2013年7月31日星期三

得獎結果公布:Suisse Programme昇華露 及 拉斐特 x Yoko廣告版

上星期五blog文,我應承大家送出3支瑞士SUISSE PROGRAMME 活氧細胞生肌昇華露」價值$ 732 / 130ml ,給真心想試用的讀者

好多人用心留言,多謝大家看了我分享後都喜歡,我揀選了以下3位得奬者:
你哋將會收到品牌發出領獎之電郵通知!
得獎者 Yu
Hi Yoko,
首先好多謝你經常介紹咁多好野俾我地^^
我由上個月辭左工,直至最近返新工,呢排壓力好大,成日失眠好夜訓,可能因為唔夠訓所以皮膚質素差曬,變到好黃好暗,愈上愈多粉,連帶乾紋都走曬出來say hi… 心情都幾灰下
今日睇左你篇blog, yoko介紹得一定有信心保證,所以我真係好希望有幸可以用到呢支導入水,改善到皮膚,精神靚靚咁返新工,有個好嘅新開始^_^
Thanks Yoko

得獎者 CoCo Grace
Yoko , 我係你忠實粉絲,所以你曾經介紹過嘅產品及美容療情我都跟足七成去買嫁(基於金錢問題未能十足十去跟),但可能基於本人身體較差,時常食藥,所以導致皮膚始終未如太理想,尤其皮膚較乾及T位泛油及暗粒,所以今次很想獲得這份咁補水嘅產品,因我好耐未嘗過水噹噹嘅肌膚喇,唔知道會否實現這個夢想呢?

得獎者 Jess
Hi Yoko,我皮膚到下午就油到似係油性皮膚咁, 其實我係混合性皮膚, 仲要係嚴重缺水個隻, 一洗完面就要九秒九極速搽爽膚水及面霜, 如果唔係就好繃緊, 好乾好唔舒服…..
所有化妝師都話我皮膚極乾, 話”咁乾, 連眉都好難畫!”, 好似好誇張咁…..
我已經好努力去尋找合適自己的用品, 但係令塊面唔乾, 可以滋潤到的就T字位出粒粒, 棟到唔出粒粒的就覺得繃緊同乾.
Mask 方面, 不論paper mask, overnight mask, gel mask 都用過了, 但效果都只係做到表面, 所以化妝前必須敷mask, 否則一定甩皮, 仲要肉酸個隻.
我好想試下呢個”瑞士SUISSE PROGRAMME 活氧細胞生肌昇華露”, 希望可以幫我導入水份, 唔好再搽左都好似都吸收唔到水份, 我亦都好想皮膚好似Yoko 你咁有光澤!, 就算唔能夠似你咁靚, 至少都想有個貼服底妝!
------------------------------------------------------------

另一送禮活動,我終於有時間揀選得獎者,因為反應實在太好,好難揀啊!

問題是:我著作《尋美*變靚述》吸引之處,及拉斐特 x Yoko 超大廣告版在那裏?

請以下得獎者將姓名及地址email到 yokotips@gmail.com 以便寄上禮物。

送出


Kanebo COFFRET D'OR / Burberry Beauty / cle de peau 
Shiseido Majolica Majorca Paul & Joe


我揀選了以下8位得奬者:
得獎者 Bon Ma 
 1. 在銅鑼灣景隆街顯輝中心外牆
2. 新書  《尋美*變靚述》  吸引之處,當然是Yoko 既扮靚心得,內容夠哂豐富,全書有成208頁,而且隨書更附送豐富的名牌美容禮物,總值達$80萬,e.g. 醫學品牌Skin Ceuticals 維他命CE抗氧化健膚精華 (15ml )
[價值 $790支],妳話夠唔夠吸引先,還有全書由Yoko妳一手一腳包辦,全書由Yoko 妳自拍照片,簡直係妳既心機作,除之之外每本書額外有5張coupon,我真係熱切期待妳既新書面世呀! 


