2014年7月31日星期四

天然最補 冬蟲草煲紅糙米飯

我在facebook講過,媽咪為了令我在坐月時獲得最佳調理,特地每天為我炮製「冬蟲草煲紅糙米飯」:
我自己一向有用冬蟲草焗飯的習慣,因為冬蟲草的養份都會溶在水中,所以只需快速洗淨冬蟲草後,連生米一同放落飯煲,叮一聲便完成。每一粒米飯都含有冬蟲草的養份及精華,全家人都可以享受到冬蟲草的好處,只要肯食飯就補到!
由於冬蟲草性溫和,任何時候、男女老幼都適合服食,有增強身體免疫系統、強化器官的效用,對人體而言對健康非常重要,直情可以強化身體,坐月用、懷孕中尤其適合。
我仲記得以前從某陪月口中得知,每日食6支大蟲草,連食2個月,成年都唔會病,是補身的最佳食療。所以你見到上圖一煲飯有10支,其中6支是給我這個產後媽媽的。
話分兩頭,以我一向食用冬蟲草的習慣,在清洗冬蟲草時必需有幾點要留意,今次就同大家分享一下。
我的清洗冬蟲草方法,首先用熱水浸一浸佢。
你會立即見到好多冬蟲草的污垢甩出來。
之後我會把草身上的黑色泥垢用手刮掉,我最怕這些。
刮乾刮淨後,你便可以真正感受到冬蟲草的清香甘甜味。

這樣清洗過後的冬蟲草,便可以立即用來焗水、燉湯、煲飯,其中以焗水、煲飯最方便。
以今次煲飯為例,普通人份量按煲飯份量計,如煲4人飯量,每人用2-3條冬蟲草,即共8-12條。
至於加紅糙米一起煲飯,原因是紅糙米的營養價值比白米高很多,但紅糙米較粗糙,要先浸4小時才可以和白米一起煮。而紅糙米和白米的比例是1:3。浸好紅糙米後,和白米及蟲草一起放飯煲同煮就可以。
而我媽咪的「愛心冬蟲草煲紅糙米飯」,係用瓦煲加明火煮成的煲仔飯方式炮製,食落更加惹味及有米香,所以世上只有媽媽好,不是沒有道理的。
——————————
Instagram

2014年7月30日星期三

5日美白急救大翻新

產後的我除了爭取調理,做好坐月本份,還要將懷孕時用不到的護膚品拿出來,為自己「大翻新」!
我天生美白控,懷孕期間謝絕了美白產品,膚色自然會變得不均勻。所以生產後,第一件事是做peeling,早前已經在blog中分享過,接著就是美白工程。
闊別近十個月美白護膚品,我首要設計一個美白療程給自己,連續5日用glycel Hydro Vital Ampoules + Shiseido White Lucent面膜。


Glycel Hydro Vital Ampoules($1,280/10 pcs)

Ampoules不同於Essence,濃度更高,份子更幼細,是比一般精華液更強效的精華。所以我為自己設計的療程就是潔面後,先搽一層Ampoules,然後再蓋一片美白paper mask,連敷五晚。
用Glycel的原因是愛其燕窩成份,是最好的美白元素。而且燕窩有Epidermal Growth Factor,也可以改善肌膚色澤及修復受損肌膚細胞。
Shiseido White Lucent Power Brightening Mask($600/6 pcs)

先搽一層精華再敷mask是我非常喜歡的用法,就好似蓋上被子一樣,透過paper mask將ampoules及面膜的成份迫入肌膚內,加強吸收。
這片Shiseido面膜是我懷孕前的最愛之一,現在可以連續五日有它陪伴,好似重新見番失散成年的老朋友,真係有點感動流淚。
五日後的美白成效,話說有晚爸爸餵奶時,突然望著睡著了的我說:「點解你好似化了妝咁白?你唔係搽粉底睡覺吧?」
我沒有告訴他真正原因,只是說用了這個和那個產品就會咁白架啦!因為真正原因,不可能單單是產品便可以做到,我偷偷地離家做了一個美白儀器treatment,再配合5日美白面膜先做到。
下次再同大家講下呢個treatment。
——————————
Instagram

