2013年4月30日星期二

「Yoko x 拉斐特 」指導新娘美顏篇 vol 2

大家記得呢個裝飾得咁靚靚又浪漫嘅櫃嘛?


上個月首度登埸,係放置我定期精心挑選的特式護膚及化妝產品,
就在全港最大一站式婚宴專家---'Lafayette Wedding拉斐特' 的婚紗新娘化妝房間,讓新人免費享用。

專登在這網誌分享,當然也適合每日到此一遊的讀者啦!

好喇,立即入正題!
第二件進駐「鎮店之寶」是:
Shu Uemura TSUYA 光感新肌精華 $55030ml
這是品牌熱賣產品,經常斷市,高舉七天提升肌膚六大成效,包括毛孔細緻、皮膚光滑、彈性增加、粗糙改善等。

呢支產品用法好特別!大家別被「精華」兩個字眼所誤導,它並不是一般精華素來的......

首先,於用法而言,是潔淨面部後,接著輕抹爽膚水作為double cleansing,接著是塗上這「光感新肌精華」,才到精華素,最後以面霜作結封鎖養分。
白色乳液狀,很水潤透薄,非常柔滑適合配合按摩動作,可以即時軟化皮膚。
此妙品就是日本美容界近年間鼓吹的導入液。

大家可知這步驟很緊要啊!很多日本女士也有塗導入液的好習慣,是保持皮膚年輕的武器,把握爽膚後皮膚最收吸之時,先喚醒肌膚細胞,好讓往後護膚品成效加倍。

綜合眾多產品,我偏愛shu uemura 上年推出的「光感新肌精華」,快見成效而且多功能,它能幫助打開皮膚細胞壁,試幻想等同打開管道的蓋子,就可以輸送物品入內;並以活躍皮膚細胞複合物,叫醒底層細胞馬不停蹄作更生工作,即是有助吸收往後產品營養同時間針對肌底修護,能鞏固皮下層肌膚細胞健康,令表皮散發通透亮麗感。
唔講咁多,你哋自己睇吓我搽咗之後,皮膚表現啦......
這精華是在爽膚水前先用作全面'switch on',塗抹後皮膚即時感覺很柔軟,粗糙減褪,蘋果肌散發亮澤效果,特別適合妝前作一分鐘按摩,以減褪乾紋,令妝效更貼服;長期使用更是維持皮膚健康狀態的基礎啊!

————————————————————————————————-
本週《MORE》專欄精采內容:
攻日搜刮新發亮美容<妝品篇>
想睇東京購物最新資訊,除了我的blog,仲有我的專欄介紹。今次我想講,日本的睫毛真係頂呱呱,好過韓國同台灣的不知幾多倍!想知有幾好同去日本邊度買得到?請留意今期《MORE》雜誌內我的專欄

2013年4月29日星期一

東京食買玩攻略2013(一)

日本真是百去不厭的潮流聖地,何況Yen平,最近身邊不少朋友都爭相話去日本,搞到我都心郁,書展之後,完成手頭上最重要的工作後,會認真計劃一下再闖東京!
之但係,最多讀者朋友的問題,都係去日本有乜好做,其實自己久別東京三年,剛過去的這一次日本之旅,真的冇點計劃過,連買旅遊書都冇,所有地方都係即興就去,見乜食乜、見乜買乜,plan?好在身邊人係日本通,我先咁放心咋!

