚後的感覺是皮膚非常濕潤軟滑，唔似其他 peeling 因酸性而令皮膚乾燥繃緊，尤其適合如我這類經常接觸光學的肌膚使用。$828.5/20ml
我在手背上測試示範，潔淨手背後，將這支煥膚面膜均勻搽上，8 分鐘後用溫水沖走，期間手背並冇刺刺的感覺及泛紅，證明是非常溫和的。
比較一下手背肌膚在使用前後的差異：毛孔細緻了、膚質滑溜了，光澤也有少許改善，是極速煥膚好幫手！

勁得打斑機：
Well，搞好暗啞光澤角質問題，便進入去斑程序，今期《MORE》內介紹的光學儀器 Accolade ，我最近也試過，要嚟對付暗瘡留下的啡印，是足以開心了成個星期的超得去斑機！


之所以令我下定決心去試這部 Accolade 激光去斑機，是因為我的陽光少女好友阿Mi，她鍾意同陽光玩遊戲，結果滿臉雀斑，只係做完一次，不妨睇下她的震撼性前後對照：
嘩！真係勁有效！先旨聲明，張相完全冇經過 photoshop，只係用iPhone拍下她的前後照，而且獲得阿Mi批準刊出喔！左邊是她剛剛做完 Accolade 的一刻，之後第二日結焦，四日之後甩焦，就變成右邊的白滑靚樣。 

於是我立即查下部機，原來這部來自美國的 Accolade 機價近百萬，來港只有一年，全港只有五部，現於皮膚專科醫生 clinic 至有得做，安全度獲引證。
坊間「打斑」大多數靠 q switch laser，呢部係755波長，好處是吸黑色素效能高，連淺色雀斑和曬斑都可以完全擊退、甚至是難搞的荷爾蒙斑和太由痣都可以大幅度減淡。
咁我面上都有兩粒千年啡色暗瘡印，於是就去搞搞佢啦。過程會先搽麻醉藥，才做激光，同步輸出泠風減輕灼熱感，有仿如針拮微痛楚，是可接受的，完成後不會滲血，但也要經歴結焦期，同樣四日就搞掂。最讃是極速見效，無須「拖症」。我同阿Mi都只係做了一次就成功！
在此更加要多謝阿Mi的無私奉獻，將過程公開，我也冇此膽量呢！ 

----------------
Amway  銅鑼灣軒尼詩道468號地鋪  電話：2969 6300






——————————————————
本週《MORE》專欄精采內容：

由美國研發、達醫療級水平的纖體儀器 - SMOOTHSHAPES XV（第二代）於 6 月抵港，全港暫只得一部，索價 70 萬元，獲多位美國權威整形外科醫生採用和教授引證其功效。
究竟呢部儀器有乜咁巴閉？本週專欄為你詳解！
發佈者： Yoko Tsang 於 00:44 0 留言
標籤：

2010年9月14日星期二

針灸減肥真係 work！

話說九月一日，我遇上了人生中最令我尊敬的中醫師錢太，並試做由她主理的中式針灸纖體（詳情請重溫：針瘦火燒肚皮），至今已經做了三次，成果是令我非常滿意...加強了恆心！


正面腹部篇：
大家睇下我個肚，插滿晒銀針，雖然看似很嚇人，但其實施針時沒甚痛楚，只有近腰的兩支針有痺的感覺！
但大家一定很奇怪，我腹部咁瘦都要減？其實錢太謂這些針都有調理五臟六腑之效，瘦身兼健康。而我做完之後，成個腹部紅晒，只因我的皮膚太敏感，但錢太早有準備，她配備的玉容膏一搽即散紅腫，離開時已經冇事！
還記得上次仲有一位肥胖但肌肉較實男士同行嗎？他的結果也相當有成效，錢太為他進行第二次施針時，因他兩側的「call機肉」較嚴重，兩側各以六吋長針串起脂肪，再以「熱力罩」覆蓋，加強刺激施針穴位療效，就好似我這樣：
嘻嘻，我都冇執輸，做埋！暖暖的 call 睡魔。
跟進... 結果那男士的肥腫有明顯改善，兩側「call機肉」收細，前腹扁咗好多，相信做多幾次就大功告成！




