2013年5月31日星期五

預告 Shu Uemura 30周年限定著數!

上次寫了Shiseido 超筍購物優惠,先知大家咁like,好多人留言多謝我咁好嘅分享,有的更留言話我知即日睇blog,即晚去買添.......得得得,有筍嘢會繼續同大家分享!

今次購物優惠到Shu Uemura;
記住係6月9日開始;
是只限尖沙咀海港城FACES專櫃!

未講優惠,先容我講多兩句:
著數贈大家,是出師有名......
今年係Shu 30歲生日,全球店舖嚟個大番新---6個主題專區,各具特式:“shu atelier”、“shu live”、“shu best”、“shu lash”、“shu brow”及“shu skin”,俾張外貌相你哋過目先......

至於想深入了解每個專區玩咩美顏法寶,請自己親身去感受啦,6月9日就係最啱timing,因為開始有獨家優惠,記住全港只限尖沙咀海港城FACES Shu 專櫃!(售完即止)

我揀咗以下呢兩款優惠套裝推介大家,因為主打產品係好多人都追捧嘅---
皇牌卸妝油及泡沫底霜,我blog都分別曾經推介過㗎!
-
-
第一優惠:皇牌潔顏油套裝
價惠價$1,270      (總值$1,660)
慳咗$390
凡買任何兩支潔顏油450ml
即送---
櫻花細緻毛孔潔顏油50ml
紅萃能量活肌化妝水 50ml
紅萃能量活肌精華10ml
-
第二優惠:妝前泡沫底霜套裝
優惠價$690        (總值$880)
 慳咗$190
凡買任何兩支妝前泡沫底霜65g
即送---
櫻花細緻毛孔潔顏油50ml
深海溫泉乳液10ml
透薄蜜粉3.2g

*以上優惠由6月9日開始;
只限尖沙咀海港城FACES專櫃!
(以上是我認為最認得推介的著數,仲有其他優惠,敬請自行查詢)

2013年5月29日星期三

爭議性!妝前妝後「豬油膏」

人夾人,產品同樣!
我今日同大家分享的一件妝品是極具爭議性。
網上支持一方「狂讚超級好用」......
網上反方則「狂駡買咗後悔」......

是Benefit的Dr. feelgood 「柔絲打底霜」,
俗稱「豬油膏」$290

首先,坦言,我個人對benefit的化妝品係有偏好,愛品牌DNA洋溢「不拘小節夠佻皮」,好多產品用咗令妝容立即化腐朽為神奇,但大前提是唔識得用就有反效果,不美甚至變醜!

就以呢盒Dr. feelgood 「柔絲打底霜」為例,原意是上粉底前塗抹,令皮膚在較好狀態才上妝---是滑溜肌膚、撫平幼紋、平滑毛孔,簡言之是可修飾粗糙肌膚。
但不知何解,被曲解成「毛孔隱形膏」、「控油隔離霜」,若然放大這兩個期望就自不然會對它大失所望,毛孔是平滑了,但沒隱藏;油脂是少了點,但非受控。

用上這「柔絲打底霜」皮膚是平滑了,get ready上妝,肌膚與粉底貼合度更好,妝效也就自然keep得更持久,最重要是用上一整日,卸妝後檢視毛孔沒有誘使粉刺跡象。
點解俗稱「豬油膏」?因為質感囉,haha, 我覺得似鞋油添,是油潤偏硬膏狀,無色透薄質感,微香味。
其成份天然,加入維他命C及E,健膚修護目的;此外,添加植物油保濕滋潤度高。

大家記住,要用附送的海棉按壓皮膚比用手指塗抹效果更好,因為這海棉密度夠高,塗抹上來容易均勻貼膚,秘訣是擦上薄薄一層,形成皮膚保護膜般便足夠,塗得太厚反而容易有浮粉情况。

請細心看!塗了「柔絲打底霜」後才上粉底,與沒塗就直接上粉底的差別。
妝效細緻好多,皮膚看來滑滑的。

「柔絲打底霜」而接著上粉底也有秘訣,手指會發覺跣粉,必須用三角棉按壓,妝效就會stick住皮膚般貼服。

視乎皮膚所須,「柔絲打底霜」.....我會只用於鼻及下巴位,令皮膚更柔滑才上妝。
如果認為自己整體皮膚也不夠細緻,則可全面使用。
除妝前使用外,補妝時亦可按壓少量,才再上two way cake,會更柔滑細膩。

2013年5月28日星期二

「收油」心水產品 vol.1

上星期blog講「滅瘡」呢個話題,估唔到咁多人有興趣,好多人在網誌及Facebook Page留言問我產品推介!

