2016年8月14日星期日

真實HiFu 直播分享

我對醫學美容儀器的介紹,可以追溯至由我仍然身為雜誌社的美容及時裝編輯開始,當年非常流行儀器減肥,由M6、Vela shape到各種不同的單極射頻儀器、Laser Facial去斑美白、IPL彩光緊緻肌膚、Peel果酸煥膚、Fractional Laser分段激光救暗瘡凹凸洞、脫毛等等,我已經身先士卒,先親身體驗再撰文於雜誌上分享。當年,不是很多美容記者、編輯願意親身上陣,大都是照著新聞稿照寫,旁觀者心態,文章唔入肉,讀者睇完只是一知半解,感受不到任何完成後的分享。
我這種親自「落場」的採訪方法,使我事前要做更多資料搜集及功課,因為最終要做在自己身上,絕不可求求其其,先了解,再睇示範,最後自己試,使我短短幾年間,吸收了非常多的醫學美容儀器知識,無論是廠方的官方資料、醫生的專業見解、美容治療師的經驗分析,驅使我於2012年,撰寫了香港第一本專講醫美儀器的《醫學美容儀器天書》,更成為了公開大學主辦的「光學美容專業證書系列:CH031 強烈脈衝光儀器操作證書」的建議參考書籍,是我寫作生涯的一個小成就。
這幾年,我將醫美儀器體驗分享帶上網,你上Google一下「Yoko + 醫美儀器名稱」,都可能找到一些我介紹及體驗過的文章。
剛剛的星期六晚,我又做了一個新嘗試,將醫美療程帶到FB Live直播,直擊過程,將大家非常關心的醫美問題,例如即時效果?痛唔痛?你一睇,就知道。
作為頭炮醫美直播,我揀了近年話題度最高的HiFu(高能量聚焦超聲波)瘦面瘦身醫美療程作直播,飽飽面、下垂面、虎紋、魚尾紋、眼部下垂、火車軌,有邊個女人不想除之而後快?而最近的HiFu技術更發展至瘦身層面,減手臂、收緊臀部、減肚腩等等亦得,單單HiFu,已經可以拯救不少女性最想解決的問題。
如果你想重溫這個HiFu直播,可以點擊:https://goo.gl/QfCCr4,詳細示範過程,大家可以睇到,示範者全程一句都冇嗌過痛,做完皮膚只有少許紅,很有便散去,效果即時見到,特別是虎紋大減,腮位收緊提升,眉位升高。而且零downtime,做完,抹走gel就走得,不怕「冇面見人」。
關於HiFu的技術, 是透過高能量超聲波,在皮膚底下聚焦,產生約70度高溫。這個溫度看似極高,但表皮層基本上沒有灼熱感覺,因為是於皮膚底層加熱,你亦可在直播中看到,過程中示範者的肌膚表面並無創傷及泛紅。由於最新一代的機頭已經發展到能於不同皮膚深度聚焦並產生高溫,得出不同效果,例如刺激底層骨膠原增生、筋膜層拉緊提升、深層脂肪溶解,從而做到瘦面瘦身。
當然,有好多讀者睇完直播之後,都非常心急想試,紛紛留言,甚至inbox我查詢地址、電話等等。有些就非常關心價錢,這一點我也當然非常關心啦。首先,這個HiFu儀器及店方的資料,並非今次直播的重點,我不想大家錯focus,直播是想帶大家睇下技術及真實做HiFu的過程,這是讀者們,特別是未試做過HiFu的讀者最想知的。儀器是韓國KFDA approved及歐盟CE安全認證的專業級醫美儀器,示範的是普通的53歲素人媽媽,環境不是最華麗,因為這才最真實、真正發生在大部份香港人的真實個案。
直播睇醫美療程做完後的真實效果,完全無後期特效加工,勁真!
直播到尾段,我迫供價錢,大家的即時反應最真實,有讀者高呼好貴。關於這一點,我很強調,大家一定要冷靜,一定要依自己經濟能力去決定,不能為了靚就不顧自己的荷包。其次,我要告訴大家的,一定要係真實價錢,何謂真實價錢?有美容院拉高原價再減,也有美容院先劈低價錢引你,再加到嚇親你。所以我要一句到位,最終要幾多錢,直播中就問得清清楚楚,絕不含糊。以HiFu為例,大家都係以「線數」為計價單位,操作人員每按「一下」就為之一線,做足全面,起碼要600線才足夠,唔夠600線,只能做局部位置,一點也不「全面」。假如面部問題需要較多線數去處理,去到800線至1000線也不奇。
我見過坊間有些所謂「震撼試做價」,$1,680首次試做,真係平到裂,但原來只得50線,淨係做一邊眼位都唔夠,當你問埋做夠600-800線要幾錢?你自己諗一諗。所以,如果大家覺得自己有更平的選擇,甚至朋友的朋友有相熟美容院,我不知道這些是否「打手」,請各位精明的讀者,問一問,做夠800線,要幾多錢?我這樣講一講、提一提,大家心中自然有把尺,識得衡量同計數。這好比我上次去迪士尼酒店食自助餐,五百幾蚊一位,平過好多五星級酒店,卻原來無生蠔食,不過有米奇同跳跳虎同你影相,抵定唔抵?自己諗。
在此重溫直播中提到的價錢,超公開,勁真實,俾你拎住去格價,我對讀者,就是要這種真實。一碟乾炒牛河,唔同地方食、唔同廚師整都有唔同價錢,我將所有資訊公開,就係要方便你們去分析,再有疑問,不要怕醜,問美容院,問到有你想要的資料,才上去!
1)全面、連眼、連腮位  (一次療程,約800線數)
廠方建議價 $26,800一次
讀者一口價 $12,060一次
提多一次,係800線,做全面、連眼、連腮位
*如想做package ,以三次計算,爭取到另加送$6,000療程

每次治療用齊以下機頭,達致不同療效:
1.5mm(嫩膚/收細毛孔)+2mm(減淡皺紋) +3mm(骨膠原增生)+4.5mm(拉緊提升輪廓)

2)上下眼皮連太陽穴一次療程,約400線數)
廠方建議價 $6,800一次
讀者一口價 $3,060一次
提多一次,係400線,做上下眼皮連太陽穴
*如想做package,以三次計算,爭取到另加送$3,000療程

每次治療用齊以下機頭,達致不同療效:
機頭1.5mm(減淡細紋)+2mm(緊緻眼袋)

3)左手臂+右手臂手肘以上 一次療程,約600線數)
廠方建議價 $15,800一次
讀者一口價 $7,110一次|
提多一次,係600線,做晒左右手的上手臂、手肘以上部位
*如想做package,以三次計算,爭取到另加送$5,000療程
每次治療用齊以下機頭,達致不同療效:
機頭 6mm+9mm+13mm (視乎脂肪層厚度溶脂)
最後最後,提多一次,任何醫美療程,都存在一定風險,如有不明,應向專業醫生查詢適用於你的專業意見,因為人皆不同。
讀者對自己個別的身體情況是否適合做HiFu,不應該問我,也不應該問美容院職員,應該諮詢你的主診醫生,查詢適用於你的醫學意見。
請按自己的經濟能力去做任何美容療程。

===================
全新概念食療養生館Y’s RECIPES隆重登場
Instagram

2 則留言:

  1. Did you know that you can shorten your links with Shortest and receive cash for every click on your short links.

    回覆刪除
  2. 唔好意思,睇咗幾次都搵唔到個地址

    回覆刪除

注意:只有此網誌的成員可以留言。