2016年9月5日星期一

【直播跟進】皮膚敏感 舒解法

我剛剛星期六做完嘅FB page 直播,大家反應熱烈,留言問題多多,可算是預料之內,因為每次講皮膚敏感話題、舒解方法......一定「捧場者」衆。

我撰寫呢篇文章是要留存在網路上,令衆多受皮膚敏感困擾者,可以容易搜尋得到,是值得收藏的實用文!仲有一個重點,好多讀者留言和inbox問及「盒面霜喺邊度可以買到?」,哈哈,至醒起自己在直播冇透露過售賣點(這篇文章有講喇)!!

敏感性肌膚,香港女性十居其九會答「我都係呀!」這問題確實非常困擾,敏感性肌膚面部經常缺水乾燥易有細紋、容易泛紅甚至微絲血管也看得見、也常牽連痕癢、脫皮、暗粒等情況,最傷是令皮膚快老化。
敏感性肌膚對策我已經分享了很多,大家要接受事實,可以舒緩控制但不能根治!
坊間有很多品牌也高舉自家護膚品可以舒敏、通過敏感性肌膚測試......我會建議大家俾敏感皮膚一個機會,而這個機會只是廿百多元就可擁有,讓皮膚活得更好!這是日本藥妝品,香港女生勁like.......

去日本掃藥妝品,我充滿信心能智選好物,亦知讀者會攞住我講嘅清單掃貨唷,所以,一定要嚴選才推薦!有一舒敏護膚品好推介,仲要係CP值高-即平價而高效,必買唷......但要注意,今勻不應在日本買,一定要在香港買(睇埋落去就知點解)!

這是在我直播中,提到的舒敏保濕乳霜(HK $220),牌子乃法國Avene,題外話,我初用是它的活泉水噴霧,潔面後>抹爽膚水>然後噴上活泉水(鎮靜肌膚)>塗精華面霜,而噴霧也可補妝時用吖!【Avene醫學美容專櫃-屈臣氏/萬寧】

法國護膚品made in France ,邏輯很正常,凡事有例外!


扭開瓶蓋,有個棒仔取乳霜,設計方便又衞生吖!


首次使用時,我習慣性仔細看盒上字眼,點解呢瓶Avene舒敏保濕乳霜印上Made in Japan,在日本大賣又攞奬,但在法國沒售呢?查明後,終於了解到箇中原因,原來是在日本科研中心研發(而非法國lab),只限於亞洲地區推出(非全球),理由是專為亞洲人皮膚特性和氣候研發,針對性拯救容易敏感、泛紅、缺水,我會統稱為皮膚抵抗力弱的問題。


認清舒敏保濕成分+強化肌膚皮脂膜:

保濕成分-法國活泉水、透明質酸
植物油脂-角鯊烯、南瓜籽油、酪梨油
健膚增強免疫力-維他命E


亦由於配方天然安全,性質溫和且舒敏,除特別適合敏弱型肌膚;大家接受醫學美容療程後也可放心使用,如用於醫美後,個人建議必先塗抹高濃度透明質酸精華液打底(Y's Recipes店有「可能係全球最高透明質酸濃度一款精華液-西班牙皇室品牌/查詢3565 5971),才覆蓋這舒敏面霜,倍添補水功效。


質地是'Cream in Gel',即係取兩者平衡,既有乳霜保濕滋養又有啫喱般清爽,大家需知,從來敏感性肌膚需要的是「減少皮膚負擔」,面霜輕盈易吸收,尤如薄薄保護障屏對抗外來刺激,是非常重要,亦很切合亞洲潮濕天氣使用。

呢盒舒敏乳霜堅勁,上年日本一推出,超有noise,日本女性為之瘋狂,仲攞晒獎添!
-日本獎項「敏感肌部門賞」第一位
-日本期間限定銷售最高量 第一位

為讀者精明格價!
這舒敏保濕乳霜是Made in Japan ,大家應該會有以下諗法「仲唔係去日本買至抵?」答案竟然係no!咪專登托人買番港或自己遊日時四圍揾,一定呻笨,因為......俾個price list 讀者們自己睇:
日本                  3,500 yen          HK$262 /50ml
台灣                  NTD 1,680         HK$408 /50ml
香港                  -                       HK$220 /50ml

Yeah,原來香港定價最抵!
至貴係台灣,在香港差不多可以買到兩盒了!
至於香港邊度揾到?有Avene醫學美容專櫃的屈臣氏/萬寧 。
【Avene專門店-中環港國際金融中心商場 2004 號 電話:2523 9672】


防敏/舒敏守則Do's & Dont's:
1)使用簡單成分護膚品,注重保濕鎖水;忌果酸、磨砂;盡量使用天然成分化妝品。
2)切忌不要用太熱太冷的水洗臉,以免刺激皮膚,合適溫度是32常溫;不要使用肥皂等鹼性物品潔臉,否則會加重過敏症狀。
3)嚴禁用手抓紅癢處,否則會使皮膚受損或受感染。
4)忌強風持久吹和日曬,要塗抹安全防曬成分產品,阻擋紫外線和空氣刺激物。
5)要少煙酒,忌食燒烤、辛辣、煎炸、誘發皮膚過敏食物,如芒果、橙、香蕉花生、牛奶、海鮮(人人有異)。
6)醫美療程,如高熱能高RF 、創傷性的frictional laser,要衡量皮膚能否承受和小心處理。
7)老生常談,生活要有規律,避免精神過度緊張,保持均衡飲食及充足睡眠。

====================================
全新概念食療養生館Y’s RECIPES隆重登場
Instagram

沒有留言:

發佈留言

注意:只有此網誌的成員可以留言。