2015年1月29日星期四

自家「蘿蔔清湯腩」

銅鑼灣係我最經常去嘅區,仲有一處地方好鍾意逛逛添,就係時代廣場......不是買名牌,而是再穿過隔離橋底嘅街市,入面有檔牛肉檔,下午5點幾都仲有靚部位俾我任揀,相對灣仔同埋北角街市(12點左右早已沽清啦,有筍嘢亦留俾酒家囉),呢度可謂真奇妙!
-
噚日下午4點,我去Y's Recipes 巡店,因為有好友預約我,話要狂掃花膠扒;接著5點幾帶埋Yuji同媽咪去街市,yeah.......仲買到超靚部位-牛坑腩和牛筋膜呀,因為老公勁鍾意食牛,一次過買$150蚊煮多D啦!結果,老公當然讚不絕口,仲食咗兩大碗飯添,haha,我係魔鬼廚神,最叻谷肥身邊人!
-
今日分享我煮蘿蔔清湯腩嘅步驟啦!

*我喜歡「牛坑腩」肉位爽中不嚡口、「牛筋膜」位置軟腍多膠質。
*白蘿蔔家陣靚絕,又清甜又多汁又無渣,索晒牛腩汁精華,正。
*若喜歡唐芹菜的味道,可加入以提升整個湯汁的清香,兼減低油膩感。
*用生鐵鍋炆食物,好處是均勻導熱,防止水分散失和減少食物營養流失。Le Creuset 咁靚仔,當然煮得更稱心,食得更開心啦!
-
烹調步驟:
1)水滾放牛腩,以大火6分鐘出水,洗淨備用。
2)醃牛腩-胡椒粉、麻油、豉油、糖,及豆粉(令肉質較滑溜)各少量。
3)以乾葱頭、生葱、蒜、大量薑(拍扁)下油爆至金黃色,落牛腩用大火爆香2分鐘。
4)落生水份量足夠炆牛腩約1小時(完成要有湯汁剩),記得加冰糖(約一粒方糖尺寸),可令肉質更軟腍,先大火滾起轉細火,全過程蓋上。
5)最後10分鐘,加鹽及白蘿蔔。
6)最後2分鐘,加唐芹菜。
-
出面食肆叫個「蘿蔔清湯腩」,牛腩少蘿蔔多就梗㗎啦,部位大多唔靚,明白將貨就價要交舖租人工........所以某些菜式還是自己動手煮,才可以品嚐最佳口感味道。

————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年1月27日星期二

BB床之選

我還記得,當知道自己懷孕時,便開始張羅需要購買的嬰兒用品。然後,肚子漸漸隆起來,當時挺著肚子,和老公去睇BB床,那一刻,正正式式覺得自己的生命將要踏入另一個層次,幸福又一次降臨在自己身上,相信各位媽媽一定會有這個體會;還未做媽媽的讀者,請你期待這一天,將會是非常難能可貴的經歷。

我曾經在這裏分享過一些揀選BB床的經歷,你們只需搜尋一下便可以重溫。大概的經驗總結,如果能夠負擔得起,歐洲品牌絕對是不錯的選擇,由最便宜的IKEA系列($1K樓下)到過萬一張的歐洲名牌如Stokke、Leander,一定讓你揀得花多眼亂!


不過,我結果都沒有揀到上述品牌,反而情傾上年才首次被引入本港的法國BB床品牌Candide!

這張相我曾在facebook page分享過,亦是我見過終於引起我最大興趣的BB床!特點是兩側全透明玻璃設計,和傳統的直間欄桿截然不同,還有非常童真的夢幻床沿,以及可搖擺的床身,我的評分是100分!爸爸的評價卻是:「金魚缸好過坐監!」
反正不貴,只是Leander的一半價錢,結果到現在,所有探過BB的親友,無不大讚這床夠創新破格!

