BB飲食大學問（二）開奶茶篇

就算俾你揀到最好的奶粉，食得最佳最優質，最重要係食得痾得！

並非說笑，BB冇得痾，媽媽最緊張。仲記得BB只得三個多月大時，曾經連續三日無便便，做媽媽的很心痛又煩惱啊！ 

傳統說法，奶粉比較燥熱，容易對消化系統還未完全成形的BB造成便秘；西醫的說法是BB長大了，身體水分不足，且腸道未適應，所以兩天一次便便，甚至幾日沒所出屬正常現象。不過，當你見過BB用盡吃奶之力，慘痛嚎哭地便便，然後屁屁竟然滲出血來，堅固的便便把肛門撕破，不止BB痛，連我也覺得非常心痛！

而解決方法就是用「開奶茶」代替熱水去開奶粉。

坊間有五花八門的即沖「開奶茶」商品，聲稱能令「BB腸胃好，媽咪冇煩惱」，卻有報章謂檢驗出含糖量極高，有兒科醫生不建議嬰幼兒飲用這些沖劑產品。

最終我的解決方案是親自買料煲開奶茶給小王子，一日分三次開奶飲用，高興的事隨之而來，有便便喇，還非常準時「報到」！

我的開奶茶經中醫指點，以開胃消滯為主，坊間藥材店都有得賣，但坊間各有配搭，成份不盡相同，都是清熱去濕的食材和藥材。

例如我將坊間普遍都有加入的「蟬褪」剔除，怕不潔及太寒涼，得出我的自家秘方：

材料：

燈芯花、粟米芯、淡竹葉、生熟薏米、麥芽、榖芽

［煲一次，供日內三餐混合奶粉飲用］

製法：

1. 將全部材料先浸水10分鐘，然後洗浄備用。

2. 凍水落齊料，以中火滾45分鐘。

（以1.5公升水煲成約半公升開奶茶，供全日5至6餐開奶飲用）

不過，我的媽媽讀者都是事業型女性，莫講話藥材店，街市都少去，咁點算？

所以我自己安排，由Y's RECIPES包裝現成一份一份的開奶茶，由我tailor made，每份只售$18，這是完全無利可圖的售價（人手包裝、銅鑼灣租金），純粹為媽媽級讀者設想而設計，錫住你哋啲BB！

大人記住，開奶茶通便只適合BB用，我試過仲飲埋落肚，雖然味易入囗，但著實太溫和，haha......力量未能助成人一把呀！

Y's RECIPES
銅鑼灣寶明街2-6號寶明大廈3/F J室
電話：35655971

———————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

抗敏屏障「神之水滴」

敏感性皮膚確難搞，由於耐受性低，容易受到刺激令皮膚情況突然惡化。近來，向我求助的讀者問題環繞皮膚敏感難耐和接觸性皮膚炎（一般不懂分辨會誤以為只是敏感），接觸性皮膚炎是因接觸到某些外在物質刺激而突然致敏，常見致敏原如染髮化學物、果酸等，皮膚毛囊發炎及出現疹子，會非常痕癢，情況告急應立即找醫生診治。而今次文章集中分享的是一般敏感徵狀肌膚，可以靠護膚品鎮靜舒緩，甚至是達致防禦療效。

法國PHYTOMER「神之水滴」抗敏降紅精華液 $490/15ml［Y's RECIPES有售，電話：35655971］一般人可作為保濕健膚之用；専門改善皮膚敏感、乾燥痕癢、抗紅腫抗發炎、加強血管及皮膚細胞抵禦力，是特別適合過敏皮膚及玫瑰痤瘡者。成分天然，是掌狀海帶萃取及海洋微量元素。

水狀結合精華油質地，塗後皮膚很潤澤，待一會兒就完全滲透皮膚。建議早晚塗少量作精華打底使用，或加兩滴與面霜混合使用，添加舒敏療效。

皮膚敏感的誘因有多種，醫生告知近來最多人是因天氣急驟轉變，起風情況更糟，皮膚乾敏泛紅。分享我身邊朋友層出不窮的敏感cases，作為讀者們警愓，有一位朋友敷片裝面膜後，皮膚就會泛紅和極痕癢，本以為是某些成分致敏，最終知道原因是敷臉時呈密封式狀態促使致敏，加上大部分片裝面膜也有添加防腐劑，對於原來易敏的肌膚就是計時炸彈般，使用塗抹式純保濕的面膜會較適合此類易敏肌膚。而我另一位朋友就最怕「吹風」，因為每次臉龐受寒風迎面吹襲長時間，不是面無血色，反而是泛紅敏感，如坐車開大窗口任風吹、玩機動
遊戲後，情況特別嚴重，是皮膚角質層受到風吹刺激侵害，皆因保濕因子大量流失，皮膚屏障被破壞致敏，故此做足底層保水及表層鎖水，就是加強皮膚抵禦力方法，當然，亦要盡量避免在寒風刺骨天氣裏與狂風玩遊戲啦！我幸而不算是敏感性肌膚，但絕對是皮膚薄及軟弱型，稍大力潔面有時也會泛紅，全臉磨砂絕對不適合我溫婉型肌膚，只需於T字位每星期進行磨砂去角質便可，或可全臉敷天然酵素面膜去死皮。

