2013年10月31日星期四

解答讀者疑惑:暗瘡皮膚不應敷面膜?

噚日收到讀者留言一則,今曰在此公開解答!
「yoko,想請問一下呢款mask暗瘡皮膚可以用嗎?
同埋呢,坊間話有暗瘡唔好敷咁多mask同唔好用美白產品,如果唔係就會比更加多營養d暗瘡,令到d暗瘡惡化……其實係咪真架?
聽到d人咁講,我都唔係咁夠膽敷咁多mask,但而家d天氣又乾燥,所以想請教下yoko。麻煩晒!thank you so much」

事緣是,這位讀者看了我昨天blog文,有感而發......

愛上「星晨花」 敷面療效 (請click入重溫)


首先,該款面膜是全天然成分,不含刺激皮膚的酸性或化學成份、亦不含阻塞毛孔的添加劑或礦物油,只著重保濕舒敏功效,性質溫和,故此暗瘡性肌膚也合用啊!
-

至於讀者疑問「敷面是否等同再俾營養暗瘡?令情況惡化?」
就要視乎你所用的面膜成分是否揀啱喇!如以上所言,如果有刺激皮膚的成分,加速爆瘡嚴重性不足為奇。相反,理應勤敷保濕功能面膜,一星期兩次也可;至於深層清潔或暗瘡專用去污去油暢通毛孔面膜,則每星期一次便足夠,以免皮膚被過度抽乾水份。

一般而言,暗瘡皮膚多屬於油性,但也有些是屬於混合性的, 即T 字位油,兩臉頰則比較乾;而皮膚缺水亦有機會觸發暗瘡,因為底層會溢出更多油份滋潤,令油脂分泌過盛,而毛囊的出口有限,故此毛囊很容易會被堵塞,結果形成粉刺、油脂粒等問題,繼而變成暗瘡。
為皮膚補水就是水油平衡,防粒粒要訣!
而且,敷保濕mask健康皮膚細胞,有助維持皮膚角質正常更生,暗瘡印就能容易消退。

補充---暗瘡起因:
暗瘡起因是皮膚油脂分泌過盛,而毛囊角質層加厚,阻塞皮脂腺管出口,令油脂分泌不能排出,而引起慢性發炎。
此外,混有塵埃的汗液、皮脂,加上各種外來色素香料化妝品,殘留皮膚,對細菌來說,也是生長繁殖的好地方!

讀者還有另一疑問「暗瘡唔好用美白產品」?
美白產品多含有打擊及抑制色素的化學物質,例如對苯二酚、熊果素等,容易令皮膚出現過敏反應,故此暗瘡皮膚要慎選。
————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續……
增加骨膠原— 花膠
排毒淨化—「奇異籽」
請留意今期《MORE》雜誌內我的專欄

2013年10月30日星期三

愛上「星晨花」 敷面療效

大家喜歡花嗎?
我就很喜歡用天然花朵萃取來護膚。
-
今日講解一種很有特式的花種類---
「星晨花」又叫「不凋花」!


點解有呢個名?
花朵盛開後,難免凋謝跌落,被世間引用為---美麗是短暫的;這「星晨花」卻與別不同,花卉盛後也不會掉地,而是留在花莖上,就如乾花一樣,呈現另類美態繼續搖曳生姿。

近日,我愛上「星晨花」面膜!
是取自地中海沿岸,生長於鹽份極高的地方,細胞結構很特殊,可鎖緊水份阻截流失。
由於其頑強生命力特性,對皮膚的效用是高度抗氧化、舒敏和補濕啊!

Apivita 星晨花補濕抗氧面膜 $290(有12包/8ml)
一般製造面膜的基底成分是水,我喜歡呢款面膜用上綠茶水代替,加強抗氧化功效。
除開即24蚊包,以產地、材料而論,個人認為是可接受價位。
-
初敷上面是白色乳霜狀,質感creamy易推,有微微清涼感。
面部以外,眼部四周照敷可也,因為是以天然植物為素材,皮膚易吸收冇負擔。
注意:眼部四周薄塗便可,也不要太貼上下眼線位,以防面膜由入眼。
-
敷後約10分鐘,見到皮膚吸收了面膜乳,由白色轉為透明,此時面上呈現潤澤油分,是來自天然修護成分-可可巴油和天竺葵香薰油,皮膚易吸收不會block毛孔。
加入了星晨花及蜂蜜,滋養度好足,敷上廿分鐘皮膚是看得到水分充盈,摸到柔軟。
敏感皮膚也合用,重點在於天然成分,而且薰衣草有舒敏功效。
用法:潔面爽膚後塗上,敷廿分鐘,以水清洗。
-
獨立包裝是Apivita著名「出trip必備面膜」,以一包8ml份量而言,若想厚敷只夠全面用,正常塗抹方法是足夠面及頸的。
每次用一包,即開即用新鮮衛生,切忌慳住份量留下次,接觸空氣便容易有細菌變質,再敷上面就得不償失了!
————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續……
增加骨膠原— 花膠
排毒淨化—「奇異籽」
請留意今期《MORE》雜誌內我的專欄