至於BB床褥才是Candide的真正重點!會考慮用Candide床架,係因為Candide的床褥最考夠。我們夫婦對床褥挑選極嚴格,本來一直想買自己瞓緊的Tempur太空床褥,不過Tempur的香港代理並沒有引入BB床褥(外國有),最接近我們使用的就是Candide的Morphological Mattress,因為同樣使用記憶海綿,最接近Tempur物料,我們的睡眠經驗,認為記憶海綿最能平衡BB體重,夠承托力,減輕背部壓力點,盡快幫BB進入REM(Rapid Eye Movement)深層睡眠狀態。儘管一般BB床褥只不過$600-$800左右,呢張Morphological Mattress要$2980都要入手!

當然,我真正推介大家買的,一向以抵買又高質,即是高性價比埋手,加上今個星期六日(1月31日及2月1日)又係BB展,梗係要入場搵高性價比BB床。(當然,入場都可以搵到Candide)

如果想搵抵買的歐洲BB床,另一個法國牌子Combelle大家可以諗一諗。
Combelle是法國百年品牌,對BB床的結構美學承襲法式風情,雖然款式都是傳統的「監倉」系列,但法國創意永遠在細微之處。
用天然實心樺木一向是歐洲品牌的指定動作,特別之處係床側欄桿可以拆去中間三條,讓小童可以輕鬆落床而不失安全性。還有9種顏色選擇,比一般只有兩三隻色選擇的BB床,真係令間BB房的色彩更多元化。
Combelle BB床本來的定價也很歐洲,只是$3,298,不過,都話入場去BB展買有著數,但係真係要入場先知,但我八到,應該係超優惠床架連床褥套裝價。 
反正準爸媽都會入場參觀BB展,去到發現價錢未如理想,成個展都仲有其他參展商的選擇,兵家必爭之地,做消費者一定最得益!

2015 BB春季購物節
灣仔香港會議展覽中心3F&G Hall
日期:1月31日至2月1日
Combelle 展位:N19-N20

————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年1月23日星期五

黑芝麻粉 x 麥皮 高營養平價食療組合

我曾經介紹過,在我懷孕期7個月後,有飲用黑芝麻鮮奶習慣,除了可以令BB頭髮烏黑濃密,當非常肚餓時又可提供飽腹感,甚至無胃口時,亦因為味道怡人,就算BB頂住個肚,冇晒胃口時就最適合用來填肚。(注意:黑芝麻有滑腸作用,懷孕婦女要在懷孕尾期才適合食用黑芝麻,我亦在醫生指引下,告之適合才開始食用黑芝麻。如有懷疑,請向你的婦產科醫生查詢。)

的確,如果配搭得宜,黑芝麻對普通正常人而言,是不錯的食療。例如我媽咪的標準早餐是即食麥皮加黑芝麻粉,將即食麥皮加水,再加兩匙羹黑芝麻粉,馬上令平平無奇的即食麥皮變成佳餚,好似芝麻糊般美味但卻是一份營養早餐!


如果你是瘦身中,這個早餐更可以成為其中一次「午餐」,因為麥皮及黑芝麻具相當飽腹感,而且雙者各有不同營養價值:


麥皮:高纖、降膽固醇、通血管、通便、預防三高


黑芝麻:補肝腎、潤腸、排便、高含量維他命E可延緩衰老、促進代謝、通便、令頭髮亮澤及烏黑、降血糖


如果是我自己的話,我會將即食麥皮來個變奏,用100%脫脂奶代替清水,整一個黑芝麻麥皮脫脂奶,在非常趕急的早上來個最快捷早餐,這是不二之選!


不過,最近Y's RECIPES的同事告訴我,她的私人午餐竟然是「黑芝麻方飽」,將黑芝麻粉當花生醬搽在方包上,說是世界上最健康的三點三下午茶,嘩!呢個recipe太有創意啦!我自己的變奏就是加入煉奶,更加香甜呀。