得獎者 Natalie Queen
Q1. 銅鑼灣景隆街cut謝斐道,顯輝中心 Q2. 最吸引的是書展期間買你的著作,每日有名牌美容貨裝size禮物贈送, 盡顯江湖地位, 勁呀Yoko!

得獎者 Mavis Kwong
 在銅鑼灣景隆街
2. 新書<美*變靚述>吸引之處,當然係Yoko 親身體驗嘅扮靚心得,全本書幾乎都係濃縮嘅美顏精華,加上隨書附送豐富兼口碑好嘅美容禮物,總值高達$80萬,邊可能唔吸晴?而且全書均由Yoko一手一腳包辦,落足全副心機,所以我勁期待妳既新書(^∇^)

得獎者 Terry Hui
Q1:銅鑼灣景隆街
Q2:新書頁數比之前更多 當然吾只得個多字啦 
比起出面既美容書籍更為實用 吾會好似得個up 纸上談兵
因為自己都係做美容同化妝品既行業 
都有讀吾同既課程去增值自己 但係睇完yoko既書感覺獲益良多
比起出面報幾萬蚊既課程更為充實!
yoko既心得吾似出面得個抄 真真正正試過既經驗
介紹得既產品亦都非常好用 
吾似出面既書有供應商比哂錢背哂書咁
真正為讀者設想......
今次仲要有禮物送添!
我會支持你既!

得獎者 Buki Chiu
 1.銅鑼灣景隆街
2. 因為“真,善,美”
>真在書中所有內容你都親身實證,而且如實反映比讀者,無硬銷同吹捧。
>善在妳除左努力寫書,同時努力為讀書爭取貨裝產品比大家試,感覺無私心!
>美在書中內容好足夠,令所有讀者變美人。
祝你新書大賣!

得獎者 Clara Poon
 1: 銅鑼灣景隆街
2. 以YOKO的閱歷, 相信在新書出現的都是經YOKO精挑細選的! 就有如要在1000款巧克力中選出5款最好吃的!必屬佳品! 何況美容新品/好品又豈止千樣呢...所以新書真的超吸引啊!

得獎者 Monique Leung
 1. 銅鑼灣景隆街 2. 最吸引係你用自己來寫真實個案! 係女人都愛扮靚! 內容更多更吸引,比讀者認識更多護膚和化妝知識!再加上本人曾經參加過你所舉辦的護膚講座,覺得你的護膚心得很勁,讀者當然愛不釋手啦~~

得獎者 Cat Cat Chau
1.銅鑼湾景隆街,2.因為Yoko Tsang的著作係最窩心&最用心的, 每個分享都係非常好的變靓錦囊, 美女們的天書, 而今次仲要豪送總值80萬護膚禮品, 十分吸引, 非買不可! 巳經係眾人鎖定既target書! 預備掃! 掃! 掃!

————————————————————————————————-
本週《MORE》專欄精采內容:
如何愛錫 私密處及身體皮膚?
很多人只專注面部護理,對身體皮膚及女性私密處絲毫不著緊,到遇上問題就須加倍努力才可扭轉困局;我會因應一般人最常見的敏感、痕癢、死皮堆積等問題給予防禦意見。請留意今期《MORE》雜誌內我的專欄

2013年7月30日星期二

今個星期六 / 激筍好玩 把握報名!

最近呢幾日,心情又再開始緊張,因為,我首個以個人名義舉辦的活動,在今個星期六發生,很期待我的讀者來臨,相信大家也是志同道合,愛追求美麗時尚、健康生活!

