2015年5月15日星期五

無花果乾 萬能滋補救星

近來最鍾意教人用無花果調製養生食療,仲幫過唔少人。
上年秋天,我已經率先預告愛上了無花果,神奇在一入口有一種「解喉」的感覺,原來秋燥而喉乾,秋天當造的無花果就是適時的時果,用來調理人體秋天的不足。
特大碼美國壹級無花果、精選焗茶專用南北杏, Y's Recipes 有售
另有詳盡製法:http://www.sundaymore.com/home-living-108/

但我們女性,又豈止秋天才不足?有冇試過搭飛機全程Dry爆的難受?我有位女強人好友,甚麼都不怕,最怕坐飛機外出公幹,機倉乾到死,容易面乾唇烈,又唔夠膽敷住塊paper mask坐飛機,問我可以點算?
我教她,帶定無花果、南北杏、燜燒杯上飛機,一入禁區就搵餐廳加熱水(記住入了禁區先好加水,裝滿液體的燜燒杯過唔到關,同埋最好幫襯下餐廳先問人加熱水),到飛機起飛就有得飲!女強人照辨煮碗,去到外地酒店立即Whatsapp我:「真係掂!估唔到無花果焗水可以咁潤!好過敷面膜,由內到外都滋潤到。」

亦因為呢個Whatsapp,啟發我將這個無花果焗水昇華,變成「潤喉止咳養生焗水」,預先包裝好一杯燜燒杯的份量,帶上飛機或放在辦工室,一包焗一大杯(500ml),就放在 Y's Recipes 獨家發售,方便每一位女性。
到底這個焗湯係點?呢條短片介紹得好清楚:
video

「潤喉止咳養生焗水」材料包括:美國無花果乾、雪梨乾、南北杏,每包售$88,共有4次份量。
這個「潤喉止咳養生焗水」特別適合帶上飛機,對抗嚴重乾燥的機倉環境,不單可以應付喉乾唇烈,連肌膚也滋潤得到。日常飲用,更加適合。
全部份量已經獨立包裝好,只需打開包裝,將材料洗淨,將材料倒入燜燒杯或真空暖壺,注入500ml熱水,焗1小時即成。
Y's Recipes 有售
地址:銅鑼灣富明街2-6號寶富大廈3/F J室(希慎Apple Store附近)
電話:35655971



不過,無花果又點止焗水咁簡單?我早前在《MORE》的食療專欄內,仲介紹了一個自製無花果醬。唔少人都喜歡用果醬塗麵包,的確美味又方便,但當你重新審視果醬上的素材及成分,結果令人嚇了一跳。基本上果醬大部分的味道都不是來自水果,有各式不知名的化學成分、防腐劑、糖等等,每天食等如自我摧毀,所以我特別想到用我最喜愛的無花果乾自製果醬,零難度兼有益!

材料:

無花果乾 十粒

檸檬 一粒
麥芽糖 一茶匙
水 二百毫升


製法:
1. 將無花果乾切成小粒備用。
2. 檸檬徹底洗淨,先榨半個檸檬汁備用,再將檸檬連皮切成幼絲狀。

3. 將粒狀無花果乾及幼絲狀檸檬放入鍋中,加水以中火(冚蓋)熬煮約十分鐘,至果肉軟身;最後放入檸檬汁及麥芽糖以細火煮溶。
4. 放涼後,將無花果乾醬置入玻璃瓶內保存,建議放入雪櫃冷藏保鮮。

窩心提示:
• 由於果醬沒有添加防腐劑,建議放入雪櫃冷藏保存,及盡快食用免變質。
• 無花果乾本身有天然甜味,加入酸味檸檬汁和檸檬皮,令整體口感更富層次。

特大碼美國壹級無花果、精選焗茶專用南北杏, Y's Recipes 有售

學識整,煮食的配搭層次多好多選擇,而你又可以自製無數健康的果醬早餐,冇理由唔試下。


----------------------------
全新概念食療養生館Y's RECIPES隆重登場
Instagram


沒有留言:

發佈留言

注意:只有此網誌的成員可以留言。