「滅瘡」以外,仲有另一話題肯定啱大家睇.....我預備公開兩件心水「收油」產品相信喺而家超熱超濕天氣大派用場啊!
除咗重點「收油」仲可以附帶「收毛孔」,係咪好吸引呢!

第一件是「茶樹T zone精華」
茶樹具天然抗菌消炎效能相信好多人都知,美容品牌中強推呢系列是The Body Shop,求學中受暗瘡困擾的基本上都會打佢主意,全因價錢實惠及有口碑!當年,我第一款含茶樹滅瘡產品都係買佢


呢支叫做「茶樹毛孔細緻精華」,但我唔會期望搽咗佢毛孔就可以縮少,而是有信心能抗菌助暢通毛孔,從而減少粉刺黑頭,而使用後最即時感覺到是一陣涼意,和一陣強烈茶樹味道,然後看到油光被隱藏,鼻子毛孔視覺上會細緻了,大半日也能控制油光,混合性皮膚如我者恩物呀!($189/30ml)
每日妝前用最啱feel,可以減少出油,減少溶妝,至緊要抗菌撃狙粉刺!使用方法是抺爽膚水後,在鼻及下巴位用上這「茶樹毛孔細緻精華」,面及額位我會用保濕精華,才再整體覆蓋面霜,繼而化妝塗底霜>粉底.......搽咗佢,真係面油紙都可以用少咗!

質地:是透明狀,一抹上皮膚即吸收。
-
油光減少。
-
究竟產品係咩原理?
1)主打成分是茶樹油,來自肯亞有機種植農場;有效擊退暗瘡細菌,是天然滅瘡方案,雖比不上靠AHA、BHA酸性成分快見效,卻是不傷皮膚的溫和之選。
2)礦物粉末將油份包裹,阻隔皮膚接觸,保持清爽狀態,皮膚呈啞緻毛孔就會看來細小一點。
3)阿爾卑斯草本植物萃取,是有收斂毛孔之效,當然這是長期使用的終極理想;計我話,要確切達致收毛孔目標,還是靠儀器如Ematrix、Fraxel、微針、peeling 等治療吧!

2013年5月27日星期一

整了,是否一定變靚?

女為悅己者容,有邊個唔想自己可以比現在更靚?
對於美的標準,每人定義不同,你總不可能獲得所有人的歡心,正如世界上總有人覺得劉德華好樣衰、苟云慧一點也不美。
我自己則認為美需要忠於自己,唔通要好似韓國選美般,21位參賽者,21張相同的面孔,一個獲得冠軍等於大家都是冠軍才算精彩完美?
當然,包裝一定用糖衣,但我根本裏最想知,整了是否一定變靚?可惜一直欠缺客觀數據及陳述,到底整了是否成個人變得充滿自信?還是十分懊悔?變前靚,定係變後靚?還是變到人人都唔認得自己,一個人當自己全新面世,拋棄過去,重新開始?
終於,又係《康熙來了》解答了我的疑問,一個人工美女選美賽,揭示整容對女性的影響。雖然有人整完比未整更唔靚,但人工美女們都是喜歡後天的自己多於先天,但我更喜歡她們真實分享前後轉變的點滴,加上台灣節目參加者一向的敢言,如果你正有整容打算,不如先睇呢一連兩集的康熙來了,再反思,後決定。



——-

2013年5月24日星期五

救瘡行動

昨天兩場Ya-Man的分享會過後,如常有參與者的單對單答問環節,其中一位女生問我:「T字頭部機,去印係咪好得呀?」對於這類型問題,答案並不是「係」或「唔係」,而是從整個皮膚狀況去分析。

