送禮！台灣高雄手信

送禮！台灣高雄手信
-

上星期，我到台灣高雄3天速行，主要目的是去「台灣美食博覽會」，睇咗各路師傅爭奪炒飯比賽名銜，仲有將麵包砌到成個鳥語花香樹林咁神乎奇技！

出發前，在Facebook page公告希望搵到手信送俾讀者，多謝呢100個like，我當然花心思㨂選啦！

美食......帶得回港的不算特式，所以今次無揀食物做手信（上次送咗「微熱山丘」鳳梨酥，而家香港都有専賣店咯）。我嘅強項當然係搜羅護膚品，今次㨂咗六件送俾大家，即刻睇吓想要邊樣就話我知啦！

禮物1:SHISEIDO 化妝水

是雙層配方，用時要將瓶身輕搖，令上層精華水和底層精華液混合；對油脂有收斂效用，接觸面龐會有冰涼感。潔面後，塗精華素前使用。

-

禮物2:珍珠松露晚安凍膜

 是對付衰老和暗啞肌膚的overnight mask，除了矜貴珍珠松露成分外，加入近年台灣美容保養品大熱成分傅明酸，有研究指出具浄白效用，但皮膚敏感的要避免使用如這具刺激性的美白成分；此外，面膜加入膠原蛋白，旨在為皮膚改善彈性和幼紋。

-

禮物3:玻尿酸晚安凍膜

玻尿酸即是大家熟悉的透明質酸，這overnight mask主要為皮膚補充水分，而納豆和甘草酸（原料日本）就有舒緩敏感作用。

可冷藏於雪櫃，加強啫喱狀面膜的冰涼舒緩感。

-

禮物4:黑炭潔淨毛孔刷

黑炭具有天然抗菌效用，毛極纖細，配合潔面產品在面上按摩打圈幫助褪走污垢。用呢個刷為潔面液起泡很幫得手（泡沬愈幼細，洗面時愈不傷肌膚），但皮膚敏弱的要注意，縱使毛質柔軟也別太大力磨擦皮膚啊，可只集中在鼻子和下巴位。

每次用完要自然風乾。

-

禮物5: Hello Kitty 青柚籽沐浴乳 （白瓶）

禮物6: Hello Kitty 檸檬馬鞭草沐浴乳 （黑瓶）

Hello Kitty迷必冧咁可愛造型！瓶子咁靚，裏面係加入天然植物滋潤成分嘅沐浴乳，建議用完別即棄，要循環再用，可以放入潔手液，擺在洗手間好kawaii 咯！

-

你喜歡以上禮物嗎？請到我的FB page留言參加啦！

請click入：香港美容專欄作家 Yoko Tsang

1）請留言你睇中邊件禮品。

2）請'like and share' 此FB post。

*2014年11月22日晚12時截止。

謝謝參加，就有機會免費獲贈，禮物送到你府上！

————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

醬料の季節 混醬煲仔飯

年初一篇 --- 「起死回生醬」，令我對醬料多了一番體會，加上經常入廚，好的醬料的確有起死回生作用，令普通人都可以變高手。

最近入手了幾款醬料，有新派的，也有非常傳統的，我都應用在不同的菜式上，而且受到最近網上瘋傳的「電飯煲蕃茄飯」啟發（這個不用我教大家啦），突然想起不如整個煲仔飯，會唔會係件難事呢？

這個煲仔飯的靈感，來自很多年前我在銅鑼灣登龍街非常喜歡的「新翠華茶餐廳」（已結業），每年飲食雜誌的年度煲仔飯專題，例必榜上有名，因為大廚非常喜歡創新的煲仔飯，務求以非傳統材料炮製「Fusion煲仔飯」，所以我也不客氣，將喜歡的乾瑤柱、火腿、蟲草、杞子都加入肉餅上，再配上兩款素醬---「蘇太名醬」的豆豉辣醬 (指天椒、八角、陳皮、乾葱、蒜頭）及山珍素菇醬（含有牛肝菌、姬茸菇、冬菇）以及 LC煲，主婦出手都保證有大廚飯焦！

材料：蟲草一條、杞子三粒、十蚊肉餅豬肉、乾瑤柱四粒、金華火腿少許、米一嘜

製法：

1）洗米，洗蟲草、洗杞子、用清水浸軟乾瑤柱，浸過的水留用；豬肉和金華火腿切碎後混和。

2）將米連浸過乾瑤柱的水放入煲內，讓飯粒吸收乾瑤柱的香味並在米上放上乾瑤柱。（可原粒上或撕碎混入飯中）

3）重點是水滾要即轉慢火（否則米會燶但仍未熟），蓋上煮十分鐘。

4）十分鐘後開蓋，將肉餅及其他材料放入飯上，醬料放肉餅上的兩旁位置；再用慢火煮十分鐘（*呢個時候要做樣嘢，飯焦至可以完美呈現啊：是用濕布拿實煲耳，用小火烘煲邊四周，每位置停30秒）；然後熄火，焗多十分鐘便完成。

5）大家可隨意淋上自家調配甜度的豉油。

於我而言，平常食乜都例必少油/走油，唯獨這些醬too oily , 好在是植物油；我會傾斜碟仔漏走大部份油至吃。

這些醬料也可以做一個簡單配菜，出外食飯，我很喜歡梅菜蒸菜芯，在家沒有梅菜，買了菜心點算？將菜芯平均放在碟上，放入Miele蒸爐內，在菜上加入山珍素菇醬，牛肝菌和姬茸菇的香味和菜芯很 match 呢，蒸十分鐘便完成。