首先講食,我很喜歡新宿的百貨公司,近期必行的就係位於新宿JR車站內的Lumine EST,最潮的店都在這裏。通常我和老公會兵分兩路,佢行新宿Isetan Men館,我行Lumine EST,再加對walkie talkie,約定個時間會合,再加walkie互通位置,再見面都不知幾咁易。有時我自己會找間食店坐低等佢,所以Lumine EST地庫B2的下午茶店HARBS就係shopping後最佳集合店!
這裏的士多啤梨蛋糕,只可用怪你過份美麗來形容。
所以條人龍都誇張得好犀利,今次時間太趕,等唔切,唔食咯,不過可以介紹給大家認識一下,下午茶都係浪漫,只要你肯等。
食唔到士多啤梨蛋糕,不如試下窩夫,就在新宿車站南口出口處,就有一間Mr Waffle,又係排晒長龍。我對日本的人龍店情有獨飪,有人龍就代表受歡迎,是鐵一般的定律!
行埋去一睇,真係口水都流埋,有原味、朱古力味、杏仁味、蘋果味,加上香噴噴的窩夫味,用個鼻聞一聞都知道所在地!
我自己就揀了原味同朱古力味,以朱古力味略勝一籌。不過,買的時候要留意,因為以外賣店形式經營,當你手指指話佢店員知你想要邊款同幾多之後,佢又會用一大揪日文問番你轉頭,點算?其實佢一定係問你,宜家食?定係帶走返屋企食?宜家食,佢就會俾你新鮮出爐熱辣辣窩夫,返屋企就會俾凍了的等你返屋企翻熱。我們遊客當然揀即食,你只要答店員「Ima Taberu」(音:衣麻他啤lu,解作立即食),新鮮出爐窩夫等住你!
買方面,新宿的店鋪都係日本連鎖式經營的品牌,所以我不特別介紹給大家,反正靚,但不便宜,只要根據自己的個人口味選擇就可以啦。所以要搵特別東西,一定要去原宿。搭JR去到原宿站,記得搵竹下口,一出就係竹下通,沿竹下通直落,兩旁小店多不勝數,一定滿足到你的發掘心理。
落到最底,有條大馬路,過對埋馬路,行入條小路,就到達大名鼎鼎的裏原宿,以前屬於日本潮流發源地,今日都係,不過已經由寧靜小區變成特旺遊客區,小店林立。今次令我大手購物的店,係一間帽子屋Polcodot:
簡單咁講,店內的帽款,在香港真係搵唔到,顏色、型狀都非常特別,不要睇下圖中三款好似好平常,全部都係特別剪裁,不規則帽型。我最欣賞店員的認真配襯態度,當你見到頂帽,唔知點戴同點襯,記得問店員,佢地會好認真咁幫你襯,又教埋你點戴,雖然你唔識日文佢又唔識中文,但身體語言做配襯,大家一定可以互通!

 仲有,在日本購物,記得用銀聯,去丸井系百貨0101,全店會有九五折優惠,仲有得退稅,變相全店購物九折,在非減價季節去日本,九折真係好抵。

行足成日,食埋晚飯,又點會就咁返酒店?香港人通常去遊戲機中心打下機夾下公仔,又酒店同夜店,冇日本人帶路又唔識點去,咁就不如去日本宜家非常流行的飛鏢酒吧,有飛鏢有桌球,嘗試過一晚日本人的晚間娛樂,氣氛不錯的。我介紹這間位於涉谷道玄坂Uniqlo店樓上的BAGUS!(就在109左手邊斜路直上就係啦)
 我冇認真咁數,但全場一定有超過40部電子飛鏢機,每局¥100,比香港五蚊一局貴些少,但一場來到,唔好咁計較啦。收費方面,玩飛鏢要¥400/小時,包一張台,另每一必須叫一杯飲品,有酒精亦有非酒精飲品。就算你唔鍾意玩,當你見到身邊的男男女女都非常投入(日本人玩起上來真係好投入),我相信係可以感染到你的。唯一我覺得可惜的,係場內可以盡情吸煙,我自己就唔係幾慣,唯有揀張角落冇咁多人的台坐下啦。
 BAGUS店內有間飛鏢用品店,如果你咁橋又係飛鏢愛好者,咁就唔好錯過購物的機會,平過香港買之餘,仲有好多日本別注特別版配件。
地址: 日本〒150-0043 東京都渋谷区道玄坂2丁目29−5
電話:+81 3-3463-6669


————————————————————————————————-
本週《MORE》專欄精采內容:
攻日搜刮新發亮美容<妝品篇>
想睇東京購物最新資訊,除了我的blog,仲有我的專欄介紹。今次我想講,日本的睫毛真係頂呱呱,好過韓國同台灣的不知幾多倍!想知有幾好同去日本邊度買得到?請留意今期《MORE》雜誌內我的專欄

2013年4月26日星期五

My 'Hunter' 膠靴 = Style Icon

大家記唔記得,兩三年前膠水靴突然氣勢如洪,波點、橫間、印花、黑白彩色、長短筒應有盡有,大前題係平價,大多二百至五百,最近我在日本見過HK $128添,仲係扮Burberry格紋,之不過要忍受料奇差,仲真係會著臭腳囉,呵呵!

