2013年9月16日星期一

新歡透明質酸大眼仔

以前,我係從來唔戴大眼仔con,覺得冇咁嘅需要,況且幸運地沒近視問題。

直至3年前結婚,pre-wedding至嚟人生第一次戴con,是黑色大眼仔,確實俾佢難到,試10次得4次成功上眼。

結果,靚過就會追,就好似做過天價瘦面儀器,見證過自己由'U'型面進化至'V'型面,又怎會不上癮呢!
故此Thermage>Doublo>RF......停不了!

現在,我每逢有工作拍攝需要,必備大眼仔隱形眼鏡,
使素顏都相當醒神,選用是每日即棄的。

點解無啦啦講大眼仔con?
因為上星期我在屋企附近眼鏡舖,買咗盒從未試過的品牌color con,前幾日拍節目試戴後實在太開心,返到屋企真係爭D唔記得除,因為......感覺係如同冇戴隱形眼鏡般好舒適啊!
我呢幾年一直用開Johnson one day acuvue define,
7月出的個人著作中亦有同大家提及.....之不過,我啱啱換畫喇!
-

我嘅新歡係廣告唔多的品牌---
One-day delight max hydration plus(每日即棄)
$260盒/有15對

我冇寄予厚望,卻出奇地喜歡,是令眼睛更大更有神,而且至緊要戴得好舒適;甚至比起以前那款品牌更合我,因為舊有的,每盒總有1/3弧度不合我眼睛,戴上即痛,即使合適的,有陣子戴上幾小時就感到眼乾,好想脫掉!(純粹個人情況,不代表人人有類似問題)

新歡試戴一次感覺超好,隨即上網深入研究因由,值得同大家分享:是因為鏡片用咗納米技術,令表面特別平滑貼服,咁就唔會刮眼球;加上鏡片超薄,只有0.07mm,所以高透氧度;至於我戴咗後眼睛唔易乾,係因為如盒上名字所言'Hydration PLUS',是加入深層保濕份子,HA透明質酸搽上面就試得多,置於眼睛,原來都能鎖住一千倍水份喎!

我買的是亮麗黑,有漸變色彩。
設計上是特大圈環,鏡片直徑14.2mm,所以眼睛更有神,但無阻視線,因為無顏色內圈直徑有成8mm,咁睇嘢咪清楚囉!

————–———————————————————————————————
本週《MORE》專欄精采內容:
Ms Barbie 韓式時尚誘惑「咬唇妝」
當今至hit的韓式「咬唇妝」,演繹出性感誘惑神髓,柔弱楚楚可憐般,成為女生及男生皆大愛的妝容啊!何謂咬唇妝?
請留意今期《MORE》雜誌內我的專欄

沒有留言:

發佈留言

注意:只有此網誌的成員可以留言。