醫學智慧型保濕

天氣又熱又濕，至怕臉部猛標油，溶妝不特止，油脂分泌溝埋粉底變「黃面婆」，仲會塞毛孔添！我屬於混合性肌膚，T 字位最唔聽話，易泛油，幸好面頰相安無事，一支能對症下藥的乳液就是妝前打好基礎重點。
我一向對醫學美容有偏好，除咗熱衷試新科技儀器，連帶愛上醫生科研人員研製的護膚品，具有臨床測試，總覺得不易引致敏感是非常重要的，否則貪靚不成反招得不償失！

為抵擋呢個炎夏，妝前我最常用就係佢... 法國醫學品牌 La Roche -Posay 的長效清爽保濕乳，大膽講句「真的很讃唷」！

La Roche -Posay 長效清爽保濕乳 $225 / 50ml (萬寧、屈臣氏有售)

品牌最招人喜愛是，全部修護品皆含有被奉為「皮膚醫學界瑰寶的溫泉水」，它蘊藏豐富礦物「硒」，對皮膚有乜好處？對抗女性大敵：衰老和暗瘡，具有抗氧化、紓緩敏感、鎮靜消炎功效啊！

一支滿足我四個要求：
不油不膩、質地清爽、極速滲透、長效保濕。
很稀薄的乳液質地，最啱妝前打底，不會起化學反應，即使往後塗上粉底或 BB Cream，也沒有起擦紙膠粒呢！
我稱它為醫學智慧型保濕，因為加入了科研「超級透明質酸」，比普通透明質酸濃縮 6 倍、體積小 6 倍、多 3 倍深入細胞間質。
標榜驗證：能刺激製造更多蛋白質，持續保濕效果長達 48 小時喎！真係咁勁？！實情我搽足十多小時都已經洗咗面啦，點引證喎！不過全日都有足夠滋潤就 feel 得到呢！
找到合適乳液為肌膚注水，既可以填補缺水紋理，也能令泛油情況受控，正正是妝容 keep 得持久之要訣！

本週《MORE》專欄精采內容：
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既譁然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？台灣著名化妝達人古小偉老師又去邊度掃貨？請留意今期我在《MORE》執筆的美容專欄啦！

http://vipblog.orientalsunday.hk/yokot/

睫毛自生醫學法

身邊朋友也曾千方百計為求睫毛增長！
霎眼嬌妙法是使用假睫毛和植睫毛。

我曾經是植睫毛  die hard fans，持續一年多，都不知拆吓…加吓…整咗無數次，終落得的下場是連自己本身的睫毛也甩掉甚多了，那一刻感覺是多麼的空洞、多麼的自卑啊！
近半年喜歡黏假睫毛，連睫毛液都唔使搽，皆因至怕對付十級頑強防水液，而且粗暴落妝咪又係苦了真睫毛！

黏上假睫毛後像是變戲法，眼睛看來即時增大及有神采！

治標治本之法是用愛心和耐性打理！早前在 blog 文已分享過習慣了每晚塗睫毛修護液，付予生機。(重温文章：Help…命根睫毛！
http://vipblog.orientalsunday.hk/yokot/?p=466 )
坊間呢類型標榜有增長、濃密效用之睫毛精華液多不勝數，由幾十蚊至千多元不等，究竟有咩分別？應點揀？
等我話俾大家知啦！具驗證對毛髮生長有效用的睫毛修護液，必是由醫學級品牌推出，這說法當然有根有據：
幾年前某美國藥廠研究了一款醫治青光眼的藥水，由醫生無意間發現附帶 side effect，卻非不良副作用，而是令患者用家睫毛增長了，原來是當中調配的某個成分致此，及後此成份獲 FDA approve 有效醫治「短毛症」。
各藥廠即爭相推出含有此成份之睫毛精華液，再添加不同修護元素，幾年間共有約 6 個品牌應運而生。