黑芝麻粉,$78一瓶

地址:銅鑼灣富明街2-6號寶明大廈3/F J室
電話:3565 5971

————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年1月22日星期四

孕婦/減肥人士 肚紋、鬆泡泡-拯救油

如果你屬於以下狀況,呢篇文章就一定好啱睇喇!
籌備做媽媽
陀住小寶貝
產後休養中
減肥計劃初
瘦身作戰中

以上狀況人士面臨共通點,就是「紋理爆發」和「皮肉分離」。

「紋理爆發」-
意謂身體皮膚突然的膨脹伸延,如陀BB期間、減肥前後,使皮下的彈力纖維與膠原纖維斷裂,就會形成如波浪型態的紋理,除腹部外,也會出現在臀部及大腿內外側,叫做妊娠紋和橙皮紋。

「皮肉分離」-
意謂肚皮超級鬆弛,呢種皮還皮,肉還肉嘅情況,除九成發生在產後婦女外,同樣會發生在減肥人士身上,不單單是肚皮,手臂如是。
圖片是我昨晚在家中拍攝的,拍心口保證絕對是100%沒有經過修飾,為的是證明我生咗Yuji BB 六個月後,現在肚皮的最新狀況,完全扁平、回復九成緊緻、無妊娠紋但有妊娠線(haha......有機會至俾大家睇)。

身體上的紋理和鬆弛,未發生就係要及早預防,發生咗就要諗計改善,假如錯過了「黃金調理期」,便悔恨難返!我的對策是勤力、搽油、做機,做機(醫學儀器)呢點-這幾個月我已經撰寫了多篇文章講解,今日集中是勤力搽油。

論滋潤度、滲透力、持久度,油狀比起乳霜的確更優勝,故此用以對抗身體上的紋理和鬆弛是很好選擇,除非你極抗拒黏膩感啦!

由懷孕一刻開始,我選用身體護膚品極嚴謹,尤其是與BB最近距離的肚子部位,因為外塗精華油成分會透過肌膚血管吸收。而我要謝絕妊娠紋出現,故此由未懷孕、懷孕之始肚子扁平之時,就已經勤力行動,恆心是最重要的,一日搽油次方為上策。而產後三個月是黃金修復期,搽油更加不可停,這時候大家可以選擇具去紋和收緊雙重效用的精油;道理相同,也適合減肥人士使用。

防紋和收緊皮膚的身體護理油,我的心水之選,是具認證全天然植物用料,瓶身更需標明供孕婦專用,那就是敏感人士也適用,安全可靠。以下兩款是我已經用了幾支的好推介啊!
Thalissi 奇蹟抗妊娠紋修護油 $998/150ml(七折優惠 $698
是西班牙皇室護理油專家,特點是用料矜貴且純天然,瓶身標明懷孕期間及修身專用。正價價格雖然比起很多同類形產品稍高(七折後就相約),而療效的確顯著,提升肌膚彈性防紋一流,質感是豐厚,偏黏稠,只需用少量便足夠,滋養度十足,鎖水持久。提醒:由於以天然成分提煉,確保品質,開封後12個月內要用完啊!
功效:供孕期預防及改善妊娠紋;減肥人士改善橙皮紋;收緊及減少皮膚鬆弛情況;極度滋潤,防止皮膚乾燥痕癢。
瓶身標籤註明懷孕期間適合使用,以及減肥中、體重驟然下降的人士作收緊、去縞之用。
成分:玫瑰果油+榛子籽油+小麥胚芽油+杏仁油等。
我的建議用法:
1)早晩直接塗抹抗妊娠紋修護油在肚皮、大腿、臀部、手臂位置。懷孕期間,肚皮位置最好日塗三次。
2)加入八滴抗妊娠紋修護油浸浴,可以滋養肌膚,鎖水及增加滑溜感,同時緊緻皮膚。之後無需沖洗,特別適合在冬季進行,保水止痕。
3)想雙手少皺紋、少倒刺、少缺水,教大家一個方法,就是用一個小盆盛載暖水,加入三滴抗妊娠紋修護油,浸手搓揉三分鐘,用毛巾吸走水份,再搽上hand cream便是極佳hand mask。

英國Elemis 身體護理油$528/100ml
英國水療品牌,是用上日本優質山茶花油,供孕期專用,適合喜歡質感細膩輕盈不太黏立,含豐富植物成分,用後肚皮觸感是很柔軟,味道清淡討好,符合我怕濃烈香氣。