2013年10月27日星期日

荷里活型男 潮興「潤唇波」

前篇blog文,推介了大家試用我的新歡,超潤超閃超靚護唇啫喱......

閃亮御唇術 羊脂 x 香蕉 (請click入重溫)


相信90%女士會大愛我的推介,但男士一定唔識欣賞,就好似我身邊人,他至怕黏稠,護膚品如是,護唇品更加係,又潤又閃梗非佢杯茶囉!
-
所以,今日推介特別適合姊妹們的lover---男士會願意使用的護唇膏,而我之所以有此一著,係因為噚晚老公竟然開口:「搵支潤唇膏同埋hand cream俾我吖,我用呀!」嘩......咩事......太陽由西邊升起.......佢除咗塊面concern要keep住靚仔,從來任由嘴唇乾到裂甚至滲血都not care。
-
真係考起我,屋企雖然激多珍藏,但要啱佢feel至得嘛,結果我諗起perfect match,
原因有三:
1)呢款潤唇產品外型啱晒男士,因為點睇都估唔到係潤唇膏,咁就唔驚公眾場合拎出嚟搽俾人話「乸型」啦!
外型一個字形容:「潮!」
呢個係美國紐約eos品牌,我會叫「潤唇波」至貼切,扭開蓋是半球體,我覺得似食珍寶珠,haha!
我俾了粉藍色'Sweet Mint'潤唇波老公用,因為薄荷味重,塗後清爽涼快,知大部份男士都鍾意!
-

要說服我位潮人老公冧呢個潤唇波,梗要再用計仔,我話佢知連眾多荷里活型男星都梗有一個喺衫袋,你點可以無㗎,係咪?!
Gossip Girl的Chuck Bass---Ed Westwick
<吸血新世紀>的Emmett Cullen
 女星都愛Kristin Chenoweth唱作歌手KeSha

2)於男士角度而且,潤唇膏質感只可以係恰當的保濕度,佢哋至怕太潤too rich囉,所以膏狀絶對比啫喱狀合適。
呢個eos潤唇波質地是潤而不膩,塗上唇後感覺薄薄的覆蓋,不厚重不會加重唇部負擔;亦不會有閃亮bling bling效果。之但係,於我自己而言,由於質地唔黏稠,覺得水潤感未算持久。

3)推介得俾我嘅至親老公及讀者們,用於唇上梗要成分安全。
呢個潤唇波,令我放心的成分如下:
a)是100%純天然成分
-荷荷巴油,功效水潤鎖水
-乳木果油,可柔軟皮膚,給予滋養
-維他命E,是極佳抗氧化品
b)得到美國農業部(USDA)認證為有機產品。
c)不含損害皮膚的防腐劑及礦物油。
d)無致敏感的麩質。

4)最後嘅point係售價平得過份,俾幾十蚊夠用足一年,老公/男朋友一定讚妳慳家/精明呢,haha!
美國eos 潤唇球 $39個 (萬寧/莎莎/屈臣氏/卓悅都揾得到啊!)
-
共有4種味道揀選:
我比較喜歡是'Honeysuckle Honeydew'金銀花蜜瓜,
因為期望如成分效用,為唇部清熱氣啊!
-
除咗潤唇,我發覺要嚟搽手背勁好啊,就像是massage,仲即時呈現潤澤;
當然,係一個搽手、一個搽嘴,至合衛生啊!