當中最具人氣、曾經掀起熱話是 RevitaLash 睫毛增長液，於美國大賣，即是香港卓悅兩年前有售那支，荷里活明星如 Brooke Mueller 都讃，咁嘅宣傳梗係要 mark up price 啦，索價$1,200 都大收旺場，我的朋友 C 都即刻買咗，佢話用咗個多月睫毛好似真係長咗 D 咁喎，不過她都埋怨太貴喇！
另覓他選！

Nutraluxe Lash MD 自生睫毛精華 3ml - $750 (with max 10% off)

我近兩多月試用美國另一醫學美容品牌 Nutraluxe Lash MD，四月份抵港，沒有大肆宣傳，我知 blogger Queenie 及 Mon 都係用家，也輕描略讃過此增長睫毛精華有效果。價錢比 RevitaLash 平三分一，同樣有 FDA approve 治療「短毛症」那成份，且添加維他命B3、B5、C、A、植物精華、人蔘修護等。

原理：

毛囊分為生長期、退化期及休止期，藉專利技術令毛囊生長期增長，在密度•長度•厚度方面得到顯著改善。

我每睌塗抹於上、下眼睫毛及眉毛，三管齊下！成效還在實驗中，但感覺看起來(好像)有變長，而且有短小毛毛長出來，還是自己的心理作用呢？！
40 天後測試結果：

圖為使用 40 天後的真人報告，睫毛顯著增長及濃密了，希望我 D 睫毛都聽話快快有更顯著效果啊！
由於毛髮的生長期跟遺傳有關，成效因人而異，官方實驗證明，年輕使用者能在 4 至 6 星期後見效，年長的亦能在 6 至10 星期後見效。哈！哈！希望我仍屬於前者啦！

同時可塗抹於眉毛，圖為使用 40 天後的真人測試，左邊眉毛有塗抹的明顯較濃密，右邊較稀疏。由於眉毛生長週期較睫毛慢，一般要兩三個月時間才可見效呀！

使用方法：
每晚清潔眼部後，先用眼霜打底，再如畫眼線的方式塗抹在睫毛根部的皮膚上。
若睫毛增長完成至理想長度後，每星期使用 3 次便可。
注意：
含有微量維他命 A ，約 3% 的使用者或會感到微紅或痕癢 (幸而我沒有此情況)，醫學研究顯示此乃正常反應，於歐盟註冊，並通過安全測試。

使用任何護膚品，也非一下子見成效，要勤力和有耐性啊！
查詢電話：2328 3339

本週《MORE》專欄精采內容：
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既譁然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？台灣著名化妝達人古小偉老師又去邊度掃貨？請留意今期我在《MORE》執筆的美容專欄啦！

http://vipblog.orientalsunday.hk/yokot/

Fake Birkin第二波 鴕鳥「布」Birkin

買假嘢買上癮！

7月尾在台灣買了的 fake Birkin 環保 tote bag 嬌蕉包（詳情請重溫「台灣のBirkin -- 嬌蕉包」），收到好友四方八面的SMS、電話查詢，反應出乎意料地好，好友們紛紛訂貨，不過要等到10月先有貨，上週日同訂咗嬌蕉包的朋友M 講起，佢都幾乎忘記了已經訂咗。

驟眼睇仍然美豔如昔

實情是，嬌蕉包捱苦了！手挽帶迅速顏色剝落、角位仲起晒毛粒、且污漬處處，

但我一點也不心痛，因為仲有兩個後備看門口。

而上星期在中環買了另一個韓牌 W. Dress Room 的 fake Chanel（詳情請重溫「I wanna shop（Vol.3）」），可惜我都未開封用，已經又有新歡取替。

上週日同朋友食飯時被問到：「你個假 Chanel 袋好唔好用？」我隨即答道：「乜我有買假 Chanel 袋咩？」完全忘記買咗呢個袋，皆因佢仲係原封不動，罪過。

點解會忘記？貪新忘舊囉！因為上週六在北角做完一部最新型號的減肥機後，從北角行番銅鑼灣屋企當做運動，途經天后蘋果商場（行路途中都不忘 shopping！），醒起呢個隱蔽shopping點有售同 Tata Baby 九成九似的 fake Birkin，不如介紹俾買唔到嬌蕉包的朋友：