假如上天保證她不會再有痘痘,T字頭部機只負責她面上僅有的暗瘡印,答案當然是得! 可惜,我見她面上還有新起的暗瘡,正是一波未平一波又起,舊印未清,新印再現,T字頭部機,並非她目前最需要的產品。
基本上,她是明顯的油性肌膚,暗瘡的主因就是因為面油分泌旺盛,加上空氣污穢,助長暗瘡菌而引起的。 從根本性問題出發,就是要解決面部水油平衡。油性皮膚加上肌膚底層缺水,會令油脂腺繼續分泌大量油脂,以滋潤表皮層,結果油上加油。所以油性皮膚人士本身就要好好注意水油平衡。

所以我給她的基本建議是:
第一,轉用潔面梘或潔面Gel,清爽肌膚及去除多餘油脂;
第二,爽膚水要選有抗菌成份的,減少暗瘡菌滋生,例如含有茶樹、甲殼素或蜂膠; 
  第三,要定期處理角質層,因油性肌膚人士特別容易有毛孔閉塞的情況,亦會導致毛孔粗大,所以要每星期做一次磨砂;如果皮膚較薄的人,可改用敷peeling mask,兩者都是用來暢通毛孔,減低暗瘡形成機會; 
  第四,面霜要選保水成份重的,宜含小量天然植物油成份,切忌含有礦物油。因為注水後,要靠這些天然植物油做到鎖水效果。 

  礙於時間所限,沒有跟她說的,還有以下兩點小建議:

1. 必需經常敷補水面膜;
2. 避免煎炸及油份重的食物。 這些老生常談的事,必需要做足。還有更多需要注意的事,日後有機會再談。
呢支萬能蜂膠液是天然滅瘡能手,不單單外塗,食入口都得添!(這個下星期一MORE專欄有講解)

至於我自己,屬混合型肌膚,最怕就是空氣污穢及水質不潔,偏偏上海有齊上述因素,去四日爆四粒大瘡,每日一粒,多留幾天便不敢想像。所以我回港後就要深層潔淨肌膚,讓皮膚毛孔暢通,減低再爆瘡的機會,就是靠甲殼素水抗菌及萬能蜂膠液滅瘡(這個下星期一MORE專欄有講解);今天會去美容院做Jet Peel儀器幫塊面大洗呀!

所以,讀者經常電郵或留言問我某一樣產品是否適合使用時,對我來說往往是一條難題,明未?
---
http://yokotsang.blogspot.com

2013年5月17日星期五

立即報名! Yoko x YA-MAN「瘦面纖體美容科技工作坊 」

每次品牌與我crossover的護膚分享會都令我好頭痕,因為報名人數每每超過場地可容納人數,而大家嘅留言又十分極之誠懇,真係好難挑選! 
當然這是開心的頭痕事,希望繼續得到大家的踴躍支持啊! 

嚟緊下星期又有分享會,好開心....可以再次同大家見面喇! 
今次係處女下海,不是分享特式護膚品也不是心水化妝品,而是潮興家用美容儀器啊! 

邊個品牌? 
是日本著名家用美容儀器品牌YA-MAN,大家有無留意佢哋巴士車身嘅廣告呢?
 
-

YA-MAN 是日本第一美容小電器,  擁有過百種專利技術 ,美顏效果仲相當吸引添: 
 想皮膚油脂污垢離大家而去的有; 
想皮膚深層濕潤無乾紋的有; 
推走麵包超人痩面的亦有; 
轆走肥美雙下巴的又有; 
溶走脂肪bye bye車呔腰豪華臀都有...... 

今次由我blog recruit 的人數真係太稀有,因為部份要留位予品牌的VIP啊!物以罕為貴,一日兩場,每埸我讀者15人。 

未講報名方法,先簡介一下當日內容俾大家知--- 
分享會主題: 
「瘦面纖體美容科技工作坊 」 

 內容: 
我屆時會爆俾大家知 ,YA-MAN 邊幾部家用儀器真係堅work,令我即使成日化妝都keep到皮膚乾乾淨淨,仲夠保濕添! 
敷Mask有咩法寶可以媲美salon級效果?
仲有食極都無肚腩的其一原因,就係好在有佢喺屋企幫手..... 
透露咁多先,總之係我Blog同專欄都未曾分享過嘅---美肌瘦身秘密嚟㗎! 

參加者除咗可以即場體驗各款YA-MAN 美容儀器之外,仲有美點及飲品免費供應,當然唔少得welcome gift送俾大家啦! 
可以增進美肌知識又好玩,男女歡迎,你哋不容錯過呀! 