我的建議用法:
1)用於孕婦防肚紋和嫩滑皮膚。
2)質感輕盈,可於洗髮後塗少量於髮尾修護。
提醒:開封後6個月內用完。

Thalissi 奇蹟抗妊娠紋修護油

英國Elemis身體護理油
電話:3595 1152
—————————————————————————

2015年1月20日星期二

情人節食花膠扒

上星期一連出席幾個PR Event,傳媒好友和化妝師好友共聚,互相問候。
大家都問我:「最近忙甚麼?」忙著浸花膠!
「下?!」
係呀,浸花膠都可以好忙,因為今次要浸發的係「花膠扒」!要特別留神。
單是浸發前後對比,已經知道大陣仗!
浸完出來,手臂般的長度,一隻足夠4-6人份量呀!

當我將相片show出,大家嘩嘩大叫!我立即宣告:「今年情人節仲整心形牛扒咁單調,整花膠扒先至有『營』又有派頭呀!」會唔會好貴架?幾錢先?當我細細聲將價錢講出,化妝師F立即大喊:「一塊花膠扒仲平過塊和牛!有冇咁抵呀?」對,一貫我的搵食宗旨,努力發掘抵食素材嘛。

不過,未將價錢開估前,先講下又大又厚的花膠應該如何浸發。我在這裏多數介紹一些較薄身及易於浸發的花膠,那麼浸發大花膠時,又有甚麼應該注意的地方呢?
首先,用清水將厚花膠浸24小時。這樣浸24小時,花膠並不會變大變厚,只是變得較軟身及通透。
然後準備一大煲熱水,幫花膠汆水。由於花膠比較大件,要用一個大煲才夠位浸發。大隻的花膠,魚腥味也較濃,我會用橙皮加白醋,比薑蔥更具辟腥效果。
然後將浸了一日的大花膠放入熱水中,用慢火煲17分鐘,熄火蓋上煲蓋,焗一晚,等花膠可以有大量時間吸水,盡情發大。
前後兩日時間,睇下隻花膠,發到有我隻手指甲咁厚呀!

各位讀者睇完以上圖片,相信亦會同我的好友們一樣,睇到嘩嘩聲,這樣大這麼厚、夠4-6人份量食用的「手臂花膠扒」,你估要幾多錢?平過塊和牛塊,價位當然是三位數字啦!

答案是每隻$399!

價錢平得好過份?我剛剛去銅鑼灣食飯,行經專做遊客生意的「藥房」,比我呢塊大小小的花膠,售價要$12,000一隻!嚇死人咩。

仲有唔夠一個月就到情人節,如果想倆口子玩情人眼裏煮飯仔,唔好再玩心形牛扒喇,試下平玩花膠扒啦,包保你的另一半有意外驚喜。

呢一種乾貨每隻約重二兩的非洲花膠扒, 每隻只售$399。
另外有已經浸發好的即食版,方便連浸發都唔想做的心急人,每隻售$449。

售賣點:
Y's RECIPES
地址:銅鑼灣富明街2-6號寶明大廈3/F J室
電話:3565 5971
營業時間:12am-8pm 
————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年1月19日星期一

油脂粒定汗管瘤?一定要分得清!

讀者的問題,一句起兩句止,看似簡單,但在我眼中,並不是條條都容易回答。
自問有些問題,絕非三言兩語可以解答到,甚至乎是一篇blog文的長度,就等我直接以blog文回覆你們的問題,讓你們有一個更清晰答案。

讀者問:「我眼底下有好多白色一點點的油脂粒,去美容院又挑吾晒,你有冇美容院可以介紹?」

如果只係介紹美容院便可以解決油脂粒問題,我只需回答一間美容院的名字便完成答問。但事實真係咁簡單?

因為一定要搞清楚,到底在你眼底下的,到底是如你所講的油脂粒,還是深層次問題---汗管瘤?兩者的表徵相當接近,似一粒藏在皮膚底下的「白芝麻」,但兩者成因各異,對付的方法也不同。如果用對付油脂粒的「針挑」方法去對付汗管瘤,問題便大了!