————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

入秋妝容 防乾要訣 （vol 1 底妝）

我面前是精心挑選幾款好用的妝品，特別適合迎戰漸漸乾燥的秋冬天氣，想知係乜，同埋點用最好？即刻睇我以下分享啦！

-

防乾重點-底妝

營造好膚質是秋季重點！

底妝非著重傳統啞緻零瑕疵，而是着墨於猶如剛敷臉般，肌膚透出水亮光澤感，以下是詳盡底妝步驟啊！

-

塑造貼薄潤澤底妝心得：

Step 1:先塗水感重的妝前底霜！

水潤角質層，呈現通透感，也加強往後粉底液的抓力，持久度更好。

心水妝品：

Sofina Primavista 保濕精華底霜 $280

-

Step 2:用creamy狀的粉底！輕易造出無粉感底妝。

Shiseido 呢款護膚成效強且滋潤感重，可解決乾紋問題；由於質地厚稠，技巧重點是只宜沾少量，以指尖拍打方式逐步加強貼服和均勻度。

心水妝品：

Shiseido Future Solution LX光感修護粉底液 $750

-

Step 3:眼底用遮瑕液減淺黑眼圈及暗啞情況，液體質感較膏狀潤澤。Kanebo Lunasol eyes base 水潤得來遮瑕力夠！

心水妝品：

Kanebo Lunasol 眼部遮瑕液 $280

-

Step 4:以乾粉定妝，建議只集中在T字位及眼底（極薄），以減少油脂分泌；面頰不撲乾粉，看來保持皮膚的潤澤感。

喜歡Laura mercier碎粉粒子非常幼細滑溜！

心水妝品：

Laura mercier smooth finish 兩用粉餅 $420

下回再續：眼妝、胭脂、唇妝的防乾秘訣。

敬請密切留意啊！謝謝！

————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too

台灣高雄之旅 皮膚抗乾燥法寶

昨晚，我在台灣高雄酒店住了一晚，零晨乾咳醒咗、嘴唇爆埋坼，超級乾燥啊！

皮膚......好在無事，全靠有備而戰，我帶了兩套組合，是抗乾救星！

面部保濕：

Cellcosmet「小金瓶」+ Skin Ceuticals B5 serum + La Prairie advanced marine biology emulsion

塗面霜前，我用咗doublo serum魔法---是先搽「小金瓶」，呢個係產品別名，裏面有勁抗皺的羊胎活細胞和膠原彈力蛋白，是瑞士科研，產品如其名，成份同價錢如同金咁矜貴啊！

呢個品牌無宣傳無乜人講，卻係禾稈冚珍珠，連本港兩位紅星「大眼美人」、「靚仔活力天王」都係用家（大家自己估啦，不便透露）。呢支「小金瓶」」係乜東東？想知詳細分享，在11月16日出版的《more》雜誌我專欄內將會有講到。

之後，再搽透明質酸加維他命B5精華，目的是漲大細胞吸水力和穩健皮膚細胞，預防乾敏和脫皮。咁多同類型品牌中，Skin Ceuticals俾到信心我，是長期位處美國醫學品牌一、二甲，全部產品有科研數據和臨床實證；是偏貴但有效。

以上述doublo serum打好肌底後，緊接重點是cover面霜，以鎖住水份減少流失。

我用的是La Prairie，不是活細胞系列，而是較少人講的海洋系列。

呢款advanced marine biology 乳液算起來我已經用咗三支喇！老公皮膚都啱用，因為無活細胞系列咁潤，但保濕效果又好好喎！

成分是來自海洋的多種海藻類，可以抗氧化：海蓬子精華---是深層保濕主角；

綠色微藻---提升活膚和美白效果；

紅海藻、褐藻提取海草精華---強化肌膚細胞的保護力，減少敏感情況出現。

約$1,200/ 50ml，以La Prairie產品而言，算是平價入門了，瓶身更標明for face, eyes and neck大包圍，得以成為我欽點的好用推介！

身體保濕：

Caudalie overnight recovery oil + Apivita jasmine & white tea body milk

Caudalie呢款油係俾乾至極乾皮膚使用，有葡萄籽抗氧化效用，仲可以修復受損角質細胞。本來是面部專用的，而我屋企大大話話有成十幾支face oil，當然不會吝嗇，要惠及埋身體每吋皮膚。

至於body lotion點解用Apivita，除咗純天然成分外，其實最吸引我係茉莉花香味，皮膚散發持久淡淡清幽，無需噴香水，氣味更自然，連我媽咪都勁like，用埋呢個系列的body cleanser。

要令身體皮膚在乾燥天氣下也保持水嫩，我的方法是：洗澡後抺乾皮膚，噴花水，在皮膚仍微濕時就用10滴護膚油mix埋body lotion，在身體皮膚輕揉按摩，促進微循環，就係DIY活膚最佳方法。

————————————————————————

全新打造個人官方網站www.yokotsang.com已經面世，內容更集中，更易搜尋昔日文章及追縱美容軌跡！

香港美容專欄作家 Yoko Tsang | Promote Your Page Too