2014年7月28日星期一

記掛BB肚中心跳 靠大肚紀念照片(vol 1)

果然給讀者的留言批中:「你會懷念BB在你肚中的日子!」
雖然我很幸運,肚皮在兩星期內極速收去,更沒有留下一絲肚紋,但少了另一個心跳在體內,有一份患得患失的感覺。
果然,懷孕是一個奇妙的經歷,只有女性才感受得到。
要重溫,就要回看自己的大肚照片。

目前很流行大肚攝影,兩口子圍住個肚影些撫摸、親吻的圖片,我們很抗拒,老公寧願揀唔影,佢甚至認為簡單的街頭snap已經足夠,連我自己也一度認同。

後來又會影的原因,是我的化妝師Man Chan鼓勵我去拍,佢笑問:「你有冇諗住生多個吖?」我答:「如無意外唔會,haha!」
oh yes!!
因為太忙又太累,我的唔起心肝去諗art direction,凖備不足我不會去馬,之不過,有阿Man及其團隊拍心口話幫我包辦,仲幫我搵埋著名攝影師,結果就在生B之前七日,終於埋位拍攝,包括影樓照及沙灘外景照。
今次俾大家先睹為快的是鏡頭後花絮,真正的大肚造型照要等多三星期至有啊!

而我的準備任務,就係去買衫同買花球。大住個肚去百利商埸係會有少少尷尬,奇異的眼光猜疑緊:「喔,搞大個肚先結婚!」唏,我買影大肚相用嘅裙呀。「啊,恭喜你,慢慢揀。」亦因為咁,我希望在地面第一間鋪就搵到我想要嘅裙。
符合我心目中條件係咁......白色、斜膊、束胸、傘裙、加透視長紗就可以,要搵到這樣的要求,以我做開fashion styling工作當然無難道,因為我直情俾埋手繪圖店員睇,咁就慳番雞同鴨講嘅囗水嘛!
只需$380就買到呢條霎眼嬌裙,包埋15分鐘師傅現埸即修改,改到胸位fit晒、腰位適合大肚穿著,仲隨我所想剪短裏面層裙,第一個任務完成!

之後搵花球,百利三樓有間佈滿假花的店,水準高得驚人,那個男的花藝師即場同我溝通加創作,純白花球加小鳥披紗,美得驚豔,水準及手工極高,我諸多要求都只不過$210成交,拍攝後用來佈置新居,一物二用!

一切準備就緒,可以影相啦!
我的化妝師Man Chan為我line up的,是香港著名wedding photographer 「Simon.the.Photo」,單是影樓拍攝時打燈技巧,以我多年參予的時裝拍攝經驗,已經毋須懷疑其功力;亦由於他經常為女性拍攝,故此善長親身指導教擺最美麗嘅姿態,正正是隱惡揚善高手!
功力是其次,功架亦盡顯。特別是Simon提議的石澳沙灘拍攝,他既落水、又撲在沙上,又要攀上岩石取景,論取景角度、構圖,完全瞓身演繹!
千影萬影,最後就是為了每日只得30分鐘的magic hour,斜陽灑落曼妙的光影,此刻無價!Simon把握最後的瘋狂拍攝。

由於相片太多,就算我揀好相後,都要再等多1個月才完成最後的post-production,不過Simon已經率先將2張成品放上他的facebook page!

化妝及髮型師Man Chan,我與她已經緊密合作了一年,大家非常有密契,我會話自己好幸運,遇到right person,心底裏......我一直認為化妝同髮型係人夾人緣,佢整靚咗我,唔代表可以整靚妳,自從阿Man出現打破我所想,佢人能所不能,功力深厚,尤其是素人都可以化腐朽為神奇,令美麗指數大大提升!以往讀者們因我而冒名找阿Man化妝結婚、pre wedding的,也是非常滿意,還留言感謝我推介呢!
video
看見懷孕照片,又再勾起自己大肚經歷,這一切原是刻骨難忘,值得紀念。
祝福大家甜蜜幸福!