從來，屬於敏感性皮膚的抵禦能力特別低，有什麼方法可以加強皮膚的抵抗力？答案不外乎：保濕保濕保濕，這是我訪問多位醫生的共同指標。

La Prairie 瑞士冰晶細胞新生乳液 $2,880/ 50ml

含有高山石鹼花、虎耳草、雪鈴花及瑞士雪藻，有強效抗衰老修護效用，同時保濕鎮靜肌膚。

我認同冬季裏為皮膚保濕的方法是水溝油，即是以兩三滴純天然植物油按壓面部，再塗水分精華-成分是上期專欄指出的保濕王者-透明質酸，假如需要加強抗敏療效，我會強力建議加入三滴「神之水滴」PHYTOMER抗敏降紅精華液，是植物掌狀海帶萃取及海洋微量元素，我身邊朋友也認同其抗敏療效，連續用上一個月，皮膚變得不易敏感，連暗粒也減少，相信是因為組合成分有抗炎作用，且給予皮膚底層保濕，及強化皮膚細胞的效果。我曾在blog文中提及過媽咪有玫瑰痤瘡初期徵狀，我教她用此抗敏降紅精華液加入她喜愛的抗衰老面霜混合使用，耐心用上一段日子，她告知皮膚較以往不易發紅了，當中成分標明是有助加強血管的抵禦力，玫瑰痤瘡人士適用；媽咪近來喜歡上的是La Prairie 冰晶細胞新生乳液，說塗後皮膚好軟滑，夠滋潤又不黏膩喎！

Dermagram white radiance supreme mask $580/120g

不含香料，敏感皮膚適用，强效維他命PP及維他命A、C和E，具穩定肌膚和亮白功效。

敷面膜乳時，可將兩滴抗敏降紅精華液混入，提升保濕健膚效用。

而我嘅使用方法較特別，具舒敏兼保水急救療效，是將兩滴抗敏降紅精華液混入Dermagram 的天然成分美白面膜乳，兩者質地結合更適合按摩，敷上半小時後噴花水接著tissue off，就可以同時間保濕亮白健膚，皮膚觸感即時水分充盈。此外，於極乾燥天氣，可以在身體保濕乳霜內加入數滴抗敏降紅精華液，有助舒緩皮膚乾敏情況，論滋潤度十足，我的偏好是Kiehl's的body butter，主要成分是可可巴油及乳油木果油，鎖水一流，很適合冬季使用。

Kiehl's Creme de corps body butter 薰衣草$330/226g

特別適合冬天極乾天氣使用的身體保濕霜，含天然植物薰衣草精華、維他命B5、可可巴油及乳油木果油。

———————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

我的花膠新寵---紐西蘭花膠

我在MORE的食療專欄連載了超過3個月，剛剛的一期專欄，我寫得特別高興，因為寫的是我最近十分喜愛的花膠---紐西蘭花膠！

在專欄中，我提到自己對花膠有特殊偏執，總希望可以突破煲湯、燉湯、炆餸這幾個範疇。要突破，最好就是找新食材，不一定是驚天動地的，也可以是自己從未接觸過的，才可以啟發自己的新思維。

面對花膠，我嚐過的品種很多：扎膠公、西洋肚、生開肚公、鱔筒、花膠筒、雞泡魚膠、白花膠，厚的薄的、鹹水的淡水的，都是非常傳統的花膠，未夠突破性，直至遇到紐西蘭花膠！

紐西蘭花膠是近年才面世的新品種，產自紐西蘭南部海域的Ling魚（鱈鱸魚），特點是煙韌有咬勁，和傳統花膠的腍滑有截然不同口感；另一重點是價錢便宜，可能仍未為普羅大眾認識而售價偏低，兩個字「抵食」。