如果有留意我的facebook fan page,早幾日就應該已經知道8月3大型的讀者聚會或許已報名了);但如果你沒看到,就讓我在這裏給大家解釋,這是基於甚麼構思的活動,仍可以把握最後報名機會

是7月20會展官方安排的簽書活動

想當初,未進入書展週的時候,書商已經為我向書展當局申請簽書活動,能被選中的作者已很值得高興,雖然只得一小時的時段;但總算幸運,因為由書展官方安排的簽名活動,都需要經由出版商向書展申請,再由當局審視才批出時段,不是百分百保證有簽書機會的。
結果,有來簽書會的讀者都知道,原定一小時的簽名活動,結果時間不敷應用,一小時後,要轉到出版商立即向大會反映爭取到的地方再續,結果共須近兩小時才滿足晒當日久等的讀者,令我十分感動及激動!

但在簽名會完結後,本來開開心心的我,又有一點點失落,很多讀者映,時間不允許而錯過了這個見面的機會。
你們咁錫我,我又點會唔知?

於是當晚我立即致電出版商,說無論如何,都給我留起150本會場特別版,連埋某些熱門美容貨裝贈品,我要再搞多一次聚會,一個最多可達150人的聚會,讓錯過了當日簽名會的讀者,可以再多一次簽書機會當然亦歡迎書展已買了我著作或已來簽書會的讀者再次見面,不用再排隊,可以坐低嘆美食、傾談美容、玩遊戲贏禮品、認識愛美至同道合朋友。

現在諗番,當時真係一個「勇」字,因為出版商說過,萬一想來見我一面的讀者都在星期六到晒,呢批書就會變成我的個人珍藏,haha!

好了,讓大家知道前因後果,係時候入番正題,到底點先可以參加呢?

你只需click入呢個facebook連結:
(注意:手機不能登入,需以電腦)(填上個人資料即可)

日期:8月3日(今個星期六)
時間:2pm-4pm
地點:拉斐特 --- 油麻地窩打老道40號(油麻地港鐵站D出口---左轉就到)
名額:150人
參加條件:即場購買一本價值$128的特別版《尋美  變靚述》即可,隨書附送我為今次聚會精心挑選的名牌美容產品貨裝,從來我都咁錫讀者!

我叫得大家參加,當然準備了大量禮物回餽,你們就當是我對的感恩大會,首先,我已經準備了豐富食物及飲品給每一位來賓第二,是預備了豐富的節目及遊戲,保證非常精彩當日送俾大家的禮物......
大獎價值$22,000
由Face College送出救殘眼及眼皮下垂----
Doublo聚焦超聲波眼部療程一次

二獎價值$3,200
是由Talika送出的Light Duo抗皺美白淡班儀
三獎價值$1,100
是Talika送出的Cream Booster眼部光療導入儀

還有四十份美容產品送給大家,我計過,唔計隨書附送的產品,這些額外禮物的總值達$50,000!就是我作為大家一直支持我的回禮吧!
--

睇到呢到,大家應該會有一些問題知得更清楚,facebook一一解答,若有唔明,歡迎留言發問。

Q:如果我已經在書展買了書,又獲得過簽名,係咪唔可以參加?
A:非也,任何人都可以再參加,而參加方法及條件很簡單,記得去呢條link登記: https://www.facebook.com/yokocolumn/app_400574856715127 ,稍後會有專人通知(8月1前)你是否能被選中參加,然後在聚會當日,即場付出$128購買特別版《尋美  變靚述》即可。

Q:如果我被選中,到時可唔可以帶埋朋友一齊出席?
A:如果你的朋友都想參加,請叫埋你的朋友一齊登記,你們二人(或三人四人五人更多人)都必須成功獲通知參加,到時一人買一本著作就可以參加了。所以如果你希望同朋友同行,記得叫埋你朋友一齊登記呀。不過,就算只得你本人獲得參加機會,你都唔使怕一個人,其實呢個亦係識朋友的好機會,當日的遊戲,就算你只有一個人來,都可以玩得好暢快的。

Q:當日買書後,我可否自選隨書附送的禮物?
A:當日所有隨書附送的禮物,都會以紙袋入住包起,隨機送出。當然你也可在現場與百多人玩交換禮物的。

Q:當日有乜玩先?會唔會好悶呀?
A:聚會內容大致上是讀者Q & A環節、醫學美容儀器技術分析對應皮膚及瘦身目標、化貼薄亮麗底妝技巧+遮黑眼圈心水方法(會show我千挑萬選用開的產品)、敷mask及搽products點至為之有效的真正步驟........組別遊戲、個人爭取名牌護膚禮物(每件百多元至八百多元)!