而我,從來都無買過以上所講劣質膠鞋,因為愛惜自己對腳嘅健康!

膠鞋,給予我最大信心係有百五年歷史的'Hunter',品牌位高權重,既是英國皇室御用品牌,更是每位英國人都渴望擁有的呢!

無啦啦,點解講心儀膠靴?
事緣,噚日我被邀請去九龍塘又一城,為咗 Hunter 'Pop up Store'.....搭咗40分鐘車,因為鍾意品牌,所以樂於捧場......
是開咗一星期左右,7月就完了,想睇新款要快手!
-
門口有隻金靴,人咁高,梗係影相位啦!
-
今季最fancy款,我會推介蛇紋圖案呀!$1,880
-
鍾意pop color的,一定大愛最新、桃紅等等。
-
仲有人字拖添,最平入門之選,盛惠五百多元!

Hunter = Style Icon
名人效應一籮籮,大家又知唔知係由邊個掀起熱潮的呢?
答案是英國Fashion Icon名模Kate Moss,她每年去Glastonbury 大型音樂會都係背心熱褲腳踏Hunter Original Black Wellingtons,被傳媒拍得到講得多,呢對靴被捧到上天,平民搶、名人都追隨......
Kate Moss
Sarah Jessica Parker
-
Hunter與型格掛鈎,我梗要有一對啦!
千選萬選,我唔要Original款,就係因為個個外國明星都著,42吋長腿...... haha .....無謂比下去;我擁有的是縛繩軍靴款式,全黑版本,型格又易襯。
-
短褲 X Hunter
彷彿成為潮流指定dress code!
唔一定係傾盤大雨至俾佢出場,陽光天晴、去行商埸都可以型格伴隨!
--

最緊要著得我安心又舒適!
看......膠軟到可以用手屈曲啊!
Hunter橡膠是天然植物,富有彈性,唔會硬掘掘,小腿皮膚無投訴;更是可呼吸性物料,唔會焗到標汗啊!
質料好,加上人手裝合細節位做得好,防水度高適水不入;著咗Hunter,我見到水氹唔使避,衝埋去都仲得吖!可惜香港少泥氹,否則好似Kate Moss姐咁,著到對靴包晒泥濘,都不知幾型,haha!

當然唔係靜雞雞偷鞋啦!
Show俾大家知,我有咗呢對咁輕巧flat shoes就可以塞入手袋,
著高踭鞋行到痛隨時可以移形換影啦!(約1磅重咋)
————————————————————————————————-
本週《MORE》專欄精采內容:
攻日搜刮 新發亮美容品<護膚篇>
我近日遊日本,時值日圓大跌,可實踐精明消費攻略!搜刮了眾多新發亮的美容產品及資訊,會一連兩期與大家分享!
遊日必逛推介美容店舖是什麼?
詳情請留意今期《MORE》雜誌內我的專欄

2013年4月25日星期四

趁Yen跌,再去日本買Rolex!

2010年的時候,我寫過這篇blog:經濟有危就有機……歐洲買袋、日本買錶!

後來,日圓急升,直闖十算,這三年,我都少去日本。
早兩個星期去日本旅行,除了是過結婚週年紀念,我的另一個最大目的,就係買錶!目的地直指東京中野!
呢三年日圓的高企,日本人用Yen買其他外國商品,真係抵到爛,點知日圓戲劇性地一個月地回落兩成,打個八折,日本人用舊Yen價買入的貴價手錶,現在被我們用平Yen買入,中間的差價就係我們的抵買空間!
而今次的入手目標,就係Rolex Daytona 116515LN Rose Gold Cerachrom。玫瑰金錶殼,比黃金更華麗脫俗,黑色的錶圈是Rolex獨家專利發明的Cerechrom,將搪瓷混入鋼的特殊塑材,絕不刮花的錶圈,是2011年的最新Daytona款。2012年的注目Daytona,是定價七十多萬的Rainbow Daytona,是我不知何年何月才有望買得起的款式,黃偉文便買了。

