2013年8月12日星期一

誠邀你的意見:如何令試用與分享更有吸引力?

剛過去的週末,執拾一下過去兩個月收到的和自己買的護膚化妝產品。
這是我定期會做的事情,第一,是檢視一下自己過去用過甚麼產品;第二,當然清一清理凌亂的家居。
女人心態就係咁,明明有咁多,都仲要買買買,我買護膚化妝品的錢,同樣驚人。

如圖所見,只不過係冰山一角!每一件產品,我都會再一次仔細研究其成份及功效,加上過去日子的試用,於是便有我的分享報告。其餘重複的全新產品,我都會全部轉贈身邊家人、好友,以及這裏的忠實讀者啦!
其實,我自己一直有一個心願,因為我覺得自己是非常幸運的人,產品邀約試用不斷(雖然我自己也推了很多),但如果你是有留意這個blog都知,我一直希望這裏的讀者都有機會和我一起試用、一起分享。有些收過我禮物的讀者或許會見過我的留言回覆,表明希望收到之後,用過之後,大方和我分享你的用後感,因為你們的意見,不單是給我,我很多時都會拿來跟品牌的公關分享,希望反映一些產品意見,期望將來會有更好用的產品誕生。
所以我希望有一個園地,可以匯集大家的分享意見,然後理性討論產品的好壞。我甚至不介意由我提供產品給各位,只要你們肯給予意見。
不過,我自己便想不到究竟要有怎樣的機制、渠道、空間、園地,讓這一個計劃實踐。我的諗法係,由我提供產品,讀者留言並提供相關皮膚資料,再由我揀選合適試用者,試用完後發表你的用後感。這樣一個流程,很多美容網站都有一樣的機制,但我想我可以參與其中,即是你發表用後感後,我會加入討論,互相切磋。
那麼,到底要怎樣進行呢?寫一篇新blog邀請試用,然後在留言中互相討論?好像不是太多讀者會睇留言;在facebook進行?facebook的發文並不是每個like了的人都可以睇到,會很容易錯過!
所以,又到了集益的時候,如果你對我這個構思感到興趣,而又有好方法能解決我的疑難,請你在這裏留言,然後我會送一份小禮給你作為我的心意。原理同我送一件產品給你試用,然後到你留言一樣。
執拾後的護膚、化妝、頭髮產品,我就在這裏抽出一些送給大家!
-----------------
本週《MORE》專欄精采內容:
我的瘦身密碼(二)
第二回瘦身密碼,今次會以最健康的方法出發,就係同大家一齊做運動,而呢個運動當然唔係跑步、游水咁簡單,而係一項嶄新又新潮的玩意!再加埋我搵到的減肥褲,雙管齊下,極速瘦身。想知?請留意今期《MORE》雜誌內我的專欄

3 則留言:

  1. 可以係你個blog加入討論區功能嗎?那就可以讓讀者按自己喜好進入個別話題,分享試用心得!

    回覆刪除
  2. 可唔呵以係個BLOG度最頂位置長時間開一個POST, 但係就唔需要你打任何文章, 而係可以比任何讀者入去分享自己慨試用, 之後就會不停咁更新讀者慨分享, 就好似不停咁會有新慨POST係入邊, 但係唔需要由好大篇, 同埋入邊個分類只係需要分化妝品同埋護膚品, 咁有心想睇慨讀者就自然會入去搵到, 個原理就有少少似FORUM咁, 不過就唔係咁多分類, 我唔係好識IT, 唔知道可唔可行, 不過咁樣都似係比大家一個方法去發表~!!THX~!

    回覆刪除
  3. Facebook 開一個TAP黎搞呢個活動,而BLOG 都可以開一個TAG黎,如果你既讀者,有緣就會見到唷~~~~

    回覆刪除

注意:只有此網誌的成員可以留言。