Q:如果我已經買了你本書,即係要又我買多本書先可以參加?
A:放心,多了的書,你可以送給朋友,但多了的禮物,一定令你稱心滿意,加上,你獲得的未必是隨書附送的,還有其他禮物,以及一次大型活動的參與,你可以當係睇一場3D立體電影,或者係一個星期六的活動。

click入呢個facebook link 連結參加
(注意:手機不能登入,需以電腦)(填上個人資料即可)

期待到時大家,今個星期六見喇!
————————————————————————————————-
本週《MORE》專欄精采內容:
如何愛錫 私密處及身體皮膚?
很多人只專注面部護理,對身體皮膚及女性私密處絲毫不著緊,到遇上問題就須加倍努力才可扭轉困局;我會因應一般人最常見的敏感、痕癢、死皮堆積等問題給予防禦意見。請留意今期《MORE》雜誌內我的專欄

2013年7月29日星期一

美顏生果 食得有法

食,是我人生最大樂趣
而我更大的樂趣,是找出有益的食物,大吃特吃。

或者你會覺得我揀飲揀食,但以我的暴食性格,如果不挑最健康的食物才放入口,我好可能係一名大肥婆。

我,每天風雨不改,水果當零食,士多啤梨蘋果橙都不是我的最愛,因為美顏度不是top three。
到底我最常吃的是甚麼生果呢?
答案是車厘子及紅石榴。
剛剛的星期六日,我都是和化妝師Soie一齊工作,我更帶備了一大袋車厘子作為工作時的醒神小食,當Soie分享車厘子時,佢一食就大叫:「嘩.....好好食呀,超甜又爽口!究竟依家D車厘子係咪好貴?」我答有好平和好貴。而買車厘子,真係唔慳得,平價的,軟身、似豆腐,毫無口感可言,仲淡而無味;一定要揀外表實淨咬落爽脆,才是新鮮,營養價值更高,幸好,呢一方面有我精明媽咪代勞。貴一點,我也常吃車厘子的最大原因,是對身體好,可以補血,血氣足,氣息自然好,皮膚都會白裏透紅!

其次,紅石榴亦是我的最愛,雖然食用特別麻煩,切開兩半後,再把其中的紅石榴籽刮出來。食的時候又多核,基本上極不方便,但就含有非常豐富的抗氧化物,有效對抗皮膚衰老,你話幾咁辛苦都好,都係不可不食。
我早已投資了一部非常有用的工具,幫我解決紅石榴的食用問題
答案係目前市面上流行的「慢磨機」,將紅石榴籽放入機內慢慢壓碎,就會滴出新鮮純正紅石榴汁,而核會被完全揸乾分隔,方便至極;一個紅石榴搾出來約有半杯,一星期飲兩杯,為皮膚對抗游離基侵害,是抗衰老補品。
只係慢磨機並不便宜---$4,xxx,所以我話自己「投資」了此儀器,當然,如果你可以好好運用佢,將會係比焗麵包機般實用的烹調工具,呢部機仲可以將新鮮生果自製雪糕添,將罪惡至極雪糕盡量變得健康,haha,我日後再同大家慢慢詳談慢磨機的好處啦!