未煮之前，先詳細認識這種花膠的特性：

我買的是中等size紐西蘭花膠，乾貨時約半隻鐵叉的長度。初初浸水時，未算點發大，但已經見到相當厚度。

浸發完，放上手腕，好似巨型手鐲呀！

厚度亦相當，有6-7mm厚，以這個價錢來說，性價比非常之高！

不過咁平價？膠質係咪豐富先？我最初都懷疑，不過我做了以下測試：

測試力證：浸發後，拎起時黏住我手指，穩陣到反地心吸力，'fing'都唔甩呀！

第一關測試，完全滿意！

踏入第二關，煮出來是否滿意呢？

如果有這般「膠」的花膠，用來打邊爐，一定好煙韌，即試：

記住記住記住，用花膠打邊爐，灼2分30秒就是黃金時間。一放入口，滑溜有𡁻口，從未試過的感覺，同你去火鍋店慣用的平價花膠筒仔一比，後者又薄又霉，完全唔掂！以後自緊一定用紐西蘭花膠代替！

而花膠最好梗係做燉湯：

任何配料也可加入，用家中的紅螺頭、金華火腿及紅棗，調出一個海鮮味、肉味加果味的湯頭，加上杞子明目養顏，配合紐西蘭花膠，已經是個上佳的滋補燉湯，而且燉1.5小時也不溶爛，因為件膠夠厚身！

而最突破性測試，就係用XO醬爆紐西蘭花膠！在今期MORE食療專欄內，由我示範創意菜式：花螺焗花膠，加上現賣的川椒醬確係惹味到暈，老公吃不停口，想學點煮？去買本MORE一學即曉！煮這個菜式的秘訣很簡單：花膠本身沒味道，必需要有濃味醬料配搭，提升味蕾感覺是重點加分位。

如東想簡單，將紐西蘭花膠煮鮮奶或豆漿就最為一般女性容易處理。

將花膠與鮮奶或豆漿同煮，滾起2.5分鐘便可享用，係頂級美白彈力肌食療呀。

另一個有趣食法，是生滾花膠瑤柱粥底：

完全自家製海鮮風，瑤柱和花膠合拍得天衣無縫，100分！

而紐西蘭花膠的質素卻頗參差，如非在籌備Y's RECIPES時，走訪各個入口商揀貨，都唔知高質低質分別這麼大。而高質的產量可謂少之又少，因為Ling魚的魚鰾接連大部份魚的內臟，開魚鰾的刀工及刮淨內臟特別花費人力，我揀得又介紹得俾各位讀者的，當然是最高級數的，但價錢仍然不會過份！

非常親民的售價：

紐西蘭花膠    加厚版$350/10隻 （普通版$300/10隻），平均約$30一隻

如果怕浸發麻煩，又有已浸發版本，$400/10隻（是加厚版喔）

（售賣點：Y's RECIPES  銅鑼灣富明街2-6號寶明大廈3/F J室  電話：35655971）

有好的食材，豈能不同大家分享呢？

請留意：

此文中介紹的「紐西蘭花膠」在一天內已被搶購一空，很高興大家咁喜歡，但非常可惜.......我宣告以後也沒有類近靚貨可再返到了，無緣再會。

而我已經千挑萬選搜羅到更頂級質素，即將到貨的「紐西蘭花膠王」！

有興趣的請快致電查詢：銅鑼灣店3565 5972

———————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

BB飲食大學問（一）奶粉篇

自從BB出世後，我分享過很多不同類型的BB產品，而各位讀者都非常心水清，都會問我：「到底Yuji BB食乜奶粉？」

這個問題從未回答過大家，因為奶粉可大可少，甚至我覺得，寧願自己的BB食錯奶粉，都不想介紹錯奶粉給讀者，不過我真的很幸運，回想起來，原來自己一開始便選對了奶粉。

Yuji BB四個月已經有半個我咁長，好多朋友都問：點解我咁瘦都可以生到咁大個B！

在懷孕期間，已經成日聽見奶粉荒，父母為了BB經常要撲奶粉，我們夫婦最怕！

後來有朋友介紹，說買Illuma一定唔會斷貨，好吧，我們便大安旨意決定買一隻不用麻煩到自己的奶粉。

BB出世當日，育嬰室護士便問我：「想餵邊隻奶粉？」我先知道原來在育嬰室開始，便已經開始為BB揀奶粉。當下的反應便吐出一句：「Illuma。」

出世第一日的Yuji BB，喝著玻璃奶樽，上面貼住Illuma貼紙，啲奶粉商真係識賣廣告。

出院後，自然要買奶粉，果然，真係好易買，初生1號隨處可見，話買就買，真係好方便（自己親身試飲，仲好好味添），仲枉我倆四處同人講，自己重未試過奶粉荒，大讚香港奶粉供應商入貨真穩定。後來當然知道，貨源穩定因為售價最貴之故！$529一罐1號奶粉，是普通奶粉的兩倍價錢，一罐等如兩罐呀。