有用資料: 
攝影師Simon profile:
Facebook page:simon.the.photo
在澳洲學藝深造
屢次在婚禮攝影記者協會WP JA獲得獎項
雜誌編輯嚴選Hong Kong top 5 wedding photographer    
Asia top 30 photographer     By. Signature wedding asia magazine

化妝及髮型總監Man Chan:


——————————
Instagram

2014年7月25日星期五

8月BB展購物攻略

今年2月,我第一次去BB展,當時在場中只係一片茫然,唔知有乜好賣。睇來睇去,只係睇中隻木馬仔,為此寫了一篇blog:媽媽失心瘋購物分享 。現在重溫,真係好好笑,原來當時自己想買的東西,結果一件都冇買過,心水產品轉換了很多次,入手的已經係另外的產品。
現在BB出世了,終於有實戰經驗去選購實用的BB產品,所以8月BB展,我會抽少少時間入場(雖然未坐完月,但問過陪月,速去速回唔好亂食街外食物就OK!)

懷孕中要買:Candide Multirelax
Candide呢個法國牌子係我行周家蔚間BB用品店發現的。我好後悔大肚時未發現Multirelax抱枕,因為大肚最麻煩就係睡覺時好唔自在,躺平睡唔到,一定要打側睡,但個肚又會跌落床扯住扯住,當時的解決方法係買個薄枕頭墊住個肚。呢個Multirelax抱枕就可以解決大肚孕婦的側睡問題。

因為它的U型設計可以繞過腋下,墊高肚皮,我很後悔大肚時沒有發現此產品。
而佢另一個特別之處係可以延伸使用,到BB出世後,就可以成為餵奶枕,將U型机箍住個肚就可以餵奶,餵母乳都一樣適合。最後仲可以成為一張迷你BB「床枕」,枕中間有固定腰箍,設計上非常安全。
Candide Multirelax $1,198
初生BB安眠寶:Candide Baby Nest
Candide Baby Nest $798

我在facebook上post了我的BB床,有眼利的讀者問床中間的是甚麼?呢張床墊叫Baby Nest,包圍式設計係用來模仿初生BB仍在媽媽身體內的感覺,除了這份溫馨感覺,我本來買來放在我的床邊讓BB陪我一齊睡,不過經驗的媽媽都力勸我千萬別讓BB睡在身邊,因為BB會變得好黐身,所以最終我打消了這個念頭,改為直接放在BB床上,慳番BB床單同bed bumper錢,你睇我都係直接放在床褥上用。

固定BB睡得好:Candide Baby Wedge
Candide Baby Wedge $398

因為我媽咪後生做過「湊仔婆」,湊大過好多BB,所以她的經驗之談是BB睡姿要好小心,姿勢唔好會有危險。一於聽佢話買個Baby Wedge,就係用來固定初生BB的睡姿,免得BB姿勢錯晒之餘,亦可以防止BB翻身危險。
不過我估計三個月後,BB有番咁上下力量,應該可以掙脫呢個「枷鎖」!

BB用品愈買愈多,想慳錢要諗計,媽媽朋友經驗之談,荷花展夠大型選擇多,折扣著數亦多;鍾意上述型格BB產品的你,就要把握即將的7折價,我都希望到時可以入場走一趟啊!
日期:8月1-4日,Booth:D05


最後送上我的小王子「較剪腳」寫真一張!
做了媽媽,心境不同了,千方萬法想為BB提供最好的東西,購物都以BB為前提,生活都以BB為前提。我媽咪以前成日掛在口邊,說為了我,可以命都唔要。今日,我終於體會到這句說話的真諦,只要你可以健康成長,我甚麼也願意。
——————————
Instagram

2014年7月22日星期二

家用醫生果酸面膜 溫和安全

Dr. Obagi,美國醫生品牌,相信受嚴重暗瘡困擾人士,或曾受惠於它!
靠Obagi產品治療暗瘡,要有好大勇氣,在我眼中彷如災後重生。
療程先爛面後平復,頭一個月迫出肌膚底層污垢,出瘡更嚴重,而且狂甩皮換膚更生,是難頂期;要捱到第三個月始有顯著改善,可謂地獄療程。
我親眼見證一位記者朋友成功,一直是滿面暗瘡、粗糙、油淋淋肌膚,經醫生監控下使用全套Obagi,現在是無瘡瘡中性良好肌膚。

