2013年3月26日星期二

無菌空間護膚法 AirFree(下)之 空氣全新機

上次講過,家裏添置了這台小家電:

無菌空間護膚法 AirFree


好多我身邊的好友及讀者都不停向我發問關係呢部機係咪真係咁神奇,我當然要保持住過往作風,試過先話你知掂唔掂啦!

結果,我喜愛到極點!由於 AirFree 的原理並非空氣清新機,硬要用這個方法去形容AirFree,我覺得抹殺了它的真正功能---將室內空氣的99%細菌殺死!思前想後,我發覺這個我自創的名字非常適合,如果這品牌的香港或其他華文地區代理用了這個名字,我一定會對方給我版權及創作費,因為我會叫它做 「空氣全新機」!
開機後,機頂會發出藍光。不過我就唔係幾欣賞呢個設計,夜晚熄晒燈後,全屋得佢一部機著藍光,氣氛有點...........不過好似冇得熄掉藍光。如果有人知點樣可以熄掉藍光,麻煩留言教我。

如果想重溫它的功能,你可以click入上述的連結結;想知我的用後感,就請睇埋落去。
首先我屋企養了兩隻愛貓,雖然都是短毛,但難免都會成屋貓毛,有養貓狗的人就會明白這些痛苦,不單衣物沾滿寵物的毛,牆角或其他暗角所堆積的毛球,最易惹細菌污垢,所以有些寵物主人家中新添家庭成員時,為了嬰孩著想,都會選擇棄養寵物!(利申:我自己將來有小孩都不會這樣做!)我自己就唯有著緊一點勤清潔家居啦!
其實我相信自己的鼻敏感,很大程度就是因為我的愛寵所導致,不過用了「空氣全新機」之後,我每天起床的鼻敏感,居然減少了發作(除了最近濕度過高,又有一點點回來了),是我對空氣全新機的最大欣慰。

本來,這個星期的超高濕度,我已經24小時長開抽濕機,首先要令室內乾爽,不過,浴巾、毛巾、出街回來後的衣物,除非你有幾部抽濕機,否則都會有一朕異味,係因為抽濕不足,細菌與潮濕空氣所結下的霉菌味。但自從用了空氣全新機配合抽濕機,居然連呢朕霉味都冇埋,係幾咁不可思議的事!
屋企冇細菌有乜好處?官方話可以從他們進行的「士多啤梨測試」搵到答案。原來生果會變壞,係因為接觸到空氣中的細菌而變壞。如果就咁將士多啤梨放在冇AirFree的房間(左)同有AirFree的房間(右),一星期後,兩粒士多啤梨的分別就係上圖咁樣,證明空氣冇細菌,真係唔易令生果腐爛!對皮膚,特別係濕疹人士,無菌空間真係護膚的最好辦法!

我媽咪來我家時看到它,只淡淡說了句:「你又買多件垃圾返來?」現在我決家要多買一部給她和我奶奶呢!因為她們的家都養了貓,這樣改善她們家的空氣質素,我實在覺得自己也太孝順啦!

不過,上星期發生了一件小意外,我和Bubebu在家玩伏匿匿時,過度興奮的Bubebu將AirFree打翻,我立即嚇一跳,以為AirFree入面的「液體」會倒瀉,會整親Bubebu!嚇到我衝埋去抱走Bubebu,因為AirFree入面的操作溫度高達200度!點知只係虛驚一場,根本就沒有任何液體流出來,輕輕執翻起部機,放回原位,已經冇事!真係夠晒安全!
睇埋部機的解剖圖,就知道部機入面設計幾簡潔,絕對係讓空氣自出自入,殺菌同製造一個無菌空間!

————————————————————————————————————————————-
本週《MORE》專欄精采內容:
健康整腸瘦身大計
皮膚又黃又暗、身體肥腫難分我今次分享從內在調理入手!我一向很著重「痾得好、身體好、皮膚好!」尤其是我食量慣性驚人,有入必須有出,務必盡力達標。我曾試過眾多方法,樂於與大家分享有效方案!
詳情請留意今期《MORE》雜誌內我的專欄

沒有留言:

發佈留言

注意:只有此網誌的成員可以留言。