2013年8月22日星期四

自製體面冷盤「鮑柳伴翡翠」

招待客人,前菜小食,想有體面,又想易整......菠蘿串腸仔?蟹柳沙律?好味但係唔入選囉!

我曾經推介過嘅超好味又抵食嘅鮑魚仔罐頭,超勁.......經常賣斷市,身邊朋友及讀者試食後,都大讚ichiban......介紹到好嘢俾大家我至開心!
$265/罐(約21隻)

好友May至誇張,每次買十罐存倉,仲話俾我知開一罐佢自己一個人隊晒;其實請不宜過量,鮑魚難消化會頂胃,我咁鍾意食都忍口,每次食半罐咋,即約10隻。

同大家分享,我的食法多變:
鮑魚仔即開即食,彈牙又味濃,至方便止口癮。
煮蠔汁生菜鮑魚,啱一家大細做節取意頭。
鮑魚午餐肉伴公仔麵,簡直係平民奢華絕配。
-
我最近又諗咗樣做法,口感交集,又爽口又有好味指數100,樣靚又出得大場面,即同大家分享:
「鮑魚柳伴青瓜絲」
約6人份量
青瓜一條 
鮑魚仔一罐(約21隻)
當墨西哥「車輪鮑」已經升價至近千元一罐,呢款南非超好味鮑魚仔罐頭,
以質素及價格而言,簡直係超班抵食!$265/罐(約21隻)

將鮑魚仔切成雞柳狀非幼絲狀,口感更有咬口。

將青瓜切成片狀,再切成絲狀。
想青瓜更爽口,建議先整條放入雪櫃冷藏幾小時,將水份鎖住,才取出切絲。

醬汁:日本刺身豉油帶甜味,加入wasabi提升惹味,將兩者伴勻。


將醬汁與鮑魚及青瓜絲伴勻

整盒放入雪櫃,冷藏一會兒便可隨時拎嚟品嚐喇!
-

—————–———————————————————————————————
本週《MORE》專欄精采內容:
我的瘦身密碼(三)
第三回瘦身密碼,會講我自己最喜愛的減肥纖體儀器。到底用邊部、點樣做先最有效?原理又係甚麼?想知?請留意今期《MORE》雜誌內我的專欄

沒有留言:

發佈留言

注意:只有此網誌的成員可以留言。