腹部施針後，必定要做多次走火罐，加快血液循環和溶解脂肪，然後排出體外。我兩次施針後，排便有明顯增加並暢順，女士福音呀！


纖體同時，面部一樣插滿銀針，主要是調理我的黑眼圈及面色，加強血氣運行。
背部篇：
之後錢太叫我反轉，原來錢太為我做一些經後調理，照顧埋身體機能，在背部、大腿側面及小腿背面各施針，當然，主要是為瘦腿目的。


拔針後再做淋巴引流，排清毒素。錢太的見解為，精準的淋巴引流絕對不會引致劇痛，技師用純熟的指頭，在肌膚表皮輕走淋巴位。以往我都偏好痛的通淋巴，直覺才有排毒之效，現在想法要糾正，這次的淋巴引流，輕輕的舒服的，做完即時感到肌肉鬆弛，有效！
瘦腿篇：
萬全堂在上月剛引入的減肥機，以超聲波、射頻及電流達至暢通淋巴、溶脂、緊膚，當然，唔夠我做過的某些醫學減肥儀强勁呢(詳情請睇今期我在《MORE》寫的專欄)！
要知道這是先中後西的做法，先以針灸誦調理及溶解脂肪，再做機加強效果。趁有時間，我亦立即作親身測試。


減肥機有兩個頭，一為超聲波，另一為射頻，各做十五分鐘，主為通淋巴、熱力燒脂、firming及嫩膚之效。
過程沒有痛楚，微微的暖意走遍整個下半身，實在非常寫意！
最後就是 pack 帶做電流瘦腿，先裹實雙腿，再以電流收緊，做時肌肉會有抽促跳動的感覺，但放心，都是不痛的，這主要加強 firming。
整個瘦身過程歷時三小時，全程仲係睡在麥飯石上，這石能釋放遠紅外線及負離子，會發出温熱，有天然排毒、去除負能量之效，不過真係好堅硬，pat pat 都痺呀！


事後感：這種減肥方法，可謂我試過最健康、天然的減肥方法。當然，有些講求天然減肥療程都給人沒有效果的感覺，但這次我真的要為天然療法平反：做完兩次之後，腹部結實了不少，小腿的收緊感覺強烈，更重要是，配合針灸不單有纖體之效，身體感覺上更健康，例如我的排便明顯暢順、精神好了；調理小腿足三里穴更有雙腳如釋枷鎖之感。


***我巳經在麥飯石房做咗新推出的多效 Yoga，下次再講！
----------------------------------------------------------------------------------------------------------
重要時刻…獨家折扣益你哋：
於登記時要填寫個人資料，請於介紹人一欄填上： Yoko Tsang，就可享以下優惠價：


1) 每次中醫診症 原價 $200/次，現在 $0，大家無睇錯我亦無寫錯係…免費；
2) 針灸面部 原價 $600/次 ，若連針灸肚部及正面全腿另加 原價$200/次，十次療程有 8 折；
3) 針灸背部、臀部及背面全腿 原價 $800，十次療程有 8 折。
4) 人手淋巴引流+減肥機 $500/60分鐘，可享體驗價 $300/60分鐘。買 10 次 $5,000 則可當 $6,250 使用，多出的 $1,250 可做多兩次或當其他療程費用。
-------------------------------------------------------------------------------------------------------------
萬全堂
香港皇后大道中 88 號勵精中心 15 樓
電話：2525 9288
網址：www.chains.hk
電郵：enquiries@chains.hk


————————————————————
本週《MORE》專欄精采內容：







由美國研發、達醫療級水平的纖體儀器 - SMOOTHSHAPES XV（第二代）於 6 月抵港，全港暫只得一部，索價 70 萬元，獲多位美國權威整形外科醫生採用和教授引證其功效。
究竟呢部儀器有乜咁巴閉？本週專欄為你詳解！
發佈者： Yoko Tsang 於 01:04 5 留言
標籤：

2010年9月13日星期一

Burberry 英式妝效示範！

九宮格謎底：

  • Burberry 創作總監 Christopher Bailey，看...手插袋腳踩踭 pose...型得佢吖！
  •  國際時尚界彩妝師 Wendy Rowe...Kate Moss、Naomi Campbell 都靠佢變臉。
  •  氣質名模 組合...Rosie 性感簡約、Nina 前衛有個性、Lily 自然美態，請自行對號入座。
  • 我同 Burberry look 金髮索女 model 的挑皮合照！
  • 倫敦拍 ad 現場花絮...cool。