佢同 Tata Baby 一樣可以斜孭或手挽，最特別係用「鴕鳥布」做，即係將鴕鳥皮紋印上尼龍布上，真係覺得勁搞笑。大size都只係$549，見呢排咁hit，即刻 buy it now 啦！

牌子叫 Mousse，售貨員嬸嬸話係日本牌子喎，其寶已經賣了近 9 個月，相信大家在街上偶然都會遇到，一啲都唔係新鮮事，各位唔使咁緊張喎。咁我多口問句點解冇雜誌介紹過，佢答得仲妙：「我都唔夠貨賣，都費事畀班記者去宣傳！」

好嘢，有 Guts！不過我一心就係想話畀大家知邊度有得賣，就在天后蘋果商場一樓（專賣日韓貨），詳細地址？嬸嬸都唔想公開，咁大家唯有自己去揾揾。等唔切要兩個月後先有貨的嬌蕉包，可以頂住檔先。

手袋粗用冇煩惱
自從用了嬌蕉包後，好些心理包袱都得到釋放，例如好耐都未試過將手袋亂劈亂掉、任由佢同街上的途人碰撞、任佢被我的貓咪亂坐亂舔，如果這是一個真真正正的 Birkin、Chanel，你捨得嗎？

何況用了嬌蕉包後，反而獲得更多朋友、途人的注目禮，過去 2 星期，我去了一些 party，遇上拎著Birkin、素未謀面的朋友，都主動與我攀談，指住我的嬌蕉包問：「這是甚麼？在哪兒買？」連我的馬拉好友、拿督夫人 J 都笑著說要用她的 Birkin 同我的嬌蕉包交換。

真 Birkin、fake Birkin，雖然我沒有 Birkin，但萬一擁有了，又要非常錫住咁用，我估自己仲辛苦，好似侍奉緊個袋而非個袋去侍奉我，冇又恨，有又惱，等我可以將 Birkin 當係草時，先至買！

本週《MORE》專欄精采內容：
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既譁然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？台灣著名化妝達人古小偉老師又去邊度掃貨？請留意今期我在《MORE》執筆的美容專欄啦！

http://vipblog.orientalsunday.hk/yokot/

李純恩×上海美食進修班

前晚享受的佳餚美食令我畢生難忘，體驗何謂識飲識食的真諦！

掌舵總司令是著名食家李純恩，他百足咁多爪，亦是旅遊、攝影、寫作專家，才華洋溢。設宴10幾圍，似足去飲咁熱鬧呀！

相信大家睇完以下美食，定必流晒口水，別羨慕，下次再有這類筍價美食活動，實會喺 blog 早響通知大家嘅！！

接近二百人的盛宴，場面極墟堪，獲邀坐在主家席李純恩身旁，內心充滿喜悅、表面神態自若，當然不忘吐佢講飲食上的獨門心得啦！

今次特色盛宴設在尖沙咀北京道一號的「小南國壹號」，是咁多間分店中最豪裝的！

嗶！坐擁無敵海景，特別開懷。

坐在主家席餸菜應該係會好味 D... 我咁諗！每次上菜主辦單位明報 OL 網站都會先拍片，等到大家鬼咁心急，唔通係吊癮策略？(www.ol.mingpao.com)

即睇上海菜有乜特式！

先來頭盤... 上海名菜「心太軟」，大家知唔知係乜冬冬？

紅棗做糖衣，包裹著糯米，桂花蜜調味，口感非常煙韌，出奇地不太甜不覺膩；配搭李純恩口中滋補度媲美雪蛤膏的雪耳，他謂這菜式是上海「新吉士」始創的，製作多功夫，由嬸嬸釀糯米團... 有勢藝有錢賺。

