2015年4月30日星期四

獨家激筍 三百有找 儀器面眼頸+全身按摩

呢個年代嘅女性真係好幸福,想靚有方法,尤其是美容儀器,千變萬化,興幸自己對呢方面知識豐富,朋友們説我是「儀器達人」吖,haha,我認!
是否一定要先死而後生的破損皮膚儀器至有威力,如Fraxel、Ematrix ?是否一定要忍受陣痛般痛楚至有療效,如Thermage、Ulthera?我會説「不」,視乎你肌膚問題的需要。
可否享受舒適的治療過程,而又有理想的成果?「有」......

我認同儀器上的「色光技術」及「生物電流」,效果是漸進式顯現,於我而言,視為facial般定期保養,相隔兩至三星期一次,以享持久效果。
今次同大家分享的肌膚護理治療,就是透過一部意大利科研儀器,集合「色光技術」及「生物電流」,同時間輸出能量,勝在省時,療效是美白/抗敏/抗炎/通淋巴+收緊肌肉改善鬆弛,最最最緊要係過程好舒適,亦無需downtime復原期,仲照顧晒面眼頸添!

自認「美白控」的要特別注意,我朋友第一次做呢個treatment,完成時超級興奮,立即告知我「堅白」,比起好多所謂美白facial,去黃效果顯著。而我亦是「美白控」,至怕曬太陽,做呢個facial目的都係想白浄,記得第一次完成後,意想不到是保濕軟膚效果更顯著,因為過程長達2小時,儀器治療外,我塊面吸收咗約10款產品嘅營養精華啊,是美國著名品牌,著重科研實證!用嘅Products價錢屬於中上價位,過程絕不慳家,俾足份量餵飽皮膚,舉例單單是導入3支護眼產品,零售價高達千五元......那麼treatment price理應好貴?放心,我喜歡上的,當然也就為讀者們爭取了筍價體驗啦!

這儀器是意大利製造的,集合兩種技術同時間輸出-「色光」及「生物電流」。
「色光技術」,有四種色光因應肌膚所需:
紅色-刺激膠原蛋白增生
藍色-抗炎,舒緩暗瘡肌膚
綠色-去印、均勻美白肌膚
黃色-舒緩及預防敏感
「生物電流」:
微電流恰似是為肌肉做運動,幫助帶動血液微循環,從而達致肌膚緊緻。

過程中護理產品也是主角啊!用上全系列美國品牌iFrim,任何皮膚類型也可放心使用,因為不含礦物油、乳化劑、人造色素、香料,也就大大減低致敏機會。而專利技術P.A.T是「5秒-99%滲透」,這個測試數據是指單單用手塗抹產品的療效吖!

激白超滑 面眼頸護理 (ifirm 細胞啟動療程)
Step 1:
潔面後敷上peeling mask,是木瓜酵素+海洋礦物,成分非常溫和,眼部四周都可以使用。敷上皮膚後,這treatment會配合熱蒸氣儀器,有效暢通毛孔和加強滲透,之後濕水抹掉便可,膚質即刻滑溜,我喜歡的是不用捽免刺激。仲有修眉、針清去暗粒黑頭添!
-
Step 2:
皇牌renewal cream (價值七百多元),重點成分是富勒烯-「有細胞清道夫」之稱,用在耳背、頸部和肩膀位通淋巴,將毒素、重金屬、酸性物質等有害物從身體帶走。接觸皮膚按摩至40度,霜狀變油,吸收好,治療師用的力度適中很舒緩,我喜歡facial treatment 同時加入局部按摩。
-
Step 3:
儀器出場喇!面部用2種色光+頸部用1種色光,會在皮膚先塗上啫喱帶動光和微電流傳送,做開類似treatment的相信也知道一般所用的啫喱是沒有任何營養成分。而我用上的是美國玫瑰花成分collagen gel ,本來是gel mask,用於助以照色光/微電流亦得,順道為皮膚增彈性和保濕吖!

治療師根據我皮膚所需配合---是紅和綠色光:
紅色-刺激膠原蛋白增生,以減幼紋。
綠色-去印、均勻美白肌膚,助以減淡暗瘡印。
色光加上微電流滑行(肌肉運動)firm up輪廓,過程會多做提升額頭皮膚及眼皮動作,還有收腮位,拉提頸部;最初感覺是有微微刺感,之後一直是微暖的,過程足廿幾分鐘吖!
-
Step 4:
治療面頸後,到集中拯救眼部皮膚問題,尤其是改善黑眼圈,共用上3種護眼產品,有獲奬去黑眼圈療效的成分,再配合電流棒,這儀器頭圓形波促進按摩療效,有助疏肝明目。按摩過程中有微疼痛感覺,代表眼睛疲累,淋巴不暢啊!循環改善,黑眼圈色素可以即時看來減淺。
護眼療程中用到的3steps成本好高,各5ml要千五元,靠微電流導入,更加滲透。最與別不同,是眼皮眼線邊位都可以顧及,完全沒有刺激感吖!

