2013年2月13日星期三

新年即將澳門之行......

恭祝大家身體健康、愈嚟愈靚、事業愛情皆得意!

今個新年我與以往一樣,並無出外去旅行,因為我及身邊人工作性質較彈性,可隨意在非繁忙日子才計劃旅行,而且新年留港可以陪家人周圍拜年,做個孝順女嘛!

之不過,亦與一班好友們安排了一個短trip,就是將於初七及初八到澳門行大運兼宿一宵,今趟不單止難於訂房間,住得好D,價錢亦足以等同平日飛去台灣啊!不過,能夠近廿個朋友一齊去玩去食去狂歡,乜都值得!

我喜歡周圍揾好嘢食,相信有like我FB page嘅都知道唔少好去處,其實就連我的朋友們也瘋狂愛吃!故此個Sat澳門之行早有準備,提前訂位,其中一家是位於氹仔北帝廟側巷仔的"Antonio"......
乃是甚有水準的葡國餐館,開業六年曾多次獲獎,如曾被GieleGuide選為亞洲最佳食肆之一,也曾被米芝蓮推介為最佳澳門葡國餐館三家之一.......好期待品嚐鎮店的白酒蒜蓉炒澳門蜆,及招牌葡國海鮮燴飯呀!聽聞,連麵包都烤得外皮香脆內裏軟綿喎.......諗起就想食喇!

仲有每次去澳門必幾盒的Lucky cookies---
澳門樂宮餐廳餅店出品嘅曲奇......入口勁鬆化,牛油味勁香濃,每次開罐,起碼食十塊至忍到停囗囉........好有罪惡感,呵呵!
可惜而家只有合桃及腰果曲奇,以前有我摯愛的開心果㗎,唔知點解唔再出品呢?

大家若有澳門心水推介,請不妨告知啊!
———————–
本週《MORE》專欄精采內容:
2013 我的十大奇蹟面霜〈下〉
網上一直留傳「世界十大頂級面霜」名單,被譽為深受荷李活星、名緩名人寵愛,以至全球愛美女士夢寐以求重拾青春的護膚品;共通點是擁有一瓶就能夠對抗歲月摧殘,無須層層疊N款修護品,是成熟肌的「皮膚救命霜」啊!
「我的十大奇蹟面霜」誰屬!詳情請留意今期《MORE》雜誌內我的專欄。

1 則留言:

注意:只有此網誌的成員可以留言。