2013年7月24日星期三

回應大家對冬蟲夏草的疑問

有關冬蟲夏草的blog文,反應之熱烈,出乎我意料之外,因為創出了單日瀏覽人數的新高!在美容以外,我就對食療非常感興趣。話說,我上年已經打算出一本關於食療的書,不過,以我在這領域的認知,未係時候,所以,我已經加緊努力鑽研,希望出食療書籍這一日快來臨。
今日,主要想回應部份讀者對冬蟲夏草的問題,因為好些問題我都認為值得討論,當中有一條問題,我花了極長篇幅來回應,長到已經係一篇blog一樣。寫完,我自己都覺得值得跟大家在正文中分享,不阻大家,請看:

問:想多口問,冬蟲夏草有咩效用?對偏頭痛或鼻敏感有幫助嗎?
答:基本上是溫和地調理身體。我沒有偏頭痛,我不知服後是否有效,而我的鼻敏感在服用後有改善。

問:早晚各一條 or just 朝早一條 also okay ??
答:最理想是早晚一條,初嚐或特別體虛,可以每朝早一條。有些體虛的人,會因為身體都會覺得冬蟲夏草太補,晚上服食後太精神,結果睡不著,所以先調理提升,讓身體適應後,才轉早晚都服食。 

問:多謝yoko! 可以用二千蚊試下先真係太好啦!仲係老店一定唔怕比人呃~
答:買野幾時都要審慎喔,不一定係老店就可以鬆懈^_^不過你可以放心,我介紹得的,都係良心店。試過之後,不妨在這裏分享下用後感,等我可以參考下大家的意見,謝謝。

以下這條問題,我花了最多心機回答。

問:多謝yoko咁詳細既介紹。。很喜歡看你寫關於養生食療既blog文!!你上一篇說你媽媽患病時,你仍是雜誌編輯,花很多時間「採訪」癌症康復者的生活、飲食及調理習慣。大慨得出的結論,除了接受正式的治療外,飲食要非常健康、生活紀律需嚴守,還要配合食療,調養身體。。。。。。如果有時間會否寫一篇關於癌症康復者既blog文,飲食上有什麼要注意,有什麼有益既食療等等!!想問下患病人士咪不可食燕窩既,其實花膠又可唔可以㗎?因為有時上網睇,有d人話可以食,有d又話唔可以!!
答:有關癌症病人的食療注意事項,我不敢當自己係專家,我只不過將我遇過的經歷分享給大家而已。不過,甚麼食療都只係其次,在我個人心目中,聽取專業醫生意見是第一重要!第二重要是病人的心理素質,如果求生意志低,食幾多標靶藥、補品都枉然;還有家人的積極鼓勵及支持非常重要,試想像一下自己生痱滋的經歷,進食已經好唔方便,做完化療、電療的病人,等如成個口腔都係痱滋一樣!成個人down到極點,冇晒胃口,肚餓都唔想食野,就算肯食野,食完又好易想嘔,乜都嘔番晒出來!冇食野就吸收唔到營養、整個人便嚴重消瘦、體虛力弱,所以你可以想像,身邊家人好友的支持鼓勵是多重要,很多病人在這個階段直情想放棄治療。我仲記得當時為了令我媽咪的治療日子過得舒服,我每日都去醫院為剛做完手術的她做facial、強忍眼淚為她敷SX2面膜、護膚,因為佢貪靚,讓她覺得病都可以靚。回想起來,我不是醫生,我能夠做的,是為她做心理建設,積極面對人生,讓她覺得世間充滿希望!之後的事就是歷史了。如果你都有家人受癌症之苦,我希望你能為你的家人做最大的支持、體諒、always stay with your family,難關一定能渡過!
至於燕窩,勿論坊間的見解,我認為係唔食都冇損失之物,反而花膠適合於手術後服食,買些靚的廣肚公,傷口埋得快D靚D,又有補血健體作用。到化療期間,真心咁講,食得幾多落肚得幾多,冇胃口都要食、食完又嘔都要食,一定要有野落肚先可以吸收營養,之後先康復得快。


問:近來我見坊間藥房有些叫‘蟲草花’的東西賣,標榜功效與蟲草一樣。不知你聽過否?請問可否代問你信得過的中藥房或中醫兩者的功效是否真的一樣嗎?
答:我自己都有買蟲草花,一般煲湯料,我在買開的老店買,$60一斤一大包,我間中都會用來做蟲草花螺頭花膠湯,吊下湯頭的味道,不覺有甚麼食療價值。

沒有留言:

發佈留言

注意:只有此網誌的成員可以留言。