好滋潤養顏呀，我不知不覺食咗成 5 粒添！

賣相精緻，等我下次整沙律放入去，扮晒勁先！

黑木耳以 wasabi 醃製，不嗆喉、不攻鼻、不慍不火，很爽口唷！

呈上來時，見到燻魚炸到咁乾，又怕油嘛，提不起食慾 ... 點知旁邊的李純恩猛話好食呀、要襯熱食，唔似一般煮得過甜，仲親自夾到我碟上，當然俾面試試啦！

哈...哈....好咗有食咋，估唔到外面脆脆哋，入面的魚肉仲保留到汁，好鬼好食呀！

李純恩謂最好食的煄魚是上海「福1088」私房菜，廚師功力深厚。

非一般清炒龍井河蝦仁啊！這道菜靈魂是特製茶葉，先沾上焦糖輕炸，令茶葉帶點甜味又脆口，配以嫩滑而爽口的河虾仁就天衣無縫。

李純恩教路：「見到河蝦仁有大有細就知係野生，養殖嘅 size 會很相近。」

超值宴竟然有咁名貴嘅燉湯飲？松茸姑花膠螺頭燉雞。

湯底固之然濃郁....讃，最勁喺件花膠公，厚成咁，成塊扒，寶在太美味喇；螺頭煲到出晒味，湯頭事必味濃，肉身自然無咁好食啦，但睇在滋補份上，食埋你！

無啦啦有點心間場？原來係李純恩主意，他希望大家加深對上海點心的認知，所以一次過食晒上海人的早及晚餐。

一睇就知係燒賣，但與廣東製法不同，上海的料是糯米肉非猪肉呀！

呢個時候全枱人都差唔多飽喇，好咗我仲有戰鬥力，到主角之一出場... 茶薰荷葉八寶雞。

揭開雞皮又係糯米，都係主攻食內抵 D，味道 ok 但肉質唔夠嫩滑！

仲有壓軸紅燒千層肉腩，拼荷葉形狀的粉皮，相當吸引，但致肥罪惡感念頭萌生，淺嚐一口好了！甜味很好，但肉嚡咗 D。

吓！仲有點心？咩嚟呢...咁似蘿白糕朋友？原來係粢飯糕，估佢唔到咁好食，炸得很脆口，以為自己食緊 M 記薯餅。

Oh！此時已經食到儍咗... 其實仲有部份菜式不作詳細介紹咋，但點都要幫以下精緻甜品影沙龍。

苿莉花茶凍，味道清新，不太甜，口感 creamy，人人讃好，但非我杯茶，因為唔鍾意太奶味！

嘩！好靚呀！玫瑰赤沙糕，好似兒時泥膠玩意，有談談花香味，似平時食開的桂花糕味，I like it！

最後睇埋李純恩拍宣傳短片，即席臨場發揮，唔使預先寫稿，一take過，勁！

好喇，開估時間：

話俾大家知呢餐享受了共 22 道菜，估下要幾錢位？$500 定 $ 600？

答案只係 $280，約相等於 6 折，皆大歡喜！

好友們，咪詐我形，我都後悔無通知大家... 應該包張枱柴娃娃品嚐，「為食兵團」組員下次出發！！


《MORE》專欄精采內容：
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既嘩然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？古小偉老師又去邊度掃貨？請留意今期在《MORE》執筆的美容專欄啦！
http://vipblog.orientalsunday.hk/yokot/

I like「快閃團購網」！

香港人最愛將〝Win Win〞掛於口邊，這種互惠互利的關係原來可以昇華…… 躍進〝Win Win Win〞層面，今日想講的是「快閃團購網」，呢股熱潮近年如龍捲風式襲港！

我都經常利誘身邊朋友 join 多幾個 group，大家互相 mark 實著數行情，通風報信嘛！某網站揸 fit 人話我知，members 佔7成半喺女性，早就估到啦！女性天生購物慾旺盛，直頭唔買唔安樂，吓吓機關算盡講精明，錢賺得來就使得去，但 smart choice 至緊要，點可以被人揾笨呀！