日期:2013 年 5 月 23 日(星期四) 
時間:下午 1:00 – 2:00 或 晚上 6:30 – 7:30 (兩埸) 
地點:金鐘廊 LAB Concept Facesss 美學教室 

***報名方法 
敬請在這文章留言:
「你想參加Yoko x YA-MAN工作坊原因!最緊要寫明想參加1:00 或是6:30嗰埸呀!」 

截止報名日期:5月21日中午12時正。
***獲邀參加者,將於5月21日收到由YA-MAN官方發出之電郵通知
————————————————————————————————-
本週《MORE》專欄精采內容:
率先睇 全球嶄新瘦面提升技術
人人夢寐瘦面提升,究竟有甚麼最強科研儀器?今回確實震撼,率先向大家披露,機界名牌有嶄新機頭登場,就是定於今期專欄面世之日(145)於香港正式推出,我有幸在正式面世前成為率先體驗者,立即掌握第一手資料如實與讀者分享。請留意今期《MORE》雜誌內我的專欄

2013年5月16日星期四

「中國美容博覽會」預告出發

就算有幾忙,有些活動一定要騰出時間出席,就算要離開香港,都不容錯過!

上年我已經去過上海的「中國美容博覽會」,雖不及香港的Cosmoprof Asia宏觀,但過癮小物非常之多,滿足晒我的好奇心。


所以今年的「中國美容博覽會」,我決定再赴上海,今個星期日出發,睇展之餘,梗要一嚐正宗上海菜!
返國內,Facebook上不了、Google及YouTube都看不到,連我每日都愛看的蘋果日報網都連不上,晚上真的可一心一意繼續寫著作,為書展作最後衝刺囉!
大家想知道我在上海的見聞,下星期唯有睇實我的微博啦!http://weibo.com/yokot



噚晚,本來想買一張中國聯通的「跨境王」,有齊中國及香港手機號碼,只要將我原來的號碼飛線落跨境王的香港手機號碼,哈哈......我就可以和朋友或工作夥伴'平價'保持聯繫,在中國境內接聽電話只需$0.5/分鐘,而呢張跨境王只售$120(內有$66儲值),仲有數據服務,在上海流動上網都可以,香港各大便利店有售添,係咪聽見都心動呢?
點知,原來勁搶手......屋企附近間間便利店都話賣晒,最終只搵到一張,讓了給朋友!!

「中國美容博覽會」就在下星期一至三上海舉行,熱切期待有咩新美容資訊和肯定又有搞笑出位事,必定同大家滙報!

預告:明天blog文有好嘢參加,密切留意喇!

————————————————————————————————-
本週《MORE》專欄精采內容:
率先睇 全球嶄新瘦面提升技術
人人夢寐瘦面提升,究竟有甚麼最強科研儀器?今回確實震撼,率先向大家披露,機界名牌有嶄新機頭登場,就是定於今期專欄面世之日(145)於香港正式推出,我有幸在正式面世前成為率先體驗者,立即掌握第一手資料如實與讀者分享。請留意今期《MORE》雜誌內我的專欄

2013年5月13日星期一

率先睇 全球嶄新瘦面提升技術「預告篇」

今日呢篇blog文是精采預告,敬請大家買本今日(13/5)出版的<東方新地more>,睇咗我嘅專欄,就會知道有咩美容獨家料爆!

大題是:
率先睇 全球嶄新瘦面提升技術
呢張相係上星期我在Facebook page同大家預告的......
塗麻藥等待中!局部治療體驗最新超强科技!
Haha,好在眼妝可以保留,陣間有飯局嘛!
結果引來大家好奇:
好心急!什么來的......... T_T
要用到麻藥..O_O
 i want to know the details?^^
抽走面部多餘脂肪? (手術.....我唔會敢做呢!)
你個面咁瘦重要瘦面?? (所以我咪揀面脹嗰边做測試囉!)
---
人人夢寐瘦面提升,究竟有甚麼最強科研儀器技術?

 我會評為療效非常顯著,人生必做療程啊!

 今期專欄內容確實震撼,全港由我率先披露,更有幸在該技術正式面世前被邀成為率先體驗者,當然立即掌握第一手資料如實與讀者分享。

此外,超嶄新的醫美界「明日之星」,我稱之為「合併瘦面療法」,究竟係乜嘢?
兩者結合,輪廓提升緊緻瘦面,3D標緻形態做出最靚面型,效果仲可last成兩年?!

