2014年4月14日星期一

A Good Afternoon Lunch @ La Terrazza

懷孕之後,生活好像更加忙碌,我的最佳調劑是「食一餐好」,醫好我的胃,等如醫好我的心靈,何況今次「心靈之旅」是兩大一小去到沙田,值得跟大家分享。
我相信「小朋友」最誠實,每次食到好味的東西,BB都非常興奮,不停在肚內翻騰,所以今次聽佢話,介紹一下這一餐有多好味。
未食先被環境吸引,位於沙田大會堂天台花園的La Terrazza,飽覽城門河靚景。
全落地玻璃佈置,呷一口afternoon tea,人生一大快事。
忌廉雜菌湯的磨菇,印象難忘,在於磨菇是少有的切得大大粒,真正感到湯中有雜菌。我近來愛食菇類食物,貪其有大量「甲殼素」,對BB健康最好,增強免疫系統功能。
鮮橙雜菜沙律有大量維他命C,中晒我同BB心意。而一般西餐沙律很少落重本用鮮橙片加入沙律,讚!
我的主菜是香草烤春雞,特登叫廚房原隻上,保留肉汁。主要考一考間餐廳有冇用真材實料,渣貨肉韌乾涸,靚貨皮脆肉嫩汁多,這隻當然是後者。更重要是伴碟配菜亦認真,原條翠玉瓜、蘿蔔、薯仔,罕有的極花本錢,我喜愛蔬菜,吃得我極痛快。
另一半吃燒汁安格斯肉眼,$138的餐居然用網燒rib-eye,實在意料不及,原來不抱任何奢望,都被突如其來的高水準嚇親,因為有高級扒房的水準呀。
主菜之後是檸檬cheese cake,我對西餐有一個嚴格要求,如果甜品不當,可以毀掉飯局的歡愉。而我介紹得,當然沒有令我失望,幽幽的檸檬香沒有搶去芝士的香,反而有marriage的配合感。
我是天生的甜品控,食埋另一款雜莓奶凍,藍莓好好食喔。從頭盤到甜品,都是上乘的配搭,最意想不到,居然只是一個平凡的set lunch居然有formal的感覺。
以上所講的,的確只是一個set lunch!而set lunch的供應時間是直至530pm。如果不是供應到530pm,我估我今次都未必食得到,因為我對進餐時間比較隨興,想食便食,從來沒有特別的時間觀念。今次我都係去新城市廣場睇完BB用品,老公介紹下沿天橋行過來,否則都會錯過呢一餐。
意想不到的好味,還有意想不到的環境,餐廳外有露天用餐區,我立即諗到,可以用來做event / function,點知真係可以,我食完出來,已經見到侍應正在執拾,原來每逢有新人在樓下沙田婚姻註冊處登記後,都會租用這裏作為wedding banquet,而且有個mini bar,可以做埋cocktail添。
 環境佈置絕對歐陸化,以前搞結婚時,有食物就冇環境,這裏一應俱全。



La Terrazza
沙田源禾路一號沙田大會堂天台花園
29402827
——————————————————————————
本週《MORE》專欄精采內容:
最瘦的身段  最肥的BB
成為孕婦,不一定肥腫難分!懷孕期間暴肥,很多時候都是因暴食過量高脂高膽固醇低營養魔鬼食物,這些都被媽媽吸收而非胎兒,結果肥了媽媽,也苦了胎兒。怎樣才能做到?請留意今期《MORE》雜誌內我的專欄
Instagram

1 則留言:

  1. Dear Yoko,

    我也是懷孕媽媽, 想提提你, 懷孕期間不可以吃沙律和cheese cake的! 因為有機會感染李斯特菌. 受感染的孕婦可能會將病菌傳給胎兒,導致流產、胎兒夭折,或引致新生嬰兒患上敗血症或腦膜炎。

    你可以參考衞生防護中心的website:
    http://www.chp.gov.hk/tc/content/9/14450.html

    祝你和BB身體健康!!

    Regards,
    Winnie

    回覆刪除

注意:只有此網誌的成員可以留言。