2014年5月5日星期一

愈懷孕愈快樂 之 約你食餐飯

如果你相信快樂可以令人語無倫次,我嘗試組織一下我的近況。

懷孕原來可以傳染!
上周六生日飯局,好開心又多了兩位孕媽媽,好友K及P相繼宣布有喜,還有好友I下月產子,加埋我一共四人都係生馬B。從前聽見身邊朋友懷孕,我的感覺都不是很強烈,但今次身同感受,我發現自己真的從心裏有一股喜悅湧出來,是一份激動的心情,我甚至覺得是肚裏BB喜見自己將有新朋友仔而興奮!
還有讀者的相關懷孕查詢,我都覺得興奮莫名!

還要多謝好友K從日本帶來的BB禮物呢!
日本製的BB產品,一向注重BB健康,防敏無毒。

飯局過後又要忙於寫作,今次新書的內容陣容更鼎盛,特別係當中的美容技術,都係全新未出現過,愈寫愈興奮,因為可以這本書我可以誇口講,係一本「美容急救字典」!係一本完全可以幫到任何一位女性的天書!
新書另一主打當然係隨書附送的產品,我只可以講句,送出的貨裝禮物比上年更誇張,破天荒連家用眼部美容儀器都有得送,其他名牌美容品牌貨裝產品一照有,連書商都覺得震撼!

新書以外,產前都想同大家見過面,說好了的Yoko飯局,已經完成試菜階段,只爭最後的微調,就可以邀請大家。日子就係5月17日,想參加記得mark落日曆。
試菜極之認真,menu內容都改過三次,一切都要盡善盡美,因為主題要養生,又要好味,誓要打破愈好味的東西愈唔健康的定律。還要價錢公道,我在此先說句抱歉,我說過飯局價格約莫$300多、$400以下,不可左計右計,點都要超過$400,不過我會咬盡牙力做到至抵俾各位。

講開食,銅鑼灣敬誠街有間Tiger Curry,朋友在facebook上說:「The best japanese curry ever in HK」,好友M話係中環Volar的潮人老闆主理,上Tiger Curry facebook page,經常在六點幾就宣佈Curry Sold Out!一於要探訪一下!
將全棟舊樓外樓掃上虎紋迷彩,有型!
咖喱強調用廿多種香種調較,以日式甜咖喱來說,的確可以算是香港之最。
唯一缺點是咖喱味在口腔消逝後,有一股狠勁的辣留低「攪事」,解決方法是杯凍水一飲而盡。如果呢股狠可以不用凍水解決,100分!

銅鑼灣的食肆在巨額租金下作了一個大遷徒,移籍至銅鑼灣邊皮,例如敬誠街、希雲街、加路連山道,幾晚經過都非常熱鬧,這樣才算是銅鑼灣的飲食文化,人龍處處、燈火通明,唔使上樓!
下一個目標---南龍冰室,周六飯局的好友都推介,試完再話你知好唔好食。
——————————————————————————
本週《MORE》專欄精采內容:
氧氣美女 韓妝促成班(vol.3
韓風K-Beauty熾熱,愛靚一族如著魔似的,梗要學一招半式化成韓妞般散發時尚魅力!上期專欄,我傳授了年輕好氣色,皮膚水噹噹底妝步驟,今期輪到光亮胭色及花瓣咬唇,萬人迷K-Star都是這樣塑造妝容的啊!請留意今期《MORE》雜誌內我的專欄
Instagram

沒有留言:

發佈留言

注意:只有此網誌的成員可以留言。