————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續……
增加骨膠原— 花膠
排毒淨化—「奇異籽」
請留意今期《MORE》雜誌內我的專欄


2013年10月24日星期四

羊脂x香蕉 閃亮御唇術

首先,要同大家回顧我一篇舊文,是於2011年8月份撰寫的
當時我介紹咗一支頗好用,仲獲獎嘅hand cream......有位任高層的朋友見到我篇blog,仲即刻買咗廿支話送俾客添,佢話包裝靚又可愛,而且Joyce Beauty產品嚟講好affordable喎!
品牌是Lanolips--- 羊脂玫瑰特潤護手霜
在澳洲及英國獲得榮譽獎項---
'Winner CEW Awards Best New Hand and Nail Care Product'
-

事隔兩年,呢個brand又有一樣新品令我一試愛上,是lip blam,解救我乾燥到失自信的嘴唇呀!
點解我嘴唇成日都咁乾?當然並非我唔用心經營修護啦(呢點相信大家都認同),有理由係我太常常飲熱嘢,仲加檸檬酸性刺激唉......對身體好嘛卻對嘴唇皮膚唔好,兩難呀!

故此,會偏向用較滋潤的護唇霜修補,Elizabeth Arden lip blam抵用但味道一般、雪花秀lip blam勁好用味道亦啱心意但貴、LaMer 盒lip blam連阿蘇都讚,我覺得有專注於補水修復功效但質感未夠油潤,而且相當貴、Kiehl's lip blam算係中庸,即價位效用都ok......

當我試用咗以下支lip blam,決定即刻同大家分享啊......是效用顯著及價格合理。
澳洲Lanolips Banana Lip Balm $160(Joyce beauty 有售)
重點修護成分是---羊脂,係呢個brand嘅主打,
大家可放心,是完全天然同人道㗎!

羊脂在護膚上有什麼效用?
羊脂是一種天然物質,由新鮮剪下的羊毛中提取,富含維生素A 及 E、多效天然油份等,為皮膚築起一層滋潤保護膜,可以增加皮膚的柔滑感、恢復彈性、防止細紋形成。
-
除咗羊脂,仲有一個好特別成分,係香蕉......我媽咪一搽上唇,就話:「嘩!好勁蕉味!」哈哈,佢無誇張,真係好濃味,至於香唔香?真係因人而異,我就覺得味道頗天然,是喜歡的。
Lanolips Banana Balm,含品牌著名天然純淨羊脂外,仲加入99%天然香蕉萃取物、1%微光粒子及乳油木果成分,最重要是不含人造色素及香料,用得安心。
-
香蕉對護唇有咩功效?
香蕉含天然抗氧化成分,包括維生素E、C、B、A和礦物質 、豐富的鉀及天然油脂,能為肌膚滋養,淡化暗啞。
質感是杰身的,延展性高,塗少量已可均勻覆蓋。
如圖中匙上份量已足夠4次使用啊!
-

含有彩色微細閃粒子,加上天然油脂,令閃亮效果非常出色
-
塗後會有超亮澤效果,掃走暗沉唇色唇紋看來減淺啊!
晚間塗抹,第二朝醒來仍然有保濕感覺,證明保護夠持久。

————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續……
增加骨膠原— 花膠
排毒淨化—「奇異籽」
請留意今期《MORE》雜誌內我的專欄

2013年10月22日星期二

化妝底霜 vs 微細血管顯現者

噚日分享的化妝底霜,是綠色---
適合人士:尤其因暗瘡或敏感引致經常泛紅的肌膚。
-
今日到黃色---
適合人士:皮下血管顯現者。

好多人都有一個情況,我都係,因為皮膚薄,所以微絲血管顯現,肉眼都看得到又偏藍又偏綠,而在面上,多數出現在眼底和眼側,有些人甚至是出現在面頰大範圍。

微絲血管顯現,做醫學儀器可以用截斷方法bye bye咗佢,我試過在小腿,痛楚好比幾條橡根一下子攻撃,眼水標埋出嚟啊!呢個方法只可以有效對付極幼細的血管,粗大的則經多次治療也會重現。

在化妝層面,黃色的化妝底霜可以幫助到自然微調遮蓋血管色素。
Covermark<真我肌膚色調>化妝品系列,就是呢方面專家,佢哋高舉「肌膚底色」理論,即先要調節肌膚底層血管(靜脈動脈)透現的色澤,靠黃色掩蓋偏藍偏綠血管,如同形造一層皮膚薄膜,只有這樣膚色才顯得均勻,隨後再上粉底液,即使只是薄薄一層,也能透出靚膚色。
Covermark Jusme color亮肌持久底霜<黃調>,呢支產品剛剛9月中新出㗎!
說是yellow makeup base,肉眼是淡粉肉色,實情加入了黃色粒子。
$300/30g
(中環世紀廣場603店/德福廣埸2期325店/Aeon康怡-黃埔-屯門)