過往,我沒親身試用過這品牌,直至上年愈出愈多家用版產品,如不同濃度的維他命C液......終於有一款產品,是我用後認為值得撰文推介大家。


$500/90g (部份萬寧及屈臣氏-查詢2699 0078)
是最新出的面膜,叫做「複合煥膚10面膜」,針對溶解油脂及粉刺,強調比起一般清潔面膜強勁之處,是能深入基底層,敷泥面膜同時間有做了果酸peel的效果
日本沖繩礦物海泥,有三種不同大小粒子,好處是深入毛孔吸附污垢,同時給皮膚細胞營養。

5種天然果酸-植酸、葡萄酸、檸檬酸、乳酸、乙醇酸,直達不同滲透層次,角質表層、中層、深層、基底層,和發揮不同效能,褪老化角質、軟化表皮、改善粗糙、暢通毛孔溶解黑頭、去污去油。

果酸peeling?有好多人會害怕酸性刺激肌膚,引起亁燥或敏感,所以首次使用此面膜時,我只是試敷在角質層較厚部位,鼻位及下巴,確保沒痕癢,清洗後沒泛紅,再下一趟才敷全臉,感覺是微涼,不會有刺痛感。
用果酸想安心,告知大家,實在一點,應了解果酸濃度,此面膜配方濃度是10%,屬弱酸性,以peel mask而言性質溫和,我在美容院一個月一次的peel mask濃度是20%啊!


呢個peel mask效果快速且明顯,用一次就會有信心和恆心,只需敷幾分鐘,皮膚角質層即刻軟化,肌膚變得好滑;鼻子部位油脂被吸走,清爽但唔乾燥,細小粉刺可溶解,當然別妄想黑頭都可以消失,是表皮軟化,靠工具可以更易褪出來吧了!

使用秘訣:要泥狀面膜發揮最佳效果,必須厚敷至完全覆蓋毛孔,產生密封式對流效應。

敷3至5分鐘便可,視乎膚質。
清潔時,由於泥膜牢牢黏附皮膚,可先用濕棉拭抹,才用水洗。

我的建議是混合性及油性肌膚,每星期全臉敷上一次;油脂分泌量多的鼻位及下巴位置,則一星期兩次。
中性至乾性肌膚,每星期全臉敷上一次便可。


—————————————————————————

2014年7月21日星期一

去虛寒止頭風 川芎白芷南棗大魚頭湯

今日就是我的十二朝,亦即是產後初階調理進補的日子已經完成,接下來的18日,就要強力進補。
例如昨天,我的陪月已經準備了高級版代茶給我(未知甚麼是代茶,請按入:

提氣去水腫 我的星級代茶 重溫)。


高級版代茶將會加入黑豆、黨參及北耆,有催奶、提氣活血、壯健身健之效。普通人一樣可以食用,因黑豆的營養價值很高,是百利而無一害之物。
黑豆$20/斤

反而我一向沒有頭痛問題,自從經歷了被冷氣吹到自己頭痛欲裂之後,陪月非常緊張我會復發而影響復原,於是在她提議下,她特別為我調配了一個「川芎白芷南棗大魚頭湯」,針對頭痛問題之餘,更比我媽咪煲開的「川芎白芷大魚頭湯」多了去虛寒效果,會令身體有充滿能量的感覺,對付辦工室的冷氣最有用,返工最怕病嘛!

材料:大魚頭2個、天麻1兩、川芎1兩、白芷1兩、無花果8粒、南棗10粒


做法:大魚頭加薑煎香後備用。天麻、川芎、白芷用熱水浸15分鐘後洗淨備用。無花果及南棗洗淨後備用。將以上材料加3公升水,水滾轉慢火煲2小時即可。


南棗要食晒,魚頭、無花果隨意食用,藥材不用食。

—————————————————————————