雖然係貴，但結果是物有所值，Yuji BB四個月大已經重19磅，完美大碼B，優質「大髀王」，每次到健康院，其他媽咪都非常羨慕，肥肥白白，正宗人見人愛。

不過，我認為奶粉有功是其一，作為照顧嬰兒的家長一樣有功勞，因為有好的奶粉，也要有心機，在此我一定要多謝我媽咪，亦即是Yuji BB的婆婆，她堅持初生第一個月，必需每2小時餵奶一次，更堅持夜奶必需要餵。一個月後，將餵奶次數減為每4小時一次，夜奶繼續，絕不主張戒夜奶，直至BB五個月後，夜奶自動減少才沒有餵，只要BB夜晚一叫飲奶，立即奉上。這種超然的母愛，除了照顧BB的同時，還要照顧埋我，是母愛中的最大母愛，所以話，現在媽媽的媽媽，即BB嘅婆婆更偉大啊！

後來和朋友分享Illuma的經歷，才發現好些媽媽朋友原來試過由其他牌子奶粉轉食Illuma，由以前食極唔肥、孬孬瘦瘦，到轉食後，體重突飛猛進，變成大隻BB，個個都讚。只要做過媽媽都知，BB一定要有一定體重，萬一患病變瘦、出牙、發燒等等，都有一定體重支持，否則會愈來愈瘦。我見過有位2歲小女孩，因為經常病，體重才得24磅，Yuji BB未夠7個月，已經21磅，要著9個月至1歲衫仔。

讀者們見我這樣子餵奶，可能會問，會否超重要減肥？這個我當然留意著，一直以來，Yuji的體重都維持在可接受範圍內的最大值，從未超重，所以我才心安理得。

———————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

情人節送乜好？一於送你KW11！

KW11是個密碼。

心水清的讀者可能已經估到KW11是甚麼。

如果我送給你KW11，你會高興嗎？

或者換個角度或說法，KW11到底係乜東東？

剛剛過去的聖誕節，KW11是炙手可熱的聖誕禮物。

錯過了？作為情人節禮物也相當不錯！

當然，最開心梗係免費得到由我送出的KW11啦。

咪即係Sony的香水自拍神器囉！

如果還未認識，可以重溫這篇文章：送女友/老婆最神氣的聖誕禮物

謝謝Sony Hong Kong厚愛我的讀者，送出一部白色的KW11自拍神器，價值$5,980

想免費得到，方法很簡單，去我的facebook專頁：https://www.facebook.com/yokocolumn 就見到。只要根據遊戲規則，便有機會得到。

截止日期：2015年2月7日

—————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

自家「蘿蔔清湯腩」

銅鑼灣係我最經常去嘅區，仲有一處地方好鍾意逛逛添，就係時代廣場......不是買名牌，而是再穿過隔離橋底嘅街市，入面有檔牛肉檔，下午5點幾都仲有靚部位俾我任揀，相對灣仔同埋北角街市（12點左右早已沽清啦，有筍嘢亦留俾酒家囉），呢度可謂真奇妙！

-

噚日下午4點，我去Y's Recipes 巡店，因為有好友預約我，話要狂掃花膠扒；接著5點幾帶埋Yuji同媽咪去街市，yeah.......仲買到超靚部位-牛坑腩和牛筋膜呀，因為老公勁鍾意食牛，一次過買$150蚊煮多D啦！結果，老公當然讚不絕口，仲食咗兩大碗飯添，haha，我係魔鬼廚神，最叻谷肥身邊人！

-

今日分享我煮蘿蔔清湯腩嘅步驟啦！

*我喜歡「牛坑腩」肉位爽中不嚡口、「牛筋膜」位置軟腍多膠質。

*白蘿蔔家陣靚絕，又清甜又多汁又無渣，索晒牛腩汁精華，正。

*若喜歡唐芹菜的味道，可加入以提升整個湯汁的清香，兼減低油膩感。

*用生鐵鍋炆食物，好處是均勻導熱，防止水分散失和減少食物營養流失。Le Creuset 咁靚仔，當然煮得更稱心，食得更開心啦！

-

烹調步驟：

1）水滾放牛腩，以大火6分鐘出水，洗淨備用。

2）醃牛腩-胡椒粉、麻油、豉油、糖，及豆粉（令肉質較滑溜）各少量。

3）以乾葱頭、生葱、蒜、大量薑（拍扁）下油爆至金黃色，落牛腩用大火爆香2分鐘。

4）落生水份量足夠炆牛腩約1小時（完成要有湯汁剩），記得加冰糖（約一粒方糖尺寸），可令肉質更軟腍，先大火滾起轉細火，全過程蓋上。

5）最後10分鐘，加鹽及白蘿蔔。

6）最後2分鐘，加唐芹菜。

-

出面食肆叫個「蘿蔔清湯腩」，牛腩少蘿蔔多就梗㗎啦，部位大多唔靚，明白將貨就價要交舖租人工........所以某些菜式還是自己動手煮，才可以品嚐最佳口感味道。

————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too