————————————————————————————————-
本週《MORE》專欄精采內容:
如何愛錫 私密處及身體皮膚?
很多人只專注面部護理,對身體皮膚及女性私密處絲毫不著緊,到遇上問題就須加倍努力才可扭轉困局;我會因應一般人最常見的敏感、痕癢、死皮堆積等問題給予防禦意見。請留意今期《MORE》雜誌內我的專欄

2013年7月26日星期五

美顏大勢 梗要「導入液 」<試用報告終回>

你哋試咗未呀?
瑞士SUISSE PROGRAMME 活氧細胞生肌昇華露

上個月blog文,我為多達500位讀者爭取一齊體驗呢支瑞士美顔科技新品「導入液 」,500份免費試用裝,不出3天被索取晒啊! 
有讀者留言告知,喜歡塗後皮膚好保濕感覺,仲軟滑咗添,但唔係好清楚點用囉,好心急想我快D分享仲有咩妙計使用該產品!
-
(回顧blog文,請click入:)

獨家送500份! 美顏大勢 梗要有「導入液 」

究竟連續用咗一個月,皮膚有咩進步空間?
有咩方法可以善用美容界大流行的導入液?
今回分解…….
瑞士SUISSE PROGRAMME 活氧細胞生肌昇華露
$ 732 / 130ml (莎莎有售/2505 5023)
質地是微稠水狀,皮膚容易吸收,夠保濕又唔黏立;近來勁愛水狀護膚品,是天氣太熱太濕了,清爽的感覺渴望時刻擁有!
我簡稱「活氧導入液 」,一揼足以給予多效護膚目的;含多種科研加天然複合元素,促進皮膚新陳代謝、注氧、活力及更生,還兼有活細胞功效,皮膚夠水分,就能減輕泛油問題

一般使用程序如下:
潔面>爽膚>導入液>精華>面霜
就是在潔膚後,塗任何護膚品前,以約2至3揼置於掌心塗於面上,是非常重要活顏步驟,令皮膚吸收力自然倍增。
除咗以上最普遍用法,我深知想皮膚質素提升,仲要諗計,以下同大家分享......
-

方法一:有效加強面膜吸收!

敷面膜前使用:
潔面後塗上「活氧導入液 」,好處係即時軟化及喚醒皮膚,加上有助肌膚排走毒素,之後再塗上或敷上保濕/美白面膜,有效令營養即刻加倍吸收。(註:不宜配合深層清潔面膜)
-

方法二:令底妝更貼服水潤!

上粉底時配合:
塗粉底前用「活氧導入液 」以微暖掌心按壓全面1分鐘,貫注細分子營養,令毛孔瞬間飽滿,皮膚水潤幼滑,再塗粉底自然效果更貼滑。
此外,可將一滴「活氧導入液 」
與粉底液混和,是微稠質感,增加柔滑水潤度,特別適合乾性及多幼紋皮膚,以撫平皮膚坑紋。

方法三:按摩急救殘樣!

每晩護膚程序持之以恆:
想遠離黃面婆、枯樹紋模樣,每晩潔膚及爽膚後,取大量「活氧導入液 」按摩面部和頸部2分鐘,加速血液循環,兼能增加細胞氧份,按後配合微微按壓和拍打動作,長期可改善暗啞疲倦的肌膚狀態,往後再塗精華和面霜加倍吸收養分。
-

使用後感:
我已持續使用了幾個月這支「活氧導入液 」,即使睡眠不足,最緊要皮膚氧氣充足,驅動肌底血液循環,就得到更新和修復,毛孔吸收力好,面色自然靚,皮膚亦健康,效果很好,故此我也有在最新著作分享啊!
其實,我最喜歡是上妝前狂拍上面,令蘋果肌透出亮麗、乾紋減少,大家不妨試試啊!
-

免費
希望
3貨裝
名額3位
留言寫出想試用「瑞士SUISSE PROGRAMME 活氧細胞生肌昇華露」原因。
就有機會免費獲贈貨裝產品---價值$ 732 / 130ml 

*貼士:留言不是長篇大論就會被選中,至梗要真心想試用啊!
截止日期7月29日晚上12時正