相信大家好想知......「合併瘦面療法」在那醫美診所?精明價格?

 以上種種,請大家先買本<東地more>,明天我會在網誌再作解構啊!
敬請待續......
————————————————————————————————-
本週《MORE》專欄精采內容:
 率先睇 全球嶄新瘦面提升技術
 人人夢寐瘦面提升,究竟有甚麼最強科研儀器?今回確實震撼,率先向大家披露,機界名牌有嶄新機頭登場,就是定於今期專欄面世之日(145)於香港正式推出,我有幸在正式面世前成為率先體驗者,立即掌握第一手資料如實與讀者分享。請留意今期《MORE》雜誌內我的專欄

2013年5月10日星期五

神奇療效植物「排毒去水清潤 牛蒡特飲」

早前,我在Facebook page (香港美容專欄作家 Yoko Tsang預告教大家製作一款健康飲品,好多人立即答道:「好啊.....心急想知!」
好開心,證明好多志同道合之士,愈來愈愛吃得健康!

事不宜遲,立即分享:
呢個特飲是----
「排毒去水清潤 牛蒡特飲」

天氣潮濕,皮膚易出暗粒暗瘡,身體又疲累,有咩方法解救?
我會多飲呢個自家製「排毒去水清潤特飲」,煲一次可供5日療程,勁方便啊!


神奇療效保健食品!
今次主角是牛蒡,與人蔘媲美,有「東洋參」的美譽,是野生為主的草本植物,大家現在買得到的多是中國,及日本,當今被捧為營養和保健價值極佳的高檔蔬菜。
世界著名營養保健專家---艾爾.敏德爾博士在其所著的《抗衰老聖典》中這樣描述「牛蒡的根部受到全世界人的喜愛,它是一種可以幫助身體維持良好狀態的溫和營養葯草。牛蒡可每日食用而無任何副作用,且對體內各系統的平衡具有復原功能。全世界最長壽的民族,日本人常年食用牛蒡根部。」
牛蒡的營養價值:
牛蒡含有蛋白質、脂肪、粗纖維、鈣、鐡、胡蘿蔔素、維生素C等多種營養成分,能清熱解毒,消腫止痛,增強抵抗力,我視為平價養生妙品。
特飲中也加入薏仁,能增強腎功能,並有清熱利尿作用,女士們成日口口聲聲話自己水腫就最啱喇,可幫助排走多餘水分。
其餘材料如粟米、馬蹄等是清潤之療效。

坊間可以輕易買到的是即沖牛蒡茶,但我偏愛自己製作新鮮的,還可加入多種有療效的健康材料呢!

「排毒去水清潤 牛蒡特飲」
我在菜檔買到的牛蒡就係咁樣,haha.....似支枯枝,大家認住喇!

材料:
中國牛蒡一根(長度約是半把長傘般)(大部份賣蔬菜店舖有售)
紅蘿蔔一個
粟米一條
馬蹄十粒
生薏米一両
蜜棗八粒
---

製法:
牛蒡刮皮,洗亁淨後切開一片片
紅蘿蔔刨皮,洗乾淨後切開待用
粟米剝衣後,洗淨切開一段段
馬蹄頂底切走,洗淨拍碎(容易出味)
蜜棗及生薏米,洗淨待用


預備妥當後,全部材料一併加入凍水煲內,開大火煲滾,滾起轉中火,煲約一小時。
水分量是三樽1·25公升,煲至約剩餘一樽1.25公升。

放涼後,可入樽,冷藏在雪櫃,每次飮用時番至暖和便可。
每日1至2杯,足5日「排毒去水清潤」療程。

————————————————————————————————-
本週《MORE》專欄精采內容:
心水遮瑕法寶 vs 熊貓眼
有什麼皮膚問題極惡搞?答是黑眼圈,相信大家也沒有異議!
幸而還有眼部遮瑕妝法掩飾,但要找到一款prefect match確是超難,又要切合不同膚質(乾性油性等),又要配合色素問題(是青是紫是灰),至怕塗後眼紋曝現,甚至變灰白眼圈!
能夠罕有成為心水推介當然有突圍優勝之處,請留意今期《MORE》雜誌內我的專欄