Burberry Trench Coat 咁經典，我可幸擁有一件，不過真係好日唔出場，因為係長褸款式，在香港遊街總覺有點兒誇，但會珍而重之，因為向來對此品牌也有一份情意結呢！
大家若有留意雜誌，相信已經知道 Burberry 首個化妝品系列即將抵港，將於 9 月 22 日有得賣喇，究竟係咪得個靚字？由於上星期至集齊幾件妝品，就等我來做測試示範啦！
先睇吓紙袋，又真係好靚喎...嗰隻絲帶蝴蝶結...so sweet！

Eye Shadow：
眼影主調是卡其色到灰煙金屬色調 ，結合油脂與矽膠配方，質感順滑且色澤持久，試咗去 function 搽足成晚玩至零晨都冇溶妝啊！ $250/單色，一次過大晒冷 20 種色調，屈指一算想擁有晒咪要豪花 $5,000？！
Best buy tips：個人最愛 Midnight Black No.18 + Pearl Grey No.17，兩隻色 combine，可以塑造深邃輪廓 smoky eyes。先用银灰色掃勻整個眼窩，再在眼皮褶位掃上炭灰黑，然後以手指輕輕勻開做漸變層次...so easy。
起初見到呢盒深藍色，完全提不起興趣，總覺藍色眼影好老嘛，點知...一上眼皮原來係 metallic 深灰藍，仲有暗閃亮，即時有增大眼及型格效果！
請睇以下示範：
記住塗抹少量眼影於下眼線位置，能令睛看來較圓大，眼白部位相對減少。
再黏上假睫毛，巳經好 sharp！(圖為某韓國知名品牌首度推出的 fake lashes，稍後會在 blog 內作推介呀！)
Foundation：






乳液狀粉底：含有
維他命 E 晶狀微粒，質感透薄、效果帶明亮、不油不膩、未算太水潤，對於偏油或混合性肌膚相對底妝可 keep 得較持久。








$390 / 30ml (備有9種色調)
Two way cake：以
化妝掃薄掃一層(亦可沾水濕用)，能全日減除油光 ，更含有具修護的柑橙衍生成分和植物性氨基酸，塗後皮膚會感到細滑柔軟咗。


$450 (備有9種色調)

以下是將兩款產品組合使用，俾大家睇真效果：

Close up 下，
額頭
未修飾前顯見毛孔及微紅印，單塗
狀粉液後已見到皮膚較平滑及膚色均勻，再掃上 two way cake 即刻令妝容更無瑕啞緻。


Rouge：

胭脂：由粉紅至橙調，色澤呈現健康膚色到可愛少女風，含有
矽膠及天然聚合物，極易上色且顯色，要非常輕手，切忌貪心， 用(圖左那色)掃在顴骨即提升輪廓，更含有野玫瑰作保濕呢！ 




$360 (備有5種色調)


Lipstick：

絲滑唇膏：

含有抗老化神經醯胺，既保濕又可減紋，質地勁潤，試過唔搽潤唇膏打底都唔會甩皮，仲好有亮澤感。建議可
先搽在手指上，再抹到唇上，就是不經意的氣質彩妝。



$245 (備有21種色調)





My Burberry look!

用齊以上介紹幾款妝品，個妝就係咁！
預告：
向 PR 迫供，索到料 11月將推出 limited edition 匙扣 charm，係由 3粒骰組成，其中 1粒是唇彩，名牌效應下，肯定又會好快斷市... 萬分期待呀！


新舖有著數：
慶祝 Burberry Beauty 全港首個彩妝專櫃誕生，於 9 月 21 日至 30 日期間，可以優惠價 $200體驗專業眼部彩妝指導(20分鐘)*，完成服務後更可全數換購產品。
*專業眼部彩妝指導服務必須預約。

Burberry Beauty 彩妝專櫃
尖沙咀海港城 FACES
2687 1230 

————————————————————
本週《MORE》專欄精采內容：




由美國研發、達醫療級水平的纖體儀器 - SMOOTHSHAPES XV（第二代）於 6 月抵港，全港暫只得一部，索價 70 萬元，獲多位美國權威整形外科醫生採用和教授引證其功效。
究竟呢部儀器有乜咁巴閉？本週專欄為你詳解！

發佈者： Yoko Tsang 於 02:09 0 留言
標籤：
訂閱： 文章 (Atom)