2014年4月11日星期五

熱捧韓劇 韓妝K-Beauty

韓劇效應,K-Trend興起,韓國什麼也是特別賞心悅目似的,韓國女性嘅美麗妝容更加成為爭相模仿指標!

噚日出席咗一個特別嘅時尚派對,是美妝 x 時裝---'LANEIGE MEETS FASHION'!
     主題係K-Pop Fashion同埋K-Beauty聯乘,咁吸引嘅party,我挺住肚也要撐場啦!
Laneige代言人宋慧喬,so sexy!!
-
妝容新品發布,以吸睛的K-Pop Fashion模特兒演繹出來。

今次被邀請的嘉賓獲厚待,是每人可獲贈一件名師設計的時裝,
正正是從模特兒身上挑選出來的。

現場,大家興致勃勃齊齊揀心頭好啊!


而我心頭好是今季春夏大熱的Lace,食埋潮興透視原素。
從來喱士衫褲周圍都買到,之但係要質料好的,勾花有氣質的,務必同金錢勾掛,要妥協付出高價至有靚貨。
故此,今次fashion show既然由韓國名師設計,我集中火力揀Lace服飾,就係呢件Lace shirt喇,至讚鈕扣設計都細心,包線有特式,約二千多元!
同行傳媒友好不鍾情K-Fashion,故此將quota也轉贈給我;
我揀咗呢條pencil skirt,可惜依家BB喺身無緣立即演繹!
-
大家若對此時裝設計風有興趣的,可到網址瀏覽。
-

韓國女性妝容有一共通點,係我非常之喜歡,就係日妝或晚妝都保留到至高境界「簡潔清雅,絕不庸俗」。
日妝-清淡脫俗!
似是而非的裸妝,實情每個細節一絲不苟。
晩妝-艷麗清雅!
不會堆砌太多顏色,一個重點鮮色,已經夠奪目。

我會將K-Beauty時尚妝容,歸納以下幾個重點,讓大家簡易掌握神髓:
1)白皙水亮底妝
2)勾畫平粗眉
3)線條明確黑眼線
4)纖長睫毛
5)粉嫩胭色
6)花瓣唇妝

Laneige嘅妝品款式和色澤愈嚟愈吸睛,說實話,我認為確是比以往大躍進。
-
重點推介大家,係將於5月初至開賣的唇筆,顏色是螢光系列,
有螢光粉紅、螢光橙紅,nude妝加此唇色已經非常sharp,靚到暈啊!
-
一邊係唇膏,另一邊係海綿刷頭,;先由唇中央開始塗向外暈開,
再以海綿刷頭均勻色澤,塑造具層次的K-Beauty 花瓣唇妝。
我心頭好係呢個color- shocking pink!!

Laneige今季眼影組合色澤多到難以取捨,我最終投票全閃系列,因為薄塗一層已經有水潤亮麗感,至怕塗眼影後眼皮乾爭爭似的。若然怕眼腫的,可先以matt 杏啡色眼影打底,才on top加閃眼影,眼窩看來較深邃。

呢個胭脂色咁可愛粉嫩,至襯白皙膚色。
-
韓妝神髓係水嫩亮滑肌,底肌可以靠著重水感的BB Cushion,濕潤度一流,似搽有色乳液般,缺點是易溶妝,尤其是混合性和油性肌膚,故此須注意往後定妝,蜜粉粒子愈細,撲得愈薄方可保留水潤效果。有高防曬保護SPF50 PA+++。
有眾多色可選,我切合粉紅色調系列中的最淺色---No 14 Pink Beige。

——————————————————————————
本週《MORE》專欄精采內容:
「長胎唔長肉」孕婦按摩篇
「長胎唔長肉」正是我懷孕以來定下的重點目標,既可確保身體機能健康,亦可減少身理上的劇變;我用心努力實行,就是希望成為人辦,將箇中心得惠及讀者們。
請留意今期《MORE》雜誌內我的專欄
Instagram

沒有留言:

發佈留言

注意:只有此網誌的成員可以留言。