首先了解油脂粒和汗管瘤的成因:
油脂粒:主要是用了太油膩的護膚品,加上清潔不當,皮膚吸收不了的護膚品和死皮混和,堆積在皮膚而形成白色的「小芝麻」。

汗管瘤:有些人是家族遺傳,也有因為內分泌失調而形成。這是因為汗腺管栓塞,便汗液不能正常排出,從而刺激汗腺管表皮增生、突出。

如果只是油脂粒,正如讀者所講,美容院的富經驗美容師用針便可以挑出。如果是汗管瘤,便要以對付疣的方法去處理,如使用CO2 Laser、或用高溫射頻拔走。以上最好由具經驗的醫生負責。

所以這個讀者問題非常難解答,單從文字,又或者相片,我不會搞得清到底讀者面上的是油脂粒定汗管瘤;普通的美容師亦未必有足夠經驗或常識去分辨患者到底是油脂粒定汗管瘤。最好當然交由富經驗的皮膚科醫生診斷,再從詳計議。

說到底,無論是油脂粒定汗管瘤,對身體健康沒有多大影響,最重要是影響外觀,帶點不雅,你亦不必急於處理,應該先搞清楚是油脂粒定汗管瘤,繼而處理。
————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

2015年1月16日星期五

BB車之選

在一系列嬰兒購物清單中,有幾款產品我都未有分享,原因好簡單,我想花一個較長時間試清楚,好用,才值得分享。
例如BB車,我自己就真的花了很多時間去研究,不同品牌不同款式都認真仔細研究,我甚至因而入手了兩部BB車作為不同需要時使用,而結果終於在使用半年後發佈!
BB車同私家車一樣,香港人都熱愛歐美品牌,豪華得體,又夠搶眼,但價錢偏貴;日本品牌經濟實為,gimmick多多,特別強調functional。如果認真比較,BB車市場同汽車市場真係非常接近。
如果我話你知,我用緊的BB車係日本車價錢,歐洲車質素,而品牌是來自荷蘭,你會心動嗎?而這個品牌是上年才正式來港,品牌叫名Greentom。
Greentom有齊歐洲車傳統佈局,車身大,車轆大,高身,推出來感覺有氣勢,車架又硬淨,龐大但操作靈活,可以原地自轉360度。
但品牌特點除了上述我所講的好處,最重要是環保,原來車身塑膠物料係用循環塑膠料製造,同埋造型強調時尚,車身顏色選擇多。
至於點解重點係日本車價錢,歐洲車表現呢?因為我剛剛收到eDM,話Greentom做特價,2月28日前,由原價$3,698減到$1,998,唔使$2,000買到歐洲品牌BB車,真係誇張。(售賣點:BK Store 九龍灣Megabox九樓)
當然,$1,998只係買車身,而車身只適合6個月以上BB,初生點算呢?就我似我咁,額外花錢配初生嬰兒睡籃,不過呢個籃就同車價一樣,我當然係指同原來的車價一樣啦。
我最後落筆都決定介紹Greentom,因為如果你家中的同我一樣係大隻B,真係得歐洲車適合。Yuji BB四個月大已經重接近20磅,呢個加大碼B已經幾乎撐爆車身,真係唔敢想像細車點放得佢入。
至於點解我話Greentom時尚?因為後來俾我發現到呢款初生嬰兒及car seat兩用籃,造型 cyber,我愛死這個造型,後來先知我BB初出生時未到貨,令我緣慳一面,但呢個初生 BB 籃又係同車價一樣。
如果想平玩潮車,單買車身可謂最化算,因為整體表現極佳,我最欣賞車身夠高,直接推埋餐廳的餐桌,都可以正視BB,雖然不及 Stokke般高,但只不過六份一Stokke價錢,我已經好滿意。
不過Greentom都有一個缺點,就係沒有多少儲存空間,帶BB出街的那個BB袋真係夠晒重,想放埋入車都冇乜位放,唔似日本車咁識得利用收納空間囉。
不過單從性價比睇,$2,000就可以買到歐洲品牌 BB 車,可謂值回票價。


————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!