何謂團購網站？

網站與商户傾討，爭取超值的消費優惠，吃喝玩樂應有盡有。每次要有足夠的買家支持，於指定時限內以低價訂購 coupon，便可於限期內(通常是半年) 享用該超值服務或購買產品。再透過 Facebook 日日update jetso，利誘大家廣泛散播消息，此乃「行為傳銷學」，可以迅速感染群眾。

我認為此等模式是〝Win Win Win〞！皆因利益清晰，商户有平台作廣泛宣傳、消費者筍價享受購物樂、網站於過程中賺行政費，三方都有著數，何樂而不為！

美國散播熱潮！

美國團購網站 Groupon 是龍頭，類似模式網站在全球遍地開花，目前，包括在美國、德國、英國、俄國、巴西、中國等地，也有甚多「團字輩」每日一物銷售活動的網站。根據TechCrunch的報導，美國境內有超過 66 個 Groupon 概念網站；英國就有超過 10 家 Groupon clone 網站。

http://www.inside.com.tw/04/17/groupon-clone-websites-around-the-world

妙想吸錢大計！

究竟有乜神秘吸引力令熱潮播種神速呢？Groupon 拿到 3,000萬美金的風險投資，顯然是爭相學習的強心針，對手 LivingSocial 目前也戰愈勇，成功募得2,500萬美元的資金，將有一場大戰，看鹿死誰手！

香港團購網繁花盛開

ubuyibuy、激安zone、潮Buy、funshare、valuup、慳錢 bond、gobuya、wangoo、BeeCrazy……對於消費者來說，無任歡迎，激筍價買嘢便為之 very good！

推介香港團購網新力軍：

咁多團購網站 mark 邊 D 至啱？推介大家金精火眼睇實以下幾個，正是 6 至 8 月新登場勁嘢，踢大家入會呀！

Ubuyibuy

http://www.ubuyibuy.com/

此團購平台揾明星做代言宣傳有話題性，已遍佈亞洲多個國家，香港站 6月登場，2 個月members火速增長達 9 萬人。揸 fit人 Danny Yeung於美國學成回流香港，頭腦新潮有創意，仲威到上咗財經網站Bloomberg News受訪，令呢個網站勢頭為全港最強！

主打合作商户都係較同類型網站高尚具知名度，打頭炮有W Hotel、Häagen-Dazs、Toni&Guy等等。

今日優惠亦相當吸引，中環靚裝地舖 9 Beauty，只需 $199 就可享用價值千多元日本矜貴用料 facial，慳成千蛟超筍呀，男女貪靚精必 buy！

搶閘報料，有 friend 告密嚟緊 27 號 ubuyibuy 又有過萬張超特惠UA戲院戲飛，大家記住26號晚27號零晨12 點即搶購。

Couppie

http://www.couppie.com/index.php

Jetsoguide 成立 9 個月已累積 40 萬members，超誇！咁成功梗有人賞識，上個月改名為 Couppie ，以群眾壓力爭取著數，必定夠堅。

Couppie 新登場有咩招數？送 $55 MCL 電影換票券，每第 250 位click "Like/讚" 並留言"正!" ，即獲郵寄獎賞!

BeeCrazy

http://www.facebook.com/beecrazy

我鍾意佢哋介紹優惠用睇片形式，親切D又清晰。招牌搶客旗號是$38 百老滙電影任揀。

***

大家知唔知，新世代最有效的科研美肌成分是什麼？

呢股美肌、養生熱潮於日本熾熱，現於香港蓄勢待發，功效比有「補水王」稱號的透明質酸更勝一籌。

想肌齡逆轉？我追捧的 9 Beauty 皇牌 facial 就有此神奇功效！

詳情請留意我在今期《MORE》撰寫的美容專欄啦！

http://vipblog.orientalsunday.hk/yokot/