香港行貨定價:$214,600(嘩,天一樣的定價,這個價錢我真的捨不得買!)
從圖片中,相信大家都看到一個歐洲定價,這是日本買手從德國入口的全新錶,定價€23,250。我相信退稅後,加上當時的高價Yen,應該比這個價錢平很多。
點解?因為我的入手價格是¥1,847,476(已退稅,原價你們自己計吧,我都忘了。你看,我4月6日晚上六點抵達東京,4月7日早上已經去買錶,多心急^_^)

我在4月5日兌Yen,現鈔價匯率是8.04(現在是7.84.....嗚嗚嗚)
所以,我的港幣購入價是HK$148,537.07,比香港定價$214,600,平了$66,000!
這個,不是真的平了的價錢,在香港,買同一隻錶,一樣有手錶商人從外地引入,售價是多少呢?我去尖沙咀的水貨鐘錶商影張相俾你睇:

就是$175,800,如果你用現金買,店主通常會再給你額外平些少,$168,000左右吧!亦即係話,在日本買116515LN,平多$20,000左右喔!
咁你話,現時去日本買錶,係咪平過香港先?
不過,亦非所有錶款都比香港平,例如大家公認的鋼帶黑面Daytona 116520,在日本買同香港買差不多,約$93,000左右,而且,我已經留意到,手錶價格隨住日圓跌勢慢慢調升,例子就係Daytona,月初我尚在日本時,價格是¥1,198,000,現時已經加到¥1,268,000,估計愈跌愈加,所以必需趁手買入一些買手們在貴Yen時買入的舊貨,新入貨品自然要用多些Yen買,定價也自然提升。
我的抵買推介,同三年前一樣,係Rolex Deep Sea 116660,香港公價$82,500,公折5%,折實$78,375。日本定價¥908,000,退稅後¥864,761,即HK$67,797,聽聞香港的水貨價約$73,000,亦即係平了六千多,賺番日本五日四夜機票酒店錢,唔錯呀!

但,你又會話我,買錶很奢侈呀,浪費金錢,又浮誇虛榮。其實,在我心目中,買對的手錶,除了有永恆的紀念價值,可以當傳家之寶,更有一定保值能力。只要參考我2010年的文章,即上文的連結,同一隻Deep Sea,當時肯買,只需$53,401,三年後要$67,797,貴了20多個%,自己在二手市場放售,賣出價會比當年買入價稍高,當然不是獲得巨利,但賺戴三年,放手還有數百微利,我看不到有甚麼其他消費品可以做得到,Chanel、Hermes袋都做不到。

看到這裏,你們一定有好多問題問我,我預定了一些你們想知的,寫下給你們參考,再有其他,再留言吧。

問題一:Rolex不是世界性保養的嗎,為何會分行貨水貨?
正解:對,Rolex是世界性保養,不存在地域性,保證咭上的編號,只是區域代號,例如888代表香港,100代表德國。在香港指定的代理店買入,當然是888編號。假如你的手錶需要維修,拿去香港的Rolex維修部(位於中環渣甸中心14樓)無論是甚麼編號,只要是真錶,以及並非賊臟,他們都會維修,只是在香港維修部進行的話,並非888編號的勞力士錶,他們需向出售國家查詢該錶的身世,證明清白才進行維修檢查,所以同樣入廠維修,888行貨錶會比非行貨錶更快出廠而已。

問題二:點解要特登去日本買Rolex?
正解:平之外,其實,日本好多買手,除了去歐洲買貨,香港都係另一個重要入貨地點,因為去香港的旅費平過歐洲好多,入貨成本也自己較低。日本人在日本買正規日本Rolex商品,售價也比其他地區的Rolex貴,所以888編號Rolex在日本是水貨,但香港人買回香港,就變番做行貨,世界真細少少少,我在中野就見到不少全新的Rolex Deep Sea,都是888編號,出自香港某間「方向錶行」,即係用$67,797買到行貨Deep Sea,抵到爛,建議去日本買錶,可以多行幾間錶店,搵到888先買。

