2016年11月22日星期二

日本選購母子裝攻略 必逛大阪Markey's

10月尾遊大阪,11月初返港,立即同Yuji母子裝上陣,在我的facebook page專頁上大獲好評,有七百幾個like,大家都爭問:「邊度買到母子裝?」
以前去日本shopping,百分之百為自己置裝扮靚,自從Yuji出世後,用於他身上的置裝時間同我一樣,因為在香港,唔容易買到潮童裝,更難買到母子裝!
上圖Yuji身上的穿著,都是購自日本:
日式刺繡Bomber Jacket by Markey's
Undercover KIDS Tee
軍綠色束腳Military Pants @ Akachan
Adidas Superstar Slipper

如果去東京的話,我一定會行Akachan同Isetan童裝部,前者價錢平民而款式超多,想搵潮款就要細心發掘;Isetan童裝部就是全球童裝潮流指標,連Sogo童裝部重新裝修的設計都係參考Isetan童裝部,你都可以好肯定,是但揀幾件足以令你走在潮流尖端。
關於Akachan同Isetan童裝部,我一早就同大家無私分享,大家不妨重溫:
東京Akachan:http://www.yokotsang.com/articles.php?p=20150611
Isetan童裝部攻略:http://www.yokotsang.com/articles.php?p=20150616

今次去大阪,無緣走妨以上兩店,但就被我發現一間鎮守關西的童裝店,勝在特別多母子裝、母女裝、父子裝,店名叫「Markey's」。
在大阪有2間Markey's,上圖的旗艦店位於梅田Breeze Breeze商場內,另一場位於Namba City內兩間分店都位於港人最常居住的酒店區,真係好方便。假如你是去東京的話,Markey's在代官山都有一間分店。
在Breeze Breeze商場沿扶手電梯上到3樓,已經有櫃窗展示母女裝,我一睇就睇中呢件刺繡Bomber Jacket,售價¥5,900,毋須考慮,一人一件。
因為得番最後一件150 size,我買埋之後,dummy公仔就要立即換衫咯。
Markey's能夠得我歡心,環境夠大、選擇多係十分重要,衫size由80-170都有,根本係主攻全個家庭一起shopping,好容易令你一買就買兩件。
圖中的有帽Hoodies,我都買了兩款四件,星期日family day一齊著,真的非常合適。
有時見到這些infant one piece,雖然Yuji已經不再適合,但當你見到之後,我立即諗,身邊有邊位朋友有剛出生的BB,好想買下做手信的,因為這些款式,在香港真的不容易找到。
買鞋都有不少選擇,Adidas、Nike、New Balance的童裝波鞋固然有不少,今次入冬的選擇,我就選了這些UGG款的boot,小童用來襯窄褲,修長得來又很卡通。
我自己就買了這對迷彩款給Yuji,加上自己屋企的一對,又可以湊成母子裝。
配合一些秋冬裝,又揀了圖中的靴款波鞋,內有毛毛內裡,夠晒暖住對腳仔。
如果你只係window shopping only,店員的styling示範,又真的可以幫到你配襯技巧。
今年日本大吹Military風,MA-1、N-3B軍褸,在香港,爸爸好易買到,但小朋友就不容易買到啦,但你在Markey's就可以輕易搵到,款多色多,又可以襯番爸爸。

如果你睇到呢度,發覺只係得個睇字,短時間內又去唔到日本,其實Markey's在樂天市場都有設店,只要去呢個網址:http://www.rakuten.ne.jp/gold/markeys/ 就可以睇到以上相片見到的產品,絕對係超無私同大家分享唷!

雖然我自己比較少用樂天市場購物,因為我在買衫方面,仍然比較喜歡睇實物購物的人,睇到、摸上手、試穿,然後付款,整個過程都係一個網上購買未能帶來的體驗。Markey's都只係我在大阪閒逛時遇見的,在事前根本不知道有這間童裝店,如果你有機會去大阪,Markey's作為一個親子遊的景點,亦是一個不錯的選擇。














沒有留言:

發佈留言

注意:只有此網誌的成員可以留言。