含有3大粉末,令妝後皮膚更細緻:
柔滑貼服粉末---令細紋或凹疤痕有被撫平效果。
凝亮粉末---是焦柔效果,朦朧感令油脂消失、毛孔不著跡。
控油光粉末 ---吸走及阻截多餘油脂,皮膚減少油光,等同不易溶妝。
仲有修護成分:
添加草本配方,包括抗衰老活血的當歸,及抗氧化的葡萄籽油。
防曬度SPF38 PA+++,以平日逛街而言,有充足的防紫外線保護了。
————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續……
增加骨膠原— 花膠
排毒淨化—「奇異籽」
請留意今期《MORE》雜誌內我的專欄

2013年10月21日星期一

化妝底霜 vs 暗瘡或敏感肌泛紅

大家可知,一支好的化妝底霜(makeup base)責任重大呢?!
肩負起以下使命:
1)阻隔化妝品直接接觸皮膚,減少化學成分的傷害。
2)令往後粉底妝容keep得更持久,不易受油脂及汗水溶化。
3)即時提升膚質,軟化角質層及增加水潤感,以減少乾紋曝現。4)瞬間調整靚膚色......呢點正是我想同大家仔細詳談。

係人都知白裏透紅面色至年輕健康迷人,除非你是愛蜜糖tan look啦!
之但係,絕大部人面色都係差......
不勻、暗啞、死灰、偏黃、泛紅.......

原因眾多,休息不足、環境侵害、食物影響、護理不當等等,暫不在今次文章研究之列。
掩耳盜鈴之法就是靠化妝底霜,塗抹一遍便可散發好氣色!
我知,很多女士不塗化妝底霜,會依賴粉底液調整肌色,例如希望白淨一點,就選用比自己膚色白一號的粉底液......問題出現,第一,是肉眼看來皮膚過白,因為肌底原色會透出來,兩者色調不脗合,效果就不自然;其次,是面頸兩截色會非常明顯。

故此,想以化妝技術令膚色靚得來又自然,我強力建議先以有色澤的化妝底霜為肌膚打底調色。

美容界老生常談:
粉紅底霜---氣色粉嫩
紫色底霜---去黃白淨
基本上,呢兩種色調最切合大部份亞洲女性皮膚。

我以下分享的,則是適合特定人士用的化妝底霜,可以幫她們一把!
綠色底霜---
適合人士:因暗瘡或敏感引致經常泛紅的肌膚、微絲血管顯現者。
我的心水推介是雪花秀,佢哋啱啱出咗粉嫩光澤妝容系列,我試咗當中成員Evenfair smoothing makeup base,倒值得推介,一共有兩色可選---Light beige及Light green。
$430/30ml(雪花秀--金鐘太古廣場西武/尖沙咀廣東道82-84號)

Light green就是我要推介給經常偏紅的肌膚,是淡淡的粉嫩薄荷綠,色澤非常自然絶不嚇人,別奢望一抹上面就可完全遮蓋紅印或泛紅肌膚,是自然的調和白淨了。

質地好水好薄,絕不厚重,抹上皮膚即刻吸收,感覺舒適。
-
如果你的肌膚質素不俗,只需要均勻膚色無須遮瑕,其實單塗抹此makeup base已可;當然,on top再塗粉底液,此底霜可以令妝容平滑,也更long lasting。
不一定要全臉塗抹,以我自己皮膚狀況為例,鼻翼位較易泛紅,我會局部塗抹綠色底霜在該部位,其他皮膚部位則愛用粉紅色或透明底霜。
-
我喜歡這雪花秀makeup base,除了是基於質感及色調,更最要是妝品同步加入護膚成分,一方面是著重保濕的強效透明質酸,再混入脂質,以維持肌膚水油平衡;另一方面是幫助去除老化角質的AHA果酸,令表皮更柔滑,此成分只佔極少量,故不會做成刺激,敏感人士也不用擔心。
備有SPF25 PA++,以阻截UBA及UVB紫外線的侵害。

明天再續另一美容品牌的黃色底霜,理念非常特別,竟然是關乎切合大家的血管色素啊?!
待續.......
————–———————————————————————————————
本週《MORE》專欄精采內容:
纖體/抗衰老 至「營」飲食療法<下>
上期提到,美容+運動+飲食療法,方為提升身體機能和皮膚質素的完美程式!
我的四大「飲食療法」為健康、纖體及抗衰老不二法門:上期分享了提升免疫力 + 抗氧化
今期再續......
增加骨膠原--- 花膠
排毒淨化---「奇異籽」
請留意今期《MORE》雜誌內我的專欄