2014年12月19日星期五

新手媽媽買甚麼(三)

新手媽馬要買的東西真太多,上一篇「新手媽媽買甚麼(二)的購買清單絕對未完,緊接下來又有很多要買。但最重要的,先買齊BB所需日用品,否則到時冇所用就非常麻煩了

6. 手套 + BB指甲鉗
BB手仔無定向郁動,加上肌膚幼嫩,好容易自己抓傷自己,所以要常戴手套,又因為BB指甲生得快,必需買定指甲鉗。

7. 紙尿片
我個人認為紙尿片因為不是用在我身上,根本不知道邊隻紙尿片舒唔舒服,所以我的經驗是著眼於是否方便自己幫BB更換,Pampers(白P)或Merries是我的首選,「藏金量」高,又不易洩漏。不過最近Pampers新出了一款改良版,係我覺得最方便父母更換使用(重申,紙尿片又不是我用,父母應著眼於是否方便自己替換,以及會否令BB敏感

8. 棉巾
清潔屁屁用的棉巾,又是需要大量大量大大量,有些新手父母只買2-3包便算,其實都唔夠1星期用,這個東西係要十幾包十幾包咁買法。最好用的品牌叫Softtouch,全部已經消毒,冇香料亦冇防腐劑,對BB的肌膚最安全,而且可以放熱水浸,因為用來為BB抹面、抹pat pat都會用到好大量。仲有外出用的包裝,全方位包辦所有BB要用到的紙巾,一句講晒,無懈可擊。

9. 玩具公仔
一項我幾乎無法抗拒的BB用品,每次見到都好想好想買晒全部公仔,如非老公強力阻止,我屋企恐怕成為毛公仔皇國!最初自己非常喜愛monotone的公仔,非常歐洲的簡約風格,但考慮到嬰兒發育需要繽紛的顏色刺激眼球,如果仲有內置發聲,連BB的聽覺發展都照顧埋。

10. 枕
其實是一個相當可有可無的用品,如果根據醫生對兒童發育的研究,初生嬰兒毋須用枕頭,但係,一樣有枕頭一擊即中我的心,又係Candide的熊仔枕頭,扁扁的不會過高,不會影響兒童頸椎發展,而且底在BB床上,非常美觀!

11. 嬰兒浴盤
幫BB沖涼一定唔少得浴盤,我自己就入手了Combi的浴盤,據說是最標準的尺吋,不過比較佔位置;想慳位的家長就會買風琴式可摺合的浴盤。但最需要留意的一點,浴盤對初生嬰兒比較難使用,會額外加一個背托墊承住BB,以防浸親。然而,我自己都係覺得有點難用,結果在荷花發現了一個浮床,簡直是BB沖涼最偉大的發明,十分方便擦背用呀!
傳統背墊
浮床
————————————————————————
全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

沒有留言:

發佈留言

注意:只有此網誌的成員可以留言。