問題三:日本買錶信得過嗎?
正解:日本人做生意,比中國人老實一萬倍,不論新錶定二手,買到假貨的機會係零,即管放心購買。

問題四:碌咭定俾現金?
正解:有些店鋪碌咭毋須手續費,有些要加3%,事前要問清楚。另外要留意自己張信用咭在海外簽賬時有否額外手續費。我一向俾cash,唔清楚邊張信用咭在海外消費較便宜。

問題五:去日本邊度買最抵?
正解:中野,我幫襯開Jackroad,碌咭免手續費,網址係:www.jackroad.co.jp。地址同點去,爬番上去的連結中有教。


My Dream Watch........Rainbow Daytona,在日本試過上手,一試難忘,¥8,880,000,真係好意頭!


————————————————————————————————-
本週《MORE》專欄精采內容:
攻日搜刮 新發亮美容品<護膚篇>
我近日遊日本,時值日圓大跌,可實踐精明消費攻略!搜刮了眾多新發亮的美容產品及資訊,會一連兩期與大家分享!
遊日必逛推介美容店舖是什麼?
詳情請留意今期《MORE》雜誌內我的專欄

2013年4月23日星期二

勁潤美白家用療程

有咩美白產品真係可以美白?
有咩美白產品好用?
有咩美白產品唔乾?

成日俾人咁樣問法,你哋知唔知好難答!
我熱愛美白,基本上各品牌有新品出,我都勁心急試用,可以話市面上六成親自用過,可以輕易說得出比較。
卻其實最大關鍵係咩皮膚類型,要配合不同美白成分產品;所以一款美品產品絕對不代表適合全部人!

今日試用報告,清晰明言:
適合肌膚類別---
乾燥+暗啞

最近十日,晚刻我塊面俾晒一款最新美白產品,是Step1+Step2療程來的,是要連續用足兩星期,盛惠$880!
呢個數目
以$62.8一晩搽幾搽來算,梗係貴!
換個角度,$880又只夠一次優質facial,相對又唔係好大花費喎!

是 H2O+水漾高效亮白晩間活膚療程 $880/24盒(14天組合)

呢張相係 Bubebu 引證我已經完成10日療程喇!

【仲有4套(Step 1+Step 2)是專誠留俾大家試用,睇埋落去文章最尾就知點樣可以獲贈啊!】
---
點解使用時,每次要先搽 Step 1+再搽Step 2?
因為「先保濕,後美白!」
皮膚底層要有足夠水分,才可以將美白成分帶入,否則只會浮面,塗什麼也枉然。

我會推介俾什麼人?
自問皮膚極級乾,又想膚色冇咁暗啞,就啱用喇!由植物及海洋精華提煉的護膚油分較重,質感是比較滋潤的。

Step 1:
全力補水、抗氧化,喚醒細胞、飽滿皮膚,打好皮膚健康基礎。
是純天然萃取,海洋成分及紅皮藻精華。
白色乳液狀,質感似lotion ,很潤,分量頗多,剩下足以夠全頸用。
---

Step 2:
重點視覺美肌,為皮膚美白去黃、活膚透亮。
是穩定維他命C、海帶結成分及苦參根精華。


Step 1+ Step 2面霜後......
皮膚即時超潤澤,甚至有黏立感覺,我每次各用半盒已足夠,否則泛油光,其餘會分給頸部和手背共用,咁就唔會兩截色啦!

---
禮!

仲有4套,我是專誠留俾大家試用的啊!
共4Step 1+Step 2合(套)
文章
便期4月26

————————————————————————————————-

本週《MORE》專欄精采內容:
攻日搜刮 新發亮美容品<護膚篇>
我近日遊日本,時值日圓大跌,可實踐精明消費攻略!搜刮了眾多新發亮的美容產品及資訊,會一連兩期與大家分享!
遊日必逛推介美容店舖是什麼?
詳情請留意今期《MORE》雜誌內我的專欄