Step 5:
皮膚warm up 咗,ready 盡吸往後營養成分,接著先按上100%水溶膠原蛋白+玫瑰果精油於面、眼、頸,灌注水份外修復改善敏感肌膚。再on top敷上德國collagen paper mask,將透明質酸營養水滲透敷面,半小時內仲有得按肩頸添!


呢個眼面頸全包treatment做足2小時啊!我皮膚歎完以上咁豐富嘅營養大餐,梗係滑溜又水潤啦!
呢度好窩心,有自家煲嘅健康茶,當日係健肺潤喉茶,味道好真材實料絕非用茶包,仲有蘋果和麵包可以免費食㗎,OL放工嚟做facial都唔會餓襯!
----

ifirm 細胞啟動面部療程 (以上面眼頸護理)
加送 50分鐘香薰舒緩身體按摩
Yoko 爭取-讀者超筍體驗價 $288 

Beauty Glow 銅鑼灣店或尖沙咀店
有興趣預約的,請click入登記:
 或預約熱線:3980 9838

*優惠只限21歲或以上新客戶

全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年4月29日星期三

Hello Kitty煮中菜

我好鍾意睇東方新地娛樂版(並非擦鞋,連東地娛樂版總編都讚我「嚴重熟讀東地內容」),特別鍾意睇明星由邊間餐廳行出來,我就好想去這些「星級餐廳」試下。
最近舒淇都拜會過全港第一間「Hello Kitty中菜軒」,Hello Kitty煮中菜?繼cafe同拉麵之後,終於有一間我想食的Hello Kitty餐廳,一定要試啦!
店鋪設計係走「日式中華料理」風格,位於佐敦官涌街市旁邊,泊車好方便。
Hello Kitty粉絲睇見個餐牌一定好開心,以Hello Kitty大頭做的流沙包、馬拉糕、蝦餃,睇相已經好想食,實物又如何呢?
好似有靈魂一樣呀!眼神交足戲,仲好好味呀!
另一個招牌菜係Hello Kitty蘋果雞絲飯,招牌原因當然係個「貓頭飯」,印象非常深刻,因為相機食到好飽之後先有得食,加上蘋果係Hello Kitty最愛的食物,仲將雞絲汁放入挖空的蘋果內,我覺得似中日fusion菜。我會建議唔好等相機食先,會好食好多,因為呢個炒飯「相機食得太耐」先到我食。
平心而論,每一道菜都要加入Hello Kitty元素係冇乜可能,店內印上Hello Kitty樣的餐具都可以獨立發售已經係對粉絲的最佳消費籍口,所以我都希望將注意力返回菜式上。
頭盤的驚喜係脆皮牛展,脆皮炸牛腩我食過,換了做牛展真係第一次,驚喜在於面層爽脆牛展煙韌。
「笑哈蝦趣味」將鮮蝦用三個形式處理呈現,XO醬蝦球的XO醬係當店師傅每日新鮮炒製;豉油皇大蝦就因為隻蝦夠新鮮,令豉油突顯出蝦的鮮味;百花釀油條將蝦打成蝦滑再油泡,證明餐廳不是單單只有賣相,廚師都有一定功力。
菠蘿咕嚕肉在Hello Kitty中菜軒就會變成「蘋果咕嚕肉」,特別在蘋果經拔絲處理過再炸,炸完之後同咕嚕肉好似樣,有一種唔知自己夾到肉定蘋果的驚喜。
炸子雞完全不會同Hello Kitty扯上任何關係,難道要刻意改叫「炸子貓」?不過我只想講,他們正正經經的中菜都有相當功駕,炸子雞皮脆肉嫩,至少不是over done。
撇除所有Hello Kitty的叫座力,真的為中菜軒的菜式評價,算是相當有心,繁複的心機小菜都有供應(單是Hello Kitty點心已經相當費神),杏汁豬肺湯(上圖)這些好多菜館嫌洗豬肺麻煩不作供應,中菜軒也一樣有;疏菜從本地有機農場入貨,食材上肯花心機,定價也不是過份進取,無論是否Hello Kitty粉絲也都照顧周到。
食食下遇上美聯社記者採訪,還找我訪問,似乎Hello Kitty中菜廳已經蜚聲國際,中外傳媒都極之關注!


Hello Kitty中菜軒
地址:廣東道332至338